影片
【屯门区】【家面馆】今次又入到嚟屯门同大家一齐揾啲唔系好起眼嘅餐厅嚟食，今次嚟到呢间小店，一入去就见到系家庭式经营，好似一家大细男女老幼都齐晒咁。个侍应应该系老板娘嚟，见佢一边招待客人，一边带住小朋友做功课，都几吃力。我即刻睇睇佢哋餐厅嘅 社交平台，不出所料，原来系「由两公婆艰苦经营」，仲话「虽然不会有饱饭食，但面就一定食饱你」，不过我又唔系好想食面。睇开我呢度都知我最常食啲垃杂嘢，咁佢呢度都几多小食㖞，掂呀。首先整个下午茶餐先啦，用咗 $43 整咗份「牛扒配西多半件」，饮「冻奶茶」，牛扒都系啲茶记扒，不过有得配西多几好。西多士虽然系半块方包，但系有搽花生酱，食落算系吊到铺西多瘾而又唔会太腻咁，感觉唔错。杯冻奶茶正常，就帮手由头带到尾做餐饮，等我放心食小食，首先用 $10 要咗「糖心蛋」一只，整体 okay 略嫌有啲冻。之后 $19 嘅「肠仔奄列」挽回咗好多分数，只蛋整得几好，里面生生哋，肠仔粒又够惹味，成件事几好。既然食开就唔好停，整份 $38 嘅「一口芝士」六粒，炸得唔错，唔会炸得太多，做到外脆内软。之后用 $28 叫埋「盐烧秋刀鱼一条」，同上次喺秋田日本料理唔同，呢度切开咗两边咁上，味道上都几好，做到唔错嘅性价比。咁样夹夹埋埋食咗 $138，而我喺呢间面馆系一注面都冇落过肚，留待大家发掘。我都系为咗试多啲嘢先咁样食法，正常食系唔使咁贵嘅。佢哋呢度家庭式经营，服务好好，啲「唔该」、「多谢」冇少到，值得一赞。。。（地址：屯门清河坊丽宝商场地下56号）
继续阅读
系屯门区长大既我由细就已经食过好多间唔同既食店而呢一间咁岩都系我路过咁岩见到个餐牌既食物吸引到仲有店员热情既招待而入左去好快睇哂所有既餐牌第一碟系黎左个干炒牛河见到色方面无问题而且都唔会太干而难入口一开头系面果啲无咩问题但点知食落底就觉得好有炒㶶咗嘅味令到成碟野好难入口食哂都系要格硬食唔想浪费到第二个就系猪扒拉面佢写住喺推荐食客叫既咁但系试左个汤系类似普通食面既鸡汤底无咩特别，到食落个面就真系麻麻地个口感似系又淋又唔系好弹菜谱真系唔得，完全摆唔到入口只流心蛋都系好普通，做唔到甜甜地嘅效果猪扒系好似普通茶餐厅嘅猪扒，都尚可接著最后黎到既系鸡翼系呢个真系值得一赞佢既蜜糖令到鸡翼不失水份鸡翼皮够脆唔会好干而且甜甜地就算七味有点辣都会被蜜糖冲淡整体而言店员既热情招待系有礼貌加分但系食物质素方面真系有待进步
继续阅读
午餐时间，在置乐找寻美食。经过看到这间 家面馆，食物选择多，价钱相宜，而且有很多客人光顾，心想是「实无死」的餐厅。无论是店外店内都坐满客人，学生客人比较多，幸好还有一张两人桌，令我对食物十分期待。(客人刚走即刻影一张😂)椅子稍为有些硬！不能坐太久，会累😂-这两张餐牌是我们点食物的那两张，我们都点了「推介」「必食」的食物！食物价钱都是大约$40-$60，大多数都是$40几蚊，不算贵~饮品好快就送到(热饮不用加钱)食物终于来了，外貌不错，餐具有日式的感觉🇯🇵首先这碗喇沙切鸡米线$46，一来到觉得颜色有点太偏黄，闻落去也没有喇沙的味道，不过切鸡数量多，有葱和粟米，足料👍🏻不过味道方面就有点逊色......切鸡虽然多，但很硬哦，不滑，好像在吃柴......至于汤底就更差，不说有没有喇沙味道，是一点味道也没有哦认真吃会吃得出小小椰奶味道，但这真的是喇沙味道吗？有点失望另外米线是属于粗又易断的那种，很林。食食下觉得似鸡油汤多过喇沙至于朋友这个茄汁猪扒意粉，味道是ok的，只是茄汁稍为有点稀，不是酱的感觉。招牌猪扒也不是很招牌的感觉，正常，没有甚么特别！不过朋友说了一句话令我思考了一会儿。「真的像我们在家吃的感觉。」突然才想起这间餐厅叫「家面馆」呀，完全就是店铺想要营造的感觉～𣎴过我们点的两样真的不是「推介」「必食」的食物，如果是，那么其他的......
继续阅读
亲民价钱！高质食物！良心店铺家面馆！我地住系屯门都廿几年了…真系好多地方都食过哂..食到咀都wer…加上假日唔想去市中心都人迫..所以就近近地系置乐开餐吧！带佢对仔女..同婆婆一行四人..真系唔多选择..同小朋友食饭..要干净..要baby friendly..有d地方真系唔多like小朋友架..觉得你食得慢阻住哂..la…唉..行行睇见到呢间家面馆门口有几个小朋友系度玩得好开心..仔仔又跟住一齐玩！咁开心就食呢度啦！原来门口既小朋友系老板女女！佢地仲同俾玩具我仔玩添！好好人喔！呢度选择都几多！有好多小食蜜味鸡翼、扇贝、烧茄子、口水鸡等等！饭面都好多选择！我地叫左干炒牛河同猪软骨拉面！大约五分钟就上台！快！靓！正！干炒牛河唔会太干！牛肉够入味！最惊喜系个猪软骨拉面配菜超足料！粟米、海带、荀、流心蛋！全部都系我至爱！猪软骨够入味同林！入口即溶！好好味喔！总括：环境干净企理！老板都有小朋友所以超级baby friendly！食物高质！价钱亲民！我会再来的
继续阅读
置乐呢边食店唔多，我地食黎食去果几间，间中都想试下其他野，但又怕唔好食会揼心。今日本身都系食番附近果间饺子店，点知去到冇乜位，我地转呔黎左旁边嘅面店。一睇就知系家庭式经营，帮衬嘅都系以熟客为主。餐牌都系以茶餐厅食到嘅为主，定价合理。我地见入座时啱啱过左下午茶时间少少，问左老板娘一声，佢话冇问题，俾我地照点下午茶。先唔好讲味道，单系呢一点，就唔系连锁餐厅可以做到了。一人点左个面食，因为当日突然好想食辛辣面，而家都唔系好多茶记可以加钱食架，大部分都好少供应呢个选择。基本上煮面冇乜难度，食到系真嘅辛辣面，冇煮到腍哂，我地已经满意。肠蛋辛辣面肠仔餐肉辛辣面麻辣口水鸡 $28见价钱唔系太贵，都点左份小食试下。口水鸡份量一般，鸡肉唔多，以骨位为主，不过麻辣味道都几突出。餐牌：
继续阅读