影片
以上资料只供参考，请与餐厅确认详情
食家推介
店内一个人都冇，都谂紧会唔会有伏。点咗个蒸饺，跟住听到厨房啪啪声，原来阿姐喺地下度"邓"d饺出嚟。跟住同阿姐讲我都系唔要喇，阿姐话蒸紧喇㖞，我就话d饺喺地上处理所以唔要喇。佢话哦唔好意思，不过你d饺都唔系呢d。至于佢话即蒸嘅饺只系暖，唉希望唔会肚痛啦。
继续阅读
自己系住呢头嘅，所以经常都会去凤凰邨揾嘢食，呢间望落都好似正常，所以就入去试吓啦，点知一试都难忘。首先叫咗一个米线啦，一个麻辣嘅米线，佢嘅米线质地就唔会话太硬啦，亦都唔会太腍，质地非常之可以接受嘅，但系呢就汤底就普普通通，唔会话非常之好饮。但系喺呢一度值得非常之推荐嘅系佢嘅炖汤，佢嘅款式呢就每一日都应该有唔同啦，但系呢佢系热辣辣咁样上，仲会有一个炖壶咁样装住，成件事系非常之滋补嘅感觉，而且个味道呢就好似屋企饮汤咁，唔会话饮完好口渴，好多味精嘅感觉，所以都好钟意饮
继续阅读
甚少嚟黄大仙唔想食黄大仙中心入边啲连锁餐厅见talkfood介绍过呢间几有特色，决定试试挣扎咗一阵要菜饭定饺子🤣▶️ 招牌蒸饺 ($33/8只)成个蒸笼上，好似小笼包咁，好打卡able饺子采用「柳叶式」包法，同一般饺子唔同🥟更能突显饺子皮烟靭口感每粒饺子唔算巨大，不过皮薄馅料正馅料由韭菜、红萝卜、新鲜猪肉、香葱搅拌而成😋猪肉食落嫩而不韧，调味适中而不油腻当中韭菜味道最突出，香葱爽脆蒸饺好处系皮薄都唔惊易烂，唯一系干争少少，所以我有点醋汁食▶️ 胡麻酱拌面+ 上海猪扒 ($45+20)胡麻酱拌面本身配有大量幼嫩鸡丝同青瓜🥒食之前要捞匀，确保每条面都沾满胡麻酱汁胡麻酱汁份量足够，味道唔会太咸😋稀杰度黏得住面条用上幼身上海面，烟烟韧韧又挂汁整体似一个鸡丝粉皮，只系面底唔同夏天食好清爽😌上海猪扒就一般般，唔算厚肉且未够酥脆，胜在无骨🐷▶️ 冻陈皮山楂茉莉花茶 ($17)姐姐推介，梗系试吓好有诚意嘅一杯饮品，入面落足茉莉花、陈皮、山楂自家制而唔系茶包🍵饮落微甜，甜味自然，整体几养生钟意陈皮甘甜嘅味道👅-无论面定饺子都唔错，感觉正宗地道欣赏全部自家制，食材新鲜服务都好好，姐姐好友善有笑容，仲同我吹水☺️叫我有兴趣下次试埋菜饭环境旧少少，狭窄少少🤏🏻性价比高，今餐 ~$50/pax，份量够饱，平民抵食！
继续阅读
2pm后时间帮衬，客唔多唔使等位。台面冇下午茶Menu，要问姐姐先会拿过来。叫咗碗担担面、炸猪扒同豆浆。担担面汤底唔够浓郁、炸猪扒得半块、豆浆正常。坐坐下越食越焗，原来全舖熄晒冷气，连工包料$50，整体一般般
继续阅读
虽然店舖位置较偏僻，但真系值得一试！首先系价钱方面，性价比极高！真心对比起外面嘅餐厅，呢间餐厅D野食真系好平！今次去试左D新野！😚有麻酱拌面、招牌蒸饺、白菜猪肉水饺、熏鱼如果去呢间店舖，一定要试吓佢地嘅手工水饺！饺子皮烟韧，而且仲好足料！有次仲见到老板娘坐系到包饺子！真系人手制作！D水饺仲要系大大只！食落鲜甜多汁！麻酱拌面酸酸甜甜，认真开胃！自己另外都叫多左一杯热嘅洛神花茶，冬天饮落真系成个人都暖笠笠！🥳至于熏鱼就系老板娘推介嘅，自己本身好少会系外面食鱼，因为有骨，食落比较麻烦，但呢个熏鱼食落完全无骨，仲要炸到好酥脆，再配埋表面酸酸甜甜嘅酱汁，真系开胃又好食！不过好可惜，自己本身唔系住黄大仙，好难得先食到一次！老板娘成日都好热情推介D招牌菜比我，所以自己每次去亲黄大仙，都必定会帮衬呢间小店！🤤🤤
继续阅读