安郴記 (已結業)

中午路過去食 細鋪右邊有間細房坐 環境舒適 盒飯係抵食同份量好夠 盒飯都係38普通男人唔大吃就咁食盒飯都夠飽 雞扒同豬扒煎唔會會乾個小食風沙雞翼 有驚喜 即叫即炸 皮唔會厚值得推薦

前幾日朋友話呢度開左間串燒店，所以特登過黎試下！原來佢早上下午有普通飯食，但一到夜晚就會變串燒店今晚喺度食左$200幾蚊，全部都係串燒！好正！價錢唔貴，平民街坊價，$200幾蚊已經食左好多串！而且食物質素真係唔錯！好好食今次就試左雞肉、翠玉瓜、雞腎、韮菜、冬菇、燒賣、豬頸肉、粉絲扇貝等等...配料可揀蒜蓉、芝士、蜜糖或者孜然～真係好野味！尤其孜然，真係好好食！堂食完之後再外賣左幾串比老媽子星期五再同fd黎encore～～

見到某屯門美食既報導都幾有興趣 所以去過屯門就行過去買嚟試下朱古力流心糕 $7/個 $20/3個 價錢都接受到 但食左先講~~本身expect係一啖食晒個隻 點知都幾大 係大過5蚊砵仔糕既大小 因為都幾厚身 可惜佢個流心去左最底部 同埋歪左一邊 淨番既部分都係朱古力糕但啲醬同個糕都吾漏同埋吾假既 真係好彈(好似黄金糕) 整體都ok既 支持小店囉另外仲mix左紅豆糕買 但就麻麻地 紅豆雖然好多係面頭但好淡無乜味 個糕就係普通黄糖味 甘樣比較下朱古力好好多住附近一試當糕點都ok既 有個姨姨都幾好人 但突登行去試就好似無乜特別