安安燒 (染布房街) (已結業)

係度要提醒下大家，同朋友聚餐千其唔好揀呢度！會比人趕走架～我地半個月前已經book定今晚7:30，佢話限時兩個鐘，咁我地7:30去到開始叫野食，一路食一路有加單。去到8:15左右，有人黎問我地會唔會再加野食，佢話出面好多人等緊，如果我地只係會再加幾樣野食嘅就算喎，明示要我地走。果時我地台面係冇野食，但我地有加左單嘅野食都未黎，佢已經想我地走，咁都得架咩？我地話有野食未黎，佢check完竟然話冇收過單... 人地想我地走咁都無謂再留啦，唯有cancel左啲野餓住咁走人...有問返佢明明book果時話可以食兩個鐘，佢竟然答我地：「唔預我地黎聚會」？？？咁你一開始唔好話可以食兩個鐘啦！一班人黎食野唔係聚會唔通好似搭台咁各自食完就走？我地坐低一個鐘都冇，野都未食飽就已經比人趕走... 你要賺盡都唔係咁樣對啲客掛？強烈建議你地大大隻字寫明限時45分鐘，咁大家咪唔會有誤會囉係咪？？？？

中伏 非常差嘅experience店員服務態度0分本身諗住係成大班friend一齊黎慶祝生日 已經早咗好多book位 book7點半話明可以食兩粒鐘點知食咗唔夠一粒鐘 之前落咗單嘅嘢食都未黎齊就話要趕我地走 經理話由7點開始留位等咗半粒鐘我地先黎仲話唔expect我地喺度gathering明明我地book 7點半佢就夾硬話我地遲到明明係食串燒嘅餐廳 又當正自己係茶記expect人滾水淥腳咁食飽就走 自己漏單就當無事另外 餐廳環境唔好 好似無冷氣咁非常之熱 野食亦都非常普通 完全唔值佢個價錢以後唔會再黎

餐廳是半露天的，天氣要涼涼地食就最好，但好在燒烤無論咩時候都係好食既！每道菜都望起上黎幾開胃，味道正正好！特別係薯仔同番茄，係吃左一堆重口味既燒烤之後呢兩個實在解膩！三重芝士撈丁，味道超正，芝味濃郁，面頭微微燒焦既地方畫龍點睛，撈埋下面既麵真係無敵，一個人的份量剛剛好燒韭菜好香，上面撒滿哂調味粉，食落仲有啖啖汁，惹味~雞軟骨串燒，不過不失，肉不算多，但勝在軟骨亦夠脆口！燒墨魚丸都幾牙爽口，面頭微微有汁，甜得來辣辣地，如果喜歡食墨魚丸的人必點~芝士餈飯口感比較厚，芝士味有，微焦香，可惜太飽肚，我都比較鍾意輕小食類芝士以宵夜來說，這個份量剛剛好啦∼

係旺角同男朋友睇完戲 一路沿住染布房街都好多食肆好熱鬧 ,行到安安燒俾佢門口果陣香味就吸引左入去職員提我地9:30就係宵夜時段, 問我地會唔會等多幾個字先入會優惠d, 但我地因爲太肚餓緣故所以冇等到（但聽講宵夜時段某d野食可以平到半價）入到去先知佢係好似重慶燒主打類型既串燒店, 因為即興入尼冇做功課,坐低左之後即刻上網search下佢邊d推介因為9點幾太肚餓關係, 2個人叫左17樣野😂燒娃娃菜呢個真係必叫！d菜咁樣穿住燒得好平均加埋佢d粉 有dd咸味有微微辣好夾好好食不得不提個惹味蒜蓉生燒茄子！上網見到人推介, 初頭叫住一份試下, 點知真係好有驚喜切開個茄子一半再加蒜燒係好香好入味，味到食完即刻加單叫多份😋

咁岩今日經過見到吾洗等位 就入左去食 叫左幾樣野食 但係無樣正常 依間餐廳實在佩服 蒜蓉燒蠔 隻蠔臭既 一食已經食得出係臭 排骨串 茶豉油落去就當係熟?定係d師傅當係和牛黎燒 8成生! 燒羊架就熟既不過就咸到連飲成枝水 我都吾明依間係咩餐廳

又係旺角，當然啦，最方便嘅地方👏🏻食串燒飲酒的好選擇~~雞泡魚干，乾硬度岩岩好！配合沙律醬非常開胃牛舌，口感不錯👍芝士腸燒到爆哂上台點少得生啤👏🏻👏🏻燒娃娃菜，上來我哋都係到諗係乜嘢，貌相好有趣，食落辣辣地，有燒烤香味，值得一試👏🏻👏🏻串燒店點少得蒜蓉茄子！好香甜！☺️烤魚🐟朋友好愛吃🐠🐠🐠，汁係檸檬汁🤤🤤魚烤到剛熟，又滑，我地食到骨都損埋哈哈😂😂😂聽講烤🐠係日日吾同款！

今日約左舊同事黎安安燒聚餐，貪佢夠就腳而家十點後入座仲好似全單有8折定85折我最推薦係蒜蓉燒茄子，蒜蓉係完全唔孤寒，食完都覺得自己口臭仲有燒鷄翼都好味，外面個皮燒到超脆而當晚我地仲食左好多野，不過本人太肚餓好多時一黎就啪左落肚唔鬼記得影相燒牛舌雖然話係佢地皇牌不過一啲都唔好食，似炆牛舌多過燒，成舊軟冧冧的，一啲都唔爽口仲有蜜糖燒賣都係似街邊買一串串個啲咁，不過就掃左蜜糖係面囉我地4丁友折左都係600蚊，旺角區串燒黎講都算抵食，但座位好迫囉，完全坐唔到多一秒。

天氣太熱，不想吃飯也不想吃麵，就是想吃小吃，就來安安燒，燒一燒。食物種類也算多，就試試特別的食物，例如朱古力生蠔、燒次飯...........普通燒烤食物有，燒牛扒、燒雞亦........特別食物真的沒有什麼特別，朱古力加生蠔味道不見突出，燒次飯也不好吃，就連燒雞亦甘普通的食物，也味道不好，最主要原因是食物不新鮮，食物上枱時溫度也不夠熱，感覺像是用微波爐加熱，用的奄料也太多來掩飾食物本身的不新鲜，總結是失敗

Recent addict on cumin seed.. 😦waited for almost 30mins at 10pm... 😶the BBQ skewer dun taste like grilled but steamed 😯 and dun have much flavouring and we have to keep adding cumin ourselves 😋among all choices, only the three #cheese instant noodles tastes yummmy😋5/10 not likely to return again💰$280#vaneatery#vaneatMongkok#vaneatSnakcs #munches #hktopcitybites #hangout #timeouthongkong #串燒

成日經過安安燒，都聞到一啲好香嘅燒烤味，今日終於同朋友去試吓啦，果然冇令我失望食串燒最緊要有酒飲，最佳送酒嘅食物一定係雞泡魚乾😊呢啲走餐廳做特價，只係賣＄3一支我哋一人飲左成四支😋😋最頂嗰碟係龍蝦丸同埋墨魚丸，兩串丸都非常彈牙又大粒好似幫襯串燒店，我都會嗌燒茄子食，如果燒得好茄子會燒到好林囉同埋好香嘅蒜蓉味☺️☺️呢個係推介之選😋😋😋😋由於我同朋友都好鍾意食蒜蓉，所以都帶咗蒜蓉燒帶子，送酒真係一流呀！🙀仲有呢條魚，啲魚燒到啱啱好熟咗，配合埋酸甜汁食落非常開胃👍🏻👍🏻

話失望都係畀面左間野勸大家千其唔好去食 尤其夏天佢係有開冷氣 但係間鋪成個東菇亭咁冇野留住啲冷氣 有等於冇 熱死重點黎喇～食物質素勁差啲食物大部份得兩隻味 超咸同辣因為佢啲野食得華鹽同七味粉調味我Order左燒多春魚 年糕 燒鯖魚 牛小排 燒雞翼等等 全部都一樣味 點解我話大部份食物得兩隻味呢？因為我食到仲有假到好似啲藥水味糖既甜味。呢啲甜味竟然出現係啲燒蠔度…我諗係啲粉紅色既燒汁令啲蠔有甜味… 食完啲咁鹹又辣既野當然想飲野喇 同行既好友又唔想飲凍野 大熱天時又唔想飲熱野 咁好喇 叫枝水畀佢 點知… 多謝晒 無水供應… 最後都係叫左鑵汽水畀佢…食完真係嬲到要獻出第一次食評畀佢…

其實呢間野開左好耐！終於有機會同朋友試下！座位確實有啲迫但食物出得好快。推介燒菠蘿丶燒黐飯丶燒香蕉丶燒茄子丶秘製三重芝士撈丁丶個燒魚都好好味，而且賣相都幾靚。不過記住夜晚真係好多人排隊！真係要等㗎。不過飲品就普通咗啲冇乜特別推介。因為我不飲酒，但見到啲人叫了大大杯都幾過癮

好想食燒烤， 但係天氣咁熱， 食bbq個人都會熔。 於是就建議食串燒 ，平時就食開佐敦嗰間 ，而今日在試下新嘅呢一間安安燒。 經過門口散出陣陣燒烤味， 有人燒埋畀你，送上枱慢慢食，嘆番支啤酒簡直人生一大樂事！入面地方好開揚，唔使焗住燒烤味，廚房抽氣抽出店外。座位之間都尚可接受，每枱有紙有筆食乜就tick 乜，列明價錢，落單無耐，五分鐘內食物徐徐遞上。服務員收碟快。食完肚痛及疴咗兩次，可能其中款式需要燒熟Ｄ，但整體可以接受。

男朋友收工諗住去食野，見上次食過呢間覺得還好，所以再過黎食。拎左飛聽到差1張枱咪等下。然後就係無限等。但伙計無禮貌都唔緊要，門口空間唔夠等候客人企就話人擋住門口。訂左座先係客，我地walk in等左個幾鐘，下個號碼就到我地，但就不斷比岩岩到ge入去，差一個號碼都叫佐大半個鐘，最後不斷比人插位嬲到走佐。就算間野味道係唔差但你地連基本service輪候安排都做唔好想人地點有心情食。咁樣真係會令人好失望。

今日同朋友6點半就去到，一大半都坐哂人啦～ 好在我地只係2個人可以即刻入座。大概7點半左右就開始要等位啦，好在我地黎食個early dinner啫2個女生叫左10樣野食，仲有青檸啤酒1支share。開頭都擔心會唔會叫太多，但最後都食得哂。雞翼，韮菜，白鱔，芝士翠玉瓜，雞腿肉串，雞軟骨串，牛舌，黑松露墨魚餅，茄子同玉子燒。全部都好惹味好好食，份量同價錢亦成正比。雞翼不嬲落孜然粉都冇得輸 韮菜成大串逐條逐條咁食，好有趣。白鱔得4小舊就似乎少左d，如果可以俾多幾舊或者大舊d就更好。雞腿同雞軟骨正常地好食。牛舌個口感好肉好鬆軟，同不嬲食開爽口嘅唔同，嗯… 其實都係鐘意爽口的 墨魚餅熱辣辣好香好好食！好欣賞成板茄子咁上，慢慢刮黎食。玉子燒就甜甜地。最黎講講個青檸啤，其實唔係好飲到青檸味，不過就好fresh，可以當水飲 哈哈！用餐時間得個半鐘，店員會不停黎收你檯上嘅野暗示你“夠鐘啦～”咁… 如果想坐下飲多支酒傾耐d就唔係咁適合啦