嫲孫樂 (環翠商場) (已結業)

開張以嚟食過幾次，價錢唔算好平不過下午茶餐當lunch食就一流！份量多又抵啲😋所以我建議大家捱一捱到下午茶時間🤣嗌咗兩個餐，奶蓋+$8就有我好中意呢款皮蛋豆腐小食，醬汁咸、酸適中，帶一陣好快就會散嘅微辣豆腐好滑亦夠凍，加埋皮蛋食好香係好開胃嘅小食👍🏻味道似沙嗲王香茅豬扒，一般好夠熱，但肉燥太少 撈唔晒成碗飯，食到粒粒香菇，係偏甜味嘅肉燥，我覺得唔錯👍🏻.鹽酥雞大退步，唔夠咸香，亦唔夠脆，冇乜肉汁。以前做得比較好😕海鹽奶蓋四季春，茶底正常，奶蓋味道似較淡嘅芝士奶蓋.一篤枝飲管落去有唔尋常嘅「膜」，都覺得奇怪，原來係一啲類似鼻涕/生粉水，有張力嘅野，擺明整得唔夠好🙁如果唔係口感咁差，加$8都合理，希望會改善唐山排骨原來都係類似沙嗲王豬扒嘅味，唔中意嗰陣味建議嗌其他～.建議唐山排骨同香茅骨二選一，因為隻味九成似.服務一般般，有啲店員會粒聲唔出，無啦啦喺你身後上菜🤨❓有啲就幾有禮貌.食到飽飽☺️

晏晝見未食過呢間嘢，咪入去試下lor。叫咗個特盛五寶米線同麻辣海洋風味米線。真係好失望首先，嗰兩個面佢寫話有5餸同3餸。結果佢嚟到，真係每樣都係得一件! 咁呢樣佢到又唔叫有錯ge。但係碗面個湯真係清到阿媽都唔認得。我真係好耐未試過食啲咁清淡嘅嘢。佢又唔係話特別平，一碗面就要48。 真心好失望。

星期日放工後，路過環翠商場，見到嫲孫樂有下午茶餐幾吸引，便入去試新野。環翠商場翻新後，有多間新的餐廳進駐。下午茶餐選擇頗多，揀左酸辣雙丸米線，還可免費加小食（有幾款，今次試左涼伴皮蛋豆腐）。飲品方面，加錢可改為台式飲品。米線不過不失，湯底風味十足，食完不口喝，應該無咩味精。小食的豆腐本身略為清淡但都好滑。下午茶盛惠$37，分量足，低食又好味，柴灣街坊又個選擇啦！嫲孫樂主打台灣菜，所以門市外市有外賣飲品部係非常合理的，台式珍珠奶茶都吾太貴，值得一試呢！

星期日約咗朋友喺柴灣睇戲，見未開場就喺附近到睇吓啲咩食。我哋去到戲院附近既環翠商場度睇下有啲咩餐廳，見到依一間台灣餐廳，內部裝修都幾靚，又咁岩係下午茶時段， tea set都幾抵食，就一於食依間。我叫左依個肉操鹽酥雞飯（$38），份量非常足，鹽酥雞外皮炸得香脆，但略嫌雞肉未夠多汁同未夠嫩，而肉燥飯就中規中矩，肉燥較為淡身，我自己就鍾意食濃味d既，飯仲附送小菜，酸酸甜甜幾開胃，而tea set包一杯野飲，整體嚟講幾抵食。

同啲同事午餐去咗呢度食飯，噉我叫咗個五寶米線啊。五寶裏邊有五粒丸，有魚蛋，牛丸，魚餃等等啦。嗰粒魚蛋同牛丸確實係爽口彈牙嘅但可惜佢個湯底實在太清啦，變咗成碗麵好淡，冇乜味道啊價錢連埋野飲都要50元

今晚同女友柴灣戲院睇完戲，平時我哋鍾意食車仔麵，但係車仔麵未必有位，所以女友提議食嫲孫樂，因為都好耐冇食啦⋯⋯記得第一次食係新開張，芝士奶蓋烏龍茶幾好飲，同埋上兩次我都係食酸辣豬牛雞米線，我食嘢實在太專一，今次都係食同一個米線，女友之前食滷水米線，今次佢轉咗口味，因為佢病病地唔食得雞，睇吓大半年冇食啲水準keep唔keep到先😄我都覺得自己實在太專一，第三次食嫲孫樂，三次都可以食同一個米線，但係真係冇辦法，每次打開餐牌睇完一輪，最後都係想食呢個，因為酸辣口味啱我，唔太辣，又有豬、牛、雞肉，真係冇辦法叫其他...😅講返佢個米線，三次食味道都一樣，即係可以保持水準，值得一讚👍🏻仲有佢杯海鹽奶蓋炭燒烏龍茶都幾啱我口味，不過我對奶敏感，飲完要快啲返屋企🤣紅燒牛肉麵，我試咗兩條面都幾彈牙，食咗一夠牛肉都幾入味，蘿蔔食咗一舊都冇渣，唔錯👍🏻服務態度keep住都做得好好，會繼續支持！👏🏻

兩口子諗住食個brunch就去戲院睇戲，於是去左附近一間台式餐廳嘆返個醒神早餐。男友叫左碗肉燥米線餐，跟餐除左有碗份量都唔少嘅米線外，仲有一塊多士同炒滑蛋，另奉茶飲一杯，都幾豐富。米線湯底同埋麵質不過不失，炒蛋面頭帶有濕潤蛋液，唔會炒得太乾。早餐份量多但平均只需三十多元一份，比一般茶餐廳或連鎖快餐店經濟實惠。估唔到台灣餐廳都有西式早餐提供，而且款式都算多元化，我就選擇左炸魚柳餐。本身都知道魚柳大多都係雪藏貨，對佢無咩太大期望，不過呢塊魚柳炸得比想像中好，外面脆口，入面仍然保持到嫩滑，質素唔錯。想食得經濟又實惠的話，下次都會再考慮食佢地嘅早餐。

臺灣野間唔中都想食下嘅，噉今次同啲同事就去咗呢間臺灣嘢試下，噉點咗個鹽酥雞飯價錢就48元包埋野飲，鹽酥雞，炸得好香口，好好食，配埋啲飯嚟食，唔錯嘅，跟住佢嗰啲飯仲有嗰啲臺式噪肉

It's been a while since I have dined at Marsino but as it was a hot day so decided to go in for drinks.Ordered the passionfruit tea and the four seasons tea with salted milk cap.The passionfruit tea fared better but the four seasons tea with salted milk cap was a bit tasteless.The passionfruit tea was a bit sweet but it was pleasant to drink as it was made with the usual syrup.There was a slice of lemon in it as well.Overall, a nice corner to have drinks if you are thirsty.

希望老闆睇到 改善改善午市1點繁忙時間有4人位 唔俾客入去話留返俾員工食飯 人客等左半個鐘 都係得2座位 飲食行業 真心小見 點會1點最多人食飯 員工霸住張台又係1點食 但等左半個鐘 員工都無人行去坐 其中一個員工自己去左bar台食 着西裝黑恤衫貌似經理既人叫個員工去4人台 員工都係留返bar台食 服務行業唔係咁囉

下班後約了家人去看戲，因為在距離開場還有點時間就在附近找吃！剛好之前環翠商場裝修完後有來逛個一圈對這家吃台灣料理的餐廳有印象那次是星期六下午的時間經過還要排隊的，但這天晚餐過來倒是有很多吉的位置。能選的餐點也不是很多，主食的話基本上都是麵食。台式肉燥飯 ($18) - 好像是餐牌中唯一的飯來。這價錢來說也頗大一碗吧肉燥溏心蛋蔥油拌麵 ($44) - 肉燥內有香菇，口感豐富～味道也頗濃郁！那個醬有點濃稠，要將它和麵拌勻有點難度。本身這個就是有點油油的，如果可以配條青菜或許更好。溏心蛋的話倒是不錯，蛋白很滑嫩。另外點主食可用優惠價點飲品～桂圓黑糖薑茶 (+$6) - 有半粒桂圓，不算太甜~但薑味亦不算太重。南投滷味麻辣米線 ($54) - 不知為何麻辣米線有薑味 ⋯ 而且並沒有很辣。腐皮有頗多且很大片～另外滷味包括了豬耳、雞翼、牛筋、牛腩和肉碎，那滷水味比較像不鹹不淡的豉油味多點 ⋯

今日喺呢度叫咗3個餐， 其中兩款 雞蛋肉燥飯同埋另一個雞飯係好味 ~但係發覺，其中一個豬扒有啲類似有益味，感覺上怪怪的，之後同經理講 點解啲豬扒係咁嘅味 ，之後經理話呢啲豬扒係有呢啲咁嘅油怪味~ 係絕對冇問題的~ 之後我同經理表示我上次食唔係咁,我話真係好難食, 經理話但係真係咁嘅味~ 之後 我爸爸在場 忍唔住即刻出聲,下次都唔幫襯你哋, 有怪味都堅持話係咁， 經理終於話，咁你唔要嘅，换過畀你囉~ 最後我只係同佢講你 淨係畀一些肉燥我 食埋其餘啲飯便可以, 算我唔識欣賞呢啲怪油味

今日去左食柴灣呢間嬤孫樂，唔洗等位，坐底叫左叫左碗綜合紅燒牛肉麵、一碟台式滷水雞中翼、一杯麻孫茉莉綠茶。牛肉麵份糧適中，牛肉份量正常，有幾舊大蘿蔔，牛肉湯底嘅味度同岀面普遍個啲有啲唔同，個人唔太喜歡，麵有啲硬。台式滷水雞翼細隻，不過好夠淋，面頭有啲芝麻，叫做唔錯。茉莉綠茶好重茶味，正正常常，整體黎講，價錢86蚊，個人覺得有啲貴。相比起香港其他台式餐廳，嫲孫樂餐牌上嘅選擇較少，味道，份量同價錢都有待進步。

今日去柴灣見落大雨，就諗住求其搵到近近地嘅地方食野。不過平時都已經成日食開新翠，所以今次行去新裝修完嘅環翠嗰邊。岩岩喺商場入口就見到依間鋪，諗住試下。間鋪唔係話開左好耐，所以裡面嘅環境都ok唔錯，幾新淨。3點幾黎到係下午茶時段，裡面都有唔少客。佢嘅teaset揀完麵或者飯之後可以配一種小吃，同埋有杯野飲。今次叫左個紅燒牛肉麵配鹽酥雞，仲有肉燥鹽酥雞飯加香腸。個牛肉麵黎講，啲麵都唔錯，牛肉都好淋，不過麵嘅分量就唔多，可能始終都係因為係下午茶啦。至於個肉燥飯，雖然唔係好正宗，不過食落個味道ok同埋都幾香。而且肉燥都比得夠多，撈飯一流。不過鹽酥雞嘅分量真係有啲少，只係得3塊，而且我覺得似普通炸雞多啲。

之前有買過下午茶40蚊唔洗就有一個主食 小食 再加野飲真係好抵！我上次係嗌小鮮肉酸辣米線有雞肉 牛肉 湯底偏酸唔太辣小食揀左鹽酥雞 有3-4塊 飲品叫左即磨咖啡全部味道都唔錯 性價比高！講返尋日食既午市套餐先😂我叫左外賣既鎮江骨飯加左隻溏心蛋 配無糖綠茶都等左成20分鐘先有得拎鎮江骨份量都唔少有2-3大塊同2-3小塊仲有大量洋蔥 我中意！味道黎講個鎮江骨既炸粉厚左少少但調味唔錯 好開胃😋至於加$8既溏心蛋呢...同我認知既溏心蛋有d出入我以為蛋黃會係偏橙色而質感黏稠但呢隻蛋中間水汪汪 感覺只係未煮熟😂味道同烚蛋一樣 係冇味既😂另外有一兜仔雜豆我冇食到😂無糖茉莉綠茶味道正常 不值一提🤣總括黎講呢個午餐都要$58試過就算 以後只會買下午茶😗