家常便飯粵川滬菜館 (已結業)

同老婆交完信用咭文件，又黎食下午茶喇 尋日已想好今次食乜！ 豆漿X2 - 跟餐，要了熱的。 煎窩貼 (四件) - 餡料略油，但窩貼皮算煎得香口。 生煎包 (四件) - 包身煎香而軟熟，菜肉餡料無乜肉汁但味道清甜。 嫩雞煨麵 - 嫩雞粒入味及滑，但湯底太淡了。沒有拉麵，來了米線，偏稔。 上海粗炒 - 用烏冬炒較滑，夠色但味道只有豉油既鹹味，下午茶份量所以唔會大碟。 下次要去隔籬食泰式下午茶，一樣好多人等位！

同老婆晌一田申請完信用咭，到了每日兩點至五點都有特價下午茶餐 豆漿 - 跟餐的，一杯凍一杯熱，雖唔濃但有些少豆味，凍的解渴，熱的暖胃！ 小籠包 (四隻) - 鮮肉幾滑，有肉汁，但皮唔算薄。 四川擔擔面 - 花生味香，唔會太辣，闊面條彈牙。 川辣豬扒米線 - 四小片炸豬扒入味但唔熱，似乎炸起了一陣子。紅油川辣湯底中辣微酸，米線稔滑。 仲唔晒加一，幾抵！

今日同媽打黎左食下午茶，好多人排隊 !媽打食擔擔麵 - 麵算少、湯唔夠濃媽打話連城果間好食好多喎我食左個四川酸辣米線 - 麵比媽打既多、成個湯面好多辣油、下面既湯就係得個酸字但個湯幾好飲喎幾開胃不過原來係酸湯底加辣油 only lor ...........反而個點心生煎包煎得夠香口但入面既熱肉唔夠熱呀 !!!!!!!!!!而隨餐送既豆漿亦偏甜

同阿媽周圍搵 lunch 食最後去左 lee 到叫左一個紅燒獅子頭 + 糖醋肉排兩個客飯每個客飯仲配兩碗白飯，咁勁 ???紅燒獅子頭個汁幾好味，撈埋 d 菜食就正糖醋肉排就新鮮熱辣辣，甜甜地幾好味既最後我都係食左兩碗飯

又貴..味道又唔好服務差, 叫都無人理= =同女朋友兩個人俾左200蚊出去卻得唔到應有嘅食的滿足點豆沙鍋餅果陣叫佢後上佢\第一個就上呢個, 味道係就係正常但俾佢\搞到無左個甜品囉小籠包係就係賣相唔差但唔係無湯汁, 就係d湯汁酸架囉我同我女朋友兩個都食到酸開頭以為係特色, 後來忍唔住問個waiter阿姨(叫左好耐, 又揮手又嗌咁= =)佢\話唔會, 然後話我地食左咁多個先講佢\拎左籠野入去話問師傅出黎話︰「無野喎, 味道好好, 好鮮啊」我同女朋友當堂odd左...心諗...佢\地(兩個waiter入晒去)一係講大話, 一係味覺有問題= =無論點, 我都唔會再係呢度食貴得黎無質素味道差得黎仲要無衛生服務差得黎...唉..食小籠包如果係沙田都係去返翡翠拉面小籠包貴多8蚊, 但味道好太多...

簡直不知所謂, 從來未試過去一間食市餐廳有咁既服務第一: 食物質素超差(又咸, 又油, 又慢), 餐牌上好多食物都冇得供應, 最離譜係冷盤可以變熱盤,問侍應可解?態度好差咁話"係呀,我地係咁架".第二: 環境差, 張檯搖來搖去,叫侍應用紙攝一攝好似唔願咁, 結果攝左一邊就走左去. 冷氣機不停滴水.最離譜係有好多烏蠅,仲要係好肥好大隻個種(係個度可能好食好住)同侍應反映都係好差話"咁高捉唔到呀".第三: 點解我話恐嚇食客, 因為走時有位肥大女侍應生用d好惡既語氣好寸既態度同我地講"係咁架喇,關我o地做樓面乜事" 嘩,我真係想問對食物有意見有不滿想即時反映下唔同你o地斑侍應講唔通走入廚房同廚房師傅講嗎?我本來今晚係打算係依間鋪隔離個間鋪食泰國野,但排晒長龍,所以先走入去幫親,其實個刻都覺得奇怪,點解星期日七八點依段最繁忙既晚飯時段,佢竟然冇人排隊仲有幾張檯, 依家我終於明白. 咁既服務,咁既食物質素, 我就一定唔會再幫親.

本來諗住同阿媽去隔離間泰國野食~但係太多人等位啦~所以去左LEI間食阿媽叫左個豬扒川辣拉麵($15)我叫左個上海炒烏冬($25)再加多個小食~荀尖($1X)個荀尖好明顯一早煮定=0=~咸左小小~同埋有渣豬扒川辣麵..一黎到..WA~~麵果層辣油多到...油浸麵=.=個湯底係黑色...食落去又幾好味~酸酸地~D麵質幾好~幾彈牙~$15抵食!我果個上海炒烏冬就細碟左D~味道都係同普通上海粗炒一樣下次叫個雞絲粉皮試下先~~$16咋!上次O係第2間食要成4十幾蚊..

琴晚去沙田新城市買野，之後一個去左近既食店醫肚，假期前周圍既餐廳都爆晒，點知晌呢到可以有一半位淨，所以都諗住唔會有咩期望，純係填飽個肚，本來都無諗過咁樣都會上黎呢到寫食評…點知…一個人叫了香矛豬扒菜飯，送了個紫菜豆腐湯，再叫了2隻炸雞亦，香矛豬扒味道都幾好，送既紫菜豆腐湯都算幾足料，收咁平既一個套餐，有咁既味道同份量都算好好啦。之後另外叫果兩隻斬件炸雞亦放晌檯面時我見晌骨位竟然有血水，我驚有禽流感，所以叫佢翻炸過，點知晌我再食碟炸豬扒時，嚇然發覺晌下面有件豬扒都有少少血水晌近骨既位，個女店員好唔好意思咁幫我再炸過，翻炸既雞亦好柴皮，不過我情願食柴皮都好過有血水o羅…雖然豬扒唔熟係好大既問題，不過見佢d野本身好食又平，店員態度又好，我諗今次唔熟可能係個別例子，都會比多個機會呢間野，下次經過會再幫襯既。