今日同D 一样返上环o既旧同事去食lunch，因为我D朋友唔知上层同下层消费同点菜方式有D唔同，(下层属大众化消费，上层主要叫/食套餐!)因为我迟去，朋友去到时佢话门口带位冇讲明就叫佢地上上层，算啦! 横掂四个人，我叫套餐都得! 点知叫个四人套餐，开头等一排，先油淋淋生菜，再劲油炒面，都算啦! 埋几样点心，都差唔多一点搭七、八(我食一至两点!要sharply两点开工只!)由于心知自己唔可以食到太晏，所以搭七已经狂催未o既赛螃蟹、鱼同埋糖醋鱼块，仲一早埋埋单。狂催之下，搭九、十终于有得食，可惜仲挣赛螃蟹，一催再催，我D朋友因为再等会迟到，所以迫于无奈要走先，我已经叫侍应帮我打包个赛螃蟹，朋友走后起码催三次，次次都话'得得得'，真系火都埋，最后我等到1:56pm，真系等唔到落去，于是劲庆同个waitress讲话唔可以再等，但佢仲话楼下紧上! 鬼马咩! 几点呀小姐，唔驶做呀? 催都唔只一次啦! 最后我就好嬲咁话唔可以再等，叫佢俾埋隔离食喇! (当然到最后唔知佢有冇咁做啦!) 但系真系好离谱啰! 我明白佢夹住早间，厨房做唔切都冇计，但系佢间唔够人就应该自己谂办法啦，而唔系搞到厨房又忙，侍应又俾人话，食客又等得食得耐，食得又唔开心啰!! 再者，平心而论，我唔觉得特别好食，如非必要，我唔会再去呢间啰!…查看更多
