嫲嫲雲吞雞 (首都廣場) (已結業)

第一次去嫲嫲雲吞雞尖沙咀分店，之前一直去開新蒲崗店😆最大特色係可以叫半份，咁就可以試多幾個小菜啦！仲有燉雲吞雞湯、酸菜魚都好出色，不過今次就輕輕食個簡單二人晚餐。.麻婆豆腐（半份）份量夠撈晒兩碗飯～唔算太辣，係開胃嗰種香辣味🤤豆腐都好滑。.粟米魚塊(半份)都係好好送飯嘅，可惜有少少凍咗😅所以望上去汁都杰身少少～魚塊外脆內軟，都唔錯啦！.炒萵筍絲(半份)係我最鍾意嘅菜式，因為唔係度度都有，萵筍炒得好爽身，少少辣，超好味，食上癮😋😋😋😋.

同老公散咗晚堂崇拜諗緊晚飯食咩之際老公話帶我去一間平時午餐食開嘅飯堂原來喺轉角位有間類似上海舖頭上海鋪必有嘅酸辣湯同豆漿我就嗌咗上海菜肉小雲吞老公嗌咗熏魚擔擔麵同埋帶咗兩個小食黑木耳同埋尖椒皮蛋我覺得我啲小雲吞真係好細粒😂但係又幾好食因為我唔係太肚餓嘅關係，份量啱啱好老公嗰個擔擔麵都唔錯有我最鍾意食嘅尖椒皮蛋不過就覺得食完呢一餐之後就比較口渴尤其是嗰個酸辣湯可能或者味精多咗少少囉總括嚟講都好滋味嘅

午餐咁係食午餐，由於星期六，日及公眾假期關係要加一。選左午市套餐，有飯餐和麵餐，選左飯餐，有碗飯和飲品，我選左糖醋魚塊餐加大再加$25有個小食，選左醉豬手，飲品選左罐無糖可樂。糖醋魚塊煮得唔錯，外脆內熱，魚滑，大大舊，汁酸酸甜甜好開胃，唔會似出面個d 厚皮又硬多粉，熱辣辣，正😄醉豬手：份量少左d,浸得好入味，好香酒味唔會苦，好fresh😍👍🏻最後埋單加一共$88

平日下午兩點幾路過，見無乜人唔駛等就叫了個外賣午餐青瓜雞絲麵$48，雖然價錢唔貴，但青瓜同雞絲份量真係少得可憐，花生醬味濃好杰身，會漿住過嘴。總括嚟講份量少，味道好一般，唔會再幫襯。

上網睇到依間嘢好多嘢都可以叫半份，兩個人都試到好多嘢今日經過就黎試吓喇～～——半份——-麻麻酸菜魚 $99酸菜魚夠酸夠辣，魚都好滑，不過就好似魚同湯分開咁，魚唔太入味，但很好送飯😛香辣炒鯛魚片 $42好惹味，辣度夠，魚都脆👍🏻花雕醉豬手 $32好中意呢啲清清地既凍食，好脆彈又入味，骨膠原☺️孜然羊肉 $40好香孜然味同羊肉好夾，又唔乾，送飯一流！好嫩☺️麻辣粉皮 $19當小食食都唔錯呀！最緊要係佢啲辣夠味又唔咸，不錯的！白飯$9雖然試到好多野但性價比不是太高，呢個價錢份量就不多，但野食都唔錯幾好食☺️

天氣凍左就想食返d熱嘢，見到有間雲吞雞諗起就覺得暖就諗住入去試吓，點知就中伏！！！😓😓😓一入到去坐低唔夠3分鐘，就有個中坑肥佬走埋嚟催促我落單，態度仲要勁差，我心諗：吓~我餐牌都未睇完喎🙄佢依度係用點心紙嘅形式，大部份嘅菜式都可以揀半份或者全份，咁樣嘅模式都幾好，可以試多幾款。揀好餸菜當然包括我最想食嘅雲吞雞，點知係落單嗰陣個肥佬突然間話：冇晒雲吞雞㗎啦吓。。。仲要好串咁，好似我一早要知佢冇晒咁，佢張點心紙無畫走，亦冇好似啲餐廳咁掛個牌出嚟話賣晒，我又點會知道🤯🤯餸菜上枱後，發覺全部份量少到好似食剩餸咁，尤其係個乾扁四季豆， 30幾蚊得10幾條，差不多平均兩蚊一條！！！個擔擔面又係好似俾人食淨半碗咁，明明依個係叫全份，分量一樣唔足，味道只可以用好一般嚟形容，衡量到佢嘅份量同埋服務態度，真係以後都唔需要再嚟，成個體驗一肚火，今次真係唔方唔暖😡😡😡🔥🔥🔥

🍲嫲嫲雲吞雞之前一直都有食開新蒲崗個間，原來尖沙咀都開咗原午市套餐都幾抵食，lunch就決定食佢小黃魚担担麵 + 可樂 $50担担麵麵條軟硬適中，湯底重花生味帶少少辣，湯比夠杰身小黃魚一條中size，炸到香脆，魚肉啱啱好熟，仲係嫩滑既👍🏼雞絲粉皮 +$15雖然係跟餐加既，但份量都好多醬料比咗勁多，好重芝麻醬味雞肉唔會好鞋白飯 $9$50一個lunch係尖沙咀都算平，份量又夠飽食物質素算中上既，小菜個啲仲可以嗌半份食，都幾抵食嫁下次要試埋呢間既晚市先得🤣

某日好肚餓經過又攰而入左去,見到好耐無食ge上海菜點左個韭菜膳糊有全份同半份可以簡佢都算足料,算多肉比起出面連鎖食個d菜多過肉黃金四季豆呢個係上海菜必叫,但呢個唔夠乾身好多油真無好邪惡成口油濕豆 一般般孜然羊肉反而唔錯連配菜都覺得入晒羊肉味,但孜然味係唔出,好矛盾羊肉味濃郁!!!同出面唔同佢唔無炒/炸乾身,都幾岩老人家額外再叫左個清湯陽春麵,好大碗,兩個人分黎食呢餐都要打包走見到有人食酸菜魚大大碗都幾抵食!

勸各位千萬唔好中伏之前食過堂食還可以今日夜晚試下叫外賣 叫左兩個餸 都要百幾蚊佢拎出黎果下我真係完全O哂嘴我咁大個人叫過咁多次外賣真係第一次見人用個甜品盒裝 仲要裝得一半留意我係叫淨餸 冇跟到白飯架見佢咁細個盒若無其事咁拎出黎我都唔知講乜好 大佬你少還少都唔係少到連長方型盒都冇要用個甜品盒裝真係誇張左我第一次打openrice食評呢間野真係搵笨到不得了自己睇圖食物係極咸 成件事已經搞到我冇哂心機食飯 俾錢買難受 成肚氣 一定冇下次 希望大家唔好中伏

牛肉乾嘅放晒係底，搵野遮住！担担面得辣油冇其他味，其他餸上碟求其跌晒出黎！咁樣300蚊，難食不知所謂～酸菜魚睇樣以為冇事….點個仲中伏，冇味而且面果層油成CM厚

🍔食物質素：👍🏻👍🏻👍🏻💵價錢性價：👍🏻👍🏻👍🏻📸打卡指數：👍🏻👍🏻🪑環境衛生：  👍🏻👍🏻👍🏻👍🏻🤵🏻店員服務： 👍🏻👍🏻👍🏻👍🏻fai之前都有食過嫲嫲雲吞雞，覺得幾好食，今日咁岩經過就入去食，不過今日有野做太趕時間，只係叫左啲小菜，無叫雲吞雞，咁就出事了。下次都係叫返雲吞雞安全啲。黃金豆腐   ( $31 )個炸粉好厚，豆腐就唔係好大舊，同埋啲油炸出黎有少少油渣味，不過硬住頭皮都食晒。勝瓜雲耳炒牛肉 [ 半份 ]  ( $38 )半份啲份量比較少，叫兩個半份就等於平時啲人雙送飯份量，不過牛肉都幾有驚喜，好滑好冧。雪茶肉絲麵 ( $50 )食落無平時雪茶肉絲咁濃味同咸，反而幾好，淡淡地，好清淡。鍾意清淡可以試下，食開濃味會覺得完全無味。

是咁的 朋友好中意食酸菜魚，成日叫要食，今次就同佢黎到首都廣場既嫲嫲雲吞雞當日係中午來的，店面位置不算多，枱都唔算大張，2人枱真係小逼，不過CP值拉上補下，事不宜遲，即刻睇下menu 有咩好食中午menu 真係好抵，average 50幾就有一個飯，main menu 又有得簡半份，唔係次次都一大堆人黎食 人少少都可以好多選擇我哋叫左半份酸菜魚同中午客飯既孜然羊肉，我個人比起酸菜魚更中意食孜然羊肉！羊肉又滑又惹味，拎黎撈飯一流！酸菜魚半份都好多，魚肉份量好夠啊諗起又想食了整體評價：可以encore

以選擇多價錢平心態這店算是不錯，就是服務員態度就有點令人失望。用餐後感覺，都幾多味精，其實味精只是調味不必放大多。😊以下菜式全部半份，最啱我哋花心女生們！😂🥢檸檬酸菜水煮魚酸菜加入檸檬有清香提鮮作用，魚片新鮮爽口，最欣賞寬粉盡吸湯汁好食得不得了！🤤🥢麻辣水煮魚超正，魚片份量算多，配料十足麻香辛辣越食越起勁。🥢醉雞 未算入味，所以沒有香濃酒味，感覺鹹鹹地。🥢麻辣粉皮油多了欠麻辣。🥢涼拌木耳酸甜開胃。🥢熏魚醬汁做得不錯，以甜酸為主但肉質比較硬兼鞋口。🥢土豆絲酸香微辣爽口，另一開胃涼菜。🥢百合秋葵木耳健康一族恩物，略為多油了一點。🥢肉末茄子不算油膩好有鑊氣，茄子軟嫩肉末入味。👍食得開心

午市套餐加量，都係好少，右唔熱，d 菜凍。加15元 d 小食真係小到一口食完，個人評論野食真係垃圾，價錢唔值，快餐店應該仲好食過佢好多，加飯要十幾蚊仲要真係細口碗到無人有，唔怪之得午市得幾枱人食，真心覺得快餐店都有水準過佢

「酸菜魚」可謂近年既大熱，但有時2條友叫一份魚已經食唔落其他野😅呢度既餸同小食可以叫半份，岩晒想多d 款式既我地～我地叫左半份水煮魚，一碗陽春麵🍜半份口水雞同花雕醉豬手。🐟水煮魚雖然得半份，但有寬粉，筍片墊底，都幾多料，至於主角水煮魚呢，魚塊略嫌散左少少,未至於一夾就散，但我食過彈牙d。辣度可以接受，少少嗆口，如果有d花椒吊下香味就更好～配陽春麵ok, 淨麵就無咩特別🐷花雕醉豬手幾好味，幾重花雕味。豬手無毛，夠乾淨～半份黎講都算足料，有6，7件^_^推介👍🐓口水雞同水煮魚一樣，唔夠香亦唔夠滑，雞都算嫩滑，墊底係花生粒🤔雖然我鍾意食花生，但呢個配搭有啲怪😅