影片
相关文章
每月一度朋友仔饭局短聚又到喇，今次我拣左宝宝鸡煲，记得新假期大赞，就黎试一试啦 ﹗系 openrice 网上订左八点半，但我准时到步都要系门口等，依家九点都未有位比，搞错呀 ﹗最讨厌无缘无故被罚企，火都黎又等到颈渴，叫支啤酒降降火先得啦。朋友们都唔多好啤酒，都忍无可忍要呷返两口，饮胜 ﹗罚企无野做，唯一娱来系背 menu。值得一赞款色真系非常多，包罗万有、多姿多采 ﹗仲有好多特别又另类食材添，值得一试 ﹗不过价位都比较偏高，市区鸡煲店黎讲都差不多，最紧要好食。等位其间突然关安廸来电称要放飞机，唔得闲黎，无所谓。原本五福星变左四天王，剩返卢珍妮、姫丝、李输同我，唔能够叫得太多食物喇，唔想浪费食唔晒。古法麻辣鸡煲一只，宝宝供应两款麻辣鸡，一款系古法、一款系招牌，先试古法啦 ﹗朋友们唔食得辣，唯有叫微辣啦，无紧要。试试味先，不幸地微辣只系麻辣汤沟水，一饮便知道，滚水味浓水汪汪，淡而无味，稀到不得了。最初本打算叫两个煲，一个辣一个唔辣，最后发现张枱实在太细，无法容纳到两个炉，无奈。鸡件系生料送到，要等慢慢煮喇，起码等上十几廿十分钟。瞓醒开饭，鸡味淡荗荗，质地微嫩滑，无作任何调味，可怜个汤底都好淡呢。可能有鸡煲酱料已调好小辣或以上，有客 order 低辣度就加水沟淡了事，点可以那样马虎呢。响铃，我以前食一旧就会即刻喉咙痛架喇，因为太油腻。难得今次唔会㖞，宝宝响铃炸得干爽，不油不腻。先试拖一拖汤即入口，似乎有点通风，未够松脆。再黎浸汤试试，待响铃软化，吸尽汤汁，好食好多。无奈地汤底本身水汪汪，淡而无味呢，唯有出绝招，指天椒豉油救驾。手打虾丸，menu 上写住必食推介㖞，不妨一试。又真系非常爽口弹牙噃，真材实料，不过我略厌调味太重，盖过鲜味呢。鱼肚，带有微弱腥味，还有轻轻油益味，如果汤底够浓一定能盖过的。幸好烚熟后沾上指天椒豉油味道都唔错，爽爽的质感。只不过系普通炸鱼鳔呢，仲谂住有做鸡扎那种白滑鱼肚食添。百花酿油条，都几有趣 ﹗继尖沙咀高流湾百花酿鱼鳔后，又一巨献，墨鱼胶酿油炸鬼。香口油条索尽汤汁变得咽咽韧韧，墨鱼胶都够滑弹，质感并在一起都几得意，一试无妨。牛骨髓，我都几喜欢牛骨髓既口感，胶胶黏黏的，虽然好难可以炆得入味，但原味恰似奶类食品，浓厚带香已经不错。鱼腐，重口味，调味偏咸啊，虽则预左系外购货，唔会系自家制啦，谂住佢吸汤力强先 order 架乍。手切牛颈脊，卖相吸引，颜色富光泽。夹住拖一拖，粉红色最嫩口，即刻食啦 ﹗质感嫩滑，不乏肉汁，牛味淡了一点，切得太薄影响味道，切厚一点会更好。日本清水蚝，第一次听亦系第一次食，清水蚝？淡水？无咩特别，味道及质地都似本地蚝啰。微弱蚝味，清淡非常，蚝身够饱满 juicy 富弹性，合格既。窝笋，众所周知虽然叫做笋，但只不过系油麦菜既茎啫，仲可以当沙律菜生食添。轻灼保持爽脆就似笋，烚到软腍就似瓜。味道清甜多汁，我都好钟意食。蝴蝶腩，猪味浓郁而微膻，瘦猛猛但松化，不算干硬，质感好似靓牛腩㖞， 又有赵口，合格。野生竹笙，我都唔知点分野生唔野生，颜色？质感？索汤力特强，本身无味道，全靠汤底，但汤底唔多惦呢。古法麻辣鸡煲微辣，食到尾声了，大家都好饱晒噜 ﹗朋友们没有什么意见，但我就非常失望喇，市面那么多鸡煲食肆，应该唔会再有下次，后会无期。
继续阅读
上星期去到旺角，由于天气开始转凉，所以想食下鸡煲，打下边炉，所以就去旺角黑布街嘅"宝宝鸡煲"晚膳。一黎就系鸡煲，D鸡肉劲硬，又辣可能想掩盖D雪味，之后上左好多锅料，都一般般，牛肉就太差，无肉味，次等货，差，一定不回头😤
继续阅读
终极中伏了!!!!!唔记得系边个话要食呢间了~~~一世人只会食一次的.真系太差.用呢个价钱食.其实宝宝鸡煲日头系会做埋茶餐厅野食架.入到去铺内，环境就系旧式茶餐厅咁啰，细同窄,仲要唔太干净啰.好啦要讲下个鸡煲啦,唔够浓(d汁好希)，D 鸡系冇味同鞋口，汤入面都几多味精。要左个少辣。等左大概20分钟左右，鸡煲嚟到了。香气就有，但望落去冇乜色水，汁有点多得滞，唔似平时食开既惹味鸡煲,煮滚了先吃鸡件，果然唔够调味，辣味是有，但又唔甜又唔够盐。我真系唔like咁希,佢呢间系用汤稷食既~但系其他系用汁煮的.食物又普通又冇咩特别, 但价钱唔平.服务方面，D waiter 态度唔太好本人钟意浓味少少既~如果食鸡煲的话.呢间野最有特色应该就只系得个超大杯柠檬茶, $28元.(其实一品都系啦~不过就真系唔系间间都有既).我想再谂下呢间到有冇其他值得我写既地方~~`但对唔住~~~真系冇咩比我再用时候写落去啰.应该冇下次.............差得紧要...............总括嚟讲，喺呢间有点大排档feel既火锅店吃淡味鸡煲，价钱绝对唔经济..........这间，去一次便够，唔试唔知佢唔得嘛!!!
继续阅读
琴晚一行人聚会, 约10人, 哥度地方好细, 只够摆几张枱, 好在有订位.叫了鸳鸯锅, 好大个.食物很普通, 但价钱唔平.牛肉唔光滑.最有特色应该就系个超大杯柠檬茶, $28元应该冇下次
继续阅读
半夜饮完酒想揾 D 野食，去左呢间宝宝鸡煲。当时都十二点几仲有好多客。由于同行有人唔食得辣，我地就叫左个唔辣鸡煲，手切肥牛同几款菜。个鸡煲唔够浓，D 鸡系冇味同鞋口，汤入面都几多味精。手切肥牛就几好食，都够花同唔太薄。另外叫左个冰豆腐，放左落煲吸收晒所有汤，如果个汤浓 D 旧豆腐就会超正。环境就一般啦，好似好旧咁，不过食鸡煲都唔会要求靓环境。坐得都算舒服。服务方面，D waiter 态度唔太好，埋单个阵，我地明明饮左好多支都系三十几蚊既 Asahi ，但佢就唔知有心定无意入左我地全部都系饮五十几蚊既 1664。好在醒目睇下张单。
继续阅读