影片
营业时间
今日营业
11:00 - 01:30
星期一至日
11:00 - 01:30
以上资料只供参考，请与餐厅确认详情
天盛呢间卖两𩠌饭既外卖店开左一段时间都未试过，收工买外卖果阵就决定试下，35蚊有2款𩠌，3𩠌饭就41蚊，加野饮就4-6蚊，𩠌既种类都算ok多，大约十几款。咁我就拣左平时都钟意食既生炒骨同花生猪手，首先个量都算几多，但个饭就好黏，痴笠笠（唔系汁多果只，已经系食无汁果边），少少湿，饭味都无乜，口感好差下。生炒骨就细细粒，唔知系咪炸过头外皮就几脆，但好干好柴，虽然肉多过骨，但太柴了，酸甜汁又唔够味，吞都有d难。花生猪手就大约3-4件，猪手系炆得好腍，同样唔太够味，可能调味比较轻手健康d挂。整体黎讲我觉得系差，𩠌果度当我拣得唔好，但饭又黏又痴笠笠我接受唔到，成个饭我勉强食左大半已食唔落，虽然话35蚊唔方有咩高质素，但都叫有其他选择，我应该唔会再买。
继续阅读
晚餐唔知食乜好？又想悭钱？食两𩠌饭啱晒！分量多味道好罗汉斋菜配蒜蓉炒杂菜每次必点之选豆腐好有口感，又唔会太咸太油！仲有少量木耳、杏鲍菇、红萝卜片同粟米芯！够晒营养蒜蓉炒杂菜比想像中好，食落唔会好大浸油味，炒得好爽脆。杂菜包括椰菜花、西兰花、高丽菜。啱晒想食外卖又想同时补充蔬菜的我。咸菜猪腩肉配四季豆炒椒盐猪扒四季豆炒椒盐猪扒又系每次必选猪扒够晒入味香口、四季豆今次炒得比较失色，太淋了。咸菜猪腩肉有惊喜，成个食落好开胃。腩肉都炆到林晒冇乜见到有肥肉！整体而言，$35有咁嘅质素加晒分！不过今日啲饭都系超级林。硬身少少会好啲。
继续阅读
天盛立食街呢档双𩠌饭每日都好多选择，价钱又合理，成日都见好多人买，趁住经过天盛，就买翻一盒试吓啦！叫咗两款最大路最常叫嘅𩠌款：生炒骨同咸蛋肉饼。卖相都唔差，生炒骨俾嘅份量都算多，饭量都颇多。生炒骨味道酸酸甜甜，酱汁都算厚，算多肉，偶有一两嚿骨较大，有啲都有软骨可以咬，唔错。肉饼都几厚，上面有几多咸蛋，肉饼本身唔会太咸，而且食落唔粉，肉嘅比例应该都唔少。味道okay。双𩠌饭嚟讲几好，份量够，价钱平，够贴地。
继续阅读