孫家廚房 (已結業)

想试好耐，今日的起心肝去买外卖。叫咗三串羊肉串加烤饼烤羊架猪肉水饺蒜泥白肉同埋老虎菜。羊肉串同羊架同好正宗，但个人认为羊串好味啲。烤饼同羊串好夹。老虎菜开胃。一定会再帮衬。…查看更多

叫set真系好平 之前6个人食先5百几埋单 去过好几次 食上瘾🤤 中午都有食过 个肉嘅汤面真系好好食🤤🤤 宜家谂返起都想听日去食多次 啲肉系淋嘅个汤好清冇咩油但好有肉味🤩鸡煲的香辣 真系好好味😋 用料新鲜 最爱凉拌青瓜同腐竹 青瓜够爽口 腐竹够入味今次食左个好有趣嘅炒菜 蕃茄豆角茄子 都几好味 未食过呢个combination几新鲜✨呢间比平时出街食多蔬菜选择👍👍 想食健康啲话咁易 今次唔好彩冇得食胡椒猪肚 希望下次好彩啲啦🥺…查看更多

因为上个星期同屋企人去吉庆围经过,见到呢间孙家厨房觉得个名几特别就入咗去食，冇谂过系新疆菜，试咗大盘鸡，羊肉拌面，羊架，羊肉饺，椒麻鸡四个人食四样嘢都已经好饱佢啲大盘鸡系用香料整个味道好特别，羊肉拌面好惹味同埋啲面都几大碟，羊肉饺好多汁好好味好大只，椒麻鸡都好特别𠮶种味道，总括嚟讲呢间餐厅算叫做性价比高会再去…查看更多

本来打算去间新咖啡店试下，点知排长龙，于是留低名然后四围行下先，点知经过见到间新疆野，于是决定入去试下。新疆野离不开羊肉同大盘鸡，研究完个餐牌，决定叫个细嘅大盘鸡，另外叫一个新疆烤饼加3串串烧羊肉嘅套餐，点知女当家建议我地叫个羊肉烤饼，会Juicy D，咁我地梗系跟啦。门口有Hoegaarden生啤，友人本想叫，我叫佢唔好，因为Hoegaarden生啤出名易酸，如果间食肆人流唔高，中招机会好高。个大盘鸡嘅汁几好味，都几接近大西北风味，但系就完全唔辣，虽然我麻麻地辣，但系大盘鸡始终要有少少辣先可以吊起个味，另外就系薯仔的份量较少，因为如果个汁正，D薯仔会吸晒D味，好好食。至于个羊肉烤饼似乎就真系强差人意，韧咗D，羊肉亦唔够香，麻麻地。…查看更多

5-10-2019锦田市近惠康附近, 有间唔太起眼既餐厅, 主打新疆菜, 为区内比较少见既菜系。店舖装修朴实, 走街坊生意路线。首先点个凉拌: 新疆老虎菜, 其实系由蕃茄, 青瓜, 青椒, 洋葱等组成, 看见已经好清新, 加上佢个秘制酱汁, 愈食愈辣, 啱晒追求刺激既朋友。不少客人都会点羊肉, 串烧等新疆菜, 适合几个人分享; 而 Uncle 我自己一个的话, 就喜欢叫佢既客饭, 今日试了回锅肉。饭比较硬😣, 但回锅肉好惹味, 每块肉都系半肥半瘦, 汁唔系特别辣, 反而青椒有点辣, 愈食愈停唔到口。P.S 佢有个口水鸡客饭, 应该都系好够辣, 下次要挑战下!…查看更多