影片
营业时间
星期一至四
12:00 - 15:00
18:00 - 00:00
星期五
12:00 - 15:00
18:00 - 02:00
星期六至日
18:00 - 00:00
以上资料只供参考，请与餐厅确认详情
最近上网揾到青衣有间隐世日式串烧店「宙串烧」，🏮位于青衣山上嘅涌美村，虽然位置有啲隐蔽，但都吸引唔少街坊捧场❤️🔥我哋特登上山一试，发现真系唔错！😋👍🌟鸡白汤叉烧拉面汤底似忌廉鸡汤🥛，面条略带碱水味，但叉烧非常出色，采用慢煮方法，肉质嫩滑🥩，近皮位置特别爽口！✨🌟猪皮酿鸡皮饺子外层烟韧，内里肉馅 juicy 🥟，酱汁特别，酸酸咸咸，好有惊喜！😲👌🌟酱烧鸡肾超爽脆！🔥 火候控制得好好，完全冇内脏嘅异味，处理得非常干净！🌟酱烧鸡软骨特制味噌酱烧，口感脆口又唔会太韧，易咬，好味道！🌟厚烧牛脷厚切牛脷，口感超松软！🐮牛味超浓，调味适中，啖啖肉感！🌟鸡皮炸到金黄香脆🐔，脆脆嘅外皮挂满酱汁，咬落口感层次丰富！🤤💥🌟酱烧猪颈肉超爽弹！🐷🔥 入口仲带少少油香，成件事好邪恶！🌟秋葵酿虾滑配搭特别！✨ 秋葵同虾滑都滑溜🦐，整体味道唔错，但秋葵略嫌偏咸🌟盐烧鸡中翼烧得香口，酱汁甜甜地，加上柚子胡椒🌿，酸香开胃，平衡到油腻感！👏🌟烧牛油粟米条粟米粒粒饱满多汁🌽，牛油香气渗入其中🧈，调味适中，完全食到粟米原味！😍宙串烧CP值超高！店舖虽然细，但老板对每道菜都充满心思，火候同调味掌握得一流！💯🎯 无论你系街坊定专登上山嘅食客，都值得嚟试下！🍢🍶🍻😋
继续阅读
系青衣运动跑完步之后跟左地胆去揾食，带左我地黎呢间隐世既日式串烧店，平时真系唔会经过呢度，更加揾唔到呢间咁高质既串烧店😍叫左好多款串烧一齐share黎食，当中最最最推介既系猪肉酿鸡皮饺子，真系必食，表皮烧到脆卜卜入面就锁住左啲肉汁；另外就系烧粟米🌽，老板话佢地用左只靓既牛油黎烧，听完唔记得左，但最紧要好食😋仲有一个推介既系秋葵虾滑，因为好少蔬菜类，所以都好推介要食呢个😋牛舌就好大块但系一啲都唔韧，我本身麻麻地食牛舌都觉得唔错，其他串烧正常发挥，系鸡皮饺子同粟米太好食，所以唔记得咗其他既味啦🤣
继续阅读
喺街坊群都有听闻涌美有间日式食店风评唔错，今日终于去试吓了。6pm 去到见落左闸，以为摸门钉。唔甘心行埋去睇，原来入面有灯同有个似老板嘅人坐左喺度，再等多一等就真系开门了。两个人叫左咖哩吉列猪扒饭、串烧牛脷、三文鱼鳍同白鳝。吉列猪扒当然无日本专门店𠮶啲咁 juicy，但唔硬唔柴，我觉得唔错，而最欣赏系咖哩饭入面有蔬菜，十分平衡，饭量也多，仲送冻绿茶一杯。呢间店串烧多数系酱烧（不过我后来听到隔离枱落 order 时有强调要盐烧，唔知系咪可以选择呢），个酱我觉得偏咸，可能为左送酒，所以个白鳝咸左少少，同份量较少，不过肉质非常好，有弹性，如果可以大件少少就好啦。牛脷同三文鱼鳍都疑似老板送多件比我地食（唔通因为我等开门？）牛脷好食！烧得啱啱好，好淋有肉汁，无奇怪味。三文鱼鳍就正常，用同一只酱黎烧但无白鳝咁咸，可能因为肥份多啲。食完晒其实够饱，不过仲有啲为食，所以叫埋个 Set A 试吓。样样都好食，尤其系个鸡肾，好 juicy。
继续阅读
滑蛋吉列猪扒丼配蕃茄汁（$60）滑蛋颇滑但无咩蛋味；吉猪炸粉脆身唔硬实，猪扒算厚身，有口感，少少嚡但可接受；蕃茄汁微酸少甜，味道不错；饭系珍珠米，较黏身；仲有啲椰菜丝。丼饭会附送一杯冻绿茶。薯条（$18）加肉酱（+$10）即炸，粗薯条，除咗肉酱，仲有芝士。肉酱系牛肉碎，味浓。薯条同肉酱份量都多，食到最后一条薯条都仲有芝士肉酱。串烧套餐 B（$73）・酱烧猪腩肉，有三件，酱汁微甜，猪腩肉有咬口。・酱烧烟肉芝士，有三件，微咸烟肉卷住芝士。・酱烧猪大肠，无猪臭味，有𡁻口，味道不错。・烧牛油粟米条，有三条，普通。鸡软骨肉棒串配泡菜（$23）鸡软骨棒系来货𠮶款，无咩特别，但夹埋泡菜一齐食又几特别。厚烧牛脷（$25）有三片，唔系爽口𠮶款嘅牛舌，系炆过嘅牛脷再烧，口感偏腍，味道正常。小店家庭式经营，一位楼面一位厨师，坐位唔多，收费合理。如果要比意见，我觉得串烧嘅火喉仲差啲，可以提升一吓。
继续阅读
新开嘅小店，老细十分友善有礼貌，会主动沟通拎食客意见。住青衣嘅人都知过左夜晚9点之后，除左连锁快餐店，其实选择唔多。难得有铺头肯开到咁夜，一定要试下。主食方面，丼饭块猪排炸得薄皮又juicy，唔系果种净系食到成口油。加埋滑蛋蕃茄酱，个酱调配得岩岩好，味道再有加乘。再叫左啲炸物同串烧，整体都做到皮薄多汁。我个人偏好酱汁唔会过浓而盖过食物原有嘅味道，老细系味道平衡感方面处理得颇为出色。小食推介：玉子烧 - 即叫即整，湿润松软炸鸡块 - 酥脆多汁肉酱薯条 - 份量抵食烧鱼鳍 - 最有惊喜，必试！整体性价比十分高！
继续阅读