嫲孫樂 (淘大商場1期) (已結業)

改咗名之後就一路都冇嚟過呢一間麻酸樂，次次嚟九龍灣都去食馬來西亞嘅早餐，今日見到咁岩唔使排隊就試一試呢一間餐廳嘅早餐。見到佢哋都有蕃茄湯好似好吸引咁，就叫咗一個特濃番茄湯通粉，套餐仲會有一塊多士同埋兩塊煎蛋！再叫咗杯熱檸水！蕃茄濃湯味好好味，有少少微微嘅辣味！由於我好鍾意飲檸檬水所以我好在乎佢嘅檸檬，佢啲檸檬唔太新鮮，飲起上嚟會有苦味！呢個位置需要改善，反而佢俾我個杯凍水仲好飲啲！希望呢個位置佢哋可以加以改善啦早餐嘅味道都可以，可以下次再試一試

曾經都係麻酸樂嘅fans 自從佢改頭換面之後都冇食過🤭 見咁啱經過淘大諗住入去試吓點知完全係失望美味指數 😋: ⭐️⭐️環境指數 🏖: ⭐️⭐️⭐️服務態度 👨🏼‍🍳: ⭐️⭐️⭐️翻兜指數 💫: ⭐️⭐️(五粒星為滿分💯)🔷 自選米線 配 凍綠茶以前都食過佢嘅自選米線 但係今次是發現佢嘅湯底比之前鹹左 食完會有一種口乾嘅感覺🤢另外佢嘅配料其實都中規中矩 不過佢嘅份量真係少得可憐🥺 一個男士嘅食量可能食兩碗都未飽🤦🏻‍♂️ 另外佢嘅凍綠茶標明係低糖不過其實都偏甜 對比起以前嘅麻酸樂的確係失色不少

早排得知「麻酸樂」已經重新裝修完「嫲孫樂」，便決定去試食下午茶。星期六人流比較多，我同友人等了差不多15分鐘才有位。重開的「嫲孫樂」店面帶有懷舊港式裝潢，頗具特色。下午茶餐牌比之前多了選擇，尤其在飲品方面，多了台式飲品如珍珠奶茶等。下午茶餐，有一款麵食，配一款小食，再加一杯熱飲，或凍/熱綠茶 $37我自己點了「三鮮」，配拉麵和金銀蛋芫茜湯底，小食選了「香酥素菜春卷」，飲品則點了熱華田。等了約5分鐘，侍應生先送上熱飲。10幾分鐘後便送來「三鮮」拉麵。賣相討好，份量亦比想像中多，湯底的味道不錯，亦不太油膩。可惜麵條沒有彈牙或煙韌口感，只覺得很黏口、麵條質感好「粉」。下次會轉食米線。春卷是剛剛炸起熱辣辣的，所以等得比較耐。食春卷時再沾些酸辣醬，更加脆口、惹味。熱華田夠熱夠濃，味道不錯。在淘大眾多餐廳之中，「嫲孫樂」下午茶這個價錢尚算中等，環境坐得舒服，會時常幫襯。

今日啊媽突然話想吃米線，一出淘大商場就見到嫲孫樂，從外面看上去裏面的環境不錯空間也相當寬敞，可是從點餐服務起就發現這間商舖虛有其表，服務員態度十分惡劣，把麻辣湯底寫錯清湯，而且清湯味道果真很^清，跟清水味道相若，深感失望。首先，湯底從上餐時就很混濁，味道淡而無味，米線吸收不到湯底的味道，最後連米線也無法完成，只因味道毫無特點，降低食欲。另外啊媽叫的是季節餐牌上的肥牛清湯米，平時喜愛米線的啊媽也邊吃邊抱怨，最後我只能說這間嫲孫樂吃得一點也不樂。日後在米線選擇的清單上，這間不會是其中一項選項。

今日下午要去朋友屋企玩, 但見有時間同埋個肚開始餓, 咁岩見到呢間有下午茶, 價錢都唔錯, 就入去一試.鹽酥雞肉燥飯配雲耳青瓜仲以為個份量應該都同某大型連鎖餐廳相似, 點知份量十足似食緊午餐咁. 鹽酥雞都炸得唔錯, 冇咩油, 個炸漿都薄, 食到啖啖雞肉; 肉燥再加埋冬菇味道都香濃, 有啲偏鹹, 配埋白飯食都算唔錯. 可惜白飯煮得稔得滯. 雲耳青瓜都好爽脆而且都幾入味, 份量都唔差, 解到鹽酥雞肉燥既油膩感, 再配埋一杯無糖綠茶, 咁既價錢都算唔錯架啦, 值得一試.

自店舖名稱由麻酸樂改名做嫲孫樂後，我第一次光顧......仲記得自己在餐廳未改名之前打了一篇劣評不會再光顧它們。今次爹嗲提出中午吃這間就唯有俾多次機會佢地。餐廳座位比以前寛落一點點，枱面改用了像雲石的枱，牆身雖然沒有掛上食物照，但裝潢比以前高檔少少。今次我不吃米缐，點了黑武士鎮江骨（Hkd49)加$10 叫了一份一口鹽酥雞 （3件）跟餐配熱茉莉綠茶。鎮江骨就好似糖醋去骨排骨一樣，外層不厚粉，微脆口，每口都是肉，不足之處是有點過甜。套餐仲包左一碟前菜，有花生，豆，紅蘿蔔，炸菜粒，粟米，味道微辣，幾開胃既！至於一口鹽酥雞，唔油膩但沒有炸雞香味，味道一般。整體來講，不過不失沒什麼特別。

位於牛頭角「淘大花園」商場樓下的米線店「嫲孫樂」，給我印象比較淺，反而及不上「嫲孫樂」舖位上手的米線店「麻酸樂」，四年前晚上食客在店內發生的事件來得令人印象深刻。那事件當年曾經被製成動新聞，放到視頻網站裡面，我現在透過短片看到當年在「麻酸樂」爆發的事件。當時我雖然不在現場，但是看着視頻短片裡面記載事件的轟動程度，令我很想光顧現在的「嫲孫樂」。雖然我以前在「淘大」分店「麻酸樂」結業之前，還未正式光顧過「麻酸樂」廚房製作的米線，所以無從去比較「麻酸樂」米線，味道跟「嫲孫樂」的麻辣米線味道有什麼不同的分別。但是現在「淘大商場」的「嫲孫樂」，下午茶時間仍然幾乎坐滿了，上門光顧享用「嫲孫樂」下午茶茶餐的食客，「嫲孫樂」為了不浪費座位，令全場座位都坐滿食客，所以我都無可避免地需要與其他食客搭檯。幸好我最後還是能夠找到座位，之後研究「嫲孫樂」下午茶茶餐餐牌。「嫲孫樂」下午茶餐牌裡面的整體價錢不算昂貴，價錢在港幣三十五元，至港幣四十九元不等。「嫲孫樂」下午茶餐牌裡面的米線食品，食材大多都兼顧了不同食材，包括牛、豬、雞、魚食材在內。而且「嫲孫樂」下午茶裡面的米線，還能夠同時選配多一款小食，要齊集雞、牛、