影片
呢排啲天气劲唔稳定，依一刻落大雨，一个钟后，可以阳光普照，但转头。又再倒狗屎，所以，本来星期六、日喺行山日，但因此都唔敢约人。是日晌屋企食完晏昼饭，见出猛大阳，但一支公快闪由美孚经山路上长坑村、再经金山郊野公园过去鹰巢山，然后落返去李郑屋村。出咗身汗，劳动完毕，出返青山道随意揾间茶记「宾墟餐厅」叹个下午茶，兼凉凉冷气抖一抖。前前后后都试过唔少茶记、快餐店，以「宾墟」嘅防疫措施做得最多、最足，卡位之间嘅胶板间得够高，而中间嘅圆枱与圆枱之间直头成块胶帘隔鬼住，劲呀，有啲似入咗去实验室咁，哈哈。枱面栋咗成支消毒啫喱随你用，够晒大方。更放咗一大壶热水晌度，我嘅用法喺，用嚟消毒啲餐具大过用嚟饮。而餐具，一如好多茶记，就放咗晌枱侧嘅「机关」柜桶，老实讲，咁样放啲餐具，卫生就唔多卫生架啦，因为你唔知上手被咩人摸过，都有唔少无品嘅香港人喜欢乱摸，所以，唯有自己做多一步。依家好多餐厅都有做外卖生意，疫情之下更成为主要收入来，一次过扫描晒成张外卖单张，就睇晒餐厅基本有啲咩食。晌门面，更见到佢为促销啲外卖生意，更推啲半价优惠。菠萝油餐 $24初时我以为「冰镇」菠萝油喺某某某茶记嘅新玩法，原本食吓食吓都有唔少茶记喺咁，之前晌「红城粉面」、「红茶冰室」都遇过，今次晌「宾墟」亦喺咁，餐牌就无写，但嚟到件牛油喺冰锁住另上。件牛油都几厚身，夹落微暖嘅菠萝包，一口咬落去，牛油嘅油滑口感几OK，包身都好软熟，喺「菠萝面」唔得，未够脆。热奶茶菠萝油，点都喺衬热奶茶先夹，首先色泽好对办，够晒深褐色，入口茶底颇醇厚，有奶香，口感亦算喺顺滑。临尾加点题外话，上述嘅行山路线小弟行过好多遍，由于近排成日落雨，我都喺第一次见到九龙水塘满到泻，要「泄洪」；另外，去到鹰巢山一边，又可以饱览西九龙一带。以大街位置，地铺，份菠萝油餐只卖$24，算喺好平。其实，由荔枝角到深水埗，沿住条青山道行，会有好多茶记，不过，小弟就未有志向话要试匀晒每间茶记嘅菠萝油，但有机会嘅话，总想多试几家比较吓。
继续阅读
今日行经长沙湾，见到餐厅出面小菜都好抵食唔想煮饭就跟老公撑枱脚先来一碗热汤暖胃，菜干猪骨汤，菜干都多，而且煲得软身，汤量都多而且够味道。莲藕冬菇腩肉煲，呢个煲热辣辣上枱，南乳汁甜左少少，莲藕好味，不太硬，冬菇大件入味又唔错，欣赏他的腩肉，皮脂均匀，切得岩岩好，一口一件唔错xo 酱西兰花炒猪颈肉，望落去好似好少，应该碟太大，其实粉量都好够，xo 酱少少辣，西兰花无炒到好黄，绿油油都唔错，亦吸晒酱汁，猪颈肉切丝，如果切得厚的就更好，碎了些。饭都足够，有圆拱形，只是我挂住食，食到一半影相，饭都软熟今次柠水，杏霜，呢只杯好保温
继续阅读
位于长沙湾幸福商场内的宾墟餐厅，是一家老式的茶餐厅，环境有点旧及脏，店员均有点年纪午餐5个选择只剩4个，便选了茄酱猪扒炸春卷意粉，而跟餐会送例汤及饮品，我再加了港币3元转了冻奶茶上餐后一看，意粉非常干身，茄酱只有一点点猪扒一吃便知是急冻很久的，有雪藏味而且没什么猪味最让人奇怪的是加上春卷，还要应该是买回来的那种非常没有诚意另外跟餐例汤很咸而冻奶茶忘了说少冰，换来的是半杯冰整体感觉很差，应该不会重来
继续阅读
千祈唔好试特色喇沙汤底，试咗你一定会好后悔咖!超难食！😑唔识形容……喇沙我食得多，真系未食过咁怪味嘅。个以前𠮶只白咖哩差咗9条街，而家唔知无咗白咖哩就转咗呢只怪味喇沙。我初初试咗一次以经觉得好难食，谂住新出厨房可能未 掌握到唔识煮谂住过一排再试下点知又系咁难食,不过讲返宾墟其他都几好嘅，总之呢个特色喇沙汤底 千祈唔好事。
继续阅读
去完母校为师弟妹们的伟大活动打气后在长沙湾找早餐吃，这家店都开了很多年，于是试下。叫了最常见的沙爹牛肉面早餐。只有炒蛋没有火腿、肠等有点失望。不过沙爹牛肉面几有惊喜。沙爹够味，汤底鲜甜。牛肉也有咬口和有肉味。最好是有条菜，感觉丰富一点，也补充营养。叫了茶走，炼奶份量足够，色水好看。茶应该都几浓，开始未搅匀，一啖饮下去很浓。不过不算特别香。炒蛋较多油，没味，可以加点盐和胡椒粉，或者用沙爹汤底浸一浸再吃。
继续阅读