影片
好耐冇食过间, 而且见佢都有几多位, 于是又入去食. 今次又系同上一次咁样, 叫咗你坐低后, menu又唔比你, 水又唔比你, 样样都要追, 追完一样又一样, 已经搞到我地唔多高兴, 到叫嘢食, 又系等极都冇人, 好啦, 终于等到有人招呼, 我地个食有包汤, 但呢晚竟然只系得罗宋汤, 而我地唔食牛, 咁即系蚀咗个汤啦~ 谂住佢冇汤都上个包比我地, 因为上次食都有包跟, 但今次连包都冇, 不过唔系净系我地冇, 系全场都冇, 可能已经冇包呢样嘢................等咗都差不多十多分钟先上餐, 仲要系一个上完隔多起码五分钟先再上另一个, 见厨房出来出去都系套餐果啲, 等到饿由都变唔饿......... 烧汁焗鸡扒饭size超细, 好似迷你pizza咁大左右, 啲饭又只系薄薄一层, 连块鸡扒都厚过啲饭, 可能因为啲饭太薄, 所以焗得干咗少少, 要捞返啲烧汁, 叫做好啲, 冇咁干硬, 不过佢啲烧汁又好似偏甜咗少少, 虽则烧汁系本身系有少少甜, 而块鸡扒都唔算大块, 个碟已经细, 佢size只系得2/3左右, 仲要系切开咗一件件散开放, 最好食都系佢啲木鱼丝~ 卡邦尼意粉又系超细size, 不过只碟就劲大size, 所以感觉上仲更加细份量. 个汁好creamy, 但太水, 啲汁挂唔到条意粉, 所以要劲落芝士粉整杰佢, 最搞笑系唔系落磨菇, 而系用鲜菇, 够哂fusion菜~见佢上菜都咁慢, 趁未食完就叫定杯饮品, 废事等得耐. 热柠茶有色冇味, 啲茶好深色, 但一啲茶味都冇, 就算插烂哂啲柠檬都冇乜柠檬味.经过呢次食物质素差咗, 服务冇改善, 老公已经black list咗呢间.
继续阅读
上星期六系马鞍山睇雷神3睇之前梗系揾个地方医下肚先啦～大家听过马鞍山系个美食沙漠咁其实而家都新开左好多餐厅既咩国家既菜式都有 有平有贵啦作为学生哥一名 就唔想晏就都食咁贵所以行左几间格下价睇过哂 见到呢间写住2人套餐138包左2位饮品 pizza 主食同 小食各一都算几抵呀！虽然未知份量你知啦 西餐呢啲野 碟就大 𩠌就少拣好食咩 等左一阵就开始上菜啦！几快手！我拣左罗宋汤有料既，唔会得水，我觉得黑椒味重左啲，所以饮落辣辣地～另外杯热咖啡就正正常常咁！野饮上左之后大概6、7分钟就上饭啦呢个系白汁鱼柳焗饭～都够2个人食㗎 系炒饭底黎 特别香～鱼柳冇雪鱼味 不过都较干身 都唔期望系新鲜鱼柳既跟住到小食 呢个系焗薯皮上面铺左邪恶既芝士同肉酱～几好食呀我觉得 脆脆地好有口感！推介呀！最后就系pizza 呢个系三文鱼pizza佢唔系大大块三文鱼 系鱼肉碎个种 好似吞拿鱼罐头咁呢～唔知佢落左咩酱 不过好好食！有啲沙律菜系上面中和番 冇咁溜！惟一缺点系 会滴油出黎 唔知系啲酱有油定其他配料有油～总之食个阵小心啲啦 小朋友好易整污糟件衫！服务态度良好 有上错过小食 都即刻帮我换番 最后 仲要冇收加一添呀！埋单都系138 系大家乐食个饭都上百啦～比多少少坐得舒服又食到唔同种类既野 唔错！
继续阅读
难得星期五，紧系出去食下野happy Friday. 适逢早排收到呢间餐厅的coupon，吾好错过就黎食啦！六点半前仲有下午茶menu, 真有良心哦！ 不过我们今晚迟了五分钟入座，所以与「下午茶」无缘了😅吾紧要，因为真心觉得呢度好抵食。我一路都钟情于有蕃茄汤通粉呢一类的「常餐」，今次都吾例外，蕃茄汤通粉加壳饲薄牛扒，牛扒肉质几滑，通粉仲要加只蛋，我觉得比起一些出名得茶餐厅更美味。 另外我们叫了忌廉芝士海鲜露荀焗饭，d 饭一粒粒吾会俾d汁整到「淋晒」，而且有蛋香，吾只白饭咁简单！餐饮又好多款俾你拣，普通柠茶柠水奶茶咖啡外，仲可以点好立克阿华田朱古力吾驶加钱。张coupon 任何惠顾都可以减$35，正！
继续阅读
今天星期六一家到屋苑商场吃下午茶，带著几个小朋友叫了一个二人combo 餐，有pizza, 意粉和小食，谂著小朋友吃个下午茶份量刚刚好......本来一直很正常，向一位男侍应落order等食，不够两三分钟我先生见加$6可𨍭普通餐饮至菠萝红豆冰，于是问男侍应可否转，但他说已落单了，我先生也只好作罢。如是者...我们一直等...也没有食物来...等到几位小朋友开始叫肚饿...我们只好先要了几杯水，之后忍不住叫另一位女仕应追单（当时男侍应不在），那女仕应话好，帮我们追...但一直没有食物来...小朋友已没有耐性不断叫肚饿...我们再追问另外两位女侍应......才告诉我们没有下单！！！还告诉我们那男侍应较早前离开了餐厅去吸烟😡😡😡我们白白在餐厅等了半小时有多得个吉！！！满肚气忍唔住骂了那两位女侍应，并拖著小朋友离开。刚离开餐厅，见男侍应回来，成身烟味，我又忍不住再骂他，虽然他有向我们讲唔好意思，但有用吗？成件事...我们一家跟本就给这餐厅的侍应玩😭住在这区多年，从未blacklist 个一间餐厅，这是第一间！小朋友从未见过我在街上骂人，今天见了两次😭😭😭
继续阅读
今日与同事到附近工作，由于赶时间，见这间不用排队便入内用餐。我点了蕃茄滑蛋汤意粉配美式谷饲薄牛扒，蕃茄滑蛋汤意粉我觉得不错，用餐后整个下午没有太口渴，应该没有太多味精吧。块牛扒一般，有点痴牙及「un」，有点失望ORZ。同事S点了经典鲜茄芝士焗猪扒饭，S话猪扒饭中尚，猪扒饭用上新鲜菠萝，饭底用鸡蛋来炒，猪扒亦煎得香脆，味道不错。同事J点了黑白胡椒汁芝士焗烟薰鸭，J话烟薰鸭其实是普通平日吃的烟鸭胸，没有特别，但饭有浓郁芝士香，如果爱吃芝士的朋友一定喜欢。两位同事跟餐送汤，是日餐汤是忌廉汤，两位都说麻麻，颜色看似南瓜汤，饮下去是忌廉味，但有些粉粒。
继续阅读