學記麵家

营业中

休息中

有時餓餓地又不知想吃啥，我會選擇去食一碗麵/河，雲吞牛腩麵/河。又是雲吞牛腩?對的，的確幾悶，不過這樣的配搭好吃嘛!　學記的麵份量很足，比南記要大碗；不過今次重溫覺得牛腩過瘦了點、湯底濃味了點，雲吞也不夠以前滋味，整體味道是退步了。　哎呀，誰叫元朗最美味的彪記(暫時我覺得是)不開在我樓下呢?

2個人每人叫了碗魚蛋米和牛丸米。魚蛋和牛丸都好彈口！但係湯至緊要加加腩汁先好味！！

中午要咗個魚蛋麵, 有三粒鱼蛋,三片鱼片, 加一件炸魚皮, 都幾鮮味和彈牙, 麵質都爽口,但湯底比較過甜, 是鮮甜,是糖份重的那種甜, 下次都是要清湯算了.不過,十四元算好低食.

大家睇食評要注意係唔係鱔稿!鱔稿又傑作(垃圾學記)成碗湯好重鹵水味加平價藥材味,令我以後對牛什粉麵店嘅熱情大減,死罪!!!有怪味,好難食,買告白,呃人!!!我要比減分!減分!減分!

四年前開始, 入開元朗一落巴士(968)一定走黎呢度整碗什河. 我估當時學記重未响朶. 人客吾多(中午時份), 總係覺得D牛什河湯底滷水味好重但D牛什就幾好味. 亦試過隔離排檔D牛什, 都係學記好味少少. 早兩日又入開元朗, 落巴士更係去學記整碗什河+炸魚皮. 同以前一樣, 牛什好味但湯底依然滷水味好重. D炸魚皮就幾正, 好脆口. 依家學記keep住9成滿, 隔離排檔就拍烏英. 其實一碗邊夠我呢個大胃王食, 下回分解.

今晚無乜胃口出o左元朗不如左有食吓右又有食吓先去o左喜利睇CD.. 但無買到o野都仲係唔知食咩好咁就坐底響學記食牛雜其實自從做左元朗人之後, 間唔中都會o黎學記睇番其他食評, 好多人都話學記overrated但我又覺得唔差喔叫o左碗雜麵走肺湯底唔會太鹹, 草肚, 膀, 腸都夠腍唯一可以彈就係麵鹼水味太重. 十三蚊一碗, 抵食想知多點歷史:http://motor.atnext.com/moPrintContent.cfm?article_ID='%23%2C_8Q%3FS%20!%40%20%20%0A&CAT_ID=18

之前有朋友講過話學記好好食，是次再入元朗便去試試，人滿多的，要搭係預計之中既事。要了2個魚蛋麵，魚蛋幾彈牙既，不過第一啖食落有d腥，之後食都冇事，男朋友話唔覺wo，可能係我問題卦。至於麵，有少少水味，雖然唔多，不過影響食欲。不過見其他人d食評都好少係食麵，可能我今次揀錯左啦，下次試其他野。另外佢d辣油幾得。

學記係大排檔,冬天我每星期都食一次,嘩!夏天就真係熱,熱到乜味都唔知,所以夏天我一定唔去食.學記D牛腩.牛什都幾好味,水餃雲吞幾大粒但是一般的貨式,魚旦好有魚味,十三蚊幾實惠,但油菜好求其要賣十蚊貴D.服務質素無乜,D阿姐一係就無表情,一係就黑口黑面,淨得個老闆娘落力D.重有學記好心換膠筷子啦,果D木筷子起晒積,筷子咀是黑的,好唔衛生,

30/5(二)回家前黎食雲吞米加支可樂雲吞有5大粒,蝦同豬肉既份量係一半一半,蝦唔太夠爽口,不過豬肉調味調得幾好最好係碗米粉有幾多菜同埋蔥13蚊1碗雲吞米,好抵食~下次試下d牛腩先

湯底唔錯~ 雲吞幾好...辣椒油幾好...雖然附近都有幾間面鋪,但係我會選擇食佢喎...

無幾可去開元朗, 記得呢間牛什有人讚, 又有介紹, 便去買外賣回阿媽屋企食。$40腩什, 講明要牛沙瓜, 另外兩碗雲吞麵, 湯另上, 兩碟菜, 一份魚皮。番到屋企發覺魚皮無比。大粒雲吞普通啦。什腩本來賣$25, 我地要$40, 不過都唔係好多, 牛磅只得兩件, 頗淋, 好香花椒八角味, 不過搵唔到牛沙瓜, 唔知邊件係。佢\地的五香牛腩, 但係牛腩又有d似清湯腩做法。總來說, 未算特別, 只是一般水準, 好多牛腩什粉麵店都有呢種水準，街坊野OK, 專登去食就真係不必了。

I also read the magazine article and decided to go there and try. Wanton was quite good as the shrimps inside were fresh and the "cow stomach" was also delicious. But the beef brisket was just OK and not as good as 九記in Central.

睇完本"飲食男女"個介紹後，我家住荃灣，特登駕車入黎元朗食呢間所謂"元朗老字號"，但係d野真係好垃圾，雲吞係霉，一食就知入面係包住d死蝦。牛雜，牛腩d味好似藥材味，牛腩一食就知係雪野，唔係新鮮貨，佢勝在位置好，唔係以佢的水準，一早就死得，各位千祈唔好信"飲食男女"個d膳稿!!!

我daddy , mummy 食o左佢d 牛腩, 'un' o既, 水餃就同一般差唔多, 魚皮就ok, 不過如果大家係山長水遠o甘入去食就不必喇.....

從來都知道元朗o既食店藏龍臥龍，陳舊小店可能會出品人間美味~ 學記，絕對係其中之一!　位於一眾大排檔，環境清潔都一般，氣氛同服務直情係無~ 但，簡單一碗河粉就足以令人折服!上星期日返完崇拜食lunch，試左牛腩拼雲吞河粉~ 先食較清淡o既雲吞，簡單一句：好食!!佢o既美味唔係因為用頂級鮮蝦，而係豬肉o既調味出眾~ 如此質素，俾我食一打雲吞都得!再試牛腩，肉質鮮嫩又入味，亦都非常出色!最後，依度o既湯底同樣鮮甜，仲食得出有八角o既香味，令平淡河粉都變得好好味~　總括而言，依度味道絕對好過出名o既勝利牛丸、好到底麵家等店~ 有機會一定要試埋其他麵類!!