影片
食记 (21)
男朋友带我去食呢间车仔面，简直颠覆咗我对车仔面嘅认知，平时食开𠮶啲车仔面好细碗又少𩠌，所以第一次食呢间就叫咗四𩠌，点知啲菜又多啲𩠌又多食极都食唔完，仲要每样𩠌都好好味，每一次食都要男朋友帮手食埋，真系饱到上心口，食咗咁多次车仔面系得呢间会俾咁多菜，50几蚊碗超级抵👍🏽
继续阅读
唔知几时开始，车仔面由穷人美食，变咗做穷少少都冇得食。第一次接触车仔面，系西湾河基湾小学斜对面，唔记得系送家姐返学or放学？净系记得每次都系猪红萝卜鱼蛋猪皮幼面，因为两姐弟食，老板仲会帮手将面𩠌分成两碗，恐怕现今难有食店会咁做。愉翠唯一一间车仔面，有卖肠粉碗仔翅煎酿三宝炒面⋯⋯间唔中都会买肠粉做早餐，午餐就好少帮衬，一来好多学生排队，二来位太少，一个人食都唔知揾位先定排队买面先；今个星期系开学周，唔洗争食饭，就过嚟食番餐😋猪红牛腩猪肠油面再加一份西洋菜，满满一大碗，唔够胆话好食，但就一定抵食！亚姨亦好好人，每个加辣汁的客人，都会提醒：「我哋D辣汁好辣㗎！真系食得到嘛？」是日消费：猪红牛腩猪肠西洋菜油面+樽装可几共$57 （樽装可乐贵罐装可乐$1）
继续阅读
和同事去愉翠苑街市外卖午餐，今次选吃未试过的车仔面。除了车仔面外，食店还有售粥、炒面、捞面、小食如肠粉及粉果等等。见排队的顾客多买车仔面，所以我和同事都买车仔面啊！三𩠌车仔面，猪红、鱼皮饺、通菜+油面配腩汁，配料满满的将面都遮盖。其他车仔面店，猪红的份量最多都是5～6件，这里的猪红多到数不到！份量虽多，质素也不差，猪红软滑，调味又恰好。鱼皮饺的份量正常，鱼皮饺大粒，馅料饱满，肉感分明，带香气，而且没有糊糊浆口的感觉。通菜同样是大量的，不过就煮得较为稔身，没有了爽脆口感。蔬菜份量之多，难怪令不少顾客也加份菜做𩠌啊！虽然三𩠌面的价钱要40多元，算不上便宜，但配料份量那么多，就觉得抵食！
继续阅读
之前买左碗菜干排骨粥做早餐返到公司睇系一粒肉碎都冇..正确系菜干粥今日转买肠粉加烧卖13加5点知见佢剪得三条加四份一..本身都食唔哂..所以冇出声..同埋讲完都冇意思..但唔会再帮衬..
继续阅读
去开附近路过呢间车仔面店见几有人气就走入去食结果令我后悔不已我同朋友两个人去食每人嗌一碗三𩠌面我嗌左通菜煎饺子鸡扒上海面朋友嗌左猪皮鱼肉鸡扒粗面首先老板娘渌面嘅时候光明正大地将两只煎饺子掉入汤里煮我睇到眼都突埋心里面极度想叫佢取消咗煎饺子但系佢已经煮紧我唔好意思冇取消到后悔到而家佢啲𩠌冇一样好食首先通菜老过老藕好似食紧草咁个所谓嘅煎饺子难食到一个点破坏我全日嘅心情个鸡扒普普通通，鞋鞋地上海面普普通通汤底叫咗腩汁但冇味我食完之后非常之唔开心同朋友讨论佢碗面嘅时候发现佢𠮶碗原来仲差过我其实个鱼肉我都有试佢完全只系一堆面粉浪费我食淀粉质嘅quota佢旧鸡扒原来有几旧碎骨完全唔知发生咩事个猪皮有沙我唯有讲句Ok, you win我不嬲写食评都好有品但系呢间野真心极度差唔明白点解会有咁多人帮衬我以后都唔会再去老板老板娘态度几好都冇用食物质素都唔得加上个老板娘成日除咗口罩喺度食嘢喺疫情底下更加唔会去呢度食佢一个人中，即系所有人都中
继续阅读