影片
当我写紧呢篇食评果阵，富临信德中心店经已结业!佢系门外贴出告示，指因租约期满，营业至10月3日结业，并感谢各位贵客多年支持，又提意客人去集团最近嘅分店帮衬，包括富临联发商业中心店、富临湾仔店及金皇廷湾仔店!我之前都有成日帮衬富临信德中心店，因为富临集团旗下分店嘅食物、环境、服务、卫生各方面质素都唔错，而且价钱化算，令我对佢有信心!好可惜富临信德中心店结业，不过我都可以去同区嘅富临联发商业中心店!今次系我最后一次帮衬富临信德中心店，同样冇令我失望，质素保持水准同样唔错呀!味道方面，今次2个人叫咗几款点心、1碗极品烧鹅濑粉及1碗豉油鸡濑粉，味道皆唔错!食物包括1)极品烧鹅濑粉:烧鹅够入味够滑!濑粉分量多，几爽口!汤味讨好，咸淡适中!(2)豉油鸡濑粉:豉油鸡味道似普通切鸡!濑粉同样分量多，几爽口!汤味讨好，咸淡适中!(3)富临虾饺皇:虾饺嘅虾够新鲜同入味，虾饺皮都做得几够薄!(4)煎酿茄子:煎得几香口，鱼肉新鲜!(5)花姿炸云吞:花姿馅好好味!炸得够脆，油分多咗!(6)浓汤上海饺子:饺子馅落咗雪菜咸咗!汤味淡咗，味道讨好!环境方面，呢间富临都营业咗好多年，地方都较为残旧，佢嘅装修设计唔算豪华或者高雅!佢又冇引入电脑座位分配系统(电脑票、电视屏幕显示叫号及电脑声音叫号)、自动感应枧液机等先进设备!电视机又冇开比人睇，仲好残旧添!但系胜在呢个舖好大，又够直，又唔系身处于旧楼中，冇柱多、横梁多及楼底矮嘅问题，整体都坐得舒适嘅!服务方面，不过不失啦，大部分服务员做野勤快醒目!如果各个服务员有多D适当嘅笑容就好啦!卫生方面，碗碟算干净，地方企理，洗手间地下好湿!抵食方面，下午茶茶位$6、各款点心嘅价钱都大众化，算抵食架啦!整体来讲，各款点心价钱化算又多选择!至于食物、环境、服务、卫生各方面质素都唔错，直得回味啦!
继续阅读
有一晚我们一家三囗去食睌饭,我问门囗个位侍应我的小朋友两岁半需唔需要收茶钱,她说不需要,于是就入去食,叫埋单时我的咭--茶介上依然系写住两个人,到佢拎张单来时,我老公查单发觉茶介要收三个人钱,于是问佢点解会这样,佢就叫经理来,经理来到时就只系讲打错单,信用咭要照收呢个价,然后俾返九蚊我地,当时都觉得无所谓,但后来我老公同我讲佢地向后面讲-------------咁系咪十岁坐BB凳就唔收钱呀!!!!!!!!!!
继续阅读
8月8日，一行6人，为家人庆祝生日，带著蛋糕来到这里。侍应一见，不断推销名贵海鲜，甚么靑衣、东星、老虎斑等，最后选了豆腐炆龙趸尾，近四百元，不算太贵。连其他虾蟹菜共约八道菜。其他先上的菜也不算差，洒楼服务和食物水准本来ok。到了豆腐炆龙趸尾，一开盖热气腾腾，各人都分了一口，衹是鱼肉较细碎，味道较淡，鲜味尚可，心中有疑，拨开配料，一看那"龙趸尾"，水落石出，吩咐侍应召见经理。经理到来，我正在拍照，跟他说了些话，他也无话可说，最后这菜是取消了。喜庆心情顿减半，叫侍应上生日蛋糕，他就是把蛋糕连绑着的盒，原封不动的拿出来，不要说无插爉烛，义和碟也是再叫才来。
继续阅读
２个人去饭茶..一入到去无理我地最后都有个呀姐肯理我地我地叫左：棉花鸡（无乜味）：咖哩鱿鱼（几爽）：咖哩牛柏叶（几好味）：凤爪排骨饭好彩Ｄ食物唔太差整体ＯＫ!
继续阅读
个南瓜煎堆仔不知为何变咗大煎堆,本来见到个名我会以为,系煎堆仔里面有南瓜饀,但除了个体积大了之外连南瓜饀都唔系,我谂个名要揾人改一改(我见到个名会以为系煎堆仔里面有南瓜饀)不过由于新鲜出油锅,所以外脆内软也不失"烟靭"味道都唔差,不过我就食唔到有南瓜味,南瓜本来就味道唔多浓,所以佢放入面粉一齐磋,就根本出唔到南瓜味,特色煎肠粉,虾米肠一面煎到有少少焦,另一面唔煎,于是放入口里面就有两种口感,唔系乜嘢特别,不过我就真系未系第二到见过咁整小笼包,有两个有汁,有两个爆咗汁,味道就真系唔差,因为里面d肉唔肥,而且有肉香
继续阅读