威利華餐廳

营业中

休息中

睇左之前ge食評, 就諗住去試下個牛扒早餐, 好似好吸引咁…入到去, 唔係好多人… 一睇個餐牌, 原來全部都加左一蚊(人手用水筆改^^”)要左 西冷牛扒 拼 腸仔(或者可以要煎蛋) + 牛油多士 + 熱奶茶 ($23) 先黎杯熱奶茶, 比較多奶, 試過唔落糖都OK, 不過衰多手, 落左之後唔知點解好似無咁好味, 奇怪… 西冷牛扒OK啦, 無我想像之中咁好味, 不過真係好大塊, 做得lunch喇, 食食下都幾膩… 腸仔, 咪普通腸一條, 之前D食評講到好好食, 早知要煎蛋可能仲好… 牛油多士, 新鮮送到ge時候真係好脆好好味, 如果加多少少牛油就perfect 喇, 不過世事又點會好似你諗得咁美好…唔… 試完一次就算lu…

威利華早餐.~由細食到大.環境俾我感覺好warm.A餐牛扒.細個成日叫,水準keep住.塊野仲係咁大.沙嗲牛麵.d牛又厚又ok大件,唔會話太細太大.又夠淋.唔似出面d茶記咁呃錢,又細又有筋.火腿奄列.~入面d料十分足料!!.香!!.五香肉丁雞翼.雞翼熱辣辣炸出黎!!.又夠juicy!!.有次叫左,佢話要等,因為炸緊,唔係一早炸定!!加分!!~.五香肉丁又夠辣!!.~坐落d又唔會插你.又唔會俾面色你睇.有個唔好處係.佢唔做晚市.

同事介紹的這間屋餐廳,原來在柴灣很有名,來回半個鐘來食也值得。大家都要扒餐, 我的是滑蛋蝦仁飯。食評說這裡的扒頗佳, 下次要試。這裡的羅宋湯, 賣相與一般無異, 喝下一口, 原來有點點辣, 特別好味。

在這一區來說，這裡都算是半個老牌菜記，是日去街市買菜，順路來這裡吃個早餐。要了火腿奄列及熱咖啡，奄列的蛋煎得不錯，火腿也不是凍冰冰的。但見外面一撮茄豆怪怪的，不去碰它，奈何還包了些茄汁在奄列內，走唔得雞。咖啡不錯，用上了厚身茶杯，感覺又好一點。放下廿一蚊，去買菜了。

熱奶茶好滑, 好飲過其他舖的奶茶, 不過凍奶茶就好似甜左d...

呢度d下午茶餐好掂, 豬扒, 雞翼, 熱狗都好正, 但最掂係豬扒飽, 新鮮煎o既豬扒同熱辡辡o既飽, 都係廿蚊左右, 超抵呀!

今次專登車出黎去呢間食午餐, 叫左個午餐有茄子班腩飯, 青紅蘿蔔湯,同埋一杯飲品$28 好似幾低食, 個茄子班腩d茄子煮到黃今今, 淋patpat好難食, 個班腩麻麻地,有d腥味. 個湯就幾夠火侯, 最差個奶茶, 勁無茶味, 好似飲緊糖水甘, 叫個阿姐反映, 點知佢話:個師傅點沖我理五度架, 甘都得?? 原本呢餐都算幾好食, 不過俾杯勁難飲既奶茶扣哂分, 睇怕有排都五會幫襯!

無叫午餐, 叫左個上鴨脾湯飯($25), 等左好耐先至黎, 不過係值得ge, 因為真係幾好味!湯底夠鹹, 不夠多味精左少少, 食完之後有D口渴...鴨脾大大隻, 好夠味!仲有冬菇, 冬瓜粒, 同埋菜, 好健康!偷食左阿爸ge午餐B($28), 都好似幾好味, 凍奶茶(+$2)幾滑...唔怪得咁多人等位!

今朝係屋企出黎一支公食早餐.唔使諗啦,實係佢-----威利華.一落到去,好多人....要搭台.算啦,一個人冇乜所謂.落單,諗都唔使諗,A餐(牛扒多士+腸仔)多汁,涷奶茶.唔使5分鐘,A餐到.牛扒大大件(成人掌手咁大).幾淋,d汁夠味,3分鐘後多士到,多士係o岩o岩焗好.夠熱.點埋汁仲好食.美中不足係以前有薯條跟,唔知點解依家變左茄汁豆...埋單$21+$2涷飲,勁飽肚.係柴灣食早餐,威利華一定係首選.

早餐時間朝朝都超多人, 你一坐低都幾乎有人係你隔離望住你食, 好似叫你食快d甘, 超煩.重有你五好以為早餐至十一點就諗住十一點都有得叫, d阿姐十點踏十一就已超快速度收早餐牌架啦!不過因為佢係全柴灣最好食既餐廳, 吹咩~d 牛排超正架, 重有d腸仔好好食架!d炸醬面d朱肉好新鮮, 油棻好好味, 奶茶好好飲!西多好好食! 雞脾好好!唯一五好就係個朱把包五用香香, 扣哂分!

全柴灣最有良心既店舖!!用料正!例湯正!炸魚柳勁正!腸仔勁好食!朱把勁勁好食!牛排好好食!d伙計好好人!老闆娘都好正!

我幫襯左呢間起碼廿年，火腿奄烈係最好食。好多人叫，十幾年前佢奄烈已經賣$18 (包一杯野飲)，當時黎講比其他茶餐廳貴好多，但都大把人叫。九七同沙士期間都唔減價。剛剛(2007年頭)就加價$19。推介的原因：- 蛋好大塊，次次去食都好standard，唔會今次大塊、下次就細塊- 蛋皮好薄，但好香，又唔會用太多油。- 好似樓下位朋友咁講，奄烈內的蕃茄sauce係留客的賣點，唔會乾爭爭，真係好食。- 快。order之後三分鐘左右就食得。

其實已經食過lee個奄列早餐都10幾年喇, 但每次去親去食都會1定食lee款早餐!! lee個奄列早餐咁好味其實係因為d火腿奄列同出面好唔同, 出面d奄列多數都係只係得火腿o係裡面..好dry ~ 但lee度d火腿奄列就除左火腿之外, 仲會有紅蘿蔔..洋蔥同茄汁, 即刻令到成個奄列豐富晒, 仲好惹味!! 而且奄列個份量都唔細, 仲跟多士, 真係好ok ga !! ^^

星期六唔駛返工訓到十點幾諗住落街食早餐行過見咁鬼多人丫見有D位剩咪入去試下囉個時一坐低都係十點十個字阿姐竟然開始收早餐牌仲問我係唔係叫早餐係就快D,早餐咁多款一時之間都唔知叫咩好添咪望下隔離囉,十枱有9枱都食牛扒餐咁我心諗嘩晨早流流都食咁HEAVY~咁係好奇心驅使下咪叫左一客試下囉~女朋友就食五香肉丁雞翼面O首先牛扒餐有薯條加2塊多士,點睇都唔似早餐啦,塊牛扒都有半寸厚,夠大塊唔似大X樂咁干咁薄,薯條同多士雖然熱氣,但點下個秘製汁又幾好味WOO點五香肉丁面冇加4蚊轉丁面,但面都算爽口彈牙,兩隻雞中翼炸到脆卜卜,又大隻而肉丁都OK啦總結2個餐2人食都有D多,不過11點食都頂到下午4 '5點都OK啦,惟一係個涷O茶有D劫,下次都係叫返涷奶茶算LU

大熱天時真係冇飯癮，望勻個餐牌都諗唔到食乜，最後決定要碗鮮魷湯麵，來到後，好香麻油味，麵淥得剛好，雖然冇醋，但完全冇鹼水味，鮮魷勁多，而且唔韌，好好，還有菜、磨菇、紅蘿蔔片等大量配菜，感覺相當健康。