富臨漁港 (已結業)

见天气凉左，就同屋企人去打边炉。一直都有有系呢间野饮茶食晚饭，一路都相安无事。但系今日去，简直要话系差到极既体验。话说佢地集团做紧4日同行1人免费，甘我地今日就去打边炉。一坐低已觉出事，我地张台，跟本就系比隔离台系用紧，有成大盅汤放左系我地到，但系叫极都无人放番系隔离台个到。好，本身门口带位个位呀姐话，张coupon系我地落第1次order个阵比佢地就得，甘我地就好快甘画左我地想食既野之后，就连埋张Coupon比左1位年轻既waiter. 佢亦有即场系我地张单上面写“有卷= 有coupon"2 分钟后，突然有位老D既waiter,攞住一大答人地想落既打边炉单，成答单好大力甘掟系我台面话” 边个话你有4送1优惠！你张卷呢？无人话我知你有！你做0羊话你有4送1“！！ 我当场超兴！！我叫个个后生waiter 埋黎当面对质，个waiter都话”系呀！有卷呀！头先有夹到比你“， 跟住个老既就系到话”边有呀，你几时有比，跟本就无“ 佢仲要用非常差既眼神bear 住我， 无错！系BEAR住！！！点知，个后生既，望到系个个老既行黎途中条路上有我地张coupon! 个老既见到，知自己错，就啦啦临去领起张coupon 即刻走左去，一句对唔住都无讲！！！我J刻好大声甘闹佢：”甘依家你话我知有定无，点解你可以甘无礼貌！”但系佢都系照行开激到我。讲返食物，今日叫左肥牛，鸡片，猪爽肉，豆腐，鱼饺，鱼蛋，墨丸，绍菜，唐HOLE，唐生菜，乌冬，冬菇，贡丸，云吞，蟹柳。食物讲真系唔错，新鲜而且每次切出黎份量都好够，except 肥牛，一份得个3片，未免太小器啦，一系就唔好写任食。 “牛阵” D肉都多佢成倍！！汤底就叫坐鸳鸯汤底，OK，无0羊特别。不过顺带1提系 ，佢有好多野系无既，但系你填左4 次，佢都唔会话你听无，净系唔到D食物，呢个真系唔系好得。同埋佢唔跟你填既份量，好似我写1份，佢就黎2份，我写两份，佢就黎1份。就算D野食同新装修有几好，D服务态度甘差，真系以后都唔会再去。閙客人既餐厅，如你真系EQ够高，不妨挑战！唔驶钱都唔会再去。…查看更多

庆祝好友生日,今晚黎左呢度食晚饭,早几日已订位,订位时讲明12位,但去到佢俾我地张枱系10枱,坐得有d逼:(!大约晚上7:30我地9大3小陆续到齐,今次黎其中一个目的系想食大闸蟹!好,人齐开始点菜,我地点左以下的食物:1. 小食:卤水掌翼(味道一般),高山耳拍青瓜(高山耳份量较少,青瓜好爽口)2. 五指毛桃炖竹丝鸡(例汤:()3. 清蒸燕班(鱼新鲜,但太细条)4. 蒜茸蒸元贝&圣子皇(大只,好的粉丝,好味)5. 龙虾伊面(特价野,叫多2份,龙虾预左少,但原来伊面都好少)6. 大闸蟹(一般)7. 竹笙罗汉上素(份量少,多献)8. 金银蛋浸菜苗(味道一般,份量较少)9. 寿包(蒸笼冻,包微暖,包硬,不能入口)…查看更多

唉 今日系父亲节 本来谂住去其他酒楼到食 可惜无book到位 所以焗住要食呢间.. 本来以为食得贵可能啲料会好d 但系点知份量少 味道吾太好 服务仲差 1300几蚊 食一餐真系吾抵芝士龙虾焗伊面 得个几条伊面龙虾得啲壳 又无肉 叫经理换过佢情况都系一样 劲无奈咁食 之后个d都好少少 但系劲咸 份量又少 唉成餐饭食得劲吾开心 下次真系吾会去食..…查看更多

八号波忽然掩至，确实杀了我们一家一个措手不及。刚好住在附近的舅父仔骤然来访，说不如到家楼下的"富临"喝顿早茶吧。虽然已吃了点东西，但这暴风雨底下叹早茶的机会可是越来越少有，自然就要把握这次机缘了....茶客多是可以预料到的，但又未至于找个位置也不得要领。拿着点心纸(特别是有特价的)不断划啊划，感觉上好像今早从来没吃过东西似的....葱花炸両是舅父仔叫的。皮很薄且油条是出乎意料的香脆，有点吃头wor....古法马拉糕很松软，但吃不着蔗糖的那份清香:(，反而吃着的是那些发粉的"喇脷"感及一味的死甜....鸡包仔很足料，包身软熟，怪不得一向是朋友仔的心头好啦:)....看几枱邻桌叫炸春卷很像样，又叫一碟试下。皮够脆也flaky，肉馅塞得满满的，件头又够大，正式是"唔打得都睇得吓啦"....鲜虾荳苗饺相反就完全不对路 ---- 皮厚馅又少；虾肉只是碎碎湿湿的；菜又啄得不够细碎。吃至人"黐牙"，实在令人甚讨厌...牛肉质感淰pat pat，而且有梳打粉味:(，纵然有足够的香莤及马蹄粒作点缀，但又有何用呢 ?...珍珠鸡本是打包给帮工吃的，但忍不住偷吃了少许....哗....糯米硬得尤如在吃生米，已知很难吃下去了....想起对上一次的"暴风早茶"，应是十多年前的事吧。在此谢过舅父仔的请客了....…查看更多

小舅和女儿在外地回港，太座安排了饭局，四代人共二十人聚首一堂，一定很高兴，为方便两位最年长的不用舟车劳顿，太座于是选了在土瓜湾的「富临」，原来土瓜湾有两间「富临」，天各一方，少说步行也要三十分钟，结果有一半人去这间，一半人去错了另一间，包括过了九龙区便变得懵盛盛的我和小妮子。看看时辰钟，已是八时多，先到的太座为我们的迟到大发嗲嗔也无补于事，迟到好过无到，齐人便开饭最实际，原来太座已安排了一切，因席间有数名小孩，为免浪费食物，太座没有选择拟定好的酒席菜单，改点了所有特价推广菜式，以为平日持家克勤克俭，与她家人吃饭会阔绰些，原来也是一样，不得不赞她一句，节俭是美德，无论你是太公定是亚虱。因为人多，分了两张台，所点菜式全部乘二：海皇冬瓜盅 在夏天喝这个汤是消暑有益，数十元一个冬瓜盅，不能祈求有甚么好料，见到有假蟹柳当然不要惊讶，但最「新奇」的是冬瓜盅是没有底的，只得一圈瓜皮，远看倒可骗人。芝士焗龙虾伊面底 特价推广波士顿龙虾卖$38一只，每台可点两只，送芝士伊面底，这价钱的龙虾并不会怎么有睇头，肉质较「削」，芝士伊面煮得较糊口，芝士味浓而不香，但这样的收费，无投诉。脆奶菠萝生炒骨 过得去，酸甜度合口味，可送饭，但无惊喜。烧鹅皇半只 虽不是皮脆肉香，暖暖的烧味，也给我们这班食肉兽通通干掉。沙爹金菇肥牛煲 金菇配肥牛是中、日菜式都有的配搭，牛肉的肥油和沙爹的微辣正好为淡而无味的金菇抹上浓妆，老中青都喜欢吃。椒盐焗鲜鱿 鲜鱿上了厚厚的炸浆，炸得香脆，嫌椒盐味不够浓。椒丝腐乳通菜 对腐乳生厌恶，没有沾手。蒜蓉生菜 生菜新鲜，炒得够锅气。饭后没有甜品送，但有水果。喜欢人与人的沟通，喜欢一大班人的饭局，喜欢热闹，希望小舅多些回来，我们又可以搅多些饭局。…查看更多