宋家皇朝 (已結業)

父親節，一家大細去飲茶，去到宋家皇朝食任食，星期日任食都好啦！Wah!環境真係唔錯！叫幾靚！座圓形梳化！個D蝦餃都叫好好食叫咗2碟。仲有小籠包一碟！真係估唔到咁有水準！真係都算幾多野食！仲有酸辣湯及小炒！食到好飽！有點心有頭盆！服務一般，但以這個價錢都算好好！地方仲唔錯！4位一共$180幾！平均每人40蚊！銅鑼灣茶餐廳都唔得啦，仲有咁舒服的環境，真係好抵！下次再試下個火鍋任食tim!好似話58 wor！

今日2個人上去食下午茶, 坐低唔夠10分鐘, 就話春卷冇, 之後呢樣冇, o個樣冇, 連鳳爪都冇! 真係衰! 好多桌人都鬧, 簡直離譜! 你冇野俾人食就唔好叫"任食"啦, 真係激死人. 以前去收我38蚊, 都話哂有野食, 起碼唔會一坐低就呢樣o個樣都冇! 大家唔好去啦, 費事食自助餐, 竟然會肚餓!

上星期五和同學去打邊爐，　呢間鋪頭外表裝修ｏｋ，但食物一般，　叫了花膠老雞湯底，　雞湯味就有，　但一條半條花膠和老雞就真係搵唔到（只有湯加蟹＄５８），　不過佢地唔會加水被你，　而係加湯，　但咩野湯就唔知啦．我地叫了第一輪食物, 95% 到齊. 但叫第二輪就只有60% 到, 無雲吞, 墨丸, 四寶丸, 油炸鮮竺; 而且D野食上得好遲, 坐三個鐘先order到兩輪野食, 有D搵笨. 不過坐卡位都幾舒服. 食物大路及一般, 無特別和驚喜. 如果閣下要去佢地個洗手間要小心, 因為好濕同好滑, 另外佢地個洗手盆好別緻. 而鋪頭裡面的兵馬甬又無咩新意, 家下出面好多鋪頭都用呢款裝修啦, 所以唔覺特別.

尋晚我同屋企人去紐約睇戲, 諗住呢間近近地於是就走上去.點知上到去先知, 呢度好睇過戲:1)有一人, 一家五口, 有老有, 叫左個母親節套餐, 6:30入座, 等到7:30 都係上左3個前菜, 成家人等到呆晒, 到佢地催促個侍應, 結果熱輦未上, 送上既係甜品高力豆沙, 成家人既表情更加呆, 都唔知點算.2)成晚d侍應走來走去, 但真係做野既就冇幾多個.3)2個侍應既對話:A: 張23號係咪走左呀? B: 走左! A: 但係好似未俾錢喎! B: 唔知le! 半個鐘後, 路過廚房先聽到2個人話: x.x4)另一人睇餐牌叫$628個套餐, 其中一味係砂窩雲吞雞翅煲, 送到上黎自己撈下, 發覺翅都冇一條, 叫個部長黎問下, 個部長話:唔好意思, 係張餐牌打錯字, 其實係砂窩雲吞雞煲, 所以冇翅喎! 5)成晚聽得最多既係:唔好意思, 即刻同你追(單)! 水吧成日有5-6個人晌度, 好苦惱咁討論.6)我地叫個$428 套餐, 有個侍應走埋黎寫寫寫, 以為佢落左單啦, 點知10分鐘後問個部長, 先知乜都

諗住28蚊任食好抵點知上到去差d餓死叫左d 點心好多都無黎到,又成日漏單有d點心賣晒又唔同我地講返冷盤好快就送到,但係要蒸既食物如腸粉都要等半個鐘!!(下午茶時間只有2小時)服務員的態度也不太好有進了黑店的感覺雖然食物,環境也不錯,但我想我不會再去幫襯

星期六同朋友逛街, 諗住搵間茶樓飲下午茶, 見有個哥哥仔派傳單下午茶$38蚊任點任食, 見傳單上d點心都o岩我們吃, 便上去試試....其實我們2點5 上到去, 個經理好有禮貌介紹佢呢d任點任食詳情, 講好晒收費, 話免茶介但要收$8蚊餐前小吃同埋有加一, 仲叫我們入座等夠鐘就可以入單點菜, 上到去唔算好多人食, 一去到就有位, 裝修好靚坐得都算舒服, 但美中不足就係個地台好污穢....一般酒樓點心佢都有, 但水準參差, 人多去食就抵, 可以食多d款, 但我同朋友兩個人唔係食左好多, 只係叫左...酸辣湯- d湯酸多過辣, 但我朋友都飲左三碗.碗仔翅- 過得去啦, 不過就水左d, 冇乜料.涼伴青瓜- 餐前小食, 幾開胃.燒賣- 細細粒容易食, 味道都ok.蝦餃- 唔好食, d皮好濕好厚, d蝦唔爽.小龍包- 細細粒, 皮唔算薄但都肉多汁多, 食左兩籠呢.蝦腸- 最難食, 一條腸粉得一隻蝦, 腸粉又凍又厚皮.北京水餃- 細細粒但好好味, 都食左兩客呢.菜肉雲吞- 都係細細粒但幾好味.素菜餃子- 麻麻地.煎南瓜餅- 好甜同埋好油.狗不理- 可能飽得濟, 食龍肉都冇味...眼見隔離檯叫了排骨

之前同d同事去中午lunch都係大中小$6.8好好好坻,但有一日我地11個人去食, 加左價都唔通知, 個知客明明話係$6.8!! 原本埋單不過$300-350 , now 係$685!!嘩-- 一倍呀仲有, 之前送左d$100火鍋券寫到明2005年3月到期, 但我12月去, 可以話取消左喎~~ 我食左千幾蚊架!諗住$100free 先叫左條象拔蚌0乍成$500條呀...... 不知所謂!! 後來我同事發現係d人唔同晒, 連我之前我講個好有禮貌個女侍應都走埋, 個經理都唔同, >.< now呢個.....叫佢拿隻碟走, 可以望一望你就走左去架!! ..........經理喎仲有, 張檯入面仲係濕到死架, 地下又多垃圾!! 仲有一仵好可笑0既事, 間店加左tv , 但我個部長開大聲d睇獎門人, 佢竟然答我經理話部tv用0黎妝飾乍, 唔可以開聲,o my god !!原全變晒!! 一流妝修, 九流服務!! 我同11個同事都話唔會再去, 去小肥羊無咁嬲!!

Wor! 裝修好靚，食物好正，小籠包好多汁，我9點幾去到，仲有火鍋特價，好似9元一碟，真係值得一贊，好過小肥羊多多聲。

上星期四晚本來想去小肥羊打邊爐, 點知去到發現人又多, 煙又多, 好嘈及又坐得好big! 所以轉咗去樓上6樓的宋家皇朝試吓! 因為個到原來係食京川滬料理+麻辣涮鍋, 咁我就可以貪心啲~又食火鍋又食小籠飽ma!2個為食的人叫咗以下菜式:-北京涮涮窩(送一碟羊肉)-海鮮拼盤(有6隻蝦, 4隻带子, 鱔片, 魚頭及粉絲)-特級肥牛(ma ma 哋!)-鮮鵝腸(一食便知係雪而唔係鮮的!!!騙人!)再加一個灌湯小籠飽($20 4隻) & 四川擔擔麵($22).小籠飽不錯, 皮薄又多汁, 好味而最"正"我覺得係四川擔擔麵, 真係好好味.2個人食到好鬼飽都係HK$360, 所以我估我下次會去試佢哋的小菜囖!呀重有就係招呼我哋的後生靚女侍應十分有禮貌, 值得一讚!

差! 差! 差!1) 客人已不多，叫人要等又要三吹四請先有人應！2) 傳菜員只識一邊上菜，明知嗰已經好多餸菜都仍然係嗰一邊上，太唔識變通！3) 問待應啲菜色內容，居然會唔清楚！4) 價錢不算太貴，但食物質素、味道仍可屬一般，不值！

太差了~!1) 客人已不算多，我地話要非吸煙區，個waitress畀左張隔離枱已經食緊煙既枱我地！2) 傳菜員太無禮貌︰你地係咪叫冷麵呀～！3) 我地叫小籠包，佢地畀錯生煎包我地不特只，仲死口話係小籠包～！4) 埋單時竟加埋之前落錯單既生煎包～！5) 價錢不算太貴，但食物質素一段，不值～！

星期日十二時多，應是食肆的黃金時間，但食客真的不多，只有十桌左右，可以靜靜地吃一頓飯。侍應們的服務態度非常好，是整體來說叫人最滿意的地方。點了些點心，包括招牌生煎包，質素普普通通，生煎包的汁太少，包底不夠脆。本來想試刀削麵，但侍應說暫時未有供應，點了一碗牛展拉麵，拉麵應該不是即叫即拉的，比翡翠拉麵的遜色得多。