媽咪雞蛋仔 (已結業)

晚上放工後要去旺角上堂，但因為收工太夜，去到旺角既時侯只係得番15分鐘可以俾我食個quick dinner，所以黎左媽咪雞蛋仔。同以前一樣，除咗雞蛋仔之外，仲有格仔餅，而且仲可以跟餐叫野飲。不過我廢時食到成身都係，所以都係揀左個最安全既原味雞蛋仔😛 我買既時候無人排隊，所以大概等左3分鐘左右就有得食。熱辣辣既雞蛋仔最好味🤤 外脆內軟，勁有蛋香。不過一次過食哂成底雞蛋仔，係有少少太漏，因為個蛋漿都偏甜。但整體黎講都係好食的！下次有時間會食下其他味道😋

如果不想因为这家店毁掉尼一天的好心情就别来。 跟我在铜锣湾那边的体验简直天差地别🙄To那位店员：您不想打这份工就别打，丧着脸给谁看？是我白眼翻不过您吗？还是我是来乞讨的没付钱？旁边环境也并不好，虽然这不是店家的错。但是服务态度真的不能忍🙄总之这家店不会再来。

媽咪雞蛋仔🧇 好多地方都有, 成日經過都會聞到好濃既蛋香, 今次叫左兩款格仔餅試, 一個叫左原味加肉鬆, 即叫即整拎上手熱辣辣既格仔餅勁重手😳, 份量十足, 好似食緊厚窩夫一樣🧇 做到外脆內軟綿綿之餘蛋香亦好重, 可能係太厚既關係相對上顯得中間D醬就唔夠多, 不過好彩加左肉鬆😮‍💨 整體嚟講都好夠味好食伯爵茶🫖金莎醬🍫朱古力格仔餅一拎起手已經聞到陣陣伯爵茶香 一樣係面層香脆內層鬆軟 呢個金莎醬雖然好足料同食到朱古力榛子醬之間有少少威化脆片🥨， 但係覺得佢隻朱古力味唔夠濃好似有啲稀嘅朱古力醬咁😅，甜味就適但係好夾個格仔餅伯爵茶香 如果鍾意好濃朱古力味嘅呢個就唔係太啱食🙈

突然好想食雞蛋仔， 在旺角的街頭尋找了一會， 見到有媽咪雞蛋仔，位於旺角豉油街33號地下A號舖。 買了兩款 ～ 原味雞蛋仔$20、 格仔餅$23。 🔸原味雞蛋仔🥠 ～ 第一眼就被雞蛋仔的包裝吸引了🤩， 精美的包裝👍🏻， 雞蛋仔有濃濃的蛋香味， 即叫即整，外脆內軟。 🔸格仔餅🧇 ～ 厚切鬆軟的質地， 醬料份量適中，金黃均勻的色澤，香脆煙韌的口感。 雞蛋仔和格仔餅都做得不錯， 下次再試下其他款式😋。 媽咪雞蛋仔地址: 旺角豉油街33號地下A號舖

雞蛋仔係我細細最鐘意食既。細個只係得原味同朱古力選擇。依家由甜到咸都有多款選擇。依家既小朋友真係好幸福 ar..我見到個個拎住既雞蛋仔係一袋紙盒包裝，instead of 紙皮包裝，成個感覺高級又乾淨。講番個底雞蛋仔先，叫左香蕉朱古力味，佢即叫即整，入面每一粒都食到有香蕉同香濃朱古力味。新鮮又熱又脆，香蕉溶係要夠熱先至係最好食，再配上溶溶地既朱古力，真係太好味了吧😆。除咗雞蛋仔之外仲有個宇治紅豆飲品，綠茶既味道同紅豆真係太夾了。加上熱到牙媽都吳認得既日子。凍宇治紅豆正合我心意下次我想試下肉鬆芝麻雞蛋仔。有無人一齊去食？

店鋪主打雞蛋仔，當然要試下佢哋嘅招牌！😍見到雙重芝士係店鋪top one😙咁當然要試下啦，即叫即焗非常之新鮮🔥可以見到店員喺入邊慢慢製作，拎到手熱辣辣，香噴噴，真係好吸引！❤.雙重芝士$45 雪糕兩球雲呢拿＋朱古力雪糕$20我哋仲加咗兩球雪糕🍨冰雪交融嘅味道非常邪惡，而且雞蛋仔夠鬆化，食落去好似蛋糕質感🧁口感好香脆。真係要新鮮企係旁邊慢慢食，都可以感受獨特街頭風味，所以之後都想試下其它口味。.益力多沙冰$30店員話冇特登額外落堂，所以更加健康☀益力多配沙冰嘅味道，好清涼。👍

因為疫情關係，而家夜晚仲係禁堂食！所以今日就喺旺角掃街啦！個人比較古板鍾意食原味多啲🤣新鮮出爐嘅雞蛋仔🥰食落好香脆，反而好似食緊曲奇咁～我自己個人就鍾意食啲口感煙韌啲嘅雞蛋仔～不過都係好食的😇

這間位於旺角街頭的媽咪雞蛋仔分店，人來人往，選擇同樣非常多。今次點了一個抹茶格仔餅，剛出爐的格仔餅熱騰騰，口感偏軟，沒有香脆的外皮，但勝在雞蛋味香濃。雖然呈現出非常深的綠色，但幾乎沒有抹茶味道，如果沒有留意外觀，還以為是原味格仔餅。之前在其他分店吃過同樣的味道，但今次味道差很遠。餐牌上寫著使用了小山園抹茶粉，但我覺得色素下得比較重，而且味道過甜，即使果真有下抹茶粉，但味道都被完全蓋過。下次還是吃其他口味/分店罷了

人生第一次寫食評，格仔餅淋到嘔！你地整完之後一定知道係好淋，甘樣可以比人食？其實我拎到後都發現係淋淋地，軟瀨瀨甘，番到屋企先食當然知道吾會夠即黑食甘好，但無諗過係衰到甘~

人大左就少左食雞蛋仔,但係我心目中佢永遠都係我最鍾意既港式小食之一,咁多間雞蛋仔媽咪雞蛋仔應該都係我心中既頭三甲之一,今日經過旺角見到佢地既分店口㾗買返底黎食下先.香蕉朱古力雞蛋仔咁耐無食過一拎起個包裝都幾驚喜！以前既紙袋包裝原來已經換成咁有design既風格.即叫即製既雞蛋仔拎上手熱辣辣,逐粒撕開既一刻已經感受到雞蛋仔超脆既外層.咬開雞蛋仔內裏充滿餡料唔會呈空心狀態,每粒都同樣充料.朱古力同香蕉味同樣濃郁而且好match,整緊唔會過甜膩,帶住自然既香蕉甜味.荔枝梳打清爽既梳打加上香甜既荔枝唔會過甜你黎又解渴,啱啱好天氣開始回暖返飲返杯降一降溫.

Hong Kong Local Snack❤️ Mammy Pancake💛..身處旺角鬧市，想食香港街頭小食❓一定唔少得雞蛋仔💛。旺角街頭既媽咪雞蛋仔自從轉左新舖面，門面靚左、Package 靚左，打卡able 左。但唯一不變就係都咁多人食😍，搞到我都心思思買返底港式雞蛋仔食。咸甜ll $61，外脆內軟又實在感覺滋味，加2球雪糕🍨 (雲呢拿 & 朱古力) +$20，一冷一暖滋味在心頭。最後仲加多杯飲品 ll $35，Double Chocolate Smoothie 香濃朱古力味🍫，成杯都好rich，飲落真係好透心涼喔。..×××××ש旺角豉油街33號地下A號舖..

前排行旺角經過媽咪雞蛋仔，見口痕又買左黎食😆😆雞蛋仔口味真係好多！成日食都唔會厭～～🍋法式檸檬芝士雞蛋仔 $41✨呢個係新口味黎，於是叫左黎試試😋😋雞蛋仔即叫即整熱辣辣，外脆內軟～～外層脆卜卜，內餡飽滿厚實！絕對真材實料❤️❤️檸檬同芝士既配搭好夾，啖啖都食到檸檬清香🤤🤤🍹菠蘿梳打 $28✨佢地飲品選擇都好多，同手搖店有得揮🤣🤣菠蘿梳打酸酸甜甜，氣泡感十足！！飲落清新解膩，仲好大杯！幾抵飲👍🏻👍🏻

識我既朋友仔都知我勁鍾意食雞蛋仔😬間唔中下午茶時間都會買返底🎯同另一半齊齊SHARE就最滋味💖今日去開旺角，即刻買返底過下口癮先😻揀左人氣大熱既伯爵茶朱古力雞蛋仔❇️天氣凍冰冰再嗌多杯熱抹茶牛乳紅豆🍵食粒雞蛋仔再嘆返熱飲，大滿足😋手抽型既紙袋好精緻，夠哂方便，雞蛋仔脹卜卜夠足料，食落好香脆👍🏻即叫即製熱辣辣，好有蛋香，咬開係香濃既伯爵茶再夾雜朱古力粒🍫難怪成為人氣大熱之選，正🎉抹茶牛乳紅豆好香抹茶味，少甜岩岩好，口感層次都幾豐富🥳媽咪雞蛋仔全港有成13間分店🎯仲成日推出創新口味，鹹甜都有，諗起而家又想食啦❤️#媽咪雞蛋仔#雞蛋仔#香港街頭小食 #米芝蓮 #旺角美食 #將軍澳美食

🧇【 下午茶必選 】- 媽咪雞蛋仔🧇作為一個雞蛋仔嘅忠實粉絲，我響香港最喜歡嘅雞蛋仔舖莫過於媽咪雞蛋仔！ 每當有朋友嚟香港嘅時候，一定必須嘗試嘅街頭美食！ 佢哋嘅雙層芝士雞蛋仔太好吃啦，又流心又爆漿！色香味俱全，你一定要試吓！食得雞蛋仔梗係要配搭港式奶茶，濃濃嘅芝士香味加上幼滑嘅奶茶，十全十美嘅下午茶❤食極都食唔厭，唔知你又鍾意食媽咪雞蛋仔嘅乜嘢口味呢？媽咪雞蛋仔📍 旺角豉油街 33號地下A號舖 （新寶戲院斜對面）營業時間：星期一至日12:00 - 22:45)

🍴熱抹茶牛乳紅豆 34 蚊🍵🍴抹茶紅豆雞蛋仔36 蚊🍵首先個袋仔幾靚 方便外賣拎黎食 個雞蛋仔抹茶味幾香 口感幾脆 入面帶 d軟熟 而佢入面既紅豆夠香甜 同抹茶雞蛋仔夠 match 👍🏻 牛乳紅豆 個牛乳奶味比較香滑 飲到甘上下先有紅豆甜味 同雞蛋仔十分 match 👍🏻#雞蛋仔 #抹茶 #紅豆 #小食 #街頭小食 Score 平均分< 7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~