家家戶戶

营业中

休息中

今次叫左個豆腐海鮮湯，因為想要啲湯水飲吓唔會好辣，不過就鍾意可以湯飯咁樣連湯飲🥰今日咁凍簡直係至愛！啲豆腐唔會太硬又誤會一夾就散！下面仲有沙白蜆肉仔加魷魚 都好足料🤤🤤之前去試石頭鍋飯，今次就試吓新嘢啦😁呢間嘢嘅食物唔會好重口味 都好易入口仲有啲小配菜同細益力多跟埋俾你🫶🏼（我係跟套餐嘅）其實都幾抵食咖☺️🤟🏼佢仲有其他食物都好吸引🥰同朋友仔撐枱腳可以一試，佢都多枱枱凳凳不過食完記得抹嘴啊，個湯好有顏色㗎🤫

呢到menu上面嘅主菜都係用套餐形式上嘅～套餐會有主食同埋4款唔同嘅前菜配送☺️仲會送埋益力多做餐飲🤩真係幾特別架！當然都可以單點，不過加多幾蚊就可以有套餐，跟住食得豐富啲啦😎😎🥢韓式雞肉石頭飯 $109呢個石頭飯用左嫩煎嘅雞肉、生蛋、芽菜同埋特製醬汁😍😍天氣咁凍，食呢個熱辣辣嘅石頭飯就最好不過～石頭碗可以保持到米飯既香脆😙😙仲有香脆嘅飯焦都增強左唔少口感架！🥢牛肉鍋 $119呢個係一個牛肉鍋配飯～食法可以將成個飯倒落個湯撈埋做成湯飯咁食又或者一邊飲湯一邊送飯😌果然呢到嘅味道好正宗，好有韓國嘅味道👅個湯好清甜，食飽都唔會口乾～真係天然冇味精架🥹🥹再睇下啲配料都真係十足～好多啲牛肉係湯到😚😚真係yummyyummy😛

放工又係附近覓食，突然想食韓國菜就緊係去韓國街🤣行到街尾見到有間聖誕裝飾嘅傳統韓國家庭裝修餐廳，望一望menu係啲正宗韓國家庭式美食，緊係即刻入去試試😋menu都有好多款套餐選擇，我朋友就揀左個牛肉飯。而我就揀左個最熱門嘅韓式牛肉石頭飯，最鍾意食飯焦，份量幾大下又足料，食完超飽🤪佢上到嚟有4碟小菜，有泡菜有腸仔，仲有兜紫菜湯，一飲就知係冇味精，清清地甜甜地超好飲。仲要每個餐都有韓國益力多👍🏻

📍家家戶戶 @gagahohohk味道：⭐️⭐️⭐️⭐️今次呢間韓國菜由韓國人主理🇰🇷擺盤唔華麗 不過就有種家的感覺🤟🏻好似置身於傳統韓國家庭裝潢享受韓國家庭式料理🥰❶炒年糕配海鮮 $88主要用咁甜辣醬嚟調味🤙🏻食起上嚟不會很辣 仲帶點甜味 好惹味👻而年糕口感都好煙韌 🤭至於海鮮就有青口同蝦 不過不失啦😆❷韓式辣豬肉石頭飯 $99石鍋豬肉拌飯係傳統嘅韓國料理🥢用熱騰騰嘅石鍋裝住豬肉、蔬菜同飯🌾將材料撈勻一齊食 再搭配特製嘅醬料調味🫶🏻口感香濃同時又豐富 滿滿嘅滿足感同美味😍

尖沙咀韓國街有好多餐廳，今次試左呢間家家戶戶，食地道韓菜，好似去咗韓國人屋企作客咁。餐牌選擇好多，除咗傳統韓食仲有好多特色小食，真係樣樣都想試。而且同係韓國用餐一樣，會配上多款小食配菜，相信都係店家自家醃製，都好啱我口味。見天氣凍凍地，揀咗個韓式牛肉石鍋拌飯（$109）同埋牛肉海鮮湯麵（$119）。拌飯上枱嘅時候熱辣辣，配料滿滿，仲有一隻生蛋用黎撈飯，風味十足。而且因為夠熱，鍋底係有香脆既飯焦架！！ 整體調味做得幾好，少少辣，十分推薦👍🏻另一款海鮮湯麵，除咗有牛肉配料，仲有幾款海鮮，包括蝦、青口、魷魚、蜆肉同細蝦肉。呢款就比拌飯辣，不過都算幾惹味。每個套餐都會跟一支益力多飲品，係好有趣既配搭😆整體嚟講，食得好滿足！

天氣一冷 又想吃熱呼呼的湯品 於是又到尋覓最愛的韓料的時候了這次來到尖沙咀韓國街接近盡頭有著溫暖燈光的小隱世餐廳 家家戶戶 家家戶戶以充滿家庭風的裝潢映入眼簾餐點主打套餐形式的韓式料理石頭鍋飯 湯品 或是海鮮煎餅等都有呢套餐大概落在百元上下 算是比較親民的價格𓋪 純豆腐海鮮湯𓋪 韓式牛肉石頭飯恰好兩個套餐都是鍋物 上桌時卜卜作響隨套餐會附上四款韓式小菜 石鍋飯還有海帶湯嫩豆腐真的很滑溜 咕一聲就吞下去了哈哈豆味也很濃郁 相對之下豆腐湯雖然色澤紅通通 不過口味略嫌偏淡 重口味一點會更有風味呢牛肉石鍋飯份量也不小 微甜的牛肉片給好給滿我們都喜歡放著一會 讓底下的飯微微變出飯焦那麼口感會更豐富 雖然沒有點飲料但似乎每個定食套餐都會附上養樂多消消口中的辣氣也不錯

剛去完韓國，返黎就好掛住，所以都要去食一食！而家尖沙咀既韓街真係冇以前咁旺，經過都好多已經執左!見到呢家食評唔錯就入去試下啦！佢既餐牌最大既字全部都係韓文，中文同英文係好細隻字，我諗平時好多韓國人掛。我地叫左一個牛肉辣海鮮湯麵同埋一個拌飯。每一個都跟套餐。一黎到，兩份都好大碗，有前菜，有湯，一定夠飽！個牛肉海鮮辣湯麵熱辣辣，好惹味，天氣涼涼地好啱食！我地食得辣，所以就唔覺個湯辣，淨係覺惹味。評分：👍🏻👍🏻👍🏻👍🏻/5而個拌飯，好多材料，我成日覺得啲菠菜撈埋一齊先好食。佢個醬足夠撈晒成個飯，佢個紫菜湯好好飲，我都有飲晒成個湯！個飯真係好大個，我都食唔晒！評分：👍🏻👍🏻👍🏻/5如果多啲人黎，我仲想食佢既泡菜煎餅。你唔好以為佢韓國餐廳係韓國人，好搞笑地佢既侍應全部都好似菲律賓姐姐。整體味道指數：😋😋😋/5性價比：💰💰💰/5環境：❤️❤️❤️/5服務：✅✅✅/5

平靚正韓國菜🥰餐廳換上咗聖誕嘅裝飾，有氣氛之餘感覺都幾有韓國家庭傳統嘅裝修feel。今次我哋叫咗牛肉石頭鍋飯和牛肉拌飯套餐🫶🏻感覺同喺韓國食味道都差唔多，食落好正宗。石頭鍋飯熱辣辣，仲聽到渣渣聲咁樣上。牛肉份量和調味都唔錯，配埋小伴碟就更加有層次💕牛肉拌飯超多餸，食到最尾都食唔晒分咗俾啲朋友仔～套餐仲有一支細細嘅益力多做甜品，感覺好可愛🏠 家家戶戶 (尖沙咀)尖沙咀金巴利街1B恆港中心地下1號舖

尖沙嘴韓國街家家戶戶，隨便叫嘅幾款食物都好好味，係上癮想食韓餐嘅好選擇😄尤其推薦牛肉鍋，點解可以咁多配料，滿滿嘅年糕同牛肉，湯底都好清甜，上菜嘅時候熱辣辣冒泡泡👍超級適合冬天食💜另外嘅海鮮炸醬麵，同樣份量驚人加入大量海鮮令經典嘅炸醬面更加好味😋呢個餐仲配海帶湯套餐包埋小菜，令成件事更加豐富，譬如有泡菜 炸餃子等😍一邊食一邊配上甜甜的韓國米酒🍶低酒精濃度嘅米酒容易入口，同朋友來聚會夠曬Feel👍

阿妹話佢同事介紹尖沙咀有間食正宗韓國菜嘅鋪頭，仲要坐得舒服嘅，阿妹話好耐冇食過韓國野，咁就一齊出發la，GOGOGO我地嗌左兩個餐，冇諗過跟餐嘅配菜都有d唔同，咁就可以share食，試多d款😍⭐️ 韓式牛肉石頭飯有芽菜、生雞蛋、牛肉，好足料，撈勻曬之後食落啖啖都有料，好滿足呀😍li個石鍋好厲害，食到最尾個飯仲係熱辣辣👍又好食、又多料、仲要熱辣辣嫁，正😋⭐辣海鮮公仔麵有魷魚、蜆、蝦米仔，紅蘿蔔絲，好鐘意佢個麵質，唔係淋曬果隻，食到尾都仲好食，韓國麵就係唔同d嘅😋

放假出開尖沙咀行街，想起金巴利道的韓國街，揀左正宗韓國菜家家戶戶Gagahoho食晚餐餐廳以韓國風為主，猶如置身於傳統韓國家庭裝潢，加上配合韓國歌曲，感覺舒服悠閒晚市套餐都多選擇，食物有水準，值得一試Jjambbong Noodles 牛肉海鮮辣湯鮮 $119推薦呢款牛肉海鮮辣湯麵，套餐有泡菜、蘿蔔、韓式餃子，餃子香脆可口，最驚喜仲有跟一支益力多添，湯麵辣辣地非常惹味，配上牛肉、海鮮、菜等等，份量足夠Kimchi & Spicy Pork Rice Bowl泡菜辣豬肉飯 $98套餐包括豆腐、韭菜、泡菜等漬物，仲有最愛海帶湯，益力多。泡菜辣豬肉飯好有風味，肉質幼嫩又多汁，送飯一流，非常滿足

lala_foodie又番嚟韓國街啦🇰🇷發覺香港嘅韓國街雖然唔算長 但原來都隱藏咗超多間特色小店 今次呢間餐廳仲隨餐店附送韓國益力多 喺韓國嘅感覺返晒嚟！🤓◍ 「雞肉韓式雜錦飯」 🐣 $102好耐冇食過韓國石鍋飯啦 呢度嘅石鍋飯超級足料 雞肉配上大量韓式拌菜 而且隻鍋夠晒熱 喺呢個涼涼地嘅秋天食真係冇得輸🤩◍ 「牛肉鍋」 🐮 $119另外試咗款比較清啲嘅牛肉鍋 牛骨湯味超重😳配上年糕、牛肉、蔬菜等食材 清得嚟絕對不失鮮味！😋📍家家戶戶 (尖沙咀) #lala_foodie_tsimshatsui 尖沙咀金巴利街1B恆港中心地下1號舖

同事下月去韓國旅行，雖然今次我不能一起去，但也可以在港食餐正宗的韓國菜。出到尖沙咀金巴利街，看到這韓國菜館以紅磚為外牆，店內燈光柔和，有種韓國家庭feel。韓式牛肉石頭鍋飯套餐（$108）熱辣辣、香噴噴的鍋飯，佈滿色彩豐富的食材：翠綠的菠菜、淺綠的椰菜、橙紅的紅籮白絲、黃色的蛋黃、深啡的牛肉，色香味俱全。再加上微微燒香的飯焦，十分美味。韓式牛肉炒粉絲套餐（$98）喜歡韓式粉絲粗身彈牙的口感，這粉絲吸收了牛肉的鮮香與醬汁的風味，十分鮮味。而且加上不同的菜蔬一同炒，營養豐富。每個套餐皆有4款前菜、鮮味美味的海帶湯，再加有益力多為甜品，十分滿足。

好耐冇食韓國菜Korea 🇰🇷這間韓國菜好家常便飯的感覺 溫馨的味道 每人一個set的order 星期二晚上都坐滿滿的🐷韓式辣豬肉石頭飯 $109石頭飯每次韓國菜必點菜單辣豬肉的微辣鮮香 熱騰騰的石鍋飯最吸引到我仲有每日小碟配菜🤤🥢韓式炒粉絲 $89都是不可缺少的喔韓式粉粉彈牙有咬口 味道惹味好入味搭配豐富的蔬菜和肉片一啖又一啖 停不了的完成一整道菜韓國傳統套餐送甜品>>益力多 so QQ🤭Makgeolli生米酒$93最後點少得Makgeolli韓國菜冇Makgeolli點得😌有一餐舒服既晚餐完滿這一天真係感動🙌🏻我真係太易滿足💜

諗起我喺英國做野時, 屋企附近既街口有間韓國菜既餐廳setting 就好似我近期同朋友喺尖東既韓國菜餐店俾我回味左一點點既親切感平時我食韓國菜, 只家會點, 但見到旁邊既客人所點既野都係自己少機會嗌, 但同時好吸引而點左個海鮮炸醬撈麵 (我本身都係撈麵控), 最正係個麵真係夠軟, 炸醬夠juicy, 而同行既朋友所點既牛肉海鮮辣湯麵 - 佢就表視湯底好飲簡簡單單girls talk + dinner 之中我地仲留意到餐廳兩個highlight:1) 韓國傳統套餐中有益力多做甜品(對我黎講係飲品), 所以覺得講到餐廳名叫家家戶戶果陣, 其實我就第一下諗起, 老少咸宜 (我細個都好鍾意飲益力多, 依家同時都好多小朋友都一樣咁鍾意)2) 店員話呢度落單係寫想食menu 菜式個number 點餐, 都夠簡單直接