媽咪雞蛋仔

营业中

休息中

即叫即整熱辣辣🔥 外皮金黃脆卜卜💛 一咬開入面超軟熟 蛋香濃郁🍳 口感完美平衡✨特別在加咗鹹蛋黃碎🌕 鹹香惹味 同甜味形成反差 食極唔厭🤤 每粒都飽滿 冇空心👍價錢小貴💸 等候時間約10分鐘⏳ 店員態度友善😊 經過必買 但小心燙手👋但係紙袋包裝夠穩陣📦比起原味更出色💯 鹹甜控絕對要試 唯一缺點係太邪惡 食完要跑多個圈🏃‍♀️大圍掃街必食之選📍今次已經係我第三次去食🤤最主要係附近未有更出色既店舖 但都係暫時區內最出色

平時食開雞蛋仔同格仔餅都係食開甜嘅口味😌今次決定試下咸味既雞蛋仔😂挑戰自己口味😄見到menu🤣決定揀No.1 既雙重芝士口味😆諗住點都唔會差得去邊呀嘛😗拎上手熱辣辣☺️本身以為有爆漿效果😂又或者係拉絲😝點知幻想歸幻想💭現實係食落去係有芝士味😆聞落去都好香👻望落個餡就金黃色😊至於雞蛋仔個蛋漿呢就唔駛多講😄係佢既招牌之作👌十分出色整體黎講🤣應該係我幻想太多😛但都算唔錯😌

媽咪雞蛋仔 (大圍)大圍村南道35號富嘉花園地下19B號舖好似間間媽咪雞蛋仔嘅質素都各有不同 今次試吓大圍分店！今次叫咗原味 外脆內軟 正常發揮！比隔離街口果間雞蛋仔好食🫢唔知佢個抹茶味雞蛋仔啲抹茶味真唔真呢？

以前在上環店買的不同口味也很好吃，現在見多了分店，今日在大圍買了原味，一咬落去系糖精味，太甜，超難吃，一點蛋香也沒有，麻煩改善一下食物質素，如果想繼續經營下去。

媽咪雞蛋仔真係每次諗起食雞蛋仔同格仔餅必選👻今次試咗佢哋嘅原味金莎醬格仔餅🧇真係依舊出色🍪 格仔餅外層厚度剛剛好而且有嚼勁🥰唔會話太淋😌咬下去即刻感受到內餡柔滑的金莎醬😍甜而不膩😆令人會想繼續食同密密食😋每一口都充滿咗巧克力香氣😍搭配餅身既功力😎實在係完美嘅組合✨而且格仔餅嘅份量適中😝雖然係食完晚飯再食😋但唔會話太過膩🤣作為甜品係一流😆是日既人流無早幾日新年前後咁多人🙂服務態度亦好好😌店員熱情友善🤭會主動介紹招牌口味🙌總括來講🤠原味金莎醬格仔餅無論係味道定係口感都非常出色😆以大眾化之選黎講真係無得輸😎之後都會試試其他口味

上年見到媽咪雞蛋仔新推出芝麻湯圓口味雞蛋仔，試完之後念念不忘😋今年到農曆新年見到佢又有再出，$50一底比起上年雞蛋仔入面多咗麻糬，不過芝麻味淡咗如果兩者再balance啲就好啦！

我叫左個原味雞蛋仔，就企係佢門口等，佢訂單多唔緊要，等10分鐘先到我果份都唔緊要，但係將放左係度十幾分鐘冇人拎嘅雞蛋仔質我要就真係完全接受唔到！我睇住個店員收埋個雞蛋仔，轉頭就叫我個號碼果時我已經好猶豫，人諗唔係呀？凍晒架喎！雞蛋仔成本將錢呀？我又冇行開，俾個熱辣辣新出爐嘅我都係好基本要求啦！點知真係凍晒嘅雞蛋仔，睇埋個紙袋嘅兩張貼紙，證實晒啦！我真係好嬲呀！呢間店根本就唔重視食物嘅質素，果將個o靚仔店員得過且過嘅做法實在太過分了啦！

佢唔係跟落單嘅次序做， 雞蛋仔係出貨快好多，我追問，職員答我話格仔餅需要耐啲時間， 觀察估計，原因係店內有四份之三嘅爐頭係for做雞蛋仔，1/4爐頭做格仔餅，我哋等咗成15分鐘先至有得攞格仔餅，如果趕時間就買雞蛋仔較穩陣喇。至於味道，就不過不失，同一般街邊嘅雞蛋仔/格仔餅差不多。

食完飯都未夠飽又口痕，就買咗底雞蛋仔試下。我叫咗咖啡味，又好彩冇其他人嗰d唔夠脆或者口味問題😅 即叫即整夠晒脆，但咖啡味比較單一，而且味道唔算好濃，可能要食佢加埋朱古力嗰款會香d。

初初開時好好，外脆內軟，之後越來越差。隔了一段時間，今次專登再去買，一攞上手已經超淋超軟瀨瀨…，咬落去好似食緊糕咁，今次唔知點解超甜，覺得有落糖精，乸喉🥴又唔係平，唔會再買了。

呢間可能係最難食既 「媽咪雞蛋仔」每次經過都會食 新開一兩個月都買過8次只有1-2次個雞蛋仔係脆同好食其餘次數全部都係偏淋身或勁淋好似蛋糕仔咁.初頭以為佢只係混合味先mix得唔好伯爵朱古力又瀨野綠茶朱古力又瀨野綠茶黑糖麻糬又瀨野芝麻肉鬆再瀨野我真係試足咁多轉 比咗好多次機會真係好失望.到今日食返單一朱古力味都仲係淋身 完全唔係脆到底發生咩事 😱😱其他分店唔會咁樣 忍唔住要反映下.男職員同女職員都一樣整出黎係咁證明你哋成間店既粉比例/手勢有問題 可唔可以跟進下😰😰😰

旺角店執左，見大圍有店就黎試 。星期日下午2點無人唔駛點等，好快就有。一拎上手，食幾粒，再望下，有一半都係淺黃色，唔夠「火候」「外軟內軟」（仲未烤夠時間😑）‼️即刻拎手機出黎，要分享返‼️明明無人排，只係等一個人，技術問題？…🤷🏻‍♀️淋淋地都算🙈仲要有三分一都係扁的‼️最基本的外形都無？慳蛋漿慳成咁？食東鐵站的小食店都無試過咁差，想點🤦🏽‍♀️$20正常價，但超級失望，唔值，放棄左三分一，唔會回頭大圍店🙅🏻‍♀️

平日放學時段下午三點幾經過，平時日日行過，都冇試過， 阿女心血來潮 就話 想試下~呢間舖頭嘅 位置就對正大圍火車站外圍，的士站隔離 ，人來人往😏，相信舖租都唔會平得去邊 🤑。喺我哋order之前 有兩三個order ， 由於即叫即整，所以都等咗大約8至10分鐘才有得食。我哋order咗個原味格仔餅 (23蚊)， 格仔餅賣相都ok，中間都係一般餡料，練奶+花生醬+牛油， 格仔餅外皮不太軟不太硬，有少少脆，但係就冇乜蛋嘅香味， cp值尚可吧😎。 我見其他客人點餐都係要原味， 其實佢menu仲有其他較特別嘅味道， 唔知係咪因為其他味道係貴啲 嘅關係，所以就令人卻步🤫， 我唔見有人點。

入嚟寫食評無意中發現上一篇刊登嘅食評都係我寫嘅，當日呢就唔好彩食到空心嘅雞蛋仔🫤🫤不過口痕今日經過大圍又再買嚟食，今次就幸運啦，好好味呀今日！！我覺得好食嘅雞蛋仔入邊嘅餡應該係軟綿綿同埋起碼要填滿三分之二！今日買到呢底雞蛋仔唔單止唔會烤得太焦，而且餡料好滿🥹超感動 大概有七成嘅雞蛋仔都係填到近乎滿晒嘅，咬落去係軟綿綿㗎，唔知有冇人好似我咁食雞蛋仔會咬開一半睇吓入邊係點嘅先呢？呢粒已經唔算最滿，有啲係再滿啲嘅！！咁先係及格雞蛋仔！！

好耐都冇食過媽咪雞蛋仔，大圍開咗間新嘅去試吓呢一間嘅手勢點先好多時出其他地方食媽咪雞蛋仔都要排晒長龍，但係呢間就唔使排隊嘅，不過唔知點解整得好慢都係等結果今日又係失望而回，又係食空心雞蛋仔外皮係好脆同埋好硬，但係入邊一半都係空嘅，仲要成底每一粒都係咁，好失望