影片
招牌菜
入大围踩车, 最头痛就系唔知去边食野, 又平又饱行行下见到有商场, 天气热, 就入去呢间野个经理/boss系咁sell佢地既定食,门口仲摆左雪柜, 标明movenpick, 唔知真定假叫左 芝士南瓜海鲜饭($5x): 几好食, 芝士味几香, 南瓜都几粉, 但我嫌唔够甜, 因为我同朋友share, 我只食到鱼, 炸得几好吉列猪扒饭($4x): 猪扒ok, 汁系照烧汁, 稀左d, 味道ok既, 但另外上既饭真系好少猪软骨拉面($4x): 面好腍, 猪软骨唔系软骨, 唔够腍, 成碗面, 一d都无日本风味, 唔讲系日本拉面既..味道都食得入口既黑椒牛舌($30): 本身我地叫系烧物既牛舌, 点知佢黎左串烧, 仲要我地问, 佢先话舖到无烧物个只牛舌, (咁就唔好摆佢系menu啦!! 仲要唔讲俾客人知), 两串上, 大旧有4件, 细旧(剩低的)有2小件, 有咬口, 味道唔错, 但咁就$30由于系套餐, 会有前菜同甜品前菜系麻酱味既玉子豆腐...only 1件, 食落好似食紧肠粉咁甜品就系头先讲既movenpick ice-cream, 只有绿茶同芝麻味, 绿茶几清甜带甘, 同一般食唔同, 芝麻味几浓, 但都几甜...(如果唔食雪糕, 可转饮品, or+$5转特饮)service..not ok架喇, waiter们无笑容, 落单又好似好唔耐烦, (上述)仲要唔老实, 唔怪得无乜客人啦顺带一提, 睇menu时, 记得睇清楚大menu同普通menu的菜式同价钱因为例如我地叫既芝士南瓜海鲜饭, 系普遍menu系套餐&平d, 但系大menu个名好似少左"芝士", 系单叫, 仲要贵d.................仲有menu上竟然会有泡菜石头饭...但明明就系日式料理台....真系好奇怪 呢d亦系香港好多食肆既通病
继续阅读
今晚无煮饭，于是落楼下呢间日本餐厅试下。在门口，见到全店当时只有一个客人...我地谂唔知系唔系因为打风所以禁少人。我地入到去都 order 左一个二人餐 ($138 + 10%)，包括有:1) 三文鱼刺身2) 照烧鸡排3) 蛟子4) 拉面 两碗 (如转乌东要另加钱)5) 餐饮两杯，我地要左ice lemon tea & ice coffee起初觉得以呢个价钱有禁多野食都几抵...不过食完之后，就发觉一 d 都唔值!1) 三文鱼刺身 - 无咩特别，但一食就知系一般货色，唔系好够鲜味...元气好好多 。2) 照烧鸡排 - 得好细碟，味道一般，吉野家做的好味好多。3) 蛟子 - 味道 ok 4) 拉面 - 真系好差...基本上系无咩材料的...面整得好淋...汤底无味...系食过最差的拉面 。5) 餐饮两杯，我地要左ice lemon tea & ice coffee... 个 ice coffee 一饮就知系平价咖啡 。可能少人0既关系，上菜上得好快。 不过真系一食就食得出呢间0既d 用料唔得...0甘0既食物，唔怪得知无人啦!
继续阅读
朋友仔黎沙田见工... 见自己冇野做，便相约朋友在大围食饭。见宝田有七十一款定食 (包埋面豉汤和前菜)，价钱相宜，咁就入去试。 三文鱼蟹籽饭: 有四块三文鱼，厚度适中，但唔够新鲜肥美，有少少梅既感觉.. 至于蟹籽就 OK 的。而 D 饭就落得太多醋了，好酸 ~~~ 而且佢个 SIZE 好细，感觉有点小家。 地狱拉面: 朋友仔点的，佢都话个份量唔得，好少。同埋觉得唔够热，面质好林，汤地较油，中下水准。相信都唔会再去了 ~~~
继续阅读
自从之前间三和转左名,等openrice开呢间餐厅ge record等左好耐....事实上, 呢篇系我首篇食评....以往试过好与唔好ge餐厅, 其他人讲ge意见大概都可以形容到我ge感觉...所以无去专登去写...但系呢次我等左成个月, 都仲系好想写低我ge不满....事缘由三和到宝田, 开左成年几我都未试过...而我其实系好钟意食日本野, 虽然去过日本2次, 仍然想再去大刷一餐!!咁果晚就同girlfriend去试下...间野由2月开始搞左个 "入座即送三文鱼刺身" 优惠, 见系送... 试下....另外order左黑板上面写ge七味杂锦刺身, 佢标明送海胆刺身一板...仲有个海鲜乌冬,girlfriend唔记得叫左咩面...(记得ge 3个item, 只因系3个都有问题... 详情之后讲)我好同意楼下第2个食家讲, 入面有个男人staff (应该系大粒人) seems好有礼貌~但系.... 间舖头每晚得果三两台客, 好难无时间/无人手serve wor...同埋.... marketing je....佢不断提住话我地order果个杂锦刺身个师傅"整"得好靓, o黎到我地就知咁...呢一句令我对佢做marketing ge力度好有体会...首先o黎果个送ge三文鱼刺身....食落.... 咁怪ge....... 劲腥味, 怀疑隔左一晚夜...之后我已经唔多高兴.... 但系order左个刺身, 又唔好意思话cancel...一o黎.... 系真系"整"得好靓wor, 个兜........放晒碎冰, 叶呀咁....但系大大只碟, 细细堆刺身.... 分到开晒, size又唔o岩....食落就无果种隔夜味ge, 但系我食到有d不是味儿, 因为真系成旧水得d刺身仔咁细..仲要数o黎数去, 点解得7种刺身ge呢, 唔系话送海胆刺身咩?我即时睇番本menu, 原来....... 我地个刺身括住左包边几样, 其中有个就系海胆...有无搞错呀!! 咁即系"包括"海胆, 唔系"送"海胆啦!!!! 我真系激到无野好讲.之后o黎左个海鲜"拉面"... 我同个男人讲我系叫乌冬wor..佢面色沉左一沉........ 结果都换左俾我....但系.... 最重点ge系... 我一路食, 一路揾到ge只系三文鱼块, 吞拿鱼块, 同埋d蟹柳咁... 连鱼蛋都无...我想问下....... 其实佢系咪将d隔夜ge三文鱼送做刺身, 再卖唔出/隔多几晚ge o黎做海鲜乌冬呢?我明白每一间日本餐厅, 海鲜乌冬/拉面用ge料都有所不同...我唔系要求每间都有青口, 带子, 虾等等...但系我未见过净系得d同刺身一模一样ge料但系煮熟左啰....全晚都活o向不安同愤怒ge心情....到埋单.... 张单写$256 ge~到我签左卡, 张信用卡单系$258.......其实唔只我, 我有d friend以前去过"三和"食ge, 都话佢会计多人钱...但系咁样呃.... 又真系估佢唔到....我知6同8字差唔多好难发现, 好可惜我见得到.最后... 我失望到落俾贴士施舍俾佢地算la...我无瘾到同佢地嘈ge心情都无...我深信.... 呢一间餐厅只会系等天收同等众食家ge罢食! (注: 本来我谂住问番girlfriend拎d相放上o黎, 点知佢话难食到delete埋, 以后都唔想见... @_@)
继续阅读
12/4 星期日复活节,隔离吉野家好多人,同 5 个 friends 一齐又肚饿,见呢度有位就入左去,入去之前都讲左话呢间野试过一次唔得,咁见其他人都无问题,我唔反对,谂著俾多次机会佢~咁就叫野食啦,同个 waitress 讲话要猪扒饭,鳗鱼饭,跟著一句" Number 呀!!!" 弹过黎,叫我讲个餐牌野食个 number 黎点餐,咁我讲左鳗鱼饭你都可以自己 translate 返 ga ma,当你唔记得都可以好 d 礼貌吗? 个 waitress o系门口就好好礼貌叫 d 客入去,入到去就唔同哂态度~咁就叫完佢个 Lunch set 啦,有人食猪扒饭,鳗鱼饭,鱼生饭。个猪扒饭块猪扒都几金黄色 gei,不过个鳗鱼饭块鳗鱼就好细块,个鳗鱼饭仲要系特别贵,又系隔离吉野家个鳗鱼饭都好过佢!!!跟著叫左两个牛肉饭,要冻饮,跟著 d 猪扒鳗鱼饭都黎哂,过左 15 mins 牛肉饭都未到,咁就同 waiter 讲啦,跟著其他野都食哂之后仲未到,又再同 waiter 讲~最后等左 30 mins 都无黎,咁就因为都赶时间,搞到有人饭都无得食就要取消个餐和离开。只不过系两个牛肉饭,唔明点解 30 mins 都黎唔到, 30 mins 真系过隔离吉野家买完,食埋走人都得啦! 真系离谱呀! 个冻饮收返我转冻饮个 $2,杯野饮又系等左好耐先到,杯 coffee 又系好淡又无味,真系咁平咁俾我饮都抵唔到我饿左 30 mins 都无野食 law!
继续阅读