孖啡 (已結業)

之前同朋友都試過一次覺得唔錯，所以再嚟。.首先試咗明太子海蝦意大利粉。呢碗意大利粉係用明太子醬炒香，再加上新鮮嘅海蝦，入口鮮甜多汁。意粉煮得剛剛好，彈牙好滑口。明太子嘅鹹香味同埋海蝦嘅鮮味相輔相成，再配埋新鮮檸檬汁，真係一道幾開胃又飽肚嘅意粉。.再嚟就係佢哋嘅香蒜白酒蜆意大利粉。呢款意大利粉係以香蒜同白酒炒煮，再加上新鮮嘅蜆。香蒜同白酒嘅香氣令味道更出，蜆嘅鮮甜味道同埋蒜嘅口感不錯。呢度調味比較清淡，如果鍾意清淡口味嘅朋友就幾適合。.套餐包一杯飲品，叫咗柑桔青檸同埋柑桔綠茶。柑桔青檸揀咗少甜少冰，酸酸甜甜嘅味道好解渴。而柑桔綠茶揀咗熱飲，值得一題係綠茶係用茶包沖唔係普通平貨。茶嘅香氣同埋柑桔嘅清新味道好搭配。.仲試咗小食，水牛城雞翼。呢款雞翼炸得香脆，肉質嫩滑多汁。配上啲特製嘅醬汁，味道更加出色。呢度味道口味比較重酸味好出，如果鍾意重口味小小嘅朋友就幾適合。.店內座位幾舒服，多數都係梳化卡位，見好多客人都係朋友聚會，但又唔會好大聲，幾啱朋友聚會，嘢食味道都正常，可以一試。

行商場又多人，諗唔到有咩做，我都鐘意去樓上café，可以同朋友玩下boardgame，消磨一個下午。今次去到呢間孖啡，位置好方便，係旺角既鬧區。Lunch set都好抵食，基金上唔過百，而家好多café都做唔到呢個價。龍蝦汁海鮮意粉海鮮種類都好多，有蝦，青口，魷魚。每啖意粉都索曬汁，好濃郁既龍蝦汁。煙三文魚意大利烘包拼薯條包入面除左有煙三文魚，仲有蕃茄，青瓜等等，食完都幾飽，因為好足料。薯條好脆口，熱辣辣!去到café一定要叫甜品，今日叫左個chesscake，好濃芝士味，個texture仲好rich，係比較飽肚既chesscake。另外係叫左一個比較熱門既croffle!! 外皮好脆入面係好軟糯，加埋凍冰冰既雪糕，夾埋食真係好食，呢個推介!野飲就叫左佢signature既孖啡，岩曬唔鐘意飲太甜既朋友。特濃朱古力真係好濃厚既朱古力味，加上上面既cream，中和左苦味，飲落岩岩好。

樓上cafe環境較大，自然光線充足，坐得舒服。午餐選擇唔少，午餐已包一杯飲品，仲可以加錢追加甜品或湯，係旺角呢啲旺區，價錢係抵食嘅。香蒜白酒蜆肉意大利粉份量唔少，意大利粉有咬口，唔會好似漿糊咁。淡淡嘅白酒味，唔會太嗆，味道唔錯。煙三文魚意大利烘飽配薯條薯條脆卜卜，唔會油淋淋。烘飽脆脆的，但唔會太乾，材料豐富，有層次感，作為午餐啱啱好。追加龍蝦湯一上枱已經好香，龍蝦湯味好濃郁，好正跟餐飲品，涷榛子朱古力和生薑蜜熱生薑蜜真係好夠薑，無論係第一口，還是喝至最後一口，生薑味都仲好出，真係好足料。朋友亦大讚佢嘅榛子朱古力，cream夠細滑，朱古力味濃郁。牛角窩夫伴雪糕牛角包窩夫係之前大熱嘅甜品，多層窩夫夠鬆脆，牛油味幾香，加埋香滑雪糕，大讚。飲品，甜品特別出色，過左個甜滋滋嘅下午。

最近同朋友仔去咗旺角一間樓上嘅Cafe，我哋覺得食物真係唔錯，仲要星期六日都有午市套餐，價錢唔算貴，份量同味道絕對係物超所值🙆🏻‍♀️❤️👍🏻🙌🏻揀咗佢嘅鮮茄焗豬扒飯，啲豬扒肉質嫩滑多汁，再加上層層嘅鮮茄同芝士，一啖啱啱好，份量都幾多同朋友share再叫其他嘢食👍🏻另外，揀咗軟殼蟹意粉，超級大隻，香脆可口😍意粉又唔會太軟或者太硬，仲要非常掛汁👏🏻最令人驚喜嘅係，佢地嘅心太軟配雪糕，心太軟外脆內軟，再加上香滑嘅雪糕，啖啖都係幸福感😭雖然好邪惡～總括黎講，呢間Cafe真係係午市嘅好選擇，物美價廉，味道出眾，啱晒搵個地方同朋友悠閒咁食飯啦！

孖啡是一家名字很有趣的店，起源是因力兩位愛cafe之人而起。 位置靠近油麻地地鐵站，非常適合逛街的時候歇腳，又或者上來打打board game 聚舊消磨時間。 Cafe環境好大間，估地3000呎，好有空間感。梳化座位夠寬敞，燈光微暗幾有氣氛，坐得舒服。Cafe 當然唔少得boardgames啦，適合一大班朋友過黎relax。而且食物的價格合理，質素不錯。煙肉卡幫尼配上濃濃嘅白醬汁，意粉是煮得剛好，煙韌有咬口，料也下得比較豪爽～軟殼蟹黑松露意粉。平時我好鍾意食軟殼蟹，呢個好食必試！軟殼蟹大隻多肉，炸得金黃香脆，非常香口。意粉好香黑松露味，仲加左唔同既色椒調味，口感豐富creamy。薯角大大份。最岩邊打board game 邊慢慢食～孖啡，岩哂悠閒的生活態度～

自從上次去左舒適嘅上樓餐廳，今日再上網睇吓仲有冇，所以上網搵呢間旺角上樓餐廳。都好舒服，唔會俾人趕走，可以同朋友輕鬆傾吓偈。我地叫左一份全日早餐，一份三文魚意大利烘包配薯條。另外+28要龍蝦湯。一柸凍Latte, 一柸熱香桃綠茶。驚喜嘅，估唔到龍蝦湯好好味，加忌廉，龍蝦味好濃郁，熱辣辣。我叫全日早餐，好大份，有炒蛋，茄汁豆，煙三文魚，薯餅，牛角包，香腸同沙律。食晒都非常飽。我最鍾意牛角包，因為好香脆。朋友叫三文魚意大利烘包配薯條，佢話三文魚好香，麵包都烘得好脆。食物唔算係頂級，不過環境舒適，可以坐喺度傾吓偈，另外仲見到有board game玩，係一個好地方。下次會試吓個晚餐。😋Yummy Yummy: 9/10😋

放工想搵間舒適嘅cafe chill下，起 openrice search 到油麻地彌敦道有間樓上cafe叫"孖啡‘’見個名幾得意再望下啲食物都好吸引，而且地點亦相當方便，油麻地地鐵站a出口再行5分鐘都唔使就到啦。環境好有情調，無論拍拖或朋友聚會都不失為一個好地方。特別鐘意佢嘅吊燈加剪影公仔裝飾好古典味道，梳化坐位夠晒闊落，富有空間感。打開餐牌見到啲飲品名係用左塔羅牌改的，覺得好有創意。我哋4人分別叫左女皇、月亮、審判另叫左一個熱藍莓果茶，好香藍莓味，好好飲。軟殼蟹黑松露意大利粉軟殼蟹好巨型，最難得係炸過後不油膩，因為食過啲油膩之餘仲有油溢味道。意粉多汁每一口都充滿住黑松露香氣。香蒜白酒蜆意大利粉雖然冇黑松露意粉甘creamy，但蒜香味道一樣惹美，係另一番風味。煙三文魚意大利烘飽配著條甜品叫左朱古力心太軟及牛角窩配雪糕窩夫鬆脆帶牛角酥香味窩夫夾雪糕一齊食係絕配

呢間Cafe已經食過幾次，最初初吸引黎呢間Cafe係佢地個名改得好特別'孖啡', 令我聯想鴉片類止痛藥😂🙈今次再黎係因為呢間Cafe俾人感覺好舒適，價錢又貼地，每張枱都配有梳化，可以同朋友悠悠閒閒傾下偈，講下公司是非🤫另外餐廳特別之處會見到玻璃窗，牆上都貼左唔同嘅剪影畫做裝飾，包括樹枝，兩個人坐係度飲野，為餐廳增添一股藝術氣質。Dinner Menu Set 包一杯$38以下嘅飲品，另加錢可以再有甜品，龍蝦湯。今次叫左軟殼蟹黑松露意大利粉，煙三文魚烘包配薯條，香蒜白酒硯意大利粉。軟殼蟹size好大，啖啖肉，咬落去又唔會一口油，廚師火喉方面控制得好好；意粉好夠熱， 每條意粉都掛滿醬汁😋香蒜硯肉意粉，一上枱就香氣撲鼻，硯肉份量都算多，意粉又吸收晒蒜汁好惹味飲品包羅萬有，特飲以塔羅牌取名，例如女皇，月亮，審判甜品方面：心太軟配雪糕真係去到邊都要叫冇得輸，外脆內軟，焗得好好做到流心狀態，配上雪糕，冰火交融

今晚非常開心，因為搵到一間樓上Cafe食晚餐，有得食有得玩，真係好好享受，一定要介紹俾朋友嘅一間Cafe，呢一間餐廳響油麻地，地鐵站行幾分鐘，就會搵到，非常方便，而且餐廳裏面都好大，裝修好靚，所以都好啱一大班朋友，情侶去食飯嘅聚腳點，而且晚餐佢哋都有Menu set，有唔同嘅單點，我哋叫咗個套餐，先介紹係咩牌子海蝦意粉，真係一試就愛上，佢嘅明太子配合意粉加埋海蝦真係好盒嘅配搭，而且加$28就有一個龍蝦湯，真係好抵呀，價錢經濟實惠，而且呢度嘅意粉嘅份量都好多，賣相好唔錯，真係好吸引呀，而且呢度嘅甜品真係要大讚啦，有窩夫雪糕，真係好開心呀，而且呢度有好多遊戲可以玩，食完飯之後仲可以同大班朋友揀board game玩，真係好舒服啊，而且呢個服務質素都好高，侍應好有笑容，有賓至如歸的感覺

今晚跟朋友去了呢間樓上cafe 意外地食物質素不錯 點了2個意粉 一個黑松露軟殼蟹意粉及香蒜蜆肉意粉 黑松露軟殼蟹醬汁香濃 另一款蜆肉意粉更是出色 十分惹味 最後甜品更加值得一讚 心太軟的朱古力醬不會太甜 加埋雪糕 非常匹配 下次再係附近覓食係一間可再去的cafe

記得細個嗰陣成日同同學仔一齊去樓上Cafe玩boardgame。呢排心痕痕想玩下去左位於旺角既呢一間孖啡，咁多年都係屹立不倒，仲好受歡迎～ 好坐野食又OK既樓上cafe ，呢間都真係表表者，叫左以下食物：⭐️黑松露野菌忌廉意大利飯黑松露惹菌味道香濃，意大利飯煮到粒粒分明，非常之煙靭好食。佢每一啖都充滿着好香野菌加上忌廉令到成個飯嘅層次豐富，好味又唔會出錯嘅一個選擇！⭐️芝士焗吞拿魚意粉唔知點解去親樓上Cafe就會想食芝士焗嘅嘢食，今次揀咗焗吞拿魚 ，份量超級多！而且最緊要嘅係佢嘅汁都好夠，令到成個意粉最尾都仲有汁可以撈埋一齊，唔會焗到乾晒，都唔容易㗎！⭐️士多啤梨奶昔嘢飲方面，呢度選擇好多亦都有好多特色嘅嘢飲，今次我就揀咗佢嘅士多啤梨奶昔。呢度嘅士多啤梨奶昔最緊要嘅係佢味道一啲都唔假，有時出去食嘅士多啤梨嘢飲都有浸藥水味，但呢度一啲都唔會仲好好飲！⭐️窩夫最尾甜品當然唔少得我就揀咗佢嘅窩夫加雪糕，佢嘅窩夫看得好香脆，加上雪糕係一個唔會輸嘅配搭😊

今日同朋友響旺角行完街，覺得好肚餓，就上網搵搵邊度有樓上Cafe推介，之後俾我哋上網搵到一間樓上Cafe，響旺角附近，非常方便，呢一間餐廳一食就會愛上，價錢經濟實惠，而且環境衛生方面都非常好，食物質素又高，所以我覺得呢一間人細美食小店，一定要同大家講呀，叫大家嚟試吓，呢度嘅地方非常闊落，仲有好多board game免費可以任玩，所以真係好啱一大班朋友嚟聚會啊，而且呢度嘅食物都好好食呀，我好推介佢哋嘅全日早餐，因為全日早餐裏面好有豐富嘅食物，有薯餅，牛角酥，沙律，蕃茄焗豆，炒蛋等等，份量十足，擺盤都好靚，睇得出廚師好有心思，而且佢哋嘅飲品都好多選擇，我都好推介佢哋嘅特濃朱古力，上面仲擺上好多忌廉，真係好好飲呀，而且佢哋加$28就有一個龍蝦湯，碗碟上仲有少少忌廉，賣相真係好不錯，所以我真係好推介

做左全日野，咁辛苦，我會選擇對自己好啲，搵間樓上cafe自己hea住慢食，真係chill好，睇下有咩好食先。跟餐加錢有濃蝦湯和甜品，濃蝦湯，咸咸既海鮮味又夠濃稠。軟殼蟹黑松露意大利粉，好大隻既炸蟹仔，成隻完完整整，表面炸粉酥脆，蟹仔好有肉，好得呀！意粉掛滿醬汁超juicy，點點黑松露味好香，好味味！紅莓果茶，好有養生feel，飲落有唔同莓香，低脂健康心太軟雪糕，最尾仲有暖笠笠心太軟朱古力漿都好澎湃，同蛋糕比例一比一。

今日同一班同事放咗工，喺旺角附近，好想搵一間正點地嘅樓上Cafe食晚餐，上網搜尋，就推介左呢一間旺角附近嘅一間樓上Cafe，估唔到食咗一次，好有驚喜，食物質素好高，而且非常方便，我同一班同事或者朋友聚會嘅時候，都會再嚟呢個地方，同埋順便好想推介俾大家我，呢一間餐廳呢位置於地鐵站，行幾分鐘，就會到了，佢哋餐廳嘅食物選擇好多，而且衛生乾淨，仲有獨立廁所，所以覺得好舒服，好溫馨嘅感覺，而且佢哋嘅燈光暗地，幾有情調，好啱情侶朋友一齊嚟啊，我好推介佢哋嘅明太子海蝦意粉，真係好好食，分量十足，意粉嘅醬汁都好有驚喜，真係好好食，而且價錢經濟實惠，飲品方面都有好多選擇，真係好抵食啊，仲有我哋加咗$28就有一個龍蝦湯，擺盤上仲有少少忌廉，咁落去真係好好味呀，所以我真係好推介呀

同frd聚會就係想坐多陣吹多陣水 呢間旺角樓上Cafe啱晒我地🥹 除左食野 仲可以有game玩 而且啲坐位好闊落 食完主食 完全可以慢慢嘆埋杯野飲先走🔖香蒜白酒蜆意大利粉 HKD122味道唔錯，味道比較清新，醬汁有少少白酒嘅香味，另配有少許蒜片，可以為意粉提味。整體不錯🔖軟殼蟹黑松露意大利粉 HKD148🥹黑松露汁好Creamy 令我呢啲黑松露粉大飽口福 令我一啖一啖咁食唔停口 我就覺得一啲Gas味都無 但我frd唔食黑松露嘅 反而覺得好重gas味😂 軟殼蟹係一隻咁炸左 成舊超香脆 配埋意粉一齊食 成個主食都好滿足！🔖塔 *原價HKD52* 套餐補差價HKD14士多啤梨鮮打沙冰，除咗一上枱大杯得驚人，味道亦好好。真係飲到士多啤梨味，並非平日試到嘅化學士多啤梨，值得一試😆🔖紅莓果茶 *原價56* 補HKD18果茶除咗紅梅 加有芙蓉花、薔薇果同蘋果，舖頭都好貼心地用蠟燭熱住茶壺，避免果茶攤凍，影響風味。味道上偏酸，帶有少少紅莓香味，開胃之餘，亦可以消濟解脂，飯後品嚐可令胃部更舒服😍