威利餐廳 (已結業)

今日(3-10-2010 Sun)起床後,同男友去食早餐後,佢就返工,去邊o度食好呢?佢提議呢間,啊,好啦.我揀o左$22.00o既西式早餐,有煎豬肉漢堡,火腿煎蛋同牛油多士,飲熱奶茶.男友要$25.00o既香茅雞翼湯河,加$2.00要凍檸茶.兩杯飲品先到,我o既奶茶茶味好夠,夠到只加1.5茶匙o既糖都仍覺得苦苦地.之後早餐o黎到,睇到我o個份都幾熱氣,多士燶o左啲,我冇諗話連火腿都煎一下. 豬肉漢堡有兩件,呢啲買返o黎o野,冇問題啦;蛋煎到o岩o岩好,冇燶位,正;多士o既牛油塗得夠,又係唔錯.男友o既香茅雞翼湯河呢,有三件炸過o既雞中翼,又係好熱氣,男友食第一,兩隻雞翼話唔夠味,只係雞皮有啲香茅味.唉!食咁o架喇,o衣o家點知o係皮o度拮幾吓o黎醃?而河粉OK喎,幾滑.但佢食到第三隻雞翼時,話酸酸地,唔知係咪壞o左,叫我試.我試呀,似係白醋o既味道,佢就照食喇.

尋日(8-4-2010 Thur)朝同男友起身後食早餐,問佢想去邊o度食,佢話呢間.佢話有好多唔同o野食,好得意.咁好啦.佢叫個$19.00o既營養早餐,有腿蛋治,麥皮同飲品,佢要o左熱奶茶.而我就要$27.00o既餐,有牛油多士,吞拿魚火腿庵列同珍寶腸通粉,飲熱檸水.飲品同男友o既麥皮好快到,之後到我o既牛油多士同吞拿魚火腿庵列,多士夠脆冇問題,而庵列呢,原來加o左吞拿魚覺得鹹o左啲同麻麻地好食,但庵列(蛋)皮幾薄,唔錯.男友食腿蛋治時,話冇留意有蛋,變o左明明想降膽固醇都變o左得個桔,佢重話隻蛋炒到好滑,真係魔鬼.而我o既珍寶腸通粉呢,珍寶腸切得好靚又大條,通粉正常啦,呢個餐食到我好飽.

尋日(28-3-2010 Sun)同男友起身後食早餐,開佢想食邊間?佢話呢間,哦,咁好啦.o黎到時,唔太多人,有好幾張卡位,由於有好多選擇,我o地都睇o左幾耐.我要$21.00 o既腸仔漢堡公仔麵,飲熱奶茶.男友就要$19.00o既皮蛋瘦肉粥同日式炸餃子,加$8.00要凍檸茶.好快,兩杯o野飲先到,奶茶只係暖暖的,茶味一樣係有但唔太濃.之後男友o既皮蛋瘦肉粥,嗅到好香,見到米好多,我又試吓先,粥味同口感好似自家煲咁正,感覺好過江記o既咁稀,不過男友話有加味精,而皮蛋味夠腍,有啲煙韌.我o既腸仔漢堡公仔麵o黎到,湯唔多油,呢個比較清淡,但唔算差.最後係日式炸餃子,一碟六隻,重自己醒目地拎埋支黑醋o黎,餡係韭菜豬肉,OK的.

今朝(27-2-09Fri)同男友試吓呢間o既早餐,o黎到,只剩返一張卡位o係另一個門口,睇吓餐牌,呢o度o既早餐重平,只係$18.00.我叫o左沙爹牛肉通粉,火腿煎蛋牛油方包同熱奶茶.男友就要牛奶燕麥,腿蛋治同熱檸茶.好快,兩杯o野飲到o黎,我先落糖飲吓,同廣發o既差唔多,都係有茶味但唔夠濃.又好快,o野食都到齊.通粉上o既沙爹牛肉極少,得一撮仔,而煎蛋就得一隻,先食通粉,啲牛肉係連刀一條過,懶得切,而侍應又冇畀餐刀我,就係咁,我只好一啖食晒佢,佢係有好濃o既牛肉味,但連筋,韌韌的,好難咬開,真係好易哽死. 又冇乜沙爹味,而通粉份量亦唔係多,一般.到煎蛋,由於冇餐刀,我就用鐵匙當刀用,煎蛋係凍凍地o既,即係一早煎定啦,唉!而火腿有少少鹹過龍.食完後,我至發覺原來侍應畀o左兩支叉我o地,我問男友,畀多支叉我o地做咩?男友話佢用.我問乜你有o野要用叉o黎食咩?叉住件三文治?好明顯佢o地係畀錯o左.今次真係有’叉’用喇.其他:呢o度有兩個門口係打大斜角開o既,而收銀就o係其中一個門口,我o地坐o既係冇收銀o個邊,但門口o岩o岩近我o地食完要行o個邊,我又懶我兜大圈,於是拎啲零錢出o黎,方

幫襯左佢好多年架啦..我係住係石圍角既..最鍾意佢個下午茶..20蚊一份..幾好食~份量好多好飽..細食既女仔可以兩個人食一個餐..佢薯條餐就最大份..好大碟薯條加豬扒.魚柳或者雞亦..不過佢最近加左價..因為佢d餐具買晒新野~感覺新鮮左好多~~同埋加得唔係太多~可以原諒~