安安燒 (染布房街) (已結業)

終於放寬晚市堂食，即刻黎食番餐串燒過下癮，串燒真係要夜晚食先有feel~ 有一排冇黎食，依家轉左自助形式QR code落單，覺得方便左👍🏻惹味蒜蓉生燒茄子 ($48)茄子當然係必食(見到枱枱都有叫)，蒜蓉好多好惹味，茄子肉燒到軟綿綿，不過用筷子夾起上嚟唔太方便，但真係好好味！秘制沙嗲醬燒豬頸肉 ($37)沙嗲醬香口惹味，要黎點埋其他野食都唔錯。蒜蓉燒扇貝 ($60)蒜蓉好香好惹味，襯托出扇貝嘅鮮味，如果有粉絲就更加好。燒超惹味雞泡魚干 ($48)雞泡魚干啱啱燒起香噴噴，係魚干嘅鹹香味，點沙律醬再送酒一流！燒雞腎串 ($32)一份兩串，通常食串燒都會嗌黎過下口癮，ok爽口。皇牌燒牛舌 ($45)大大塊牛舌，不過如果更加爽口就更好。頂級鹽燒多春魚 ($46)陣陣焦香，多春魚內裏鬆軟，唔使其他調味料，只係落鹽已經吊到多春魚嘅鮮味。甜蜜脆脆糖燒菠蘿 ($29)同普通燒菠蘿有啲唔同，沈左砂糖喺面先至燒，所以會有一層焦糖喺菠蘿上面，口感特別，食落會更甜，不過都係比較喜歡落鹽嘅菠蘿多啲。

這間串燒店一直想試，當晚市重開後便立即電話預約，接線員工通知用膳時間為1個半小時。由於比原定時間早到半小時，便早點內進，但侍應卻說用膳時間只得1小時，什麼道理？串燒店不是很大，所以座位非常狹窄，餐單上很多東西都已經售罄完畢。食物全部都是即叫即燒，所以等待的時間也較長，這也是能夠理解的，但之後再追加的食物，由落單至40分鐘仍未送達，有點離譜！燒原隻鮑魚燒蟶子皇惹味蒜蓉生燒茄子香濃芝士燒生蠔香濃芝士燒扇貝安格斯肉眼牛柳串秘製醬燒雞中翼燒雞肉軟骨棒燒雞軟骨串燒娃娃菜總括來說，食物的質素及味道都正正常常，不過不失，反而店員的服務態度令人髮有點失望，獲得一肚氣。

呢間串燒店定係我經常會去食嘅一間店，除咗上菜快之外佢嘅串燒味道十分之好，百吃不膩，重點之最係佢嘅芝士撈麵，鹹香濃郁，推薦！上菜速度十分之快，雖然地方淺窄，但係又係另一番食串燒嘅風味，同朋友放工過嚟食就最適合啦，另外佢仲有原條燒茄子麻辣鮮香令人食慾大開。推薦佢嘅雞泡魚乾，送啤酒必備。食完呢一餐非常有滿足感，比食山珍海味更開心，我同朋友叫咗差唔多10樣嘢食，買單都不需要300，傳銷界來講性價比亦都十分之高同接地氣

以前會返下大陸食串燒，又好少喺香港食，通常都係一串串咁買，唔會成餐都係食串燒。今日同朋友喺旺角行街發現咗依間餐廳，睇落唔錯，就揀咗佢。Menu有埋圖真係可以易d做選擇估唔到食串燒都可以食到咁飽惹味蒜茸燒茄子 ($48)燒茄子係食串燒必叫呀，依個茄子勁大舊同多肉，見到都有d嚇親，d肉可以一絲絲咁夾出嚟，重點係超 多 蒜 頭同埋有適量調味粉，所以真係超惹味。皇牌燒牛舌 ($39/串)燒頂級墨魚丸 ($22/串)牛舌都係我嘅必點佢算係厚切 唔會燒到好乾墨魚彈牙 而且夠哂調味燒菠蘿($22/份)不過不失啦 個人覺得可以再燒得耐少少燒白鱔 ($50/串)好好食！魚皮香脆肉質彈牙，可以encore!!燒雞子 ($22/串)係餐廳推介，果然唔錯。食落好軟滑，而且冇乜異味。蒜蓉燒扇貝 ($52/4隻)調味落得好足，食落辣辣地，扇貝都有d鮮味燒雞泡魚干 ($48)以為會好硬但都還好，點日式沙律醬好正燒雞軟骨串 ($28)燒鮮冬菇($18)都係調味足，燒得好惹味，唔會太乾over咗

開放式座位設計相當地道港味😎燒串燒不斷散發嘅香氣，隔條街都感受到🤣經常經過都被吸引，今日終於夾啱時間嘆下香噴噴燒烤大餐😙店舖主打川式口味，調味用上孜然粉，唔重手，味道不會太鹹👍🏻燒原條黃立鎗($90)••••••見到90蚊鮮魚，太抵食😁唔需要考慮就嗌左。成品果然無令人失望，size大條，火喉控制得好好，因為外皮卜卜脆得嚟，魚肉保持滑溜，濕潤而且juicy，旁邊嘅泰式醬汁亦好好味👍🏻性價比係極高❗️超推薦❤️日式煉奶燒麻糬($25)••••••⭐️正正正！對軟糯麻糬年糕毫無抵抗能力🤤煙韌控一定唔好錯過！惹味鰻魚汁三重芝士撈丁($50)••••••「趁熱即刻食呀」真係講得一啲都無錯😎熱溶芝士喺出哂煙嘅時候最能夠拉絲，食落充滿濃濃嘅芝士香氣💯鰻魚汁適量，否則會蓋過芝士，而且過甜。估唔到賣相幾靚仔，唧醬都有分用唔用心㗎😆惹味蒜蓉生燒茄子($48)••••••Well，綿綿絲絲茄子肉難以抗拒，加上大量蒜蓉調味，會令人不自覺一口接一口食皇牌燒牛舌($39)••••••厚切無得輸🤫鮮嫩牛舌燒過後，仍然留有油脂，口感好好燒超惹味雞泡魚干($48)••••••唔使去居酒屋都食到，價錢仲十分親民🥰魚干好惹味，甜

朋友都知我從來唔食羊但係真係食到一次我接受到既羊好好記著小時候的味道😉👍👍但係呢次感覺真係好唔同：完全冇腥味十分香芝士味極重配薄荷醬😊加上愛上響鈴卷：係炸既脆口回味無窮仲有好多串燒勁邪惡：都好好食雞泡魚乾超愛😘😘配上沙律醬完全係最佳柏檔仲有吃左好多好多靚生蠔. 扇貝同海鮮👍一口蕃薯甜而不油膩, 保留原味😊芝士撈面三重嘅芝士撈麵度零舍開胃糖心藩茄最愛👍燒冬菇四季豆層次口感呢間嘢真係叫乜嘢都好好食

今日突然好想食串燒，於是約咗老友去旺角出晒名食串燒嘅安安燒！由於晚上6點過去人流唔多不用等位直接入座，我同朋友都係超鐘意食串燒點了一大堆。可能人唔多，落單後5分鐘已經上枱，速度非常快。特色蒜蓉撈丁，爆多蒜蓉，趁熱撈勻食，滿腔蒜蓉味，重口味人士必食！麻辣海蜇，有驚喜的小菜，每一口都食到撲鼻的麻油香，不過辣椒仔有點多，偏辣！燒餈飯，餈飯細個讀書時食好多，但燒餈飯第一次食，外表燒到焦香，有點似煲仔飯底層嘅飯焦，味道不錯。皇牌燒牛舌，叫得講係皇牌梗係叫一串試試，牛舌厚切但完全唔韌，沾上少許孜然粉令味道提升了一個層次！日式煉奶燒麻糬，原來串燒鋪有甜品串燒，麻糬燒到脹卜卜，再沾上煉奶和花生粉，一個字正！總結，上枱速度快，串燒款式多有驚喜，味道不錯，人均約$150。

上網見到呢間安安燒食串燒好出名，跟住就book位去試試，今日安排坐咗喺路邊位。望一望個menu順便叫兩杯生啤解渴先。先嚟咗一個蒜蓉燒茄子，茄子夠濕唔乾，鋪滿大量蒜蓉，香到不得了，必食之選。墨丸&牛丸，保留住juicy，調味帶少少辛辣，不禁飲多兩啖啤酒。燒牛脷燶邊帶淋，非常有咬口。燒雞腎，燒得夠燶邊亦都非常彈牙。鹽燒青花魚，平時會用煎既烹調方法多啲，今日燒又另一番風味，魚皮燒得好香脆冇骨而且啖啖肉。蒜香燒白鱔，白鱔無骨配上蜜糖加持，魚皮變得又甜又脆。麻辣龍利柳，配上麻辣汁包去錫紙裏面燒，令龍利柳吸哂啲麻辣湯汁，又係啖啖肉。燒粟米，擦上大量蜜糖，令粟米肉甜上加甜。燒菠蘿，新鮮菠蘿遇上炭爐已經冇得輸。燒燒賣，未試過原來上左蜜糖既燒賣會咁皮脆肉彈。

談心要飲住啤酒談❤︎以前嚟過一次，好味又幾抵食，今次帶埋朋友一齊嚟試下〜Total叫咗10幾款加埋啤酒，埋單大概3百幾，尚算okay〜蒜蓉燒茄子，好大一條，但有少少燶咗，不過辣得來又夠香，配埋蔥花好正。仲有好鍾意燒鴨舌，咬起來好有韌勁，帶點麻辣，愈食愈滋味，做下酒菜一流〜朋友話一定要食羊肉串，燒嗰陣落足孜然粉，一啲腥味都食唔出，而且keep到肉質好嫩口，十分之不錯其他當然少不了大路嘅燒韮菜、燒菠蘿、雞腎、翠玉瓜啦〜整體來講都好滿意，會再帶朋友過嚟一齊食❤︎

在旺角逛街，途經這間食店，好耐無食港式串燒喇，就吸引咗我哋入去一試。香港既串燒又貴又細份 性價比較低. 這間食得 relax 的安安燒烤店，好好食的一餐。令我刮目相看 🤫🤫 地點方面：同地鐵站係有段距離既，大約5-10分鐘行到由於時間尚早, 所以不用等位便可入座😬 首先要稱讚店舖在每一枱都有一本精美食物相片提供, 可以先看相片, 再自行剔紙落單📝餐牌上有超多選擇，基本上講得出嘅都有肉類有雞牛豬羊，蔬菜選擇都好多，另外仲有海鮮。這小店還有很多另類選擇，啱曬我呢啲有選擇困難症嘅人，可以嚟多幾次逐啲逐啲試！ 環境係比較逼夾既，但食物搭救。不過限時食60分鐘，感覺有啲少，想坐低傾多兩句都唔得😂沙茶醬燒雞脾菇～燒得嫩嫩的菇伴著濃濃的沙茶醬，味道濃得化不開。白汁芝士煙肉碎烤大蘑菇～清淡、香脆口感，共冶一爐。羊肉有少少so味，如果好羊肉既朋友都可以試燒雞軟骨串性價比十足，有兩串，一人一串就啱啱好！軟骨脆卜卜，食極都唔厭，最後再encore多碟🤣蒜蓉燒扇貝有四大隻，但是燒完啲帶子縮晒水，好細粒, 雖然價錢唔太貴，但係一般好味金銀蒜蓉燒生蠔蒜蓉味十足 生蠔啖啖肉食串燒當然要點返枝啤酒飲下啦，cheers

之前食過筲箕灣第一間店時已經愛上，現在只有旺角店，但仍然保持舊店既水準，太好喇門面半開放式設計，感覺開揚夠地道喜歡Menu 用上漫畫式設計，每款串燒用上圖片杞子龍眼菊花蜜足料杞子同龍眼，菊花蜜滋潤喉嚨腐竹雞蛋糖水沙冰用中式糖水轉化成飲品，有創意，將腐竹糖水打成沙冰，口感清涼，不太甜，超級大愛蒜蓉燒扇貝扇貝夠新鮮，足料蒜蓉，再灑上蔥花，辣椒絲，有點少辣，啱我口味必食：秘製三重芝士撈丁見每枱客都會必點，厚厚芝士鋪滿麵上，服務員提醒要襯熱食，因為芝士熱溶夠香口，香濃芝士令人食不停口，正我至愛：燒韭菜韭菜於蔬菜類味道比較濃，用上孜然粉調味，所以燒烤出來更香濃其他燒丸類，肉類等都很惹味，用上我最喜愛孜然粉，濃味又香口，最緊要每款串燒燒得不太乾身，恰到好處食串燒還是喜歡川式串燒最啱我

發生咗啲事之後就無返過上深圳，但係又有少少想食佢哋嗰啲四川串燒，唯有搵間喺香港㗎啦雖然食左幾百蚊，但係咁有燒串既原味道都係值得既😇惹味蒜蓉生燒茄子最經典一定係呢味燒茄子，大大塊茄子加埋一層厚厚嘅蒜粒鋪喺面，再加上少少孜然粉燒韭菜以前喺內地都有食過，呢間做到嗰個味道，又大串，又要有好多孜然粉，鹹鹹地嘅，配埋支啤酒就啱晒蒜蓉燒扇貝燒完扇貝好香口，又冇沙，加埋蔥花同蒜蓉好香好好味水果牛肋條用完大火燒到網狀條文之餘仲要將肉汁緊緊咁所喺裏面，一咬就感受到果種Juicy同埋炭烤味道沙茶金菇煲雖然今次冇肥牛，但係金菇加個沙茶醬煮熱左又真係冇得彈啲嘢食叫到成枱都係！夾餅棉花糖表面落咗少少朱古力醬，少少甜又令餅乾冇咁乾，入面燒到軟綿綿嘅棉花糖甜得來又令到餅乾口感冇咁硬身，不失為一個幾特別嘅烘烤甜品燒麻糬棉花糖外面燒到好脆口，仲要因為加咗麻薯所以有少少拉絲。唔知係咪因為燒到棉花糖都膨脹晒，入邊空氣咁好重，反而食起嚟個口感好特別，加埋花生煉奶，簡直冇得彈！跟住俾返啲Menu大家參考一下

天氣轉涼，同事們都想去燒嘢食，但因疫情有限聚令，唔可以咁多人去，之後改咗去旺角食串燒，安安燒是一間川式串燒專門店，串燒，小食，啤酒一應俱全，絕對係傾計飲酒既好地方。安安香濃芝士燒生蠔、香濃芝士燒扇貝：芝士真的是百搭，無論配搭任何食物都能提升味道，尤其係燒生蠔和扇貝，真係好惹味！秘製醬燒雞中翼，雞翼燒至表面金黃色，皮香肉嫩，而且好入味！白汁芝士煙肉碎烤大蘑菇，蘑菇厚肉爽口，配白汁芝士煙肉非常美味。甜蜜蜜施華力腸串， 味道甜甜，外皮爽脆，肉汁豐富。 超美味玉子燒，玉子燒火喉控制得好好，有綿密鬆軟的口感與蛋香。安安秘製三重芝士撈丁，三重芝士鹹香濃郁，由於芝士醬較為濃稠，芝士撈丁要趁熱食才好味！燒粢飯，外層經過燒炙，有特別的香味，糯米飯香口感軟糯，餡料以肉鬆配上榨菜及油條，十分美味！食串燒配啤酒一流！腐竹雞蛋糖水沙冰，甜度適中，腐竹味香濃。

好耐冇食過串燒了 一路覺得香港既串燒又貴又細份 性價比較低 但今次黎安安燒 令我刮目相看地點方面：同地鐵站係有段距離既，大約5-10分鐘行到食物：我地叫左海鮮，蔬菜類，羊肉同雞軟骨 蒜蓉扇貝同蟶子都好好食 好新鮮 但川味既扇貝就一般 唔推介蔬菜既話 啲牛油雜菇好香，韮菜就有少少老左蒜蓉茄子雖然有啲貴 但好大條！而且超多蒜🧄 大愛！羊肉有少少so味，如果好羊肉既朋友都可以試 雞軟骨就岩岩好 再灑啲辣粉就更好食！環境係比較逼夾既，但食物搭救。而且限時1小時 所以就唔岩想慢慢坐既朋友啦

下午6時入座已經超多客人了，點菜用了一點時間，但上菜時間挺快的，即叫即燒來說非常讚，某些食物是用錫紙包住，除了可保留醬汁外，更能保溫，所以我們點了海蜆和龍脷柳都可以稍後時間食，而最讚的是薑葱廣島蠔，蠔肉質非常鮮，醬汁濃而不油膩。餐蛋串串亦是十分有趣，將玉子燒和厚粒午餐肉夾在一起，有香港的味道。最考功夫應該是燒蔬菜類，太乾入不了口，未熟又上不了枱，今次我們點了燒菜心，火喉剛剛，keep到仍然有水份但又熟，加上孜然粉更見突出。鹿兒島豚肉，牛小排都是肉類串燒，味道不錯。嚮鈴甜甜脆脆，味道有驚喜。原隻魷魚亦非常鮮味嫰口，好好食的一餐。