家後

营业中

休息中

好食!好食!好食!重要野要講三次!呢間係深水埗嘅家後無論係餃子定cheesecake都好鬼正! 真係估佢唔到一間小小嘅街坊餃子店竟然有咁出色嘅出品，唔怪得咁多人排隊，仲keep住有人買外賣，好彩人龍都去得好快。我同男友兩個叫咗- 雲耳椰菜豬肉煎餃$40- 芫荽豬肉餃拼洋蔥豬肉餃波菜麵$40，兩個都加咗$15轉套餐，有滷水雞翼同麻辣雞翼各兩隻仲有兩杯嘢飲- 上湯浸津白$20特別推介芫茜餃同洋蔥餃，芫茜同洋蔥味都好出，洋蔥餃食落帶啲洋蔥嘅香甜又有洋蔥爽脆嘅口感，係我至愛👍🏻我地叫左湯餃麵，老闆話煎餃仲好味，下次一定再黎試過!講起老闆，老闆真係一個好親切嘅人，不停問我地意見，又見我哋影相影得耐，叫我哋快啲食煎餃，唔係凍咗就會少左肉汁，眼見佢亦同其他客人好好傾，上至食物下至工作，乜都可以傾一餐，相信唔少都係熟客。我地22號晚去食，成功搶到尾二果件cheesecake, 真係好開心，因為估唔到餃子店有咁好味嘅cake, 中間仲係有少少流心 🤤 23號開始甜品師傅因為身體不適要休息要停賣甜品兩星期，希望佢快啲好番啦，身體健康真係好緊要！我亦都好期待兩星期後再去食cheesecake 😋😋

看到食評一面倒的讚. 當然要來試試, 但真的如此?1: 一間專賣餃子的舖頭, 有飯餐, 有巴斯克蛋糕賣, 還有咖啡奶茶等等...明白經營艱難, 但給我的感覺就是不專業.2: 惠顧期間去了趟洗手間, 回來時看到是在走廊包餃子, 而且跟洗手間距離不遠, 雖然門是關著, 但我會扣分.3: 去餃子店我通常只會叫韮菜餃, 個人覺得能試出這間店的水準. 點了個韮菜餃麵, 竟然給了一半是芫茜餃...(之後還聽到韮菜餃賣光, 要再包, 難道我就是最後的幸運兒?)4: 韮菜餃跟芫茜餃味道是可以, 皮亦算薄, 湯底普通, 但吃完前後覺得非常口渴. 個人覺得還是有添加味精.5: 有些餃子舖做辣椒菜脯比餃子還要出色, 但這裡還是普普通通. 用的醋反而味道太濃太酸, 用來沾餃子吃就蓋過餃子本身的味道.6. $40 八粒餃子. 對男士來說可能就有點"到喉唔到肺"的感覺...這個價錢雖然可以接受, 但如果 $45 有 十粒會比較合理吧?所以整體而言就是普普通通, 不過不失.

值得再戰高質餃子店 平價巴斯克蛋糕🍰呢間舖頭喺深水埗非常出名，今次終於都到我試吓😆雙拼煎餃（八隻）$42✅韭菜豬肉餃丶洋蔥豬肉餃煎餃即叫即整，所以熱辣辣！餃子皮煎到金黃色，燶燶咁，非常香脆😆皮薄多餡料，餃子裏面亦十分juicy😍好正！韭菜豬肉餃兩者比例平均，食落去口感非常好☺️洋蔥豬肉餃非常欣賞😆洋蔥粒唔會太多搶晒啲味，但佢嘅存在亦都令到餃子口感爽脆，同豬肉非常夾💕湯餃 （八隻）$38✅雲耳椰菜豬肉餃丶芫荽豬肉餃湯餃子非常出色，一樣皮薄多餡😋餃子亦都包得好靚，每一隻都好飽滿👍🏻雲耳椰菜豬肉餃比上面嗰兩種口味比較清淡，好有屋企嘅味道🤣食多幾隻都唔會覺得油膩，加上雲耳椰菜令到餃子好爽口☺️芫荽豬肉餃令到我非常驚喜🤯芫荽味非常濃郁好出！！如果係芫荽粉絲一定好鍾意🤣雖然係咁，但係亦都冇搶曬豬肉嘅存在，兩者都配合得好好，食落去好新鮮🥰日式炸雞（四件）$25唔好睇佢相裏面細細粒，其實都幾有份量感～亦都係即叫即炸，脆卜卜！老闆仲會特登比甜酸醬，非常貼心☺️手作芝士蛋糕 $25全場最愛！真係非常好食呀！💕😋芝士味好濃郁，雖然係餃子舖出品嘅芝士蛋糕，但係絕對唔馬虎！香滑軟綿❤️不過分享食會比較好，因為食咗咁多嘢

天氣開始涼涼地，想食碗熱湯既餃子，之前朋友介紹呢間抵食又好味道既餃子店，今晚有時間就過左黎食。呢度既餃子真係有驚喜地好食，而且價錢超值，大約$38 就有8 隻湯餃，絕對成為左深水埗必去小店之一❤️🥟芫荽豬肉湯餃$38/8 隻超好食！好香芫荽味，足料新鮮，個湯係粉葛湯，冇乜味精，芫荽控必點！🥟洋蔥豬肉煎餃$40/8 隻呢款叫左煎餃，好好味，煎得好脆，好有肉汁，洋蔥味好香，其實唔洗點醬料都得。🥟麻辣雞翼$25/4 隻好辣呀，但好好味，唔食得辣果D記得叫野飲！🥟家後鮮大腸羹$3535 蚊就有大大碗又足料既湯羹，材料有新鮮豬大腸，豬紅、豆腐、肉碎等，好味超值！🥟麻辣豬肚$25都係好辣，豬肚好煙銀，比較需要牙力，唔食得辣記得叫定野飲。美中不足係今日食唔到個日式芝士蛋糕呢間餃子店已經成為左我去深水埗其中一個原因！

呢間去到都排隊排咗20分鐘，好彩今日天氣涼，但食完就覺得都值得，因為真係好好味，最驚喜係豬肉洋蔥餃子🥟，冇諗過洋蔥咁夾，咬落去脆脆的，個皮好薄，煎得脆脆好好食，好食到男朋友話要帶阿媽黎食💗。而湯餃嘅湯底係蓮藕湯，真係可以飲的，又係一個驚喜，不過唔太識分有冇味精，但我唔覺得特別口乾。最後一個驚喜係巴斯克蛋糕，好creamy，不過黎緊兩個星期甜品師傅放假，我地好好彩😆。同埋真係一入餐廳就要留蛋糕，見到有人食完先叫蛋糕就冇晒了🙈。

早前食過家後，知道依度一向多人排隊，今日平日都特登六點多就食晚飯。洋蔥豬肉拼荽茜豬肉煎餃：個人認為家後的煎餃比湯餃好吃。煎餃較一般的大隻，而且只煎一邊，入面肉汁豐富，餃皮脆口但不太乾身。洋蔥餃的洋蔥用上紫洋蔥，仍維持洋蔥本身脆爽帶本身少許嗆味道；荽茜豬肉餃的荽茜亦新鮮，總括兩者餃子帶來清新不膩口味道，難怪是店內推介。自家製飯團：飯團亦是店內推介，個人很喜歡這種飯團，用上豬肉粒及牛蒡，整個米飯已調味，而且用料不少，比出面連鎖店的飯團更有日式風味。大腸羹：落order叫大腸羹時，落單阿姐已提醒豬腸較為咬口 。碗內除左豬腸外，另有豬紅及木耳絲，有頗多胡椒粉和薑絲，很適合冬天來吃。豬腸的確有咬口，要至少在口內咬一陣才可咬斷，但味道還好，沒有怪味。芝士蛋糕：（無影相）蛋糕整體極棉滑及較甜，芝士味濃，很適合本人口味。個人認為雖然區內有很多出色的餃子店，但能做到由餃子到飯團到甜品同樣出色的店舖的確數一數二罕有。簡直可以一次過滿足哂三個願望。

深水埗真係開咗好多唔同類型小店，識𝚅𝚒𝚎𝚗𝚗嘅都知我哋係「餃子控」🥟除咗自家包仲會出去試下😆 今日聽呢間店名「家後」閩南話即妻子，一睇就知道老闆係「寵妻」，所以小店都會有由由日籍太太親手做嘅甜品！Let’s eat🥟由於餃子食完先記得影相,所以今次食評暫不評論，下次再食再講🙏🏼以作勻真🥟#新鮮豬大腸羹 $35閩南有好多羹…呢個#鮮豬腸羹，5粒🌟推介！但如果唔中意食內臟就請迴避🙏🏼老闆每日採用 #新鮮豬大腸，清洗得超有技巧超乾淨，冇異味💩切到一粒粒，嚼都要d時間，但好中意呢個口感！🥟另外仲有粒粒 #豬紅、#豆腐 、#木耳絲、#肉絲…. 將碗內嘅胡椒粉 + 少少 #黑醋！ 超級好食！🥟而且豬紅、豬大腸 係秋冬都好補身，如果食蛇羹食到悶，不妨一試，超大碗勁飽肚🍰 #巴斯克芝士蛋糕 $25/件呢個basque cheescake係𝚅𝚒𝚎𝚗𝚗暫時食過最最好食😋 入口即化好creme 好糊口，芝士味好夠滾郁！Perfect池！而且比一般cafe賣得平，係老闆日藉太太自家製，聽聞香港未hit果陣「家後」都賣緊！ 可以睇得出一家人嘅互相支持❤️🍰另有開心果味、冧酒提子味、抹茶味🍵水逆已過👏🏽呢排食嘅都帶

今日和老婆去深水埗買嘢，中午時段又肚餓，就係附近搵嘢食，手工製作餃子🥟吸引，就決定呢家餐廳地方細緻簡約，入到店內，座無虛席，證明有水準細看餐牌有很多選擇，每一樣我都很想食這個豬手飯也一絕，吃一口豬手味道剛剛好，豬皮帶點煙韌口感，膠質很重，食落黏口這個芫荽豬肉煎餃子，我重點推介，因為他表面煎得脆脆，吃一口芫荽爽口和豬肉調味得剛剛好，內裏還有肉汁，不用加其他調味料本身都10分好食看到他的材料芫荽青翠，證明是剛剛做好十分新鮮這個炸雞是店舖的招牌之一，剛剛炸起食一口，皮脆肉嫩，表面炸到金黃色，而且食落雞肉還帶有肉汁，查的時間剛剛好恰當這個滷水大腸，睇落非常肥美，食一口大腸煙韌，最正是他的肥膏在口腔徘徊，非常甘香這個日式芝士蛋糕，吃一口濃濃的芝士味甜度也適中，廚師值得一讚，這個日式蛋糕好味過很多出名的舖頭，用心製作，重點推介這個日式開心果蛋糕，食一口濃濃的開心果味在口腔內徘徊，有Lim口，非常之出色，一定要試這間店舖每一樣食物都用心製作，一定回頭還會介紹給朋友

經同事介紹，平日的晚上便來到這間位於深水埗的餃子店舖面並不大，裝修設計有懷舊小店的味道
平日的晚飯時間亦有不少人排隊等候，更多的是order外賣自取
二人入座，都會安排四人座位，不會迫著要與陌生人同檯
$200就足以吃到捧著腹離去，真的很抵食◭洋蔥豬肉煎餃 $40(8隻) 🅙🅙🅙🅙🅙/5平常吃餃子都是選韭菜或白菜餃
但見店舖推介洋蔥跟雲耳椰菜豬肉餃，便決定一試
意外地我很喜歡洋蔥餃，用的是抗衰老的紫洋蔥
口感爽脆又富含水份的紫洋蔥搭配豬肉，顏色亦很鮮艷，很適合用餃子的餡料
同時洋蔥帶些少辛辣的味道，確保不會吃到豬肉的腥味◭雲耳椰菜豬肉煎餃 $40(8隻) 🅙🅙🅙🅙/5雲耳椰菜與爽口的洋蔥都有異曲同工之妙
清爽的口感可以抵消煎餃的油膩感◭麻辣雞翼 $25(4隻) 🅙🅙🅙🅙/5兩款雞翼都很惹味
麻辣口味挺辣，但會停不了口◭秘製炸雞翼 $25(4隻) 🅙🅙🅙🅙/5炸雞翼亦很出色，並不會炸至太燶口熱氣◭日式手作芝士蛋糕 $25 🅙🅙🅙🅙🅙/5見很多人來到都會點這裡的芝士蛋糕
喜歡甜點的我貪心地與朋友點了每人一件 哈哈
老闆說當天的芝士蛋糕早上才出爐
出爐後需要冷藏七小時，可能質地還有點腍
我們

深水埗呢間家後都幾出名，之前睇報紙已經見過人介紹，今次真係要親身過黎試下有幾出名👏🏻 黎到果然好多人係門口排隊，好彩我地都算早黎，排左一陣又入得去🥰菜單款式都好多，除左有手工煎餃、湯餃之外，仲有特色小食同埋甜品。餃子店最出名既就係手作芝士蛋糕，我地叫個陣已經得返最後3件，好彩我地仲可以食到餃子同小食都係即叫即炸，所以上枱個陣仲係熱辣辣架，我地叫左韭菜豬肉煎餃，一共有8件（$40）皮薄餡靚，外皮炸到金黃色，好香脆、咬落去口感好好。加$15可變套餐，所以我地叫左B餐配左一個日式飯團同汽水一權。日式飯團係用日本米制成，仲有肉碎、菜粒，好惹味。另外我地再叫左雲耳椰菜豬肉湯餃（8件$36），湯底係自家制老火湯，餃子隻隻都好大件，用料豐富。加$5仲可以跟野飲添呀小食方面，就叫左日式炸雞同埋炸雞翼，價錢合理、雞粒雞翼都好大粒，有4件。外脆內嫩，肉質都好有口感。最後要食返個甜品先滿足，係手工芝士蛋糕，中間係半軟心，真落去真係好滑好軟熟，芝士味都好香濃。

原本以為深水埗淨係有好多文青Cafe，點知今日同朋友一齊行嘅時候發現咗一間隱世餃子店，夜晚七點幾都排長龍。原來餐廳上過唔少報紙雜誌，除咗餃子好食之外，而且仲有日式芝士蛋糕(聽講係由日籍女主人負責整)，所以我哋都趁熱鬧去試吓👍🏻全部水餃都係人手自己包，我哋叫咗煎韭菜豬肉餃、湯芫荽豬肉餃、麻辣雞腎、兩個原味芝士蛋糕，同埋兩杯嘢飲。本身水餃想跟餐叫日式飯團，點知去到嘅時候已經冇晒，唯有下次再試。成間店舖頭嘅價錢都好抵，湯餃$36有八隻，每隻都勁足料，而且湯底唔係味精湯，好似屋企煲嘅紅蘿蔔湯咁，好滋潤好甜！芫荽豬肉餃好好味，冇青草味，連我唔食芫荽嘅朋友都讚好食😛至於煎餃煎得好均勻，上枱仲係熱辣辣，咬落去好清脆，係我食過數一數二好食嘅煎餃！麻辣雞腎不過不失，辣味唔係好重，應該大部份人都可以食到。我哋好好彩食到舖頭最後兩件芝士蛋糕，芝士蛋糕十分棉滑，估唔到一間餃子舖會有咁高質嘅甜品！我見到仲有抹茶開心果等等嘅味道，不過因為實在太搶手，去到夜晚都賣晒，所以建議大家可以早啲嚟，或者預先打電話book。總結來講，餃子同甜品性價比超高，如果下次去開深水埗，會再幫襯試埋其他menu!!

之前聽朋友講過依間小店嘅食物好高質，CP值好高。今日去開深水埗，終於可以試下喇！我地今日坐喺較入嘅走廊位，自成一角靜靜地都坐得幾舒服。由於我地想試多d唔同嘅野，所以餃子分別叫左湯餃雙拼同煎餃雙拼，咁樣我地就可唔可以試到四款餡料嘅餃子喇。湯餃我地叫左雲耳椰菜豬肉餃拼菠菜豬肉餃。（$36+$2雙拼）湯底係赤小豆粉葛湯，好有屋企老火湯嘅風味！餃子皮厚薄剛好，餡料都非常足料！煎餃我地就叫左香菇粟米豬肉餃拼白菜豬肉餃。（$40+$2雙拼）餃子煎到金黃色，賣相非常吸引，食落好香口！我地都好鐘意依個香菇粟米豬肉餃，粟米好甜，同香菇豬肉好夾！餃子加$15 可以配套餐，我地兩個都揀左飯糰同凍檸茶。飯糰係用日本米，仲有啲牛蒡絲，好好味！另外仲叫左碟油菜（$20），酥脆炸肉丸（$25）。肉丸食落去似係豬肉溝左d洋蔥打碎，面頭有d麵包糠嘅質感。連平時對肉丸麻麻地嘅草子都覺得食個肉丸好食！最尾叫左個咖啡芝士蛋糕（$25），蛋糕咖啡味好香，芝士蛋糕質地順滑！必點！食埋個甜品真係超級滿足！好彩我地黎得早，走嘅時候門口有好多人等緊位！

我自己非常喜歡吃手工包餃，之前喺長沙灣食過一間很不錯，今次試試附近深水埗嘅！韭菜豬肉餃+辛辣麵講真，我覺得辛辣麵嘅湯底食豬肉餃有啲奇怪，可能冇咁好食！我朋友叫佢豬骨湯，佢就覺得比較清淡，冇咩特別！餃子都幾大隻，韭菜豬肉餃冇得輸，冇話好經驗但都幾好食！我朋友食嘅就係推介款，就覺得一般般！另外我哋叫咗玫瑰雞翼，一開始誤會了是玫瑰味，後來才知道原來是玫瑰露酒！ $305支，鹹鹹的，沒什麼特別，雞翼亦都不是很嫩滑！

要是說家後是全港最好食的餃子也絕不為過：每款餃子口味各有特色，湯餃特別以廣東老火湯做湯底、味道匹配，煎餃香脆。另外menu的其他食物也是高質，其中cheesecake是亮點，由老闆的日藉太太悉心製作，芝士香、甜味恰到好處。食物質素當然是一間餐廳的靈魂，但我同樣欣賞的是老闆和家人用心經營、待客友善的態度。店名「家後」是閩南話「妻子」的意思，也頗有心思。最後，分享一下我個人喜歡的煎餃、湯餃口味配搭：煎餃-洋蔥、湯餃-芹菜。當然，每個口味都各有風味，大家可以多試試。P.S. 第一次打open rice review，若有不足，請多見諒

本人身為一個餃子控😆成日聽到邊間好食就要去試今次去左深水埗試下家後 聽聞都好出味果然真係高質 勁有家的味道！😘老闆仲好Nice~會問下好唔好食傾下計So warm!🧚🏻‍♀️日式飯團先講小食先～因為佢係可以加錢轉套餐 $15仲配埋野飲 抵！今次就加左飯團同雞亦舊飯團啲米粒夠哂煙韌～ 好日式既感覺🧚🏻‍♀️麻辣雞亦呢個麻辣雞翼有啲似台灣嘅味道佢嘅麻辣係真係完全係平時台灣醃嘢嗰種麻辣我就平時食開譚仔中麻都覺得有啲攻😆不過真係好食😋所以食開麻既可以挑戰下🧚🏻‍♀️日式炸雞 $25 （4件）睇落好似好多炸粉咁 但其實咬落係無嫁個皮脆卜卜一啖就食到肉一咬啲肉汁勁多～讚🧚🏻‍♀️ 韭菜豬肉餃 $36 （8隻）佢湯底係粉葛湯底 真係好有媽媽既味道完全夠濃味又唔係落味精個種🥳韭菜餡入面包住啲肉汁 超好味～而且啲豬肉好鮮甜 讚🧚🏻‍♀️芫荽豬肉餃 $40 （8隻）呢個真係芫荽控必試 原汁原味！但佢又唔會太濃太搶哂啲豬肉味勁Match仲要佢賣相煎得好靚呀每一粒都好均勻又脆😆😘🧚🏻‍♀️日式手作芝士蛋糕 $25/1呢個係一定一定一定要試今次叫咗開心果同埋原味雖然睇落係好似平時嘅巴斯克蛋糕咁但係佢係更加creamy 自己