家後

营业中

休息中

約了友人食飯，想平平地食，友人推介深水埗有間手工餃子店幾正，仲要有芝士蛋糕食!咁特別去一試。平日晚上7點幾多去到已經好多人等位，果然受歡迎!等左差不多半個鐘有位。小小的店子，裝潢簡約。餐牌，有8款口味的餃子，係等位時已揀左4款開心Share。檸賓，跟餐+$6，大熱天時整杯檸賓，爽呀!湯餃(8隻)，40。要了雲耳椰菜豬肉餃及香菇粟米雞肉餃，餃子大粒飽滿，皮薄內餡足料，香菇粟米雞肉，味道鮮甜肉柔嫩，雲耳椰菜豬肉餃，口感清爽肉質鮮味，餃子好味，仲要配靚湯，個湯底係赤小豆粉葛湯，有湯水飲實在太正，健康又好飲。煎餃(8隻)，44，韭菜豬肉餃及洋葱豬肉餃，外皮薄口感香脆，韭菜豬肉餃，餡料豐富又香口，洋葱豬肉餃，洋葱爽口又惹味，好味。日式手作芝士蛋糕，$30，人氣之一必試下，據聞係日籍老闆娘製作的甜品，巴斯克芝士蛋糕，入口軟滑，有濃厚的芝士味，好味!餃子好味，煎餃及湯餃都十分出色，個人比較上鐘意煎餃，芝士蛋糕都好食，服務幾好，老闆都好nice(見幾多街坊客幫襯)，下次有機要再戰。

星期五晚同朋友食晚餐，因為唔太肚餓。 因為選擇左食餃子當晚餐。家後一直都係人氣餃子店。 所以七點到都等左30分鐘先有位。叫左雲耳椰菜豬肉湯餃、香菇粟米雞肉湯餃、日本飯團🍙及開心果芝士蛋糕。❇️雲耳椰菜豬肉湯餃❇️香菇粟米雞肉湯餃餃子每一隻都好足料、脹卜卜，內餡豐富，餃子皮厚薄適中。湯底是粉葛赤小豆湯，好有家的味道，冇味精。另外有任食菜脯，少少辣，都幾好食。❇️日本飯團🍙好日本既味道，我同朋友都覺得好好食。如果大舊啲會更好。 ❇️開心果芝士蛋糕芝士味足夠，開心果味濃，十分好食！係好好食既芝士蛋糕。下次想試佢既其他味。🐻‍❄️總結：職員態度有禮，芝士蛋糕係必食！🐻‍❄️

一間細細得鋪頭，但係遲或者飯點要排隊，仲有好多人等緊外賣，真係好誇張，食左就知點解了，芫茜豬肉餃（煎），芫茜嘅香味好濃郁，同豬肉嘅香濃味道結合得好啱，食落就有種清新嘅感覺，好惹味！無論煎定灼餃，個芫茜味都好重，芫茜愛好者必食；日式原味手作芝士蛋糕，蛋糕質地好軟綿，芝士味道又香又濃郁，真係超級好味！同一舊芝士蛋糕都可以試到唔同嘅熟度，由軟身到硬身，一次滿足。

一間在深水埗人氣很高的餃子店，看到有雞肉餃子特意前來一試，可惜並不符合期望。撇除食物質素，餐廳衛生環境惡劣。用餐後前往餐廳廁所，是比大陸更污糟更不堪入目的踎廁。隨後目睹員工就在這條通往廁所的狹窄通道，沒有戴手套和口罩的情況下包餃子。雖然餐廳賣點是手工餃子和家的感覺，不過基本的衛生還是要有吧。.🥗 香菇粟米雞肉餃套餐 $58套餐包括八隻湯餃、一碗湯麵及飲品。✿ 湯麵 — 菠菜麵與菠菜扯不上關係，只是綠色的鹼水麵，麵條薄身，沒有口感。湯底用上清豬骨湯，配有一條生菜。✿ 香菇粟米雞肉餃子餃子瘦削不飽滿，有頗多椰菜和粟米、少量香菇、極少雞肉成份。加入了椰菜和粟米，吃起來有口感，不過餡料調味極為普通，偏鹹，也沒有肉汁。餃子皮中規中矩，不算厚也不算薄。湯底用上蓮藕粉葛豬骨湯，配有一條生菜。.由於餃子只含有極少量雞肉成份，蛋白質不足夠。餃子皮加上麵食，碳水量太多。纖維方面，餃子中包含椰菜、香菇等蔬菜，還有兩條生菜。.健康評分：2/5性價比：3/5.家後 (深水埗)深水埗基隆街211號地舖

落雨天☔️決定去試一下《家後》這家自家製餃子店，本以為這家店成名已久，應該可以不用排隊，但我還是太天真了😂，買外賣都等了20分鐘左右，到店覓食的人絡繹不斷，疫情中能這麼熱鬧的店應該不多了1. 韭菜豬肉煎餃自家製的餃子非常美味，入口吃不到一般餃子店賣的味精味，調味對我來說剛剛好，還可以選煎或湯餃。今天只嚐了韭菜豬肉味，下次一定要試試洋蔥豬肉和芫荽豬肉味😋❤️❤️❤️❤️❤️2. 五香牛腩米線牛腩份量足，挺香，米線有口感，沒有煮過頭，不能說非常的驚艷❤️❤️❤️3. 開心果巴洛克芝士蛋糕非常creamy，看圖就知道了，都黏著包裝紙了😋😋芝士味足夠，開心果味濃，我真的好愛開心果味的甜品，這個蛋糕完全滿足我對開心果芝士蛋糕的想像❤️❤️❤️❤️❤️這家平民美食完全做到價廉物美，難怪能成為長期排隊店😋，有空路過一定再encore！

店仔細細, 比較逼, 但服務態度好雲耳椰菜豬肉湯餃餃子脹卜卜, 好足料,  餃子皮厚薄適中. 湯底好好味, 湯底是粉葛赤小豆湯, 唔係一般既味精湯辣菜脯 係精華所在, 又爽又少少辣, 配湯餃非常好.炸小雲吞 都唔錯, 脆卜卜芫茜豬肉煎餃芫茜控朋友話 芫茜份量足, 又唔會搶左豬肉味.而且隻隻都煎得好靚,

以前去親深水埗，一定會去呢間，食餃子，飲靚湯。 但而家請咗兩個姐姐好冇禮貌。坐低食緊嘢嘅時候，先order咗個開心果蛋糕一件攞走，後來發覺屋企人原來喜歡原味，於是在訂多件原味，個姐姐啫一聲，下次話要講清楚。 心諗又唔係叫佢換蛋糕，買多件，都要俾說話你聽。 走之前再訂餃子，兩盒生餃子，一盒一款味道，經過洗手間前，見到執緊餃子，問可唔可以每邊五隻唔同味道？ 執餃子嘅姐姐，話可以。 然後放咗喺出邊。門口嗰兩個姐姐，知道一盒餃子每樣五隻兩款味道，就唔高興，破壞規矩。話唔可以咁做，但係又唔直接同我哋講，兩個唱雙簧，你一言我一語，喺度話唔可以咁做㗎，特登講說話俾我哋聽。 而家咁嘅服務態度態，係咪真係要反省吓呢？以後都唔會去呢一間舖食嘢。深水埗亦都有好多美食。可惜請着唔好嘅員工 🤪🤪🤪

🥟/呢間應該出名到唔洗介紹🤣係未咁紅之前已經試過，好欣賞佢地專注做想做既事🫶🏽即使紅咗依然keep住嗰味道👍雖然家後2.0食物質素俾人踩得好勁，但始終仲未去過新舖試😹我通常黎都係叫湯餃，事關好鐘意佢既粉葛湯，絕對係屋企嘅味道😆Set A : 湯餃 $38/ 8 隻Set B : 煎餃 $42/ 8隻+ $16可轉套餐✔️（ 下面三揀一）——————————————————1️⃣配豬骨湯上海麵 2️⃣配日本飯團一個3️⃣ 配麻辣/滷水雞翼兩隻💟洋蔥豬肉煎餃 呢個最推介🙆🏻‍♀️紫洋蔥好香口，而且入面仲鎖到好多汁😆🌟洋蔥豬肉湯餃雖然無煎餃咁出色，但會無咁熱氣同埋食到洋蔥嘅甜味🤣🌟芫荽豬肉湯餃呢個第一次試，估唔到都好正，如果鍾意芫荽嘅朋友一定大愛😍佢係勁香荽味，唔係有渣嗰種😎🌟香菇粟米雞肉&雲耳椰菜豬肉呢兩款都係大路嘢，都好難會唔好食😗⭐️麻辣雞翼佢本身已經醃得好夠味，再加上辣汁，呢種有少少後勁😌次次嚟都忍唔住要叫😆⭐️波菜麵出面都唔算多餃子舖係有呢款麵食，通常都係上海麵多，配佢既辣油食好正😆——————————————————重頭戲：✨ 手作芝士蛋糕 $28/件絕對可以開一間專門嘅芝士蛋糕🤣無講大話真係😹好s

Bookmark咗呢間餃子好耐啦😫終於都食到!🤣見IG個個都大讚講到好正咁一於試下系咪真系咁有料😎確實系幾人氣 餐廳坐滿仲要等位 我哋都等咗一陣~環境唔算好大 張枱仲有啲黐立立😅但服務態度好好!呢點好抵讚😚有個叔叔好勁咁估到史努比同人系share食🤣主動問我哋要唔要碗 見到史努比影相又提煎餃要快啲食如果唔系就唔脆😂感覺好sweet🥰👍🏿雲耳椰菜豬肉湯餃(8隻) $40湯底系赤小豆粉葛湯 飲落清甜順喉😚好有屋企煲湯feel好肯定冇任何msg👍🏿媽媽👩🏻飲落都話唔口乾餃皮厚薄適中 唔會煮到淋晒 依然帶少少煙韌口感👍🏿餃子包到脹卜卜 好足料!食到明顯嘅豬肉鮮甜😚仲有啲肉汁~加入大量嘅蔬菜爽脆得嚟清甜自然調味唔會太重 令人食得舒服🤭湯餃同樣出色!味道: 9/10性價比: 9/10👍🏿洋蔥豬肉煎餃(8隻) $44本身仲擔心洋蔥會唔會同餃子唔夾 到最後完全冇呢個問題🤭煎得啱啱好 唔會煎到過晒龍變到好似炸餃咁🤣底部又薄又香脆🤪而另一面保留餃皮煙韌口感😚食落唔會話好淋油👍🏿睇落餡唔系好多 但其實落足料只系因為洋蔥煮熟咗會縮水所以餃子望落扁身啲🤣洋蔥仲keep到爽脆 帶少少甜味~豬肉肥瘦適中 調味恰當

🥟下午六點抵達店門，已初現人龍；門前掛著紙和筆，可以自行登記人數和姓名 。🥟登記時還見到一張小告示，大概意思是「如果只吃餃子和芝士蛋糕，可以去家後2.0。」嘩！兩間舖，堅呀！🥟我點了湯餃，湯底是粉葛赤小豆湯，有點喜出望外 。🥟還點了個「家後鮮腸羹」，點餐時阿姐問我們「食過未㗎？」原來事先給我們心理準備，豬腸有韌度 ；送餐時還叮囑我們一句「慢慢𡁻」 😅🥟每口豬腸𡁻它百零二百下，極之享受；羹很有圍村風味 ，好吃！🥟下次試芝士蛋糕 。

姊妹同我食生日飯，食呢間想試既店～食左韮菜豬肉水湯餃，白菜豬肉煎餃，炸小雲吞，滷水雞翼，原味同開心果芝士蛋糕～湯餃好好味，最正係d湯，我地都飲清晒～滷水雞翼色澤唔太深色，但都好入味，而且雞翼都大隻～炸小雲吞都好味，脆卜卜，如果多少少肉仲好～ (但到時可能就要改名做大雲吞囉～XD)芝士蛋糕好正，好彩姊妹一坐底就order留左，唔係都無得食，我鐘意開心果味多d，但姊妹就鐘意原味～ 本來想要多個外賣，可惜已經賣晒，無晒貨～白菜豬肉煎餃都ok，煎果邊好脆，入面都枲留到肉汁，不過我覺得都係湯餃正d囉～

星期六途經深水埗諗唔到食乜。。。之前又有朋友提及過這間店的餃子和芝士蛋糕很不錯，所以便來試試。。。到店。。。看到很多人在等位。。。可能星期六特別多人。。。我應該也等了20mins.......才有位。。。😅😅😅我點了洋蔥豬肉煎餃和雲耳椰菜豬肉煎餃。。。餃子皮薄。。。因是即叫即煎，所以都外脆內軟。。。洋蔥餃的洋蔥非常甜。。。雲耳餃就偏爽脆。。。味道都不錯。。。😋😋😋最後，我還點了個開心果芝士蛋糕。。。開心果芝士蛋糕非常搶手。。。遲點去應該也賣光光。。。😂😂😂開心果味芝士蛋糕 texture 不錯，開心果味都濃。。。但我只是額嫌甜了一點。。。😅😅😅但總括這個價錢也算不俗。。。性價比高。。。可以再來。。。😁😁😁

家後位於深水埗舊區，主打手工餃子和日式巴斯克蛋糕，走家庭式風格🏠附近環境不算太舒適整潔，因為隔離大排檔嘅煙味會吹入店鋪🤦‍♀️；家後裝修平凡，座位唔算太多，繁忙時間要等位<洋蔥豬肉湯餃> $38/8隻 <芫茜豬肉煎餃> $42/8隻<原味日式手作蛋糕> $28 湯餃湯底係真材實料嘅粉葛湯落，鮮甜無味精，有住家味👍👍👍，可惜同餃子不太夾😂餃子係正常size，絕對唔係餃子屋嘅巨型餃😂😂😂。皮厚薄適中而不易爛，內餡豐富，但味道就偏淡，未去到好juicy好好驚艷🤢。煎餃比湯餃好食，煎到外皮金黃，香口脆邊烘底👍。另外有任食菜脯，少少辣。餃子我覺得一般般😅，反而手作蛋糕有驚喜😂蛋糕係巴斯克蛋糕，芝士味濃，軟綿滑溜，亦唔會太甜。係滑溜但未去到流心嘅巴斯克蛋糕😊價錢都唔貴，讚👍👍👍

📍家後深水埗基隆街211號地舖🥟韭菜豬肉餃 (煎餃, 8隻) $42-配🍙日本飯糰, 凍豆漿 +$16🥟🍜湯餃麵 (雲耳椰菜豬肉餃, 6隻) $42🌶🍗麻辣雞翼 (4隻) $27🥃🧀日式手作芝士蛋糕 (冧酒提子) $28/件廿四孝女朋友今日收工又陪我去食餃子啦😍計番上次食原來已經接近一年，嗰陣同女朋友都未一齊🤣🤣由於我對家後既餃子🥟同芝士蛋糕🧀都念念不忘，所以期望好高🥺但結果家後都冇令我失望呀😆😆 韭菜豬肉煎餃真係好好食！🤤咁薄皮既餃子要煎得咁香脆都唔容易，但上碟見到隻隻都煎得好靚仔😍雲耳椰菜豬肉湯餃都好好食， 每啖都食到豬肉、椰菜同雲耳，滑得黎又有啲爽口😋而麻辣雞翼都唔錯，但同我地想像中有啲出入，辣多過麻，而且對食開譚仔十小辣既我地黎講辣左小小🤣如果再麻啲應該會好食啲😆最後緊係要食埋甜品啦，佢地既芝士蛋糕真係好好食，不過係自家製，所以係限量架🤭食唔食到就睇你好唔好彩啦🤣#bunnytummy_九龍#bunnytummy_深水埗#bunnytummy_餃子#homey_dumpling#香港foodie #食好西 #香港美食 #hkfoodblogger#hkfoodie #hkig

今日去深水埗就去試下家後啦，平日去都好多人等位，等左15分鐘到啦，叫左個大腸羹好有家鄉味道，洋蔥同椰菜煎餃，好脆好食，好好彩試到個開心果芝士蛋糕，真係最正最好味！啲姐姐既服務都好好. 推介👍🏻