客家人豬什粉 (花都廣場) (已結業)

每一次寫評論就係俾呢間野我記得以前車仔麵係幾唔錯 轉左賣醉雞後食過一次都ok 近排天氣凍又想試下夜晚叫左個醉雞米粉 連野飲$48無錯係唔貴 以醉雞黎講仲算好平 但一上台就好後悔個湯係凍 又冇味 好似清湯加幾滴醉雞汁 完全唔想飲 雞係雞翼雞胸 好似湯渣 唔滑又都冇味 都係白烚烚到好老咁米粉係透明個種 我麻麻地 總之都係唔好食加上坐正廚房對面 成日望住佢倒污水 又未至於唔衛生 但環境一般般第一次食到咁難食嘅醉雞 唔寫出黎都唔得 當然冇下次

湯熱，醉雞肉不鞋口，也是好吃😋⋯⋯有半隻雞蛋，生菜兩條，少許黑木耳、紅棗小粒等等…….湯底不俗，油面軟硬適中，稍稍不夠熱，如果熱些就好。奉送凍豆漿一杯，味道合格，這樣一個醉香鮮雞湯麵+送凍豆漿，盛惠48元……湯熱，醉雞肉不鞋口，也是好吃😋⋯⋯有半隻雞蛋，生菜兩條，少許黑木耳、紅棗小粒等等…….湯底不俗，油面軟硬適中，稍稍不夠熱，如果熱些就好。奉送凍豆漿一杯，味道合格，這樣一個醉香鮮雞湯麵+送凍豆漿，盛惠48元……

今日同朋友2個人去食客家人豬雜，之前都食過2-3次，覺得幾好食所以今日再去。點知坐底叫樓面呀姐（all back 頭)唔該寫野，個樓面呀姐發曬炆憎：「等陣啦！得我一個炸！等陣啦！」咁都明白星期六日晚會忙啲，我地都等下。之後叫咗3個小食，樓面呀姐漏單，只係寫咗1個小食，我地提返佢仲有2個小食，佢即刻黑口黑面仲話自己冇漏(但佢即刻過黎再手寫返張單）。一上菜，我叫嘅係「芫荽雞湯米線」，佢上咗個醉雞湯米線，我同佢講返我叫嘅係「芫荽」而唔係「醉雞」，佢就求其用個碗仔裝啲「生芫荽」比我。大佬，我叫芫荽湯底就係要有芫荽味，你比幾條「生芫荽」我有咩用，硬掘掘。態度差漏單錯單上菜求其

今日星期二夜晚會同屋企人慶祝生日聚餐，因而嚟到粉嶺花都廣場北區餐廳聚集地都係石湖墟以及聯和墟，所以都無額外留意其他地方嘅食肆平時要食嘢多數都係去呢兩個地方，一嚟好多好多選擇二嚟方便泊車而由於屋企人住樓上既關係，今日亦都好早就嚟到粉嶺心諗不如係樓下商場是旦食啲野先，無謂走嚟走去行咗一個圈，商場不外乎都係大型連鎖食肆所以今日決定要幫襯小店，見到呢間鋪又賣豬雜，又係客家咸雞主題，仲要做埋烤魚雞煲都幾多元化幾多選擇啊吓姑且決定試一試當時大概兩點半全日仲未食嘢，非常之肚餓所以就大膽問吓 依家有冇得打邊爐烤魚㗎點之真係有，可以做比我哋（⋯⋯好感動🥹 基於種種原因好耐無食過深圳嘅烤魚，而之後都應該唔會再去🤐）呢個就係今日叫嘅烤魚啦～配料選擇咗 薯仔 萵苣 蓮藕 金菇 4款本人都算食得辣，不過遷就同行二人，所以叫咗微辣佢開頭就係微辣，後來會愈煲愈出味，大概係小辣呢個辣味係夠麻夠辣，又炸黄豆亦有芝麻於當中，非常之香閣下係非常中意，即時問店員：如果叫你哋嘅麻辣雞麵，係唔係都係呢款辣佢亦都話係，所以下星期再嚟探屋企人時，我已經諗好叫麻辣雞湯米線🍜大辣 凍奶茶😝😝下星期再寫吓呢個米線嘅評價先，多謝各位耐心閱讀

今日去到粉嶺花都廣場有間新開嘅粉麵檔跟住入邊有雞做主題嘅面之後呢我就今次冇食雞就食咗魚煲跟住呢就好好食咁樣然之後呢就俾咗二百幾蚊買單啊介紹返食嗎食物入邊有一個紫薯粉同埋入邊有啲萵筍仲有炸蓮藕同埋薯仔好嘅地方啲可樂有支裝可樂同埋門口可以泊車佢嘅主題就係有有新鮮豬什同埋客家鹹雞Send佢嗰個雞煲佢會有兩款配料任選以新鮮嘢來講其實係超值但係唔好嘅地方就其實冇乜特別嘅配料同埋冇乜特別嘅牛肉食所以以平平哋來講其實就OK囉如果想食飽啲仲可以加錢食放題

見到有 姬松茸雞 同椰子雪耳雞兩款都好似好正咁 ，呢款 椰子雪耳雞已經食過兩次。真係好好食！個湯係好香嘅椰子湯 又有煲到軟綿綿嘅雪耳 （平時媽咪煲湯超中意食）估唔到出街都有得食🥳🥳 湯底仲有圓肉、 紅棗 、杞子 ，一大塊嘅椰子肉，感覺好養生好健康咁唔係成日出面食嘅化學味精湯底幾好會係日日都想食嘅嘢仲有一隻 流心蛋附送 嘻嘻感覺好滿足客家咸雞都相當唔錯 生熟度浸得啱啱好kerep住係麵嘅熱湯入面 仲係好嫩滑冇嗰啲急凍雞肉鞋颯颯嘅口感同雪味店家處理得不錯💯💯💯💯💯

你千祈唔好當佢係蕃茄湯，碗湯裏面嗰兩舊蕃茄好好味，可能係因為好細舊，但係碗湯真係好好味，啲鹹雞好滑，好有雞味，啲麵係鹼水麵，都一樣咁好食。三樣嘢加埋冇得輸。連續食咗兩日同一款麵。下次會嘗試其他舖頭好簡單，但係服務好親切，有講有笑.

粉嶺一間豬雜粉麵店，間中有人排隊，即管試一試！湯底一打開很香的豬骨味，飲下去有點偏鹹，可以中和一下就好了！豬雜份量很多，咬落口感偏煙硬，有些筋連在一起，味道普通，不太吸引！

好食👍🏻👍🏻冇諗過屋企樓下可以食到咁好食既豬什粉冇服務冇環境可言但碗粉先至係最重要啲朱什點埋豉油，真心好滋味第一次寫食評，最少要80字唔好食都費事打咁多字希望大家都試下支持小店❗️

平時都有經過花都廣場，對呢間客家人無麥印象，相信係新開咗一陣。見到呢間舖頭有藥膳雞麵同豬油撈飯，吸引咗我嘅興趣。第一次叫呢間外賣，我簡咗豬什豬油撈飯+牛丸+花雕雞翼。返到屋企打開個外賣盒，驚嘆份量好足，面頭舖滿滿嘅豬什，有豬心，豬大腸等等，底雨有一層豬油撈飯，另外店家額外俾多咗一盒豬油，唔夠可以再加，食落好滿足，因為每樣餸都好有份量，飯底既豬油香味好邪惡。整體食落唔會好油膩。另外再跟一碗胡椒湯，平時飲嘅例湯係味精+水，但呢碗湯飲落好重胡椒味，感覺好足料。

本身見呢個位頂左上手試試佢咩料食身質素唔錯既食過兩次都叫有水準唯獨最後一次 服務態度就欠缺質素由於當時六點後只可以叫外賣咁我俾錢時候就話拎走而收銀個位哥仔就話 緊係外賣啦 邊有得係到食啫要知道多口係每個行業既忌諱之事收銀哥仔講呢句既用意何在?當然可以話係講笑但係當時收銀哥仔係冇帶住任何笑容只有輕挑同不屑事後買完野食發現食物亦都係比錯試問單又唔覆 態度又輕挑可以為食客帶黎咩體驗？只有受氣！雖然係咁 佢既豬什粉係好食既不過員工方面就差啲囉

花都廣場間鴻仔記rebrand, 主打無味精胡椒豬骨湯底既枸杞豬什粉！有大碗$48亦都有細碗$38，除左一般既米粉、米線、河粉同油麵，亦都可以選擇跟銀針粉同飯。有時個期食厭左米線米粉都不失為一個選擇。最驚喜有幾點。1）佢個粉會跟一碟仔鼓油，上面已經淋左熟油，極富家鄉情懷。2）豬什既種類比想像中多，連豬肺都有。家庭主婦如果有試過煲杏汁豬肺湯都知道要洗乾淨個豬肺要好多時間同心機，而呢碗粉都俾到有3片。另外仲有豬腰，豬肚好林滑，豬粉腸無蘇味，豬潤煮到岩岩好熟，彈牙，唔似d連鎖酸辣米線店片到超薄兼煮到過熟無晒口感。3）平時食湯粉最多跟2塊生菜，而呢碗粉仔可以食到枸杞，好幸福呢！4）凍檸茶幾好，一般茶記水準，無反到。5）隻碗個形狀幾特別幾靚，有助提高食慾，有心機做生意既表現。佢個餐牌仲有豬油撈麵，下次有機會再試下。

粉嶺新開既粉麵舖由於粉嶺無咩好野食一知道就即刻去試佢果個無味精湯底,好好飲,又好有膠質果個胡椒豬骨湯比起出面D粉麵明顯好食好多仲有少有既銀針粉有細個既味道性價比高好過食是但茶記果D快餐冬天岩食因為個湯好保暖豬潤豬粉腸都好好食其他果D都好食新鮮野幾好鯪魚球就普通野,唔係特別好食但都係一個選擇推介既係佢既干蔥豉汁同辣椒油好食到要日日食基本上平野日日食都幾好佢會暫時係粉嶺最好食既一間平價推介群記果D又真係一時時好食希望佢新開 無咩生意可以挨到唔好執