客滿庭

营业中

休息中

還有十多天便到新年，黃大仙區多間酒樓已經要食套餐，但客滿庭仍有散叫，便來試試，今晚都算全場爆滿，職員仍樂力服務，熱水壼一無水即換，上餐時間快，真要讚賞。天氣轉，朋友們都有乾咳，故今晚點了杏汁豬肺湯，杏汁味剛好，不喜歡杏仁的朋友都表示好飲，湯料都有很多豬肺及豬肉，湯都成十碗，我哋八個人，剛好。燒鵝及鹽焗雞各點了半隻，剛好，都很好味，客家豆腐略嫌多油，另外叫了個斑孖寶，都係一個不錯的選擇，最後點了紅棗糕，埋單，每人都係210元，抵食。

今日係端午節，游完🐲舟水之後，就約左屋企人去屋企附近既客滿庭食晚飯。等了一會兒才有一張五人枱，客滿庭既燈飾相當有特式，迎合了客滿庭既意境☺️。這碟燒味雙拼有油雞肶及燒鵝肶，但就一定要趁熱食，放凍左味道冇咁好食。而我就比較喜歡食雞肶多過食燒鵝，因為雞肶🍗既肉質較為嫩滑😋。睇到隔離枱食緊蒜蓉開邊蒸蝦覺得很吸引，所以我哋又叫黎試下。食落覺得蒜蓉味道很濃，蝦🦐肉都幾新鮮，再加埋d蝦底下既粉絲同金菰一齊食相當美味😋。這道菜既顏色很豐富😄，而且食材很健康，有西蘭花🥦、紅椒、黃椒、䓤頭、薑片及帶子，西蘭花🥦食落相當爽脆，紅黃椒就甜甜地，帶子大大隻很鮮甜，加上落左薑片一齊炒，可以帶出食材既香味。如果覺得有點淡口既話，也可以加點蠔油一齊食。整體來說，今晚既餸菜不算得相當名貴，但味道也算不錯。而且我對客滿庭既服務相當滿意，待應服務細心認真，由我哋入座、點菜落單、上菜到埋單效率十分快捷。

今晚同屋企人一齊嚟依度食晚飯，我哋一行四人嗌咗幾個餸，分別係：黑醋番薯咕嚕肉、金銀蛋時蔬、紅燒乳鴿和魚腩籠仔蒸飯。食物味道同份量都唔錯。黑醋番薯咕嚕肉一如以往咁好味，番薯同咕嚕肉好林，餸飯或餸酒都一流。金銀蛋時蔬維持水準，蔬菜亦好新鮮。叫咗兩隻紅燒乳鴿，一隻燒得比較燶，另一隻啱啱好，兩隻都好多汁。［純文字討論］唔記得幫魚腩籠仔蒸飯影相，魚腩肥瘦均勻，飯底粒粒乾身有咬口。環境方面，啲檯放得比較密集，但可接受。服務方面好好，主動走來幫我拉開張凳，比輪椅進入；服務員亦有走嚟寒暄幾句，感覺親切。總括而言，客滿亭維持一貫水平，食物同服務keep到水準；週末如果嚟呢度食飯嘅話記得提前訂枱，即使提前walk-in亦未必有枱。

10點55分拎籌等位，開頭叫我等一陣，結果等佐成個鐘都冇得入，成日叫4位4位入，問條看門狗幾時入得，話入邊擺緊酒，會遲！痴線又唔早講，等佐成個鐘問個陣先講，冇啲規矩，明知有人等多人檯又係咁放2位既4位既，咁既酒樓唔食都罷🙄冇啲素質⋯⋯因為去食原本個間好難，轉態過黎食尼間，結果有啲咁既待遇，等1個鐘都未有得食，立即走人唔食尼間垃圾酒樓！一走去就轉號碼，呵呵，垃圾員工垃圾服務垃圾態度！！！！！！！！

專程試下這個屋苑的食肆，心選的那間要排長龍，唯有改試這間！酒樓的裝潢不錯，天花掛滿紅色燈籠，旁邊又有雀籠設計的座位。午餐時段全滿座，都幾旺場。點了一個四合一套餐，再加些點心，很快送到，起動。最先來的是黑豚肉炒河，中規中矩，韮菜很香，而且不太多油。鮑汁扣鳳爪，鳳爪未炸透身，有點硬，而且醃得不入味，鮑汁面舖了一層油。叉燒腸普通啦！叉燒包，叉燒饀好味！最敗筆是這個甜點，紅棗糕，蒸得完全過火，變成一pat！這裡的露台設有座位，有些食客便走到露台吸煙，但玻璃門大開，外面的二手煙隨風飄入內，我們坐得遠，都被迫吸二手煙！

1. 梅菜扣肉: 梅菜味不夠, 溫度亦都比暖稍熱。 2. 蒜蓉蒸蝦: 同樣蒜蓉味唔夠。3. 蟹肉扒豆苗: 捧出嚟完全認唔出係蟹肉,以為係雞蛋花。4. 半隻鹽焗雞 (圖係半途影嘅): 等咗大半個鐘頭,出嚟以為係燒雞 ,不過味道都似鹽焗雞。5. 糖水杏仁茶 : 超級溝水,輸畀街邊糖水舖九條街,三十幾蚊碗。搵笨過搵笨。結帳$7XX。4個成人用餐。

其實應該－粒星都無，不過不按星，就發佈不到，這間簡直垃圾，千祈唔好去。貨不對辦之餘(無問過你糯米飯變炒飯，你的中價套餐大龍躉變最低價套餐沙巴龍躉，兩個套餐價錢相差成超過六百多元，仲有鹽焗雞又話無，要逼你蒸咸雞肉，最後炸子雞...)待應加收銀仲有店長態度超惡劣，死抝食品－樣，一時又話有人攪錯，不過一定唔換，價錢照收三千八百多以上。食到2019年過年－肚氣，你仲去?

入左去勁奈都冇人整枱，開茶，仲要大大聲話冇噤快，如果我係大圍枱，熟客會不會噤講？！態度勁差，幫襯你仲要俾佢話？祝你早日倒閉啦。野食又差，如果唔係彩晶軒冇位，一定唔會來。大家以後都不要去！

以前成日去飲茶, 味道麻麻, 仲要服務態度有問題, 耐唔耐先去一次飲茶。今日唸住得閒去飲茶, 近近地就揀左去呢間。點知, 一黎到, 開茶位, 寫完張單, 係大力飛落張檯, 一d唔尊重茶客。食龍肉都無味...開張單都可以咁無禮貌, 都唔知點做服務業, 原本唸住過年餐飯響度食, 宜家blacklist, 唔考慮。

上年12月尾過來一次飲宴 食物質素唔錯所以今次夜晚和家人來食飯但是今次真是讓人失望至極餸菜方面 我們點了客家煎釀豆腐魚香茄子煲 海味粉絲什菜煲還有一個自選套餐 （蒜香紅燒bb鴿+蔥燒干迫斑腩煲）首先說一說客家煎釀豆腐這個菜是整個晚餐最正常的一道菜豆腐少許滑 中心的肉有胡椒粉香味豆腐還算大塊 不過想到這道菜要$88其實都只是中規中矩其次是魚香茄子煲我只能夠告訴大家 這個魚香茄子是我吃過那麼多魚香茄子中數一數二差首先整個魚香茄子煲沒有香味 調味也不足而且極度多油 只有底部肉碎有一點味道感覺只是把肉碎放在底部 然後把茄子走油再直接放上去 沒有炒過我們家人習慣從來很少會有剩菜 但是這個魚香茄子煲真是令人不敢恭維然後是海味粉絲什菜煲海味只有面上的魷魚 和蝦米 數量一般偏向少海味都處理得不好 入口仍有明顯腥味菜則是中規中矩 沒有太差或太出色之處蒜香紅燒bb鴿bb鴿上桌温度只是室溫左右的溫度對於燒鴿而言實在不足 而且表皮也不香脆加上味道不均勻 有一點地方味道很重或很淡味道最後是蔥燒干迫斑腩煲這個菜火候不足 斑腩沒有蔥或者紅燒的味道部份的香蔥有稍強的苦澀味介紹完食物部份再說一說員工服務員工服務總體而言

當然有節日要慶祝，我都會同家人到依間食圍餐，因為我都覺得呢間份量都算十足，味道都唔錯，服務都幾好，但今次母親節慶祝，就有啲失望啦燒味拼盤，就咁望落去都唔錯，主要以乳豬為主，其餘嘅係燻提、鴨髀、叉燒、豉油雞，擺放得都算合格，望落去都算可以等當你揭開面層嘅乳豬片是，你就會發覺貨不對辦，除咗最上層嗰幾塊鋪得靚一靚之外，其餘底下嘅，看上圖便知究竟， 零碎、薄切、失禮其餘四款嘅都係一般，總括來說，第一道菜已經唔合格啦，真係好失望

一年一度的開年飯，家人一早訂了這家中餐廳，當日全店滿座，很是熱鬧。合桃蝦仁炒西芹荷蘭豆，蝦仁飽滿鮮甜，西芹荷蘭豆不過份諗身，脆口鮮甜，配合甜脆的合桃，好味!乳豬全體，燒得恰到好處，不太肥膩。海皇翅，味道一般，沒甚麼特別。西蘭花炒鮮魷，蔬菜煮得很出色，軟硬度適中，鮮魷非常彈牙。清蒸大青班，魚肉非常鮮嫩，不會煮得過熟。元貝發財蠔豉煮生菜，很應節的一道菜式，蠔味十足，蠔汁做得很濃，但願家人食吧個個財源滾滾。炸蝦球，還以為是蟹拑，這個蝦肉算多，食掉一個人也飽了不少。炸子雞，飽得食不下去，家人話雞肉算嫩口。生炒糯米飯，家人不滿意這道菜，說食下似蒸飯，像沒炒過，不好食。香橙果盆，橙肉多汁偏甜，不錯的飯後果。壽包，十足飽的我竟然食掉兩個壽包，家人連環說我包癮上腦，short short地。係，我應我鍾意食鮑。

今晚訂咗晚上七點鐘一家人食團年飯⋯我哋由六點半早到喺度等，早到是美德不是嗎？門口既呀姐冷淡咁回句：「你Book七點。未有枱。」好吧，係我哋唔啱🙈我哋耐心等待⋯等到七點⋯點解仲未有枱架？又走去問吓門口呀姐⋯呀姐話：「啲枱埋緊單，執埋張枱比你。」如果我兩個人食就話等姐⋯一年一度幾家人團年⋯幾唔好意思⋯係咁比啲親戚問：「咩唔係訂咗枱架？點解仲要等既？！」我同屋企人足足等到七點半先入到枱👿期間無人理過我哋⋯服務真係好到無得彈我哋叫咗個恭喜發財宴坐到入去終於明點解咁耐都無枱⋯由入座到第一個上菜竟然又等咗半個鐘😂全豬盤-凍冰冰既，一人大約分到三舊⋯太肚餓啦，一陣風就掃晒😂琥珀玻璃明蝦球-只有雪味的蝦⋯不過呢碟係有溫度既，熱既，難能可貴！富貴蘭花蚌花姿-類似魷魚既物體⋯靭到一個點😊鴻圖魚肚燴翅-找不到說好的魚翅，味道好淡好淡😊年年有餘沙巴躉-又係難能可貴的熱菜，真心好細條⋯我哋係完全唔夠食好景糯米飯-濕濕哋⋯好怪既口感⋯想點呀⋯味道好正常蟠桃-最好食係你👍👍💕又熱又足料

妹妹一家在加拿大回港，今年可以齊人造冬，媽媽一早在客滿庭訂座及付了$200留位費，我們不是富有人家，所以很少叫一席，而且是日冬至一席12人餐要5000多元實在太貴了，所以我們都是單點的⋯單點款式通常都不多鹽焗雞(半隻) $148，嫩滑多肉桂花素翅炒魚肚 $98，適合小朋友餸飯魚腐鮮竹浸時蔬 $88西蘭花炒帶子 $128，帶子好鮮嫩金薯咕嚕肉 $98，這個值得推介，味道似糖醋，肉是瘦肉金薯外脆好好味～秘制牛仔骨煲 $118，幾入味上湯焗海蝦(伊麵底) $118，蝦冇蝦味籠仔荷葉蒜香蒸蝦飯 $128，蝦開邊卻沒有挑腸，大大條黑色蝦腸露出來賣相即時扣分整體感覺0k，但牛仔骨漏了單我們要求取消，侍應卻不理會俠硬上菜，這種服務真的要扣分

垃圾酒樓！幫老人家擺生日酒，叫酒樓幫我地雪好個五磅蛋糕，點知約七時叫伙記攞蛋糕出來切，結果七時半先拿出來，最精彩係酒樓整到個蛋糕爛矖又唔出聲！個蛋糕係東海堂買，送到酒樓時，有兩個部長（一男一女）接收，打開盒後，佢地仲話好靚！所以客滿廷不之所謂，跌爛客人蛋糕又唔認！D野食差到爆！乳豬煮唔熟，就算熟都唔會食，太肥！龍蝦是煤的！我聽到其他客人都投訴魚煮唔熟！服務恐怖！侍應好拿西同粗魯，成曰打寫野，成杯水倒落我姨丈件衫，成碟魚差不多倒落我個妹對鞋到！嚇死人！