安利魚蛋粉麵

营业中

休息中

~o係東大街做左咁耐野~~次次經過呢一間安利都係大排長龍~~今日特登去試下~果然沒有令我失望~ 奶油多($7):同事介紹~身為一個愛包之人~脆脆的~覺得都唔錯~但係如果再熱d會更好~ 魚旦河($18): d湯好清~d河好滑~d魚旦好彈~d魚片好香~正! 魚片頭切腩河($2x):同事話好好吃~我吃左一件切腩~好有咬口~但係唔係太喜歡吃牛~都ok啦~比起一般的魚旦河貴但係料多~有成4粒魚旦3片魚卡片~所以都係抵ge~但係人比較多~吃得好急~

去筲箕灣找尋好食的食物, 展轉去到安利, 便入去食碗招牌的魚蛋河與其話係魚蛋河, 倒不如話係魚什, 因為除了魚蛋之外, 還有魚片, 炸魚皮同通菜, 有點像食車仔麵, 哈!湯是很清的, 有點豬骨的味道, 不過很薄的, 不是濃的那一種, 清清地, 其實幾好味! 可以見到碗底的, 就知清到什麼程度, 不過味道是夠的了, 魚蛋有點腥, 沒有彈性, 不知這種味道是否好, 因為覺得有魚的味, 但魚蛋不爽, 口感好像怪怪的!我覺得味道ok啦, 不過又不算很好的那一種!

見多人大讚, 小妹我今日走o左去食對魚旦不大感興趣, 反而想食切腩粗, 再加碟炸魚皮! 切腩軟熟好好味, 唔黐牙, 粗麵爽, 湯水清, 都幾好食!炸魚皮清脆, 口感爽脆, 浸入湯都好好食味道咁好, 多人讚係實至名歸!

久仰安利大名好耐,終於jun 27, 09先嚟到,2人叫咗 : 1) 炸魚皮 (hk$10)-好得意咁用紙袋上-好薄脆,無油益味,亦無腥味-我就喜歡浸湯食, 友人就喜歡就咁食 2) 淨魚片魚蛋 (hk$18)-魚片嘅外皮挺,肉少彈-魚蛋細細粒,小軟身,唔喺結實,好彈嗰種-筲箕灣之友話之前食過佢嘅魚蛋,有好重嘅胡椒粉味。但我今次就食唔到因我都好唔鍾意食帶有胡椒粉味嘅魚蛋 3) 切腩片頭撈粗 (hk$30)-呢個期待以久-先食魚片,意見剛提過-再食切腩,肉質已望見1纖纖。雖然無汁無醬,但軟,又唔實,無"痴"牙,有牛味,跟有少少膏,很不錯-而麵都爽,鹼味有少少,但唔濃-豉油汁夠味又帶少甜-果然唔錯 * 同街原來有2間安利,1間多"大排檔"3個字,我有個朋友就支持另1間.........有機會我都會試埋比較吓........而且嗰間會有忌廉紅豆冰

兩日前落開筲箕灣, 專登去安利食魚旦粉今次去唔知點解唔多人, 店內只有五六枱客, 但係唔理啦, 都嚟左, 以前食味道都唔差, 如果真係唔好食, 下次咪唔嚟law!叫左碗魚旦米食, 魚旦細細粒, 有四粒, 魚片更加細塊, 有兩片, 不過細係細, 味道卻係唔錯, 魚旦有魚味, 咁先係最重要, 不過講真, 好似無之前食咁彈牙 塊炸魚皮浸入湯之後, 咬落去, 哇, 都係咁好食!我覺得最弱一環係個辣椒油, 唔夠香, 唔夠辣

其實經過東大街安利無數次, 唔係人頭湧湧, 就係已經打烊了! 今日同事話揸車去食lunch, 就去安利吧! 泊好車, 行到門口, 內裹坐滿食客, 幸好重有位, 一直行入店內, 原來店子真不小, 但依然坐無虛席.坐下後, 唔知頭唔知路的我, 問同事有乜好食? (Sorry, 去之前無到open rice 做功課! ) 同事大聲道: 嚟呢度, 個個都叫切腩片頭撈粗! 噢! 咁撈幼有無?老練的侍應立即幫我們落單, 很快先送來一碗上湯, 呷一口後, 感覺良好, 夠味! 不一會, 主角陸續送上, 不是太大的碗, 份量一般. 咬一口魚片, 炸得香口彈牙, 正! 查看是什麽撈麵, 幼麵有咬口, 豉油撈得好混沌, 乾身, 色澤適中, 碗內絕無水汪汪的, 入味! 無得彈! 牛腩吃落口有層次感, 有牛腩嘅香味, 比大利更佳! 三扒兩撥已把整碗吃光! 難怪這裏經常坐滿! 的確名不虛傳!臨走前見對面位哥仔叫咗件鮮油奶多, 本來我都想整噃件, 但心想好似同剛才碗麵唔係咁夾, 都係下次嚟食早餐吧! I'll be back!

1/6 星期一下午特登來到筲箕灣食安利巳有幾年冇來了~ 很懷念安利的魚蛋同片頭 由於是平日 加上只是12點幾 未到放lunch時間所以無須排隊 一入去就有位坐不過要撘枱~ 因為其實都有八成滿座我地一行兩人一坐下就叫左魚蛋片頭撈粗同魚蛋片頭河另外再加 鮮油多飲野就叫了熱奶荼及熱咖啡等了一會 飲品先到~跟著撈粗及河粉亦很快就到我二話不說當然 就開始吃我那碗魚蛋片頭撈粗 ^^魚蛋爽但較以前淋身片頭依然好味撈粗亦很棒但份量似乎細了些少女孩子應該會剛剛好男生就略嫌不太飽肚了幸好 我們叫了個鮮油多孖分可能因為鮮油多來得早了些(那時我們正在吃我們的撈粗及河粉)所以 我們吃的時候已經凍左略為有點失色...熱烘烘的應該會很好食~之後 談談欱品只是普通不過也不緊要這裹主打的是魚蛋魚片啊~最後 本想試試牛腩(似乎也很不錯之前幾次都只是吃了魚蛋魚片...)可惜吃不下了...等下次吧~下午一時左右結賬兩個人 $ 70也算便宜~離開時店鋪開始多人了有點慶幸我們早到了 ^^整體來說 還是很好吃是我現時為止吃過最好味的魚蛋魚片還會再來呢~

安利的招牌菜色，可算是切腩、魚片、炸魚皮，這幾道小吃的水準依然保持上星期接近中午時段，刻意見少少避開午飯人流最多的時段，過來叫了一碗切腩魚片撈粗麵、一份鮮油多切腩魚片撈粗的切腩仍然是切得夠薄，肉質也軟熟，一入口即融；配合上魚片、撈麵，真的十分正鮮油多的厚切牛油未及從前的厚切及香滑，多士也烘得不夠香脆，火喉不足安利的另一特點，就是員工效率、記性相當高，不消一回就會把食物送上，務求盡快做完一單生意，快些接外面排隊的生意但今次我等一客鮮油多，便等了足足10分鐘，真是...

上次到安利eat lunch , 好......魚蛋:x2菜:2款魚片:x2肉丸x2noodlesk啦beef brisket:x2好小food!!!!!!!我下次一定唔會去:好好好好好差!!!!!!!!!!!!!!!!!!!!!!!!!!!!!!!!!!!!!!!!1服務唔係咁好!有小小dirty.食小小嘢$150so,沒必要唔好食想問有other shop??

去完石澳之後, 搭返巴士落筲箕灣食野, 游完水都幾肚餓架所以呢, 整左碗兩溝, 魚旦加牛筋, 知道其實嚟安利, 一定係食佢地個招牌魚旦, 只係驚唔夠飽, 於是加埋牛筋食, 魚旦同期望的有少少出入, 只係覺得好似唔夠魚味, 同埋有小小霉霉地咁, 魚片就好食過魚旦, 但係皮的比例太多, 魚肉比較少, 有硬拙拙的感覺..牛筋的味道都係一般, 碗粉水準ok啦, 不過又唔係特別好食的魚旦粉

多數都係假日去食, 琴日去食超好味, 魚蛋新鮮, 魚皮假日好少有得食因為賣晒.今日5點幾都仲有, 好crispy 好好食.河粉好滑好入味.仲加左個西多士, 好味到爆哈哈. 好香平時多數食鮮油奶多都好正

(2009年5月16日 星期六) 天氣有點悶熱，與機師逛了石澳、筲箕灣。 下午4時多，往石澳前，大家想試下 "安利魚蛋粉麵" 出品的魚蛋，決定逛下筲箕灣東大街， 原來大街兩旁有好多食肆。 人潮 : 差不多滿座。 環境 : 店舖比一般粉麵店大，全部圓檯，淨潔---> 當然要搭檯啦 廁所 : 沒有到此一遊 服務 : 不過不失---> 坐下，即有伙計落單 招牌菜 : 魚蛋 食品 : 飯後，沒有口喝或口乾，無味精，好！餐牌刊登數張彩色相片，食品名稱有中、日、英對照，好！食品分類清晰，還有幾款西多士供應，幾吸引。---> 叫了2款菜式 (1) 淨魚蛋魚片1碗 HK$18 (我) ---> 可以接受！有三款... 魚蛋、魚片頭、魚片。魚片頭係我第一次食，幾好！招牌魚蛋可以接受，但細粒，機師話... "山窿謝記魚蛋" 出品的魚蛋最好食，夠爽。魚片普通，薄左點。湯底可以，但好似油左少少。 (2) 切腩魚片撈粗1碟 HK$30 (機師) ---> 好！切腩入味，好！魚片頭可以接受。撈粗炒得好，豉油顏色味道均衡，正！奉送一碗湯，無鹼水味，味道同淨魚蛋魚片湯底一樣

Only came here to try noodles, because the dry noodles are mixed with soya sauce, and in other places, the dry noodles rely heavily on the other ingredients to give it flavour.I ordered the dry noodles with wonton, it came nealty served in the bowl, laid with iceberg lettuce and wontons on the top.The noodles were uttery delicous, with soy sauce, the wontons tasted how it should with a hint of sesame sauce.

波兒我今次的目的地係安利魚旦粉呀 上到openrice, 奇怪, 點解得十幾個好評呢 咁出名的食店, 唔會個wor.. 原來舊店o個九十個好評, 隨住搬新舖都煙沒了 死啦, 幾時先再儲得番呢?我o甘緊張, 唔係因為我係老闆, 而係覺得好食o既店, 無人知會好可惜呢! 我食o左一碗魚旦粉, 真係好好味架, 魚旦好彈牙呀, 魚片都好好食, 塊魚皮浸完湯之後, 都好香口, 食一碗安利o既魚旦粉, 好歎呀雖然搬左新舖, 但係都覺得好好食!

東大街一向食肆林立.一有空我經常到來搵食這日我來到其中一檔.安利魚蛋粉,這檔我曾經光顧兩次,但最主要我是慕名而去該店係一間都幾出名的粉麵舖.且經常有名人光顧牆上掛上幾幅名人榜游目所見幾多官員,名星,局長等等的簽名,這亦成為免費宣傳午飯時間,安利照例多人,我通常兩點過後來最愛魚蛋麵食片頭撈粗覺得片頭比較厚有彈性.夠爽口當然魚旦都做得十分出色.彈牙和鮮味.撈粗麵爽身.個麵味道調配得好唔會太油或者太咸.唔錯D伙計冇禮貌，招呼又唔好,味道唔錯,有機會.我會光顧