家後

营业中

休息中

第3次黎家後 ，因為好鍾意佢健康冇味精嘅湯底，粉葛湯可以下火，幾好試咗韭菜豬肉餃同粟米香菇雞肉餃，兩款都好足料好好味，而粟米香菇雞肉餃我覺得可以揀煎試下，應該都會幾夾最後當然要食埋cheesecake，水準依然咁高質，食完先知原來有焙茶味賣，所以即刻order埋，焙茶味勁濃，比原味更出色，下次黎一定要再食，不過要睇彩數，因為好易賣哂

今日去咗呢間充滿家🏡的味道嘅餃子店— 家後。星期六嘅下午2:00來到，大約都要等半小時，果然係人氣小店。🤩呢度可以叫湯餃$38（8隻）或者係煎餃$42（8隻）。價錢非常相宜。我哋兩款都叫咗，咩都想試吓。🥟韭菜豬肉湯餃湯底係粉葛湯，沒有味精，好有阿媽煲嘅感覺。韭菜豬肉餃，賣相脹卜卜，個皮都算薄，韭菜味都好出。明白點解呢度叫家後，老火湯配上自家製手工餃，食完身體完全冇負擔。就算幾攰都好，食完充滿元氣，繼續努力，向夢想出發。💫✨🥟香煎洋蔥豬肉餃煎得好靚靚，外表金黃色，食落脆卜卜。洋蔥同豬肉好夾，洋蔥好甜，帶出豬肉嘅鮮味。🍰原味芝士蛋糕餃子店好少會有芝士蛋糕賣。老闆嘅太太係日本人，所以自家整咗日式芝士蛋糕。成為呢間店嘅賣點之一。當日去到，見個個都會叫一件。我哋又點會執輸呢？芝士蛋糕質感細滑，中間仲要有少少流心。唔會太甜。滿足了味蕾，但不會感覺好滯。呢間小店係家庭式經營，賣嘅食物好健康，明白點解會有咁多人幫襯。大家去開深水埗都可以試吓，喺嗰度叉吓電，再重新出發！

自從米紙介紹咗之後，依家小小嘅鋪頭為咗人氣店舖。成日都會有好多人排隊，所以如果要來試嘅話有心理準備要等一陣🤭叫咗個韭菜煎餃，皮脆，個皮唔算厚，有少少咬口，但係我老公就略嫌佢個皮厚左啲，所以見仁見智啦😀我自己就好鍾意湯餃都係好正！但係我最最最喜歡嘅點就係佢個湯竟然係用蓮藕湯！仲要加條菜俾你，完全係家的感覺！💛💛💛個湯我飲晒🤤見到台台客都叫飯團，本身已經飽飽地都忍唔住嗌咗個。嘩：好有日本🇯🇵feel 🥲🥲完全係日本媽媽便當嘅味道！好想再食，不過要忍住食甜品！因為呢度嘅芝士蛋糕都係名物。有原味同開心果味，我哋揀咗開心果味濃濃嘅開心果香😋 質地勁creamy!!晌間餃子鋪食到咁好食嘅飯團同cheese cake,係驚喜中嘅驚喜！最愛呢d 打亂章嘅小店💛撐

餃子好食！湯餃同煎餃都好好。湯底好好飲！飲完唔會好口渴。老闆好友善！又會問你覺得啲食物點。有心做先會問。芝士蛋糕好味不過有啲細件。一定會再幫襯！排隊要等好耐。如果店舖大啲就好喇！

這裡的食物的確有家的味道，洋葱豬肉煎餃皮薄而且沒有油膩感，充滿肉汁和洋蔥的脆甜，很有驚喜，雲耳椰菜豬肉湯餃浸泡在充料的蓮藕花生湯，饀料多菜少肉，清甜又健康，大腸羹也是必須點的，當中有大量爽口的大腸、豬紅、豬肉、豆腐、木耳等十分豐富的材料，小店還有多款小食，其中日式炸雞和飯糰都值

📍家後間唔中都會想食下餃子，最後揀左呢間家庭式餃子小店試下，有餃子又有甜品食​，滿足晒我兩個願望🤪🤪我地星期六一點左石，正值午市時候去到，要等三四張先到我地入座，都唔洗等好耐😁✨溫馨提示：餐廳門口有張枱仔，要自己係板度填寫簡單資料排隊等位喔✨🥟1️⃣雙拼味道湯餃 ($38/8隻 - 雙拼加$2)雙拼湯餃我地揀左🔸芫茜豬肉餃同埋🔸雲耳椰菜豬肉餃先講講湯底，湯底係粉葛粉，味道清甜，唔會重口味食完好口渇，有住家飯既feel，加分👍🏻🔸芫茜豬肉餃: 芫茜好足料，好重芫茜味! #芫茜控 必試呀🔸雲耳椰菜豬肉餃: 呢款餃子味道比較清新，餃子好新鮮，椰菜仲係翠綠色，加埋雲耳係入面，口感十分豐富~🥟2️⃣雙拼味道煎餃 ($42/8隻 - 雙拼加$2)雙拼湯餃我地揀左🔸洋蔥豬肉餃同埋🔸韭菜豬肉餃餃子煎得好香脆，咬落脆卜卜，而餃子內餡就好juicy🔸洋蔥豬肉餃: 呢款餃子用左紫洋蔥黎做內餡，熟左之後洋蔥好甜，更加突顯豬肉既鮮甜👍🏻👍🏻👍🏻🔸韭菜豬肉餃: 韭菜餃都算係每次食餃子必叫既款式，同樣地，餃子十分足料，煎過既韭菜餃真係好香好好食♨️🍙3️⃣日本飯糰 (叫餃子後+$16 可有飯糰及普通冷熱飲品一杯)呢個飯

家後今日唔想食咁貴所以去左食餃子呢間餃子都幾出名好多人食！今次叫左豬肉煎餃 同湯餃煎餃唔會煎得太燶 岩岩好！好脆口！而個湯餃唔會煮到啲皮爛曬湯底都好足！性價比好高！

深水埗其實都有好多隱世小店，依家好多 coffee shop, 打卡一流～ 但基隆街基本上夜晚都好靜，唯獨呢間小店經常排長龍！第一次見到餐廳名仲以為「家俊」... 俊？邊度俊？😂其實食過好多次，但好想好想分享俾大家就係個芝士蛋糕🍰 一間主要賣餃子🥟的小店竟然蛋糕比餃子出名！每次去到都要搏下有無芝士蛋糕..... 軟心芝士蛋糕，除咗原味，有時會有焙茶、開心果味, 款款都好濃郁，不過當日有邊款味/有無得食就要睇彩數了～其實餃子都係必食, 個人喜歡煎餃多於湯餃，雖然熱氣但香口惹味！有8款味道可以選擇，都是手工包製的，新鮮又足料。可以買生餃，預時間餐廳準備就可以了 😌

💛開心果味巴斯克芝士蛋糕🍰好好味!!好滑!!🤩🤩味道唔會太甜但有濃濃開心果味🤤🤤推介推介👍🏻👍🏻👍🏻💛巴斯克芝士蛋糕🍰又係超級滑!!🤩🤩呢個就有濃濃芝士味推介👍🏻👍🏻👍🏻💛芫茜豬肉餃🥟試左4款餃子，全部都煎得好香脆餡料唔算滿晒好多而比例上豬肉較少但呢款最好味芫茜味道啱啱好☺️☺️💛煎洋蔥豬肉餃🥟入面係紫洋蔥紫洋蔥質感有咬口唔算太淋或者太硬😊💛香菇粟米雞肉餃🥟呢隻餃清清地，幾健康所以味道淡淡地🤔💛韭菜豬肉餃🥟呢個配搭一般都唔會輸所以排第二位啦😛💛酥脆炸肉丸🍡個樣好似好燶但食落又幾好味👍🏻係自家製迷你肉丸☺️💛秘製炸雞翼🐓感覺就係普通嘅半煎烤雞翼無咩特別🤔💛滷水豬大腸🐷滷水味都夠但豬大腸有啲韌麻麻地🫠

早排有fd黎依間餃子店食過話唔錯，然後碌openrice又見到上左得獎熱店，見今日要毒食dinner就一於去試下叫左個莞茜豬肉餃麵($42)+原味芝士蛋糕($28)莞茜豬肉餃係幾好食，皮好滑，餡都足，但感覺上未係去到得獎咁誇張，然後個麵更加係敗筆，比起我認知中嘅上海麵黎講太腍太幼冇彈性，下次去嘅話我會直接叫8隻餃子算，反正同價全餐重點其實係個芝士蛋糕，本身見到有開心果味都想試下點知冇貨，超級濃香幼滑嘅芝士蛋糕，雖然個面好似比較深色，但又冇巴斯克嘅焦香味，唔知究竟係想整埋個焦香定唔suppose有，不過佢都叫日式芝士蛋糕所以我諗冇焦香味都正常但唔太明點解會咁深色

呢度呢間餃子店好出名一定好多人排隊所以今日就揀咗一個平日嘅下午時段去食，但都有幾個人排緊，不過都好快就入得去！我叫咗個✨粟米香菇雞肉煎餃同埋✨洋蔥豬肉煎餃！再叫咗佢哋是日精選芝士蛋糕: 芒果味芝士蛋糕仲有見好多人都話一定要食嘅飯團！最出名嗰個洋蔥豬肉餃真係非常之香甜同出色啲豬肉都好多汁好好食！食左多樣嘢我都唔會覺得好漏，蛋糕因為佢今次加咗芒果，酸酸甜甜嘅味道中和左本身芝士嘅膩感好好食！洋蔥豬肉餃好食到我要買多盒生餃翻屋企回味！可能人手不足情況，上菜比較慢同埋我今次坐左入房，就唔係好收到信號，有與世隔絕嘅感覺

而間餃子店一直bookmark左好耐, 鍾意食餃子應該都識, 除左餃子出名外, 佢地日藉老闆娘整既芝士蛋糕同樣出名。當日星期五, 諗住避開最旺中午時段, 1點9去到已經有十幾人等緊, 我地快快手寫低個名, 前面都有8張等緊, 可見人氣超高, 可惜既係附近冇咩可以涼冷氣既地方, 當日3x度, 一直處(就溶)狀態。香菇栗米雞肉湯餃 (8隻, HK$38)每隻都好大隻, 兩啖先食得哂, 湯底係粉葛赤小豆湯, 湯底清甜舒服, 餃子唔會好薄, 餡料偏向清啖冇負擔, 可能係雞肉, 肉味比較淡, 香菇同栗米增加香氣, 而款好岩小朋友同on diet既人食, 下次會想試雲耳椰菜豬肉餃, 自己比較鐘意食有口感既餃子洋蔥豬肉煎餃 (8隻, HK$42)一面煎香, 香脆唔會過硬, 配埋辣菜圃好好食, 用左比較少見會用既紫洋蔥, 肉味濃, 而款好好食日式住家飯團 (HK$16)細細件幾得意, 味道有驚喜, 有牛肉同醃菜, 咸咸香香日式手作芝士蛋糕細細件2個share岩岩好, 味道濃郁, 顏色都好靚, 中間有一層少少既流心, 必食!豆漿鐘意飲豆漿配餃子，豆漿偏清新，唔係豆味濃厚個種，唔錯

叫咗個湯餃同煎餃湯餃的湯底 用左粉葛湯去煲 都吾錯 煎餃好食 😋 佢可以煎出日式餃子的做法 但又唔會好油膩 好鎖住肉汁叫左雙拼 洋蔥豬肉餃子鍾意佢的菜多過肉 唔係好鍾意食豬肉 坊間好多店舖都會用於豬肉包餃子 好厭倦 但鍾意佢既可以多菜少肉 又可以煎到脆薄另一個系雞肉餃 餡料豐富 價錢又唔貴 系平民之選

好記得果日係星期日，同🐖🐖去開深水埗行街，四點幾已經到門口，果陣已經有20個人起門口等緊入去🤭 加上天氣有30幾度🥵 真係好熱😢 聽講呢間餃子🥟好好味，我同🐖🐖都好鐘意食餃子，所以繼續排….由於太有人氣既關係，好多餃子同蛋糕都無哂，老細就截咗堂食既客人，叫佢哋唔洗排，話到到18:30 先會再開返，呢個係理解嘅….眼見好多人都專登入嚟試佢嘅餃子😌 全部都失望而回我地等左大約一個鐘，5點半左右入到去，我哋都想試日式手作芝士蛋糕….睇到雪櫃得返一兩舊，個老細幫我哋落左單，但叫左3次話可以上蛋糕都沒理會🥲 今次叫咗好少野，淨係叫左一份煎餃一份湯餃～Mo la😅 排左成個鐘，本身都想試多啲特別既野🙊 都大部分都sold out*我地入座期間，都好多人問可唔可以堂食，見佢一啲又俾佢入一啲又唔俾入….說好的18:30先再開返堂食呢？ 覺得有少少唔公平啫….俾著我，我就唔會排咁耐隊食佢啦🥲韭菜豬肉餃 (煎餃） 8 隻 $42皮係好薄既肉餡都好juicy 😋 正常發揮lor~❗️香菇粟米雞肉餃 （湯餃） 8隻 $38粟米好飽滿好甜☺️配上粉葛魚湯… 好有自家的味道😬飲得出冇味精⚠️ 唔洗排隊就會再食

睇過網上的推介，今次鎖定呢間餃子鋪，其實都到訪過不少的餃子店，就算是大家強烈推薦的，對我都沒有太大驚喜，但今次呢間真係令我分外驚喜，家後鋪面不大，但店舖環境都算舒適，見到好多人特登來食餃子，湯餃的湯是用了新鮮的湯，同出面人氣餃子店不同🤤我在眾多的餃子選了芫荽豬肉餃和菠菜豬肉，一食落去已經感覺到皮薄餡靚，食材10分新鮮，而且湯餃的湯我選擇了牛骨湯，真係好有水準的湯，味道剛剛好，我會形容呢碗餃子真係平民價得來高水準。食完正餐後都叫咗一個芝士蛋糕，因為食緊餃子嘅時候都見到不少人特登過嚟外賣芝士蛋糕，相信一定10分好食，果然冇後悔到！芝士蛋糕口感香滑，濃郁的芝士味，入口即溶，為一餐畫上圓滿的句號！