宏隆美食 (已結業)

唔講咁多，直接睇圖巨巨巨巨型雞髀🍗人類總係犯賤，明明上一秒我話減緊肥，偏偏呢個時候就想食啲肥仔食物，轉個身就行左入元朗雞地宏隆美食，唉，都係食完先算佢位置係鳳琴街體育館傍，唔係大鋪，平時應該做學生客多，所以我星期日去就無乜人餐牌我已經無睇，因為我係衝著雞髀而來，目標清晰，再揀多個餸同粉就得，我揀左太陽蛋螺絲粉配黑椒汁，有重拾以前食學生餐既感覺雞髀即炸所以等左陣，黎到個到我都嚇一嚇，堅巨型 急不及待切開，厚肉得黎又夠juicy唔乾喎衰鬼，外皮炸得香脆又唔𠝹口，三爬兩撥我就清晒成個餐呢個份量有埋野飲都只係$40，抵到咁仲求啲咩？求自己聽日做運動出多啲汗囉…查看更多

係網上搵黃店餐廳，見到宏隆美食，於是走去試下，門口簡潔內裡的骰，望下餐牌選擇唔太多，但勝在夠大件好食，睇返價錢應該係全元朗最平，老闆勁有禮貌，仲問我洗唔洗添飯，支持黃店，支持小店！…查看更多

一想食雞脾只會諗起呢間小店40蚊有隻巨型雞髀(之前外賣過比左兩隻雞髀 可能比較細 但佢細既size係出面正常size )加蛋加沙律 呢個沙律好好味 通常我都會問佢沙律買晒未 買晒我就會下次先幫襯 超級推介同埋凍檸茶係唔洗另加錢嫁唔好以為佢好細隻 大到真係可以用黎打人…查看更多

#中意嘅請分享請點讚🍻----------😋脆香雞脾腸仔 配鮮雜果沙律+凍/熱飲品 $40雞脾係超大隻，如果雞脾細隻d，老闆會比多半隻你，係良心小店。雞脾炸到好脆好香，雞肉仲係好嫩，唔會炸到好乾身。可以揀腸仔/餐肉/火腿/蛋，小編揀左腸仔，係久違嘅廚師腸！除左雞脾大隻，連沙律份量都多，而且真係用鮮果，絕對唔係用罐頭，仲用左紅肉火龍果。除左雞脾，仲有雞翼/雞扒/牛扒/豬扒配意粉/飯/薯條/薯角/沙律。凍飲都唔洗加錢，着校服學生減$5，只需$35----------老闆收錢嘅時候會問下岩唔岩食，有冇咩可以改善，睇得出小店好用心經營，咁大份都係40蚊又好食，好抵食呀！小編好支持小店，如果你地都有小店推薦，可以inbox我架。----------🔎宏隆美食🚩元朗鳳琴街15-21號鴻運中心地下14-18號舖…查看更多

今日老闆唔想諗食咩，咁我就話不如去食山下拉麵，跟住又係去到過門而不入，老闆唔想我又食晒d叉燒唔食麵(因為我唔食澱粉質同糖)，驚我唔夠飽，同埋行到去鳳琴街體育館後面條巷通常老闆都會叫去覓食家，貪果度隻雞脾大大隻，但係我今日唔想食果間，隔離有間又係食雞脾，食在元朗呢個群組都成日有人提。間店叫宏隆美食，其中就正正係舊覓食家鋪位，一行入鋪就覺得好似行左入去抽風唔好ga韓燒店咁，油煙勁到店面係煙霧彌漫，坐底我就落單食淨雞脾，飲羅漢果茶，老闆就叫雞脾蛋飯配黑椒汁，飲可樂。隻脾一黎到係有驚喜佔左隻碟三份二面積，味道方面我覺得連雞肉都有味，老闆就覺得偏咸，黑椒汁同蛋就冇乜特別，另外要讚ga係店家好好招呼，我杯羅漢果茶基本上係飲左一半就會滿返，又會問下我地洗唔洗再添飯。依家好少小店會咁識做。…查看更多

想試下呢間巨型炸脾好耐喇 😋😋上網睇d相都見到非常大隻 所以無再叫飯/意粉而揀左沙律 呢個set 係全日供應架 除左炸脾仲有其他雞翼/豬扒etc 仲可以跟蛋/腸/火腿等等 連埋凍飲先至 40蚊 真係抵到爆 🤭🤭炸脾一上台已經好震撼 超大隻 剛剛炸起熱辣辣 塊皮勁脆d肉仲保留到肉汁好juicy ! 沙律份量都係超多 而且仲有紅龍果肉呢好驚喜 好在叫左沙律咋 因為雞脾真係好大隻 如果跟飯/意粉一個女仔應該會吃不完 見到隔離台跟薯角都非常吸引 下次可以試下！值得一提係員工勁有禮貌同好好態度 不停問食客要唔要加飯/水 食完又唔會想趕人走咁 超nice ❤️❤️…查看更多

下雨天又唔想行咁遠，近近哋就去咗呢間小店度試下。 店仔細細，一入去店員就好好招呼，叫要我哋隨便坐。我諗左好耐，但係都未揀到食乜嘢，店員就好好禮貌咁話慢慢揀，乜唔急㗎。送嘢飲時都好有禮貌，其他客都好滿意佢服務，不停咁講慢慢啦，多謝啦！好耐未試過俾人咁好招呼，非常抵讚…查看更多

標題差唔多講哂。。炸到脆邊交到貨。。中上階碟頭飯。。份量大到可當2餐食（冇誇張去過就知）。。有羅漢果水解下油膩幾好。。環境雖然馬馬。。不過呢個價仲想點。。良心企業。。缺點就係太細間鋪同d炸物（豬，雞脾，雞八）可以再鯨乾多小小d油。。其實點解要最小80字。。小弟打字累了。。不陪好走。。…查看更多

香脆雞髀煎蛋黑椒意粉🍗$40 (套餐)之前已經留意到網友拎佢同覓食家比較🙈而且就開響佢旁邊😂既然嚟到😏唔試過點可以走😗食落果然拍得住覓食家👍套餐包埋凍汽水🥤雞髀夠哂大件🤩食落皮脆肉嫩🤤老闆亦幾好客✌️幾乎每枱都問駛唔駛加飯加麵，仲要免費😉另外，我眼見好多女士都叫沙律配羅漢果水🧐下次有機會再試試🤣…查看更多

今日去咗呢間傳說中隻雞脾有成隻手掌咁大嘅鋪頭食嘢！嘩！😲真係聞名不如見面，真係超大隻呀！😱價錢又唔貴，個鮮雜果沙律都好好食！👍而且仲有意外驚喜，原本$40一個餐有咁巨型嘅雞脾，有一個鮮雜果沙律，一條腸仔，一罐汽水我都已經覺得好抵食，但係原來仲有一隻都好大隻嘅雞搥架喎！😱真係超大滿足呀！😋老公🐷碟飯塊雞扒都超大塊！除咗食物質素好之外，店員服務都好好，無啦啦走嚟問我老公駛唔駛加飯，之後又問我老公駛唔駛加水，😂估唔到一間咁唔起眼嘅小店，都有如此好嘅食物質素同服務，真係值得俾個like ！👍☺️…查看更多

今晚係第二次幫襯.一如既往.拉大隊去食晚飯.雞脾起大隻.又香脆.食到大人細路都yummy.yummy雞翼一樣香脆.充滿肉汁 😋😋之於汁汁.有黑椒汁.咖喱汁.豉油汁.白汁.茄汁味道好有8.90年代快餐店嘅味道.好回味！大家有機會都去試下啊！😊😊…查看更多

第一次試呢間餐廳係因為諗住去隔離覓食家但大排長龍，隔左幾個鋪位見到呢間差唔多既店，因為太肚餓所以就試下新野。餐牌其實同覓食家差唔多，但配搭方面就比較彈性，可以自己自由組合。由於見到隔離台隻雞脾真係大得誇張，絕對比得上覓食家，於是就叫左雞脾配沙律餐。沙律真係好有驚喜，係用新鮮生果整架！見唔少人黎到都問仲有冇沙律，睇黎真係好受大家歡迎。隻雞脾更加唔洗講，淨係個size已經令人喜出望外，切開仲有好多肉汁，唔會炸到過晒龍，個皮更唔會好厚粉，呢個價錢同份量黎講，絕對係100分。除左食物高質，店員（或者其實係老闆？）既服務亦非常之好，由入黎到食完，都全程勁有禮貌，又殷勤，好欣賞佢既工作態度。整體黎講，覓食家叫中上level，但係食過宏隆美食之後我唔會再幫襯覓食家。😂…查看更多

聽朋友介紹，話呢度D嘢大件又抵食，味度都吾錯，今日終於有時間黎食下。呢度位於元朗一條巷仔，真係要肯捐窿捐罅揾嘢食嘅，先會捐到入黎!呢度食物種類吾多，有牛扒，豬扒，雞扒，雞肶等扒類，配飯/意粉/薯菜/沙律等，我就叫左隻炸雞肶配薯角，左加隻煎蛋，薯角炸得好香脆，雞肶又好惹味，明顯見到雞肶有用香草腌製過。朋友叫了個豬扒黑椒意粉，加杯羅漢果茶，朋友大讚他的羅漢果茶真材實料，要清熱的不妨試試。而我叫了杯凍檸茶，茶膽好清，都係不錯算擇。這份小林尊餐，結果我食吾晒，半隻雞肶要給我帶走。這裏的食物制作用心，老闆招呼又有禮貌。老實說，相中的薯角已被我吃了一些，但因為太欣賞所以才拍照保存，順便寫篇文章，支持這家用心制作的小店。…查看更多

元朗開左幾間大雞脾,我地揀左呢間。叫左炸雞脾火腿意粉+黑椒汁。我地叫佢多汁, 真係多到就快漏! 老闆好疏爽, HAHA。雞脾真係好大隻!! 好厚肉!! 但又唔會鞋, 雞皮幾脆!!意粉5係茶記好粗好林果D, 係偏幼, 仲要AL DENTE架WOR!另外十幾蚊加多塊豬扒! 呢個有驚喜WOR! 豬扒好林, 夠大塊, 仲要食落好香!加6蚊有一杯羅漢果水, 但老闆話未雪凍, 暖GE得唔得, 果日好熱,我地話想要凍,佢就免費俾我地試飲, 好好人啊!最尾我地當然有加錢買多杯走LA ^^…查看更多

好好食既小店！ 佢地豬扒同元朗叻一間出名食豬扒既店係完全唔同風味！呢度既豬扒係煙un有咬口！唔係琳哂既🤗而且有成兩塊連骨大豬扒！好抵食呀！好鐘意佢既沙津，因為入面水果既份量仲多過我比$33 去飲一芳水果茶😹😹同埋完部都係鮮果，唔係用罐頭/加薯仔😛😛而且食完豬扒飲返杯老細煲既羅漢果茶，即刻下哂火，唔驚熱氣！咁豐富既一餐只售$35👏🏻👏🏻性格比真心好過去食麥當勞🍔！ 非常可惜既係老細唔再做薯餅，轉左做薯角😿…查看更多