家上海 (形點 I)

营业中

休息中

好中意去家上海食飯，環境好，食物又啱我口味，最衰就係成日都要排好耐。所以我鍾意喺啲奇怪時間去，咁就唔使排隊啦。其實我次次去都係食嗰幾樣㗎啦，自己一個嘅時候就叫酸辣湯同小籠包。有時屋企人食就叫多個醉雞同麵食。酸辣湯(一人份)熱辣辣，咁落去個人好舒服。我鍾意佢夠酸，又夠辣，但係又唔會令到個胃唔舒服。木耳絲,蘿蔔絲,筍呢啲材料都夠，係肉少咗啲啫。小籠包皮薄餡靚，湯甜，我一個人鯨吞六粒！不過食到第四五粒有啲膩，呢個時候飲番啖酸辣湯，就啱啱好解到膩啦。加埋茗茶11蚊，我一個總共食咗120幾蚊。喺商場食個晚餐都算係咁啦！最緊要係自己食得滿足！

廢話少講 又係要介紹d好野呢到點心真係一流蒸既見得多 煎小籠包真係未見過 皮薄餡靚又多汁 煎左既小籠包個底皮仲要係脆既 必食推介！鍋貼都一樣好食 外脆內多汁！五味拼盤全部都正 有海哲頭 燻魚 醉雞 烤夫 肴肉鍋塔豆腐又係好特別 食唔出用咩包住 但入面好嫩滑杭椒牛肉正常蝦蟹炒飯個樣無乜特別 但食落好有驚喜 好足料 好香上海炒年糕無乜特別 勝在咸度適中 因為試過好多間都偏咸

1.麻香雞絲粉皮$62，差不多每次都會叫，皆因麻醬弄得好味和量多。不像有些店舖很吝嗇麻醬的份量食材新鮮當然重要，但這道冷盤絕對是看麻醬的質量，麻香味和稀杰度剛好，又慷慨的多麻醬，所以愛吃😍，推介👍🏼2.脆煎灌湯小籠包$54，每次必叫的，因是小籠包身揉合生煎包底，包內肉汁豐富，底部煎得焦脆可口，推介👍🏼3.鳳梨魚柳$88，甜酸度剛好(合我)，啖啖肉和菠蘿，開胃和佐飯之選4.淮鹽糖心燻蛋(2隻)$32，蛋的味道和質感都一般，連淮鹽應有的鹹味也沒有😳，失望😞，希望只是當天失手

我最愛吃熱騰騰的菜式，那麼吃上海菜是好選擇。午飯的時候要找一個座位並不是一件容易的事情，而且我們一共八個人，最好的就是吃中餐。這個餐廳也可以用apps 來訂位，所以我們很快就可以入座。我最愛吃的是小籠包，還有煎餃，銀絲捲，我們吃得飽飽的還有豆腐菠蘿骨銀牙炒麵

父親節一家人開開心心的晚餐，爸媽他們都是比較喜歡中餐所以特地早一點排隊，因為星期六很多人也慶祝父親節所以超級多人，我們已經五點半到了可是也要等到七點才可以入座，好彩店也有安排櫈仔老人家可以坐下休息！我們七點入座即刻點食物先，家上海蝦蟹炒飯呀、上海肉絲兩面王、金牌小籠包、蘇式燻魚、酥炸臭豆腐、上海醃篤鮮、原桶黑豆腐花、高力豆沙香蕉🤤每款食物都好好味👍🏻而且服務好好👍🏻我們都食得好開心🥳怪不得這店常常那麼多人！

上海菜是我一位摯友的至愛，常問我何時去試，就今晚!入座前店員已說明用餐時間為一個半小時，入座後店員隨即詢問茗茶口味，服務快捷，店內裝潢帶有古樸風!餐前小食先端上 $12 沒有給予名稱的餐前小食，有麻辣醬作調味的雞件，雞件嫩滑，是開胃菜。上海酸辣湯 (一位) $48 正常水平，辣味酸味並重。金牌小籠包 (六件) $54 皮薄餡靚，小籠包內的肉汁味道不錯。大排湯麵 $68 豬排味道及烹調技巧不錯，湯麵麵條正常水平，湯底清甜。淮揚軟兜 鱔 $138 有香味，味道適中，但鱔的份量極少，整體份量同樣是少。高力豆沙香蕉 (四件) $56 內裡有一片香蕉和豆沙蓉，加上糖霜，甜味恰到好處，炸得挺身，口感柔軟，熱度剛好入口不油膩。餐牌有很多菜式選擇，就以這晚饍而論，在調味方面有家的感覺，看來要大夥兒進餐試多一些菜餚才能真正體會家的風味!

其實係香港行商場，大部分都是連鎖式餐廳都無乜一間會因味道令人一去再去如果想食上海菜，好多時都係得王家沙，小南國和翡翠小籠包 呢幾個選擇好羨慕元朗居民，咁方便就可以有一流上海菜, YOHO 呢間「家上海」無論咩時間都好多人排隊咁多人排隊，就知道這間食物質素好今次我們2人在用APP 訂飛，等了30多分鐘，就可以入座每次我食上海菜，都會點「麻香雞絲粉皮」勁多麻醬舖在青瓜絲雞絲和粉皮上而且麻醬好香濃花生味，粉皮好滑天作之合「金牌小籠包」皮薄不易穿，一啖放入口，爆多湯汁，口感勁佳豬肉餡鬆軟, 非常經典!「紅燒獅子頭」好一個細火慢燉的料理 入口即化除了一個黃金肥豬肉和瘦用比例外，火喉都好緊要 不過這款菜的醬汁偏濃，而且卡路里挺高「上海粗炒」個汁好惹味 麵身彈牙食落不會有太油膩不過份量比較大，建議3-4 人分享

家上海由開張到依家一直都係長期排隊的店舖，不論平日或假日，人龍一直都冇斷過，可以先用APP取飛，咁就唔洗等太耐。店舖裝修感覺優雅有格調，都算大間，入面都幾多位，不過檯與檯之間可能會有點迫，但食物質素係唔錯，而且價錢唔貴。在門口位置，可以從透明玻璃見到師傅係入面整小籠包。麻香雞絲粉皮濃濃的麻醬，舖滿係雞絲粉皮上。上海擔擔麵好香的花生醬味，麵條爽口。金牌小籠包(六件)小籠包皮薄，鮮甜多汁，每次都係必點之一。

在年初二，我們一行3人 (2女1男) 走到元朗河背水塘行山行大運，其實！我都不知道元朗有水塘！行山後，我們搭小巴入元朗，他建議形點落車，我們沿形點商場行來行去，就算是年初二，很多食肆已營業！大家都花多眼亂！我只要填飽肚就可以了！所以，由他及她選擇吧！她決定這間 <家上海> ！食這餐遲來的午餐吧！由於我們三人看起來後生又似未結婚啩！因為無利是收，所以，安排入座後，沒有店員主動招呼我們！酸辣湯酸中帶辣，並非預期的辣，令人容易接受，質感濃稠，放涼了無咁好飲！豆腐羹豆腐幼絲如麵條，刀功超勁！反而口感稍欠，整體味清而夠味！煎小籠包一客5個，特別在底部加上米網，食起來有雙重口感！一咬開小籠包，即爆出熱辣辣豐盈的肉汁！獅子頭一客兩件，Size 大如煎堆！肉質柔軟多汁，醬汁的味道似是南乳，惹味又開胃！肉絲炒麵雙面黃炒麵是金黃色脆卜卜的，味道亦調較不錯，啱哂大家胃口！

嗰晚約左啲中學同學食飯，佢地話想喺元朗食上海嘢，有人提議家上海，我本人就未食過，睇個門面好似唔錯。✨雞絲粉皮👉🏾麻醬好濃好香👉🏾但雞絲有啲少喎！👉🏾我覺得可以凍少少！話晒都係冷盤。生煎小籠包👉🏾第一次食煎小籠包，熱辣辣都好吸引👉🏾皮好薄，透到入面嘅湯出黎👉🏾食嘅時候要小心啲，我地已經攤左一陣但都仲係好辣嘴！👄火方👉🏾我又係第一次食😂好新奇👉🏾呢味勁好食，食法係包夾住金華火腿，可以夾埋隔離嘅脆脆，口感更加有層次，再點桂花蜜。真係好好味！😍👉🏾桂花蜜嘅蓮子都食得架，好甜好好味！揚州炒飯👉🏾本身以為會同茶記嘅揚州炒飯唔同，但其實基本上係一樣的，覺得可以叫其他飯代替。-最後5個人食左$780，每人百幾蚊都OK！都可以帶屋企人食下！🥰

是次揀選了八寶辣醬麵和紅燒小元蹄八寶辣醬麵⭐⭐⭐⭐，湯底屬清湯，帶點類似金華火腿的微香，鹹甜適中，麵質適中，微微彈牙稍淋，八寶辣醬微辣偏鹹，需撈湯麵來吃比較適合，有菜譜，雞腎等等紅燒小元蹄⭐⭐⭐⭐⭐，非常美味，紅燒味濃而不太鹹，鹹度適中，元蹄入味嫰滑，皮和筋都很滑，連肉食味道與口感更佳。此外小元蹄份量算大。不過可能由於尚要加工，所以落單後仍要等一段時間，麵吃完了還要等多會，如果趕時間就最好不要揀這味餸

朋友們從澳洲返香港 過holiday 指明話要食中國菜 搵咗幾間餐廳 最後決定家上海 今次大大細細 加埋14人 迫迫地坐圓枱 感覺親密啲 人多好辦事 可以叫多幾樣菜式 都唔怕食唔曬今晚餐單 小籠包 醉乳鴿 生煎包 陳醋紅蜇頭 炸鳳尾魚 雞絲粉皮 乾扁四季豆 賽螃蟹 四喜烤麩 鍋塌豆腐 龍井蝦仁 蘿蔔炆肉 毛豆百頁 松子桂花魚 川椒炒牛肉 上海炒年糕 紅燒小元蹄 高力豆沙最喜歡是 小籠包: 送上枱時熱辣辣 放入口湯汁滿瀉 醉乳鴿 :非常入味 賽螃蟹 :炒得剛剛好唔會過熟 松子桂花魚 :炸得夠鬆脆 甜酸汁剛剛好 唔會搶喉紅燒元蹄 :做到入口溶化 睇起來有點 濃油赤醬 食起來完全沒有油膩感覺

之前同朋友係lunch食過一次，覺得吾錯所以同屋企人再黎食夜晚，點知5位等左一個鐘條隊都冇咩點郁過，只好食其他。今次6位等左一個鐘就入得啦！出發前用新地既app拎定4位，點知最後加多左2位，但個app要改人數就要重新拎過所以最後都等左好耐。今次今左好多野，有d菜掛住食都吾記得影啦！最推薦都係豬手，真係又冧又好味其他菜都ok得雲吞雞嘛嘛地，d雲吞既餡食吾慣。豆沙薄餅如果個皮係脆就應該會好食好多。整體黎講都係值得一試，不過冇耐性得位就用app拎定位或者吾好等啦！哈哈

店員服務親切 食物也非常抵食例如小黃魚是最出色揸得非常好味之餘外脆內軟肉汁還鎖着 非常之好食仲有特色小籠包是煎底的 10分特別還有其他很特別嘅菜式但係我全部都唔記得咗啲名 因為我爸是常客我只係路客去食下 所以不是太清楚但每次去都勁多人所以一定要book先好去海蜇頭都是10分出色的菜色是用醋製作 味道10分突出海蜇頭不是度度地方有得食而且好多地方只會比碎濕濕的海蜇頭¯\_(ツ)_/¯¯\_(ツ)_/¯¯\_(ツ)_/¯¯\_(ツ)_/¯所以值得一試

家上海開店至今每晚收工經過都會有人龍排隊食飯，可見質素有一定保證，今次由於唔想諗太多我哋就揀咗個晚市四人套餐。🥢蜜汁脆鱔十分香脆，加上陣陣香醋味，用嚟送酒一流。🥢手切蒜泥肉傳統菜式，本身冇咩味，靠蒜泥醬提味。🥢脆煎灌湯小籠包包底煎得脆之餘唔會一夾就爛，湯汁也多，美味👍🏻👍🏻🥢干扁四季豆四季豆炒得乾身而且有鑊氣，簡單的美味。🥢砂鍋雲吞雞鮮雞味濃郁，加上金華火腿等配料，十分滋味。🥢蘿蔔炆肉豬肉肥瘦均勻炆得剛剛好，又一道簡單美味嘅家鄉餸。🥢賽螃蟹本身又係冇咩味，主要食個口感，呢個就普普通通。🥢甜品湯圓最後上埋大大粒嘅薑汁湯圓作結。