一直都想入嚟试吓，今日未多十二点，人唔算多，于是就行咗入去。餐厅在马路旁，玻璃门嘅设计，光线可以透入餐厅内。西餐厅内却摆放两部电影，播放电视台剧集，有点格格不入。午市餐牌有 A 至 F 嘅选择，配有餐汤和饮品，周末假日就需要加一服务费。而我就拣咗 C 餐意式烩猪仔脾配野菌汁 (Braised Pork Shin-bone-in w/ Wild Mushroom Sauce ($58)，而餐汤就拣咗意大利菜汤。不过餐厅职员系会即刻问埋你饮什么餐饮，而唔系等系食主菜食得七七八八时先问，于是我叫咗热华田。意大利菜汤配蒜蓉包 (Minestrone w/ Garlic Bread)意大利菜汤比罗宋汤味无咁浓，以洋葱，萝卜，西芹为主，汤料都算多，味道中规中矩。而蒜蓉包系好脆，脆到其实有啲硬，无咗蒜蓉包应该有嘅外脆内软，有点失望。系我饮紧汤嘅时间，餐厅职员已经奉上我嘅餐饮，而我仲未饮完汤嘅时候，连个主菜都出埋嚟，真系好奇怪嘅安排，食西餐都会食到成台都系，呢一方面真系有待改善，否则几好食嘅食物或热饮都会待凉，影响原有嘅味道。意式烩猪仔脾配野菌汁 (Braised Pork Shin-bone-in w/ Wild Mushroom Sauce) 单看卖相系唔错，配菜颜色鲜艳，猪仔脾经排列过。因为我拣咗薯菜，所以有薯条，薯条粗幼适中，尚算香脆，不过待了一会嘅关系，已经唔够热。猪仔脾有三件，肉质唔够嫩滑，同我相像中不同。伴碟嘅有豆，萝卜，西兰花，椰菜花同菌类。豆，西兰花和椰菜花食落都几新鲜，不过萝卜因为用盐水煮过，仲有咸味，扣晒分。而菌类就更加特别，全部浸晒落个汁，而个汁系茄汁，酸酸嘅菌真系入唔都口，最后剩番晒系度。餐牌中文系意式，英文写 Mushroom Sauce，但系依家系 Mushroom + Sauce。以我嘅认知 Mushroom Sauce 唔系茄汁。如果因为我叫薯菜而将茄汁放系底部，真系错误嘅配搭，我最后要避开晒啲汁食猪仔脾同配菜。餐饮 (热华田)由于杯餐饮太早到，加上本身唔热，当我食完个餐之后再饮，系凉晒。不过我就见隔离杯即磨咖啡系后上，真系唔明餐厅嘅安排。时间接近一点，人开始多，本身餐厅职员唔多，所以有点踢脚，已经等唔到同餐厅职员有眼神接触叫埋单，唯有自己去吧位嘅收银处俾钱。餐厅职员在找钱时话可以储单，一年内满二千元就有折，之后就系张单盖咗个印仔。总括而言，餐厅食物和服务有待改善，希望下次去试其他食物时唔会咁唔好彩。…查看更多
