安南越式牛肉粉 (已結業)

夏日炎炎，又無乜胃口，最啱食咩好？當然係易入口又唔太油的湯河啦！今日同同事去左『安南越牛肉粉』！一個叫湯河，一個叫飯：湯河當然係當牛肉湯河啦，另一個叫咗咖喱牛腩飯！湯河個味道都係正常普通，竟然咖喱牛肉飯係有驚喜咖喱味好香濃，牛肉都好林，值得一試。

呢間越式餐廳既環境唔錯，有好多卡位，坐位寬敞舒適，但價錢一啲都唔貴！下午茶重有野飲包，幾好架！好似我就加左6蚊轉三色冰❤️有紅、綠豆同埋好似啫喱既料，好足料，幾乎有半杯呀😵雞絲湯麵一尼到賣相幾好，不過一睇有啲嚇親，雞絲份量少到唔太睇到...但味道不錯既👍🏻九層塔味道令湯底好香豬扒好嫩，炸得一啲都唔乾好好味係好抵食既！蕃茄湯味道似羅宋湯酸酸地，牛腩正呀，又淋又入味粉絲特別吸湯既味道，難得有得轉緊係要叫！唔係度度都有粉絲揀架😆😆

大熱天時, 又係食越南嘢嘅時候. 今日響電車路行過, 見到呢間<<安南>>就入來試下. 店來裝潢新淨企理, 最特別係牆身由人手直接畫上去黑白越南畫, 幾靚! 幾有特色!!午餐選擇都幾多, 有飯有河有檬粉.價錢由$49至上85, 任君選擇. 肚餓要食飯, 我叫咗個<<A9沙嗲牛肉飯>>牛肉係越式肥牛, 唔辣幾香易入口,不過份量少D. 午餐配熱飲, 我見凍飲都要加$3, 我加咗$6轉特飲: <<椰汁仙沙冰>>大大杯, 材料都幾足. 夏天飲越南特飲真係正!! 

諗住返工前食個快lunch，order咗個粉先哋，另外一位遲啲先order。男伙記可能忘記咗自己返緊工，用堅定嘅聲音，霸氣地講咗個門入面加個小字就行開咗。男人嬲都震，即走。呢間嘢嘅員工服務咁好，啲嘢食好食到曉飛都無用

入到去坐低卡位 6人座位我地2個人坐 本來一人一邊 個侍應叫我地坐反一邊 我整緊銀包 冇理佢 諗住整完就坐返對面 點知個女長髮後生侍應就渴我 叫我坐返過去 合作d 我話我又冇話唔坐返過去 我整完咪坐 本身又冇人等緊位 急乜 咁既態度好趕客！以後外賣食算！

香港的越式河真的越開越多，但真正是越式口味又有幾間，這間筲箕灣安南店睇住佢開張，初期都見人頭湧湧，每次路過都想入去試試，但怕人多，今日終於在下午茶時間入內一試，一入門見有卡位即想坐下來，但被一短髮女侍應大聲呼喝：2位那邊..聲音之大及態度之差成間餐廳都能聽見，嚇死其他食客，坐落後叫另一位眼鏡長髪女侍應落單，她説等一陣，伹卻一去不回頭，這樣服務態度難令食客再回頭。 再說食物質數，叫了生牛肉牛丸河及牛坑腩河，牛丸開邊得3粒，牛肉2片，牛坑腩也只不過是牛肉片而已，雖說是下午茶，但份量不足，其他的食物也不會再嘗試。總的來說，失望。

Lunch 叫左個金邊粉，附上一碟青檸加辣椒絲。諗住 jit D 青檸汁落碗湯粉度，點之一㩒，個青檸係好淰，好明顯係用過😡 過份！如果覺得青檸貴就唔好送啦！一定唔會幫襯！

我叫了香茅雞翼湯檬要改牛肉湯個店員同我講本身是牛湯來的因我向來食越南河一定要牛湯的所以每次都會特別點明點知送到來的一看便知是雞湯，我同佢講我要牛湯喎佢竟然話我話唔要牛湯要清湯，而其他店員叫佢換牛湯給我但最後送來的是原本那個清雞湯檬，我問她這個已換了嗎而她及另一個收銀二囗同聲話這個已換了牛湯真的當食客沒味覺嗎？為什麼自己落錯單還不願承認反過來話客自己叫錯還騙人換了，真是太過份我従未試過這麼令人不愉快的經歷

今天早吃午飯，到了下午五時許，就有點肚餓，因今天鋪頭非常繁忙，有勞動所以快肚餓，想起附近有間安南越南河吃，剛好二至六時是否下午茶時段，叫了一碗香茅豬扒湯河，熱奶茶，都只是＄43，外賣送來時，湯河跟湯是分開上的，非常細心，香茅豬扒，甜甜的有很香香茅味，豬扒也很大件，河粉不會爛蓉蓉，很滑，而且很多，兩個人一起吃一份餐剛好，真的抵吃，奶茶也很香滑

有時候要諗食啲咩真係好困難樣樣都想食大又唔知食乜好今日有北角坐電車去到西灣河經過好多個站都冇衝動落車大見到呢間食越南粉嘅鋪頭見到冇乜人咁不如去食下啦裝修都幾有風味但係始終間鋪都在香港其實間間舖都係咁因為坐左太多個電車站嘅關係食咗碗巨大越南粉一開頭食落去都幾好食但係因為可能太大碗既關係最後都算過得去個人最鍾意食嘅馬拉盞炒通菜真係唔錯基本上都係我食晒因為我另外兩位老細上門巨大越南河都食唔落啦越南春卷真係麻麻地零七食完咁大碗河粉對飲啲嘢調劑下嘅價錢合理又坐得舒服

今天晚上要在筲箕灣開會至9點， 點都要找點包肚野食，見住這間越南餐廳開幕， 但無時間食， 今天終於借機試下5點半還是下午茶時段， 佈置簡潔， 牆上畫有越南人生活的圖畫同用具，聽店員說是找人畫，在2016年11月畫的圍繞餐廳都是卡位， 中間就是排枱排櫈，座椅是舒服的梳化環境清靜menu上有大量下午茶選擇，價錢都合理，不過就有香茅豬扒飯，所以點左安南海鮮炒金邊粉同熱檸茶上枱時，感覺下午茶份量大，不過睇耐些就發現海鮮材料只得三塊青口，兩隻蝦。其餘有蛋， 紅蘿蔔絲， 炸葱，兩段生菜， 疑似魷魚絲及蟹柳絲， 一大舊金邊粉廚師為了表現青口是真材實料， 讓我一口咬去就crack了一聲， 因為隻青口背面還黏著一角青口殼， 另外一隻一口咬落去全是沙吐都吐唔切😭蝦略微微過油，不過雪味還在點解講係一大舊金邊粉， 是因為從未試過黏埋一舊的金邊粉， 以前食的多是炒開一條條的， 今次的金邊粉是要用筷子同匙羹撕開才食到， 不過說也奇怪， d 粉又入味喎熱檸茶：上枱時，真的令我疑惑我是否眼花，是個杯有花紋，還是裂紋?! 真的無眼花是裂紋，竟然敢多裂痕都用， 唉…新開舖無耐， 咁快d餐具已經五勞七傷味道來說ok啦！都有

最近家裏附近開了間越南河粉店，初初開市大排長龍，所以很想試，近日終於吃了，香茅豬扒飯，豬扒內還有肉汁，香茅味又不會蓋過豬扒味，淋在飯上的汁也好味，跟餐要飮杯滴漏咖啡，要加＄18。但我也覺得值得的，因很香濃和滑，另外配上煉奶，自己填自己決定

講起筲箕灣 會諗起東大街有唔少好既野食，日式港式泰國西餐茶記 總之好多 但呢區就冇越南東東。呢排筲箕灣就有間越南餐廳新開，就同屋企人去試下。筲筲灣係呢間餐廳既第三分店，環境幾好，可能新開啦，服務都唔錯，唔駛等位就入得（星期六晚飯時間）兩個人埋單都係百六蚊，合理

老夫處男下海,第一次寫review,大家多多指教.好入正題,聖誕長放期個幾日下晝,見到有間我至愛嘅越南餐廳看張入面又人山人海喎,就拿拿淋入去試下喇.點左一個生牛河同豬頸肉撈檬加咸檸七.生牛好快到,一嚟到先唔講好唔好食,個碗竟然有隻血印（如圖）...!大佬,拍人肉叉燒包咩？個粉...就好似普通魚蛋檔d河粉....唔係難食囉..個撈檬呢,賣相就醒神好多,大大碟.但豬頸肉就反高潮又乾,又咸,仲要係涷嘅大大啖啜咸檸七解咸喇,個咸檸又tuk極都冇味.阿哥,俾心機煮二個面有冇咁難先.真心好耐冇食過咁極品嘅餐廳.咁歷奇嘅經驗一定要分享俾大家.唔好話我係打手Let the pics speaks the truth碗上血掌印食完會腎虧嘅豬頸肉

見正式開業就黎試下啦！1. 湯檬上檯時湯入面已有一隻有翼小昆蟲。2. 第一次的豬扒是翻炸，又乾又硬。好彩搭檯的都是叫豬扒湯河才明顯知道分別。3. 期間隔離檯對情侶，食食下發現碗粉錯左，換過一碗，但店將情侶食過既粉放去隔離兩張檯，過左一陣將個碗粉話係俾我的，我地立即話碗野隔離食過架啵，佢先肯倒左佢，開張咁做野，超過份！🔥🔥🔥4. 之後再換的豬扒，唔熱的。不過明顯唔同第一次翻炸的。5. 湯味尚可。6. 價錢同服務，食品品質，衛生不成正比。$100 兩個餐，無下次！Bye!