影片
斋睇家家乐的 Logo 就感受到他的七八十年代字体风格 😆 那个年代除了梅姐的 挛毛头 及大垫膊外， 还有当时兴起的 「大x乐 」 及「 大快x」的快餐文化， 家家乐 就是诞生在那个年代吧！😁开放式厨房， 面积不大但厨师甚多，从外面看到忧郁嘅厨师 + 唏嘘嘅发根 ~ 虽然厨师叔叔佬味甚浓， 但以港式快餐厨房来说，这个蛮整齐的 😆猪扒麭 $19~ 猪扒腌得淋而入味，港式猪扒怎样腌得淋？ 不多说，你懂的 😆 快餐的好处，来去货快， 不会囤积食物，猪扒不会腌过耐。 切好的猪扒 加上洋葱及生菜， 刚好一顿简单的速食下午茶 😁饥Point : 6/10#hungermarch #饥诗 #非饥诗
继续阅读
最近先发现呢个地方，食左两次，第一次去想买野食果阵，揾左好耐都揾唔到条队，见d人都系普普通通行上前就买到，我系唔同位置企左好几分钟都好似冇店员见到咁，我企去左边就见到右边既人收钱，然后企番去右边就见到左边有人收钱，结果终于等到d人都走晒先买到。买左个福建炒饭，整体都还可以，就系d虾仁有d影响观感，虾仁数量唔少，全部都有条黑色既肠，真系食唔落口，最后试左一啖，完全冇味，好彩冇食到。刚才再去左一次，我前面企左几个人，我依然系打算排队，结果企企下有个阿叔逼左去我前面，再企企下又有个阿婶逼左去阿叔前面，旁边仲有两三个人，阿婶等左阵就直接喊过去，然后成落单，其他人就跟著喊，纷纷成功下单，此刻我终于明白呢间店既正确买饭方式，无奈我确实做唔出插队同大喊之举，系我错，所以我即时转身就走，以后唔会再帮衬。
继续阅读
外卖叫了盒咖哩牛腩饭，食落无咖哩味，得个辣，份量都算多，但唔好食，食到味觉得辣，牛腩还可以，唔会硬到咬唔到。送外卖嚟嘅系个伯伯，由于我只系帮手俾钱，所以唔知俾唔俾贴士好，应该找七蚊，个伯伯由拎到钱果一秒已经表示唔想找，系咁睥住我搞左半分钟佢先从银包拎钱找俾我，仲要一开头找两蚊咁大把！！！！！如非必要都唔会食不爽
继续阅读
本身都系住系呢头附近每到夜晚11,2点唔知食咩好嘅时候，就会谂起「家家乐」平、靓、正仲要开到好夜，附近酒吧D人饮饮下酒肚饿都会行过黎整番个外卖收银个阿叔好风趣，虽然有D串串地但系等外卖嘅时候无野做，不防偷听下佢同D客嘅对话都几搞笑架系入面做D阿叔好劲，个个都好好记性，又快手快脚劲快搞掂晒D外卖每次黎都系例牌嗌呢个「杂扒薯条餐」唔需要淋汁佢本身D肉已经整到好JUICY，淋左汁就盖过晒D肉味啦真系想要汁果D人，其实你同收银阿叔讲要咩汁佢都会淋埋俾你除左呢款之外，炸脾呀、热狗、汉堡包同其他饭佢都OK架平平地，又有怀旧风味系附近番工嘅人，「家家乐」的确系叫卖嘅不二之选
继续阅读
这日，有一个大型的博客活动在尖沙咀举行，可是我需要上课，与那一个可以又食又拧，又有奖品攞的活动无缘，没法跟人去大开眼界。另有任务来到尖沙咀，当我在 FB 看见人人欢腾的照片，我就需要找个地方独乐乐。码头落船，目的地是厚福街，我经由北京道一带行过去，经过《家家乐》门口，感觉，一个香港式的汉堡包，会很合我心意。《家家乐》，是少数依然能在大街大巷经营的快餐店。这《家家乐》用上了开扬的 Open Kitchen，厨房人手亦比一般的港式快餐店多，占了两个舖位，完全不设堂食，可以说是一间非常典型的快餐店，是日怕麻烦，不然，我真的想问有没有炸鱼藉条，因为，这儿好有英国 chippy feel。其实，未行入 counter，我早已定下目标，因为求简单，求可以边走边吃，一个轻快的食品最是适合我。牛扒煎好了，芝士片放好了，包也烘热了，店员把包子塞入纸袋内，好让我平平安安地，拿走慢用。香港式的芝士汉堡，比起美国的汉堡，简单多了，不过，最皇要的，依然是一片味道美的手打汉堡牛扒，《家家乐》的这一片，样子不平均，不够圆，但肉粒很碎，而且亦可以吃得出夹杂了烟韧咬不开的小肉，外面是带点香脆的，内心是香软的，牛肉味道浓厚，而似溶非溶的芝士，令这一个看似平凡的包，陪添美味。轻轻的一食，很香口，也令人份外的满足，香港人的汉堡包，热热地吃入口，这一份感觉，老外是不会明白的。
继续阅读