家後

营业中

休息中

早前到過此店堂食(嗰次堂食無影到相)，食過煎餃同湯餃都唔錯，反而肉丸幾特別，出面無食過呢種味。跟餃的湯底係粉葛湯有很多湯渣(應該沒有味精)。飯後甜品：芝士蛋糕叫完一件又再encore多一件。店舖環境：要讚一下，一坐底覺得環境乾淨，尤其是啲調味樽，係無痴笠笠嘅感覺架！=========================其實此帖是早前生日想不到買什麼蛋糕，想起此店的芝士蛋糕很好味，就預訂了一個(提前幾日預訂有九折)。這個應該是巴斯克乳酪芝士蛋糕，是店家自製的。店主很有心，還送了一個超高質亞加力膠生日牌，我會好好保存循環再用🙈真係好好味 😭 好香芝士味， 好實正，食一件都幾飽架 (雖然知道自己整也好容易，但係我懶丫嘛🤪)雖然地點不算就腳，但難得有好味有心的小店實在要幫襯

上網見人推介的，賣相不錯，見價錢相宜就去試試佢😂結果無令我失望！好鐘意小店的用心和真材實料，下次去開深水埗都會推介俾朋友啊🥰洋蔥豬肉餃$40（8隻）煎係我見過煎得最靚嘅餃子🙈，應該係用煎炸的方式，金黃嘅部分好平均，餃子咬落有些少肉汁。老闆見我地上左一陣都未食就提我快d食，話等多陣就吾脆架啦。老闆仲話佢地係即叫即煎的，就算係叫外賣都係會等外賣員到左先煎嘅，等到客人攞番屋企仲脆卜卜，好有誠意 啊，respect👊🏻雲耳椰菜豬肉餃$36（8隻）湯一上桌真係o左，湯餃個湯有花生，蓮藕，時菜，飲落原全係啊媽煲嘅湯😂，好難得湯餃個湯甘高質，可以全碗飲曬😚。餃子依然有水準！家後鮮大腸羹 $35本身以為是台式麵線，上枱原來係白雪雪嘅，呢到嘅大腸都吾係坊間滷大湯，而係冇經後製嘅煙韌豬大腸（我都係第一次見大腸原本個樣）。湯羹好足料，有很多豬大腸，雞絲，木耳絲，豆腐，豬紅。食到最後都仲有，重點係每日新鮮製作，好想返去再食🤣！小店好溫馨，啊姐會主動問你要吾要辣菜脯，食食吓老闆又會問你好唔好食😂，我答佢話大腸羹好好味下次要帶朋友黎，老闆竟然叫我吾好介紹呢個❗️🤔🤔😂，話真係有人食吾慣呢款（𡁻下𡁻下的豬大腸），會

間舖仔細細，但都裝修雅緻舒服，主打家的感覺既住家食物：日式住家飯團飯團最緊要方便食，但佢落咗味汁落啲飯度，攪到啲米好散，店主已經叫我用手揸住黎食，但我都食到成衫都係，因為飯太散；另外，飯團既料係炸菜同肉碎，只食到炸菜味，好唔日式囉。。。麻辣雞翼（4隻）食咗一隻先記得影相，係有4隻既，味道方面，一啲都唔麻辣，係雞翼加辣醬。。。係好辣既，不過唔係麻辣味，扣分芫茜豬肉餃（湯餃）要贊一贊佢個餃子皮，做得好煙靱又夠薄，食落會黏牙；但個餃子醎呢。。。一大陣芫茜味，豬肉得好少，所以無豬肉味，仲有少少酸；餃子我無食晒即磨咖啡我聽到廚房有咖啡機聲，所以真係即磨咖啡，飲落好有咖啡豆烘焙香味，呢個咖啡唔錯，不過無比糖客人，同埋用呢種不銹鋼杯飲咖啡，始終要扣分日本手作芝士蛋糕一上枱，好細件。。。得包紙巾咁細啊。。。心碎。。。食落ok的，蛋糕中間唔會焗到實晒，有少少流心感（無流心，係形容質地唔太實啫），芝士味唔重，食落有啲清新，蛋糕唔錯總結：蛋糕和咖啡唔錯，不過主食就差啲，坐就坐得唔係好舒服，因為係木櫈，所以坐耐pat pat會痛，唔係比人客打躉之地，但睇得出店主用心做既，所以比ok

走進深水埗 總有一種臥虎藏龍 的感覺位於深水埗 的一間手工餃子店 吸引我來的是 它的 日式手作芝士蛋糕 先講餃子 我選了煎餃子双併：分別 洋蔥豬肉煎餃 好好食 ，多餡，出面煎得 卜卜脆，但係入面又好多汁 洋蔥餡無諗過甘夾另外一款 雲耳椰菜豬肉煎餃子 感覺清新 加上辣菜甫 提升到另一層次（太誇）值得一提老闆好細心 餃子一定要趁熱食 因為會爆汁 因為見到人地食所以.......呢個日式手作芝士蛋糕非常鬆軟香滑 每啖都好濃芝士味小店係要我地去支持 才可延續

🤎深水埗最多野食 條條街都可以搵到好野食有間新開既舖頭叫「家後」 就咁睇唔知佢食咩原來主打餃子 如果驚唔夠飽 佢仲有粉麵飯我叫左個白菜豬肉餃配吞拿魚飯糰🥟🍙有8舊餃子咁多! 一咬落去已經feel到d餡好足料每啖都食到d料 食下食下就食晒而個飯糰就用日本米整🤤唔好睇佢白雪雪咩都冇 咬落去個餡都唔少架!再叫左個日式炸雞好好食 好脆身 一d都唔油又唔粉不過份量少左dd🥺成間店好有屋企feel 細細間但好多人幫襯最緊要係有「家」既感覺 d職員好nice 會同你講下舖頭既野睇得出仲有好多熟客幫襯佢地仲有生餃可以買返屋企煮 岩晒d家庭主婦!下次經過深水埗一定要再幫襯👍🏼

嗌左三款餃子分別係洋蔥、芫荽、芹菜餡料先講洋蔥，最有驚喜，因為啲洋蔥爽脆得黎食到甜味。好多時坊間既洋蔥餡一係得個脆字但係無咩味，一係就煮到淋哂。家後既洋蔥餃十分出色，強烈推薦。之後講下芫荽同芹菜，兩者俾我既感覺都差唔多，用料新鮮，餡料仍然非常翠綠。味道濃烈，非常適合鍾意食濃味食物既人。除咗餃子另外嗌咗一個自家製牛蒡雞肉飯團。用嘅係日本米，其貌不揚但係味道同營養都十足。如果唔係嗌左咁多餃子我可能會再嗌多一個飯團嚟食！總括而言，無論用料同味道都十分出色，價錢亦非常抵，絕對唔會令食者失望。

第一次寫食評 睇唔過眼得一個後生男人話到事 樓面同廚房都要睇 辛苦哂佢 不時同d客say sorry另一個阿嬸做野慢 再另一個阿伯越幫越忙態度差唔多客但落單慢 出菜慢同亂 幾枱客都要追單/驚佢落錯單問清楚 連甜品都要等 收錢都慢唔係小店唔夠人 係管理混亂見有人拎訂既chesscake等切cake都要十分鐘 想要收據又不成 仲要個樓面阿伯粗聲粗氣成粒鐘先走到唔值得食

假日跟爸媽到深水埗買餸，他們說有家餃子在大南街那邊很好吃，原來是我一直都有bookmark 的家後。因為是下午茶所以只點了兩個餐分著吃。*雲耳椰菜豬肉餃 $36淨湯餃的話有八隻，湯底是葛湯很好喝，餃子算是大隻，而且很足料，菜和肉的份量很剛好，我愛這個餃。*白菜豬肉餃 $40煎餃貴$4 同樣有八隻，爸媽比較喜歡煎的，的確是煎得很不錯呀，完全不油膩。*餃子可以配套餐，C 餐是兩隻麻辣雞亦，麻辣的確是有點辣，不算是很出色，但就是很住家的感覺。*另外套餐B 是配是日飯團，當天是牛蒡飯團，使用的是日本米，所以質感很好，味道很健康自然。*反而最普通的飲品就有點失望，咖啡和檸茶也不是太好喝。*

一入到去已經覺得員工好warm。叫嘢食嘅時候，老闆推介如果煎餃就試洋蔥豬肉～ 🧅洋蔥豬肉煎餃勁正！皮唔算太薄啱啱好，多餡，出面煎得 卜卜脆，但係入面又好juicy，洋蔥餡個味意外地好夾。🥬韭菜豬肉水餃都大推！個湯係老火湯，無味精，食完唔覺得咸。*啲餃加少少自家製辣菜鋪重好食* 🍰一定要食佢個芝士蛋糕同日式焦糖布甸！個布甸好滑同好重蛋香味，如果兩個人 like 佢fb 會送布甸！🍙加$15 跟餐揀咗飯團同凍菜蜜，個飯團加咗牛蒡，成個味好日式。我哋兩個人，另外個餐叫咗豬骨湯公仔麵，ok 啦一般。其實如果唔係大食，8大隻湯餃已經好飽😂

呢排深水埗開咗好多咖啡舖，但要排幾耐隊下。咁啱見到呢間餃子舖，覺得好似都唔錯下，於是過咗來食。🤣.🌸香菇粟米雞肉煎餃 (8隻) $40 呢個仲可以揀湯餃 or 湯餃麵。但我想試下煎餃。餃子新鮮出爐，餃皮煎得脆香，皮薄餡多。.🌸凍檸茶 跟餐 +$5呢杯嘢飲都算幾平下，味道正常。.🌸鹵水豬大腸 $20最愛大腸💗 但呢個份量覺得有d少。不過味道都唔錯，d大腸都幾肥下～.睇menu仲有好多其他唔同嘅小食，下次有機會再試。😋

今日偶然發現呢一間係深水埗比較偏僻位置既小店主要食水餃同少許日式手作食物算係個crossover 🤣😬入到門口店主好好客 即刻話我知朋友坐左係入面 (唔知點解佢知🤣) 仲有好多提點怕我地第一次黎唔識食見大家推介飯團 叫左水餃套餐B 水餃都係大大粒值得一提個湯底食得出冇味精蓮藕湯 味道清甜飯團都好食！ 淡淡甜油甜味+健康牛蒡🤤肉丸都有驚喜細細粒脆既外皮入面都保持住有肉汁！本身鐘意食甜品 呢個日式手作芝士蛋糕非常鬆軟同滑每啖都好濃芝士味一個細細share 黎食 食完唔滿足啊🤣

小編其實好鍾意食餃子，特別係煎餃呢間既餃子唔差，但未算好出色餃子煎得好香口，表面仲要係金黃色粒粒都大粒既，但餃子皮就厚左小小小編叫左最普通既白菜餃同韭菜餃，味道比較清爽咬落去係比較清甜既湯汁，夾埋d辣菜莆食，口感更加豐富-麵就比較清淡我鍾意飲杯奶茶，茶味比較濃又唔會澀

幾個月無黎深水埗喇，今日做完義工順便ko一間mark左好耐既水餃店😋😋未到12點我就黎到，只有一枱客人。嗌完野食先發現小店好似無幫人探熱同任何消毒既措施😅唔想食咁飽，所以只係食水餃🤩🤩糾結左陣😂😂咩餃都想試試！可惜胃就得一個😏最後揀左香菇栗米雞肉拼芫茜豬肉湯餃🥰幾分鐘後就有野食😚姐姐仲好細心問要唔要辣菜脯🤤湯底仲要係粉葛湯😭太岩呢啲時候去去濕喇！！飲完唔會口渴，清淡既味道，相信無味精😆讚👍🏻8大隻水餃，幾飽滿，皮唔係勁薄，但咬落唔會好厚唔會張住，我認為適中🤤🤤📌芫茜豬肉餃：濃濃既芫茜香，最喜歡菜多肉少既比例！！同我呀媽整既差唔多，好味道！！🤩📌香菇栗米雞肉餃：相對清淡，栗米西芹提升口感，非常足料！📌辣辣菜脯亦好惹味😂為清淡既水餃帶來衝擊😆😆👍🏻慢慢食下食下都食左九個字😂😂😂愈來愈多人入黎，原本話唔想食咁飽，其實食左8粒水餃飲左半碗湯，都已經非常夠飽🤣而且價錢非常貼地👍🏻服務態度都好好架，眼見有位男士（應該係老細？）都同啲食客有講有笑，而且都會主動問食客會唔會太辣，味道o唔ok🤓好似都幾唔錯啵🤓

而家越黎越多餃子舖。深水埗開得更加多間。今日行過深水埗, 本來諗緊食台灣野, 齋舖, 茶記, 定cafe既時候, 見到有間個名好奇怪既餃子店--家後。見到入面都ok多人, 仲有外國人食緊, 出於對個名同竟有外國人幫襯既好奇, 就同朋友入去試試。坐落見到原來都幾多唔同野食。餃子店有 cheesecake, 鮮奶凍😂不過主打都係食餃。有得配套餐跟飲品, 飯糰，或雞翼。 如果想食飯麵都有。 最得意佢既餃子外間都幾少有, 例如:洋蔥豬肉餃, 芫茜豬肉餃, 就真係好少見。我喜歡洋蔥，朋友愛芫茜，我地就各點一個跟餐試。隻餃真係幾大粒，足料。芫茜和洋蔥餃都好有特色, 真係滿滿的料, 唔會比少少就算。忍唔住真係要叫多d人黎試。而配菜, 飯糰比雞翼出色。整體上唔錯的

雲耳椰菜豬肉 煎餃子 （$40/8隻）嘩嘩嘩，呢個exactly係我食第一啖煎餃既反應！成5蚊一隻餃子，雖然好似好貴，但食完會覺得值回票價！😚😚個皮煎得好膽，但一d燶既感覺都無，成日都好怕出去食煎餃食到燶既外皮，呢間係真係煎到金黃色，完全係我夢寐以求嘅煎餃！😆😆 再加上好夠肉汁，一食入口真係覺得正到番唔到轉頭。加上佢超大隻，5蚊隻都完全唔會覺得貴！👍上海幼麵+凍奶茶 （跟餐+$15）幼麵感覺都係彈牙，唔會硬，但特别就唔算太特别。凍奶茶就幾香滑，茶味同奶味比例係中左我心水，係幾驚喜！🤗