家家戶戶

营业中

休息中

‘餐廳嘅燈光用咗暖暖嘅黃光，裝修都比較簡單 有種韓國家庭式嘅溫暖！泡菜豬肉烏冬泡菜酸辣同豬肉夾就一定㗎啦，套餐入面仲有4款小菜同益力多可以解下膩。🦑牛肉海鮮辣湯麵麵嘅質感似扁烏冬，湯底好濃唔會太辣。仲有好多海鮮 青口、蝦、蜆肉同魷魚，醃牛肉好入味，套餐內嘅炸餃子帶點胡椒香氣都幾惹味。📍 家家戶戶 尖沙咀金巴利街1B恆港中心地下1號舖環境🤍🤍🤍🤍🤍味道🤍🤍🤍🤍🤍打卡🤍🤍🤍🤍🩶抵食🤍🤍🤍🤍🩶

同媽咪係尖沙咀行街街🤗行到飯點時間又要諗下食乜🤔見好耐都冇食過韓國野🤗所以就去左除左韓國街之外都有好多韓國嘢食嘅金巴利街🤗見到門口有好多人排隊，作為一個稱職嘅香港人一定要排埋一份啦🤣坐低睇餐牌就見到有好多款唔同組合嘅套餐最後我同媽咪揀左👇🏻🤣😋韓式牛肉石頭飯套餐每個套餐都有三至四款嘅配菜，媽媽個套餐就有泡菜、泡菜青瓜、辣醬腸仔、蓮藕😊仲有熱辣辣傳統嘅麻油紫菜湯😚個韓式牛肉飯配料好多口感好豐富☺️撈埋哂一齊食 正🤗😋海鮮炸醬撈麵套餐而我呢款呢就有泡菜、餃子、醃蘿蔔🤗呢碟炸醬麵好大碟，裏面仲有我最鍾意嘅蜆仔同埋墨魚仔☺️仲有仲有仲有每個套餐都有益力多㖭呀😍

呢間餐廳係主打家庭式風格既韓式料理，令人有家的感覺🏠🥢海鮮炸醬撈麵定食 ($119)麵條滑順Q彈，醬汁味道濃郁，黑醬香甜適中，搭配新鮮的海鮮和蔬菜，口感非常豐富，完全唔苦😋🥢牛肉海鮮辣湯麵定食 ($119)湯底濃郁而帶有適中既辣度，牛肉鮮嫩，海鮮新鮮，佢既香辣令人追住黎食🤣 好快就清曬成碗🤣仲有，每個定食都韓式小菜同 「益力多」，真係好貼心😚而間餐廳開係韓國街既盡頭，食飽去行埋韓式超市都得😝

早排同朋友收工想食韓國菜,所以去韓國街搵嘢食,去到韓國街就揀咗呢間韓國餐廳,餐廳走韓國家庭式風格韓式牛肉石頭飯套餐 $109套餐除咗有石頭飯,仲包括有韓式小菜.湯同益力多,非常豐富😍石頭飯以石鍋上枱,飯同牛肉.菜.芽菜.蛋再配搭韓式醬汁一齊撈,味道惹味,口感豐富😋純豆腐海鮮湯套餐 $99套餐除咗有豆腐海鮮湯,都係包括有韓式小菜.湯同益力多.豆腐海鮮湯配料包括有豆腐.蜆.魷魚.金菇同泡菜等等,湯非常入味😋海鮮餅 $98海鮮餅煎到金黃色,好香脆😍配料仲包括有魷魚.蝦同韭菜等等,唔使點醬汁已經好夠味👍🏻蜜糖蒜蓉韓式雞塊 $93雞塊炸到香脆😍雞肉嫩滑,雞塊沾滿蜜糖蒜蓉醬汁,好入味😋

心血來潮想吃韓國菜，每次都會直接來韓國街，今次試的是人氣排隊小店，裝修走簡潔溫暖風格韓式牛肉石頭飯 $109加了10元轉套餐，附4碟小菜，昆布湯和1支益力多，泡菜自家製爽脆酸辣一上桌石鍋飯燒得熱騰騰，抓緊時間將生雞蛋和辣醬拌進雜菜飯中，牛肉份量十分足料，飯粒帶微焦脆口感，菠菜和芽菜解膩，好吃牛肉海鮮辣湯鮮 $119湯底鮮甜，以大量小蜆肉和小蝦仁熬制，整體味道香辣惹味，海鮮有魷魚，蝦和2隻青口，以及牛肉片，鮮即是烏冬，口感煙韌，推介出色的正宗韓國味道，會再來

經過韓國街梗係要食韓國菜啦呢間都喺度好耐啦一於同朋友去食下先入面裝修都好有韓國屋企嘅感覺可以叫set或單點都得Set就會有益力多送，好開心🩷牛肉鍋set叫set好開心有唔同嘅前菜有海帶，青瓜，豆腐牛肉鍋黎到仲滾架，熱辣辣啱晒凍天氣食仲要有碗白飯可以撈牛肉湯一齊食牛肉鍋好正，好濃味，又有蔬菜食晒成個餐超級飽🩷海鮮炸醬撈麵set呢個前菜有黃瓜，泡菜，兩粒餃子仲有碗熱辣辣嘅海帶湯炸醬麵份量好多海鮮有魷魚，蝦食完又係好滿足

⭐️套餐 - 辣豬肉韓式什錦飯 - $102上到枱先見到套餐每人會送支益力多，好有家庭溫馨風格😂煎蛋有少少流心，連埋芽菜、泡菜、豬肉同紫菜等五彩繽紛嘅配料，幾引起食慾😂每啖食落都融入唔同口感，係清新健康之選。個人認為豬肉會偏辣少少，如果怕辣嘅朋友可以叫店員少辣，或者揀牛肉口味嘅拌飯！⭐️套餐 - 海鮮炸醬撈面 - $119賣相睇落幾吸引，同時食落幾正宗，有微微黑豆香，同時幾咸香味啱啱好！撈麵吸晒炸醬汁，食落幾惹味。雖然成碟嘢睇落黑色，但入面其實藏左好多海鮮🤣魷魚幾彈牙，唔會咬唔斷，亦都唔會有任何唔新鮮嘅味道。

尖沙咀韓國街有間咁韓國屋企feel既傳統家庭式料理冇人講既‼️餐廳內外都令人彷如置身韓國家庭可以好似返左屋企咁舒服 慢慢享受正宗既韓國料理🤤🤤所有食物都可以轉做套餐🍽🍽🍽配有泡菜＆3個前菜全部都好好味 係好正宗韓國味道豆腐豬肉湯🐖🐖🐖🥘🥘🥘泡菜味好重 酸酸地少少辣 好開胃豆腐係板豆腐 好有質感 豆味濃郁🥛🥛🥛豬肉係五花腩 切到正方柱體 食落好淋好好食韓式雞肉石頭飯🪨🪨🍚🍚雞肉大大舊 而且份量好多🐔🐔🐔醬汁唔會太辣 而且夠多 撈勻D飯味道岩岩好食到最底會有飯焦 好香好脆好好食🤌🏻🤌🏻

尖沙咀韓國拌飯卡路里🍱.ᐟ‪‪.ᐟ⸜♡⸝營 養 估 算 :🌟702kcalCarbs: 88g (女生建議食少飯)Protein: 37gFat: 19g📍家家戶戶尖沙咀金巴利街1B恆港中心地下1號舖🕒Mon-Sun 12:00-15:30//17:30-23:00▶️牛肉韓式雜錦飯 $102有冇人睇左黑白大廚都好想食韓國嘢🥹依間拌飯好多配料！色彩繽紛見到都開心有菠菜、芽菜、翠玉瓜 、紅蘿蔔😍小菜仲有海帶、韭菜、豆腐、泡菜！一個餐食到好多種菜 幾開心😋牛肉鹹淡適中，質感偏瘦~份量都幾多！🩷整體係傳統味道+份量實在!!韓國拌飯其實係一個健康選擇!!除左有曬三大營養，仲有好多膳食纖維、維他命🥗重點係依間用嘅係偏瘦嘅牛肉，較為低脂🙂‍↕️而且拌飯會比石頭鍋飯健康！因為石鍋飯為了弄飯焦感覺，鍋底會加入大量麻油~但係留意番韓式辣醬鈉質同糖份較高！最好就汁另上，飲返多啲水喇~—୨୧ —୨୧ — ୨୧ — ୨୧ — ୨୧ —୨୧ —୨୧ — ୨୧ — ୨୧ — 想知更多營養和美食資訊🪽🪽🪽Follow @foodrooling_hk Follow @foodrooling_hk Follow @food

通常想食正宗韓國菜，我一定係去尖沙咀韓國街個邊選擇。呢間之前已經食過好幾次，鐘意佢呢到有多款配搭既套餐組合。食物配搭都好吸引! 牛肉韓式雜錦飯一上枱已經好有食慾，因為佢有多款配菜，仲有枝益力多! 感覺好似傳統韓國家庭式料理。小菜方面有豆腐 , 韭菜花 ,牛蒡 同埋泡菜，另外仲有海帶湯。牛肉拌飯好多蔬菜，所以睇落好多色彩，好開胃，辣味主要靠小菜，但都好夠味，而且整體感覺好健康。泡菜辣豬肉飯想食正宗既泡菜辣豬肉，呢到真係一D都冇黎錯!! 泡菜辣豬肉酸酸辣辣，好香口惹味。而且份量好多，食到好飽! 星期六6點幾到埗，已經好多人黎食，真係有保證!

呢間餐廳位於尖沙咀一個俾人叫咗「韓國街」的位置，原因係呢度韓國餐廳林立，我同朋友選擇呢間餐廳，因為見佢冇乜昂貴嘅韓國小菜，取而代之係多款幾划算嘅家庭式料理套餐。餐廳入邊似家庭式嘅裝潢，店員友善，值得再光顧✅ 韓式牛肉石頭飯石鍋飯上有牛肉、雞蛋、紅蘿蔔絲、青菜等材料，石頭加熱之後香氣十足，鍋底有微微金黃的飯焦。呢個係套餐，套餐仲包括泡菜、韭菜花、糖漬蓮藕同埋一碗海帶湯，非常豐富✅ 海鮮炸醬撈麵韓式炸醬麵係用上一種叫做「春醬」的醬汁，醬汁大量鋪上麵條上，入面有炒香的洋蔥和蘿蔔，而且有雜錦海鮮粒，香濃惹味；麵條煙靭帶少少彈性，好食！

尖沙咀韓國街搵到呢間韓式家庭小店，木系餐廳主題好溫馨，每個定食都會送幾碟韓式開胃小菜同埋海帶湯，另外仲有益力多添😁————————————————————🔸泡菜豆腐豬肉湯(HK$99)熱辣辣嘅泡菜湯好啱冬天暖胃食，都幾足料，有泡菜豆腐金菇同豬肉，泡菜有少少辣配飯最啱☺️🔸 牛肉石鍋飯(HK$109)除咗牛肉都有好多配料，配埋辣醬趁熱撈勻，仲見到啲飯焦😗————————————————————🍴家家戶戶📍尖沙咀金巴利街1B恆港中心地下1號舖

尖沙咀韓國菜林立，近日食呢間韓國餐廳人氣都幾爆，當日都等咗半個鐘，入到去好似去咗韓式屋企一樣，裝修走溫馨木系環境，氣氛都幾熱鬧！韓國菜一定有前菜，呢度有四款，除咗泡菜之外，仲有韭菜、蓮藕、韓式魚片、泡菜偏酸唔係好辣，配搭飯食咁美味！🐃🍚韓式牛肉石頭飯 $108熱辣辣嘅牛肉飯，最啱我口味，呢個石鍋飯大份抵食，配菜份量好多：芽菜、蔬菜蘿蔔，辣度可能配合返香港人口味，甜中帶微辣，配合埋雙蛋黃汁同醃製牛肉碎，感覺好飽肚又滿足！套餐仲有💚海帶湯除咗有海帶鮮味之外，胡椒味都好重，所以感覺好暖胃！🐖🌶️泡菜辣豬肉飯 $108充滿非常濃郁嘅韓式醬汁味道，大量泡菜同蘿蔔條，味道偏刺激，混合白飯一齊食啱啱好，超惹味，喜歡韓式辣豬肉飯嘅朋友一定會鍾意！✨呢間店性價比都幾高，傳統套餐有晒所有嘢食，都幾方便，牛肉飯太多食唔晒，仲有最鍾意嘅香甜益力多🧡

尖沙咀傳統韓國餐廳《家家戶戶》位於金巴利街的韓國餐館 已經光顧過很多次了 有傳統韓式氛圍 價錢亦相宜各樣韓國食物都很不錯 值得一再encore👍🏻👍🏻🐠🐙純豆腐海鮮湯熱辣辣上枱 沸騰的熱湯很適合冷冷的天氣湯裡有魷魚、蜆肉、豆腐還有很多迷你蜆肉 一直食到最後還打撈到不少蜆肉驚訝地發現湯裡還有一隻完整雞蛋湯的辣度剛好 不會太辣 配飯和小菜剛剛好一口湯一口飯 輕易就食完整碗白飯喜歡小菜的涼拌豆腐和泡菜蘿蔔乾👍🏻

尖沙咀韓國街有一間屹立咗喺呢度好多年嘅韓國餐廳 小編時不時都會嚟呢度食㗎🤣🙌🏻呢間家家戶戶都可以話係家傳戶曉..因為小編嗰個朋友都食過 都話好食！.🐷牛肉海鮮辣湯湯飯我哋呢個就叫咗套餐嘅，成碗湯超級大碗，上菜嘅時候嚇親我哋，牛肉啲牛肉都可以話係朔晒湯汁，然後仲有好多款唔同嘅海鮮，例如蝦、魷魚、蜆、青口等等，同埋有好多菜，個湯的確係有少少辣，好彩朋友都幾食得辣嘅😆😆，而家天氣凍凍地，食返一個湯飯，真係成身暖笠笠！ 除此之外，呢個套餐仲有啲小菜，例如青瓜、泡菜、魚糕、海帶，小編都好鍾意食呢啲韓國嘅配菜，加多少少錢就有套餐，仲有嘢飲，都真係幾豐富！🐷海鮮炸醬撈麵呢份炸醬撈麵又係比小編想像中大，裏面都係有魷魚、蜆等，、麵條嘅份量亦都非常之多，爭啲食唔晒、個汁仲要好濃，難怪配菜多咗一份蘿蔔，相信係俾大家食完之後refresh一下個口！配菜仲有泡菜、同埋韓國嘅餃子🥟，仲有一碗熱辣辣嘅海帶湯！.小編都幾欣賞呢一間韓國餐廳，食咗咁多年嘅質素都keep住咁好，而且成個裝修都貼近韓國嗰種家庭式料理嘅餐廳，之前去韓國旅行嘅時候都見到有啲餐廳係類似咁嘅裝修，所以我覺得特別有親切感，而且加多少少錢就可以有套餐，