安客蔥雞

营业中

休息中

今日屋企冇煮飯，決定喺屋企附近搵一間餐廳食晚飯😆呢一間韓式餐館開了不久，成日見到生意挺好，主打韓式炸雞，今日一於試吓先！🤪睇一睇餐牌，相對簡單 有小食、沙律、主食等等炸雞有多款味道選擇，仲要係無骨，正到爆！🥰叫咗幾款試吓蛋卷🍳冇蛋不歡的我見到蛋捲當然要叫！蛋卷加上了蕃茄醬 整得好滑溜 味道更上一層😚韓國年糕屋企人好鍾意食年糕，年糕同埋啲三色椒一齊炒 再配上韓式辣醬 又香又好味⭐️🍜拉麵，有辣有唔辣韓國拉麵質地好彈牙，再配上蛋花 蔬菜、紅蘿蔔等等 飽肚之選！炸雞🍗我哋揀咗蜂蜜芥末味道，雖然叫咗個size small 但係份量好大！望上去有10幾件！🤪🤪肉質鮮美 又夠脆，配上甜甜地嘅蜂蜜芥末好好食😛而家世界盃開鑼，好適合買一盒炸雞返去一路睇一路開心share 💯

安客蔥雞 西環西營盤高街59號地下D舖Shop D, G/F, 59 High Street, Sai Ying Pun, Western District都唔明點解女生咁迷韓國男團, 對我來說個個一樣樣, 女朋友喜歡追韓星同睇韓劇, 連平日食飯都是食韓國炸雞, 部隊鍋, 辣炒年糕等韓食。我無韓仔咁高瘦靚仔, 不想被厭棄, 也要陪女友去食韓食。店員會先端上食炸雞必定小不了架好伴侶- 醃蘿蔔粒，酸酸甜甜的很開胃。$218 半半半大份量炸雞, 要了原味,ranch 雞還是吃原味才最捧捧, 體會到脆脆的外層, 不會覺得油膩的炸雞, 同醃蘿蔔粒一起食,吃完都唔覺得有負擔。$68韓式蛋捲入面有半融芝士和紅蘿蔔碎，令刊口感同味道都較豐富。上面擠了茄汁和沙律醬是特式, YUMMY‧$78 年糕煙勒好吃點鮮韓國人食咁多炸雞, 都可以咁瘦又唔出ANCE, 天下間一大迷思, 真不公平。

平時食炸雞都會去尖沙咀或者銅鑼灣或者旺角🤣今次竟然可以喺屋企附近食到成間舖頭同平時嘅炸雞店都好唔同😁好fusion，仲要有波睇添🤪食物種類都算多，除咗食炸雞，連burger都有得食😛我哋叫咗個雙拼炸雞，一隻韓式辣醬味(red)，一隻芥末(gold)😌件件都炸到熱辣辣脆卜卜，份量仲要好多甜，兩個人根本食唔晒要打包添🤣佢入邊仲要加埋炸餃子同炸年糕，好有咬口好煙韌最勁就係個burger😆炸雞店都可以整到好好食嘅burger😎中間塊肉好香口好juicy，唔會好易散，仲要多醬！薯條又炸得夠脆😃個蛋餅就韓式味好重😆正安客蔥雞 (西環)西環西營盤高街59號地下D舖

🌟今日同朋友去開講到，朋友呀依家西半山開咗好多新嘅餐廳，有酒吧同埋好多唔同地方嘅菜式；今次就揀咗一間食韓國菜嘅餐廳，見裝修都幾特別——————🐽 芝士年糕芝士年糕食落非常之煙靭，個汁比起泡菜年糕會甜少少同埋冇咁辣，可能佢有芝士嘅關係令到到幾啱小朋友食🐽 韓色炸雞（原味，辣醬油）炸雞炸到好出色，外邊嘅皮非常之脆，入邊仲好嫩滑好多汁，最特別嘅係辣醬油炸雞佢會好似將啲雞浸咗落啲辣豉油度，令到每一啖都食到醬油嘅香味🐽 泡菜剪餅泡菜煎餅好大塊，咬落外脆內軟，好重泡菜味好足了

今日去上環去街街，所以就去左西環呢邊食lunch，又想食下韓國菜，就去左呢間炸雞店~店員好似都係韓國人，店又播住k-pop，好有feel～我哋叫咗一個前菜、一個炸雞同埋一個主菜：🔸Eggroll with cheese 🧀 ( $68) 蛋捲入面仲係好嫩滑，加埋啲芝士，口感更好🤭係芝士控必叫❤️🔸Half-half chicken ($218)我哋叫咗兩種味，一種就係甜辣醬，配上炸年糕、炸餃子、香葱絲，另一種就係蜂蜜芥末醬～🔸Kimchi Pancake ($78)中意食泡菜嘅我梗係要叫泡菜煎餅啦，煎餅邊非常之脆，而且煎餅入面就比較軟糯，口感好正，推薦👍🏻整體味道都好唔錯，好有去左🇰🇷既感覺～

[ 安客蔥雞 ]天氣凍凍地好想食韓國菜，路過呢間餐廳佈置得幾有氣氛。✿ LUNCH COMBO $108無骨雞塊(甜辣醬)、醬油雞翼、飯團、沙律、蘿蔔、湯呢個lunch combo 有齊哂特式韓國菜&伴碟，好豐富。雞塊🐔炸得好脆，無骨方便食用。醬油雞翼非常入味，另外飯團好特別，面頭有蟹籽，外面滿佈紫菜同芝麻，好香口☺️☺️✿ 泡菜炒飯、湯 $106呢道韓式泡菜炒飯就用上了各式糙米再加上泡菜和蛋炒成，帶點辣味之餘口感又夠香口，一定要試一試呢👅✿ 蛋卷 $68蛋卷入面有葱和甘筍碎，美味香口。面頭仲淋咗滋味嘅沙律醬&茄汁😋😋總結🫦係西環既高街，地點方便，店舖佈置聖誕裝飾，好好氣氛，想食韓國野，要黎試試佢個炸雞，特別推介🥰✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿安客蔥雞地址: 西環西營盤高街59號地下D舖電話:21179792✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

喺Soho 酒吧區好啱同朋友飲杯野店裡面播緊K-pop 既氣氛好有去左韓國既感覺,環境好colourful ,成班朋友一齊食飯可以打卡😊我哋地叫左小份炸雞，好脆同都幾大份，啖啖肉，新鮮炸出，熱辣辣，好開胃。再加埋雜菜沙律無咁熱氣開胃，蔬菜好新鮮, 酸酸甜甜嘅味道,可以消滯最後叫做左牛肉韓式拌飯，味道都有少少飯焦石鍋嚟,入邊仲有青瓜等蔬菜作為配料。醬料用來撈飯一流,配食落去有口感不同層次豐富真係幾好食😋

尋日返工喺西營盤附近，約咗friend嚟到高街呢間韓國餐廳食個lunch～佢有啲lunch Special都係$100以內,唔錯泡菜煎餅煎得好香嘅泡菜煎餅🥞有好多泡菜餡料,好豐富,口感煙韌韌,幾正~而且唔會覺得辣好啱我牛肉石鍋飯一大碗石鍋飯，入邊有紅蘿蔔絲，芽菜同埋牛肉薄片，撈埋一齊食好香，而且熱辣辣，個飯好入味韓國年糕少少辣嘅韓國年糕,食落口感煙煙韌韌,仲有一大隻雞蛋,我哋幾鍾意佢嘅醬汁,成個配搭好正雞翼跟餐仲會送煎雞翼，外皮好香脆，熱辣辣嘅煎雞翼，食落仲有啲肉汁流出來，幾juicy餐湯係好鮮甜嘅海鮮湯，好有韓國特色滾熱辣，仲有魚片係入邊添～

今次lunch嚟食韓國嘢 入到嚟好有聖誕氣氛🎄叫咗2個lunch set 份量夠大味道都唔錯 好抵食Lunch combo $98 (+$20 柚子蜜)呢個好抵食 好大碟又有唔同款式有炸雞(6件）、雞翼雞鎚(4件)、韓式飯團(3粒)同沙律菜讚一讚個雞翼好出色 夠唒香脆韓式牛肉拌飯 $98 (+$20 柚子蜜)呢個真係有驚喜🤩以為好普通嘅牛肉鍋飯原來配料又多又正😍色彩仲好繽紛添有紫菜、流心煎蛋、芽菜、紅蘿蔔、冬菇同青瓜😲撈埋啲有韓國燒汁嘅飯一齊食口感非常豐富蛋卷 $68呢個蛋卷算係中規中矩裏面夾咗mozzarella cheese 同上面嘅茄汁同沙律醬好match🥗雜錦沙律 $78沙律菜好爽 仲有車厘茄配埋芝麻醬味道啱啱好原來仲有雞蛋🥚添好健康 啱唒想減肥嘅我🤭人均價錢: $200 （Lunch）味道: 8/10環境: 7.5/10服務: 7.5/10回頭率: 7.5/10📍 安客蔥雞 地址: 西環西營盤高街59號地下D舖電話: 21179792

今日放假去西環搵朋友聚會，聽朋友講西環有好多小店形式食肆，經過見到呢間以韓式炸雞為主打嘅食店，心血來潮又想食炸雞🍗，就決定同朋友食呢間 韓式炸雞店😋店內雖然不大，但座位好舒適，將近聖誕🎅🏻節，店內佈置已經充滿着聖誕🎄氣氛。我哋揀咗 細份$148🍗無骨炸雞配炸年糕，炸餃子🥟及蔥絲（配蜂蜜芥末醬）炸雞熱辣辣香噴噴，外皮炸得香脆，肉質嫩滑有汁，不乾身，配搭蜂蜜芥末醬口感層次更豐富。泡菜煎餅 $78大大塊，外層煎到金黃色、香脆可口，點上特製醬汁，酸酸微微，好好味😋食到停唔到口。韓式蛋卷 $68蛋卷內加入芝士、洋蔥，配上茄汁🥫沙律醬，酸酸甜甜，好開胃。🍹芒果冰 $45🌈色彩繽紛🌈口感好似奶昔軟綿綿，好Creamy😋𣎴過有點甜。🍸SOJU-KULT $55《燒酒/益力多/ 七星汽水》呢杯朋友點，佢話食炸雞要配燒酒⬅️呢位朋友酒量比較淺🤭出奇地，佢話好好飲、可能加左益力多同七星汽水，中和燒酒本身味道，比較容易入口⬅️佢飲完成杯後，同我講有啲醉醉地，笑死我🤣🤣🤣

好快到聖誕節，跟住又到農曆新年，又係時候整靚頭髮，用咗半日時間，午餐都冇得食，今晚要食好啲。江南風味炸雞漢堡飽配沙律$128雞肉扒超厚肉，滿足食肉嘅慾望，而且肉質嫩滑，加上一塊溶岩般的流心芝士，大量菜絲沙律，鬆軟的漢堡飽，疊起份量十足👍魚餅湯$72熱辣辣魚餅湯湯頭鮮甜，魚糕及金菇吸湯，加以蔥花點綴，飲完暖笠笠，驅走寒氣！韓式飯團$68加入蟹子造成圓球形狀，飯團外層有輕輕烤過，上面灑上紫菜，而下面則有大量芝麻。先將飯團在芝麻上轉動一下，多黏點芝麻，更加香脆可口。士多啤梨奶昔$45、芒果奶昔$45顏色好靚，忌廉很滑，而且甜度適中，味道唔錯。

韓國炸雞開到成行成市，但係講到價錢合理又要好食嘅話，我首選西環呢間「Uncle Padak」。餐廳主打炸雞同韓式料理，炸雞口味非常之多，可以選配不同醬料，而且仲有大細 Size 可供選擇。點左雜錦沙拉 ($78)，一份細嘅 White Padak 無骨蔥絲炸雞 ($148)，另外再加左客 Beef Bibimbap 韓式牛肉拌飯 ($118) 同 一罐可樂 ($19)。雜錦沙律好 fresh，材料除左有新鮮嘅沙律菜外，廚師還加入了切片雞蛋、甜美嘅車厘茄同紅蘿蔔絲，再配搭芝麻醬吃，入口芳香四溢，清新醒胃。White Padak (Ranch Sauce) ($148)  雞件熱辣辣、脆卜卜，外層炸粉唔會太厚，食落肉質好嫩滑，啖啖肉，夾埋啲蔥絲及沙律醬同吃，非常滋味！配料有炸年糕同炸餃子，年糕煙韌有嚼勁，入口不黏牙；而餃子亦炸得夠脆身，食落餡料飽滿，質感厚實，充滿韓國風味。牛肉拌飯用料亦唔手軟，睇下幾豐富，除左主角牛肉外，仲有紫菜、煎蛋、大豆芽、紅蘿蔔絲、冬菇同青瓜，分量十足。牛肉用韓燒醬汁煮過，肉味相當香濃，撈埋個韓式辣醬吃，夠晒惹味。

放工到西營盤覓食，望到高街有間客似雲來的韓國餐廳 uncle padak (安客蔥雞) ，一於入去試試。餐廳內的設計新潮型格，單是牆上的圖畫就令人目不暇給，特朗普、PSY一齊跳江南STYLE舞，電視播放的是強勁節拍的K-POP音樂。聽聞呢間餐廳主打食炸雞，今次點了 "一半一半" ($218)，即係揀左兩種唔同味道的炸雞，一半係炸春雞，另一半係甜辣醬炸雞。炸雞酥脆，雞肉彈牙，加上蜜糖芥末汁，零舍滋味。蛋卷 ($68)，蛋香濃郁，而且蛋內還有洋蔥等配料，再加了蛋黃醬同甜醬，味道清新。魚餅湯 ($72)，湯內有金針菇配料，魚餅綿綿，湯汁鮮濃，不吃飯麵的朋友可以考慮點這個湯。

一件出色嘅炸雞更加有濃郁醬汁嘅味道，炸雞外皮沒厚厚嘅炸漿包着，沒太大啲油膩感，感覺輕盈👍炸雞肉質：食炸雞最怕雞肉又乾又硬又打渣，❤最好梗係肉嫩有汁啦！仲有，🔥炸雞件食落完全無重油嘅口感，一個人食半隻雞簡直easy！甜辣醬味道：🌶調味炸雞，首選甜辣醬！醬汁甜中帶辣，😍而且食落有點酸咪咪，酸辣味不嗆喉，好開胃！高溫油炸後，炸雞皮脆，💕一咬有肉汁唧出嚟！好驚喜，甜辣醬的酸味突出，正好中和炸雞味道。

去開西營盤睇牙醫，順便到附近搵好野食。呢間韓國餐廳價錢相宜，質素好高，驚喜！Beef bibimbap $118熱辣辣的韓式石鍋飯有大量牛肉，脆卜卜的飯焦，仲有色彩繽紛的配菜（溫泉蛋，蘑菇，青瓜，紫菜，蘿蔔絲）加埋靈魂韓式醬汁超惹味😻😚Mix Asian salad $78大大盤沙律幾抵食Egg roll w/ mozzarella cheese $68韓式蛋卷上有沙律醬好滋味，蛋卷和芝士的比例恰到好處Strawberry milkshake $45士多啤梨味道濃郁，奶昔打至柔滑順口，推薦❤️Mango shake $45叫左唔洗額外加糖，自然水果香甜非常好飲，芒果味道突出👍🏻