影片
营业时间
今日营业
06:30 - 00:00
星期一至日
06:30 - 00:00
以上资料只供参考，请与餐厅确认详情
招牌菜
行过见依间餐厅冇咩野人，有位坐，就谂住入去坐食早餐，点知中伏，服务员态度恶劣，落单啊姐写错单，嚟错食物，仲好意思大声闹食客，话系食客食错嘢，我反驳话你嚟错食物，落单阿姐竟然闹食客摆喺你枱面就食呀！成间餐厅卫生环境10分恶劣，成地垃圾，餐枱污糟，餐具有渍，啲餐牌充满豉油渍叫咗两个早餐，火腿通粉咸到冇人有，方包非常硬，叫咗个猪扒，硬到切唔开，彷佛好似摆咗好耐，最离谱系，成枱都系污渍冇人抹，呢间餐厅唔会有下次帮衬！
继续阅读
餐点多选择！是一间具有街坊风味茶餐厅！早午晚和下午茶也有！1时巳经可叫下午茶，好正！今次同事叫外卖，我order菜远排骨炒河，镬气够！大大份！排骨肉质鲜嫩！有咬口！味道不错，菜也好爽甜！
继续阅读
行开筲箕湾就去东大街揾嘢食，都系想食鸡髀薯条之类，就walk in去咗呢间茶餐厅，因为深信茶餐厅d薯条好食d！一份当然叫鸡髀薯条+冻鸳鸯，睇到餐牌有鱼柳包（儿时在茶餐厅食好好味），另一份就叫鱼柳包+冻奶茶。炸鸡脾有点深色但去皮后d肉都软d，冻鸳鸯咖啡味比较浓唔错。鱼柳包个包系脆猪包，个汁似系碎蛋沙律酱，鱼柳就比想像中细咗d，鱼柳边炸得㶶咗d但好脆，因有期望，鱼柳唔厚，个包硬皮，酱汁似系碎蛋三文治d酱，整体同儿时食d唔同，鱼柳包平平，但攞番d分数就系薯条最正，热辣辣加茄汁，勾起儿时的味道。冻奶茶都唔错。眼见有两枱客叫菠萝油，可能唔错。地方算干净。
继续阅读
东大街嘅孖宝小厨，做街坊生好多年喇。我长年都系帮衬两味嘢嘅啫，就系南乳斋煲同埋红烧豆腐煲，几乎每次去都好满意咁出返嚟。佢嘅南乳斋煲有好多料，有茄子、粉丝、菇、菜豆腐，样样都爆得好香口感好好，荟返个南乳汁落去已经非常惹味，而且我系捞汁派，南乳汁捞饭一流。有时想食豆腐多啲，就会嗌红烧豆腐煲。啲豆腐朔晒汁好入味，而且亦都会有菜同埋有爆香咗嘅冬菇，都系好正，佢哋啲煲仔菜有汤有饭仲有嘢饮都只不过系六十零蚊，抵食又好食，赞👍🏿
继续阅读
Uber比左$60coupon，于是就决定买啲炒粉面黎食，拣下拣下就拣咗呢一间孖宝第一样野，三盒嘢食嚟到都仲热嘅，呢个好重要！海南鸡饭望落去个样就唔系几开胃，白雪雪咁，又多鸡胸，但系食落去油饭有香味，鸡亦都几滑，三种酱汁比齐，合格有余猪扒炒乌冬猪扒份量够多，乌冬质感一般，味道几好三丝炒面开头我以为系好似肉丝炒面咁样嘅，点知原来系豉油王炒面咁样，系会有少少期望落差。不过几有镬气，个人认为都系合格总结来讲始终送外卖食物质素会有少少扣分，所以决定揾个机会都系堂食试一试
继续阅读