姚姚酸菜魚 (屯門市廣場2期) (已結業)

屯門開左間米芝蓮推介嘅酸菜魚《姚姚酸菜魚》，終於有時間嚟食🤩裝修設計簡潔但華麗，以湖水綠色為主調，有種海洋感覺除左天花板嘅酸菜魚，其他菜式亦非常出色神仙套餐～滋味共享套餐$438💁🏻‍♀️片皮鴨(半隻）💁🏻‍♀️姚姚酸菜魚(2-3人份）💁🏻‍♀️川味鴨架💁🏻‍♀️是日涼菜呢個價錢太抵食，唔試對唔住自己🐟酸菜魚係用新鮮鱸魚切塊，份量好多，湯底口感酸酸麻辣，魚肉嫩滑，酸菜易入口，配料辣椒花椒份量多，但辣度可接受（可按自己喜歡程度選（辣，麻….）🦆片皮鴨賣相贏哂，鴨皮切得好靚，鴨皮金黄😍，皮脆肉嫩，搭配京蔥絲青瓜絲蘿蔔絲，真係好出色🦆川味鴨架以川味醬炒出嚟好惹味，少少辣，會有種食唔停口感覺🥕是日涼菜係醃蘿蔔，份量好多，爽口清新，非常之開胃🍋凍檸檬蜜糖烏龍茶（另加$15），茶香味濃郁清新，味道甜甜酸酸，非常之解渴解辣，消消暑

再次到訪屯門市廣場姚姚酸菜魚！試咗佢哋非常抵食嘅神仙套餐$338 就食到片皮鴨同酸菜魚片皮鴨非常高質！！大推🤩首先係佢塊皮已經好好食！鴨肉仲用嚟做咗川味鴨架，非常惹味。咁平嘅價錢食到咁好味嘅片皮鴨希望套餐長做長有，一定會經常幫襯👍🏻另外叫咗麻辣牛肉香鍋，味道都幾辣唔食得辣可以叫佢小辣份量非常多，牛肉好好食👍🏻👍🏻炸鮮奶做甜品，外脆內軟 正。下次再嚟試吓其他套餐多啲人去食仲正，可以試晒咁多樣嘢🥹

呢排係屯門返工，收工去屯門市廣場搵野食，發現開咗姚姚酸菜魚，價錢亦好合理。今次叫咗一個二人份酸菜魚，可以自選辣度。我叫咗小辣，味道岩岩好勁多酸菜同配料。最鍾意係配寬粉，煙煙unun 。另外魚片份量都好多，仲有幾個蠟燭喺下面keep住個溫度另外仲叫咗碟口水雞，雞份量多，唔會話好辣，雞亦都好滑最後叫咗個甜品，紅糖糍粑。呢個甜品佢炸到好脆口，裡邊好軟糯，值得一試。最後叫到其實呢間鋪有好多套餐，仲有四人餐，雨次多人啲先試

朋友突然間想吃酸菜魚，所以便相約在平日晚上來到姚姚酸菜魚一聚。這次叫了兩樣食物，兩款食物的份量都非常大。▶️ 姚姚酸菜魚我們叫的是二人份量，$288一份。這個份量已經非常多，魚肉非常滑溜，每一件都大大塊，配菜酸菜亦非常充足。我們選擇了中辣，這個酸辣到剛剛好，很不錯。▶️ 麻辣豚香鍋麻辣香鍋內有豬腩片、重慶酥肉、鮮豆皮、椰菜花和薯角。香鍋的份量同樣是非常大，蘇肉炸得香脆，豬腩片有咬口，鮮豆皮吸收了麻辣香，非常惹味。餐廳現在做優惠，$300以上便送麻辣小龍蝦一碟，小龍蝦把麻辣汁都通通吸收，香辣惹味。除了這個優惠以外，餐廳還有一個四人用的套餐，只需$868便有涼菜、小食、時蔬、主菜、飯類、飲品和甜品提供，性價比非常高。總括而言，姚姚酸菜魚是吃川味晚餐不二之選。

今日約咗住喺屯門嘅朋友食飯，去左屯門市廣場，先知道原來屯門都開咗姚姚酸菜魚，朋友話好耐了🤣 搬離開屯門後，真係好耐冇返過嚟，好多餐廳都唔同晒。餐廳都幾舒服，位置好寬敞，成個裝修都用咗同一種顏色，雖然係食酸菜魚，都唔會感覺好污糟，環境光猛舒服。我喺菜單度睇到有唔同口味嘅酸菜魚，其實之前喺尖沙咀就食過酸菜魚，反而未試過姚姚番茄魚，就決定試吓呢款。我加配咗豆腐同埋豆皮，放落湯底度非常入味，而且呢個湯底唔辣，就咁飲都可以，番茄嘅酸甜岩岩好，其實應該係偏向甜味，啲魚就一如以往，都係好新鮮，而且份量非常充足，仲有啲寬粉喺底部，食到我哋兩個抱住個肚走。另外叫咗碟炒白菜，都幾辣，好過癮。最衰我哋今次得兩個人，我見到佢餐牌有個四人餐，抵過散叫好多。下次多啲人一齊食可以叫呢一個。

在屯門市廣場也有姚姚酸菜魚，沒時間上深圳吃，在香港也能吃到。裝修風格跟深圳的店一樣，以藍白色為主，座位寬敞舒適，招牌菜式的味道，也跟深圳吃的不相伯仲！餐牌除了原有的菜式，並增加了一些港式味道，如蕃茄湯酸菜魚。最近新推出的四人份量川味豐盛套餐，優惠價$868，也很適合家庭或一班朋友飯聚。今天我們二人光顧，也決定選二至三人份量的滋味共享套餐$438，有酸菜魚又有片皮鴨，吃得豐盛又划算。餐前小吃有醃蘿蔔，份量一點也不吝嗇，酸甜話梅味道，爽口清新，非常開胃。姚姚酸菜魚二人份，魚的份量比其他酸菜魚餐廳多，鱸魚肉全部無骨，鮮嫩滑溜，選了中辣湯底，酸辣到夠濃，吃得更開胃，魚頭也吃個精光。喜歡吃這裏的酸菜，多用粗莖，吃著爽口又無渣。還有芽菜、雜菌，吸收湯味之餘，增添爽口感覺，超好吃！特別推介片皮鴨，真的很美味！先說說麵皮，薄得透光，還細心的用蒸籠紙隔開一片片，麵皮不會黏在一起；包好片皮鴨，咬下感覺到鴨皮油脂油香四溢，朋友也讚口不絕。鴨脾特地用錫紙包著骨，可以拿著整隻鴨脾吃，撕開鴨皮與脂肪的感覺，真的太邪惡了！鴨架還製作成麻辣涼拌，意想不到的好吃！本身鴨架已有鴨肉和醃料香味，簡單的潑油，已經美味到不行，

好少內地喺香港嘅連鎖分店係好味，黎到香港總係各方面都會有參差，但呢間嘅味道同服務都有內地嘅質素，個片皮鴨甚至比內地嘅還要出色！價錢都係合理範圍，比起其他本地得個貴字嘅酸菜魚，性價比算唔錯！

屯門市廣場 姚姚酸菜魚🐟姚姚酸菜魚 二人份 $288有得揀辣度、酸度、麻度 另外仲可以加唔同配料𠻹 我哋就揀咗少辣 嚟到嘅份量真喺夠曬兩個人食 魚嘅份量好多 不過我個人覺得少辣反而嫌唔夠辣 如果食到辣叫返正常辣會入味啲酸菜魚配埋白飯食簡直一流🍚 姚姚雞翼🍗 4隻$68一開始怕唔夠餸 所以想再叫小食 可能因為我哋太遲去到 好多麻辣小食 例如 麻辣牛展 豬耳等都賣曬 所以就叫咗呢個姚姚雞翼 佢嘅做法應該喺最近內地好興嘅奧爾良雞翼 食落幾特別 有少少甜甜地咁 飲品🥤暴打青瓜🥒檸檬茶暴打檸檬茶另外佢仲有啲四人餐 望落都幾抵食嘅 下次多人嚟吃可以一試

香港越開越多酸菜魚食店，老實講間間味道都差唔多，早2日食依間真係好推介試下，第一係好識得留顧客，滿$300送小龍蝦一碟🆓，平時出去食小龍蝦都過百蚊，即刻覺得好抵食！第二係配料份量多又大件，特別係會另外一碟上，唔係放係酸菜魚入面，配料個碟有哂湯底仲要勁香蒜味，唔知以為嗌多咗一味餸🐟姚姚酸菜魚(2人份) $288酸菜又多又大塊，成個湯底酸度恰到好處，唔會過分酸蓋過晒食唔到鮮魚肉味，魚肉煮到剛剛好熟，一夾係夾到大大塊滑溜魚肉，入口好鮮甜，加上酸菜更加鮮，價錢合理～配料揀咗千葉豆腐($38)/寬薯粉條($38)/午餐肉($48)，配料另外用碟上，有酸菜湯底之餘加咗大量乾蒜勁惹味！🥥多多桃膠椰奶 $48椰奶味好香濃，底部有桃膠同紅豆粒增加咬感同更加健康～🆓麻辣小龍蝦 (滿$300免費贈送)免費送都唔馬虎，好多隻小龍蝦㗎，底部仲有大量芽菜做配菜，麻辣汁超正！越食越停唔到口！埋單係門口睇到有四人餐都係$868幾抵食，下次約多2個朋友食先😋

再次到訪屯門市廣場姚姚酸菜魚！試咗佢哋非常抵食嘅神仙套餐$338 就食到片皮鴨同酸菜魚片皮鴨非常高質！！大推🤩首先係佢塊皮已經好好食！鴨肉仲用嚟做咗川味鴨架，非常惹味。咁平嘅價錢食到咁好味嘅片皮鴨希望套餐長做長有，一定會經常幫襯👍🏻另外叫咗麻辣牛肉香鍋，味道都幾辣唔食得辣可以叫佢小辣份量非常多，牛肉好好食👍🏻👍🏻炸鮮奶做甜品，外脆內軟 正。下次再嚟試吓其他套餐多啲人去食仲正，可以試晒咁多樣嘢🥹

作為一個酸菜魚之迷，梗係要積極搵下香港出色嘅酸菜魚啦！姚姚酸菜魚有幾間分店，質素應該有保證，咁梗係要試試佢啦！🌶️🌶️🌶️麻辣牛香鍋 $198睇見用左美極鮮辣汁整嘅美極®️鮮辣汁麻辣香鍋，超吸引！即刻想試下睇下偷唔偷到師自己係屋企都買個汁返黎試下整呀！見到咁多辣椒有d驚，但個鍋有充分發揮辣椒嘅香味，但就香得黎唔會令人辣到好辛苦。為各樣食材都增加香辣感，豆皮有嚼口，而且最吸辣汁。椰菜花就爽口。牛柏葉勁入味，牛肉嫩口好香！‼️好食指數 8/10‼️推介指數 8/10🐟🐟🐟招牌姚姚酸菜魚 $138因為我係鍾意食辣，但又好怕辣嘅人，第一眼見到咁多辣椒，真係有d驚。但食落去，整體味道濃而不辛，所以對我而言就fit到爆。魚肉有鮮味，滑得黎又有咬口，份量都好足夠。酸菜酸酸甜甜，十分可口。仲送咗兩碟小食，頭描生菜同青瓜鳳爪，生菜好爽甜，同埋青瓜都正好食食下解膩。‼️好食指數 8/10‼️推介指數 9/10🌈🌈🌈彩虹烏龍冰粉 $68食完咁多刺激嘅野，食返一個冰凍甜品就零舍透心涼。冰粉入面有勁多唔同嘅料，有紅豆、黑芝麻、提子乾等，有唔同嘅甜感滿足。而且冰粉底有淡淡烏龍茶香，食完解辣之餘，仲幸福感滿滿。‼️好食指數8/10‼️

今日係一個人的晚餐系列，行咗成個屯門市廣場好耐，揀嚟揀去都揀唔落手，見到呢一間姚姚酸菜魚，已經俾佢個名吸引住，驚佢點姚法我好想知道，所以我入去坐低叫咗個餐食吓。我用咗唔同嘅角度去分析一下今次嘅餐飲體驗。依個係$100都唔使嘅套餐，大家睇相都知個碟相當大，入邊啲料都好多，其實個形式就好似車仔麵咁樣樣，有張點心紙俾你掂啲餸，然之後佢就一夜揈晒落個碟度，我今次就叫咗啲菜啊，豆製品啊，仲有少少牛肉，湯底上嚟講唔係話好濃味，以呢個價錢嚟講，我覺得正正常常，另外佢本特飲都相當特別，係一杯青瓜凍特飲，味道嚟講係清新嘅。喺環境方面，店內有好多卡位，我一個人嚟食都可以坐一張卡位枱，用餐空間相當足夠，私隱度亦高。上餐速度快，職員服務態度良好。地理位置方便。整體嚟講，如果係一個人用餐的話，呢一間店10分適合，因為佢唔會比一張好窄嘅枱你。人均消費：$97Wifi：可用樓上Taste的免費Wi-Fi，接收良好。

同喜歡吃辣嘅朋友去屯門食姚姚酸菜魚， 一嘗佢哋新菜式✨美極®️鮮辣汁麻辣香鍋， 我哋今次叫✨ 麻辣小菜麻辣豚香鍋呢個 美極鮮辣鍋有好多配料呀，食極都食唔完㗎， 酸腩片重慶酥肉， 炸到非常可口 ，都唔會好油膩，另外，酥炸香肉好有美極香味 ，把肉嘅鮮味提升 ， 配料有鮮豆皮， 椰菜、豆皮充滿麻辣醬汁 ，好 惹味呀 ，花薯角非常香口 另外我哋好想食酸菜魚同北京烤鴨，我哋發現有個神仙套餐呀。✨春夏滋味套餐， 💕姚姚酸菜魚精裝版 酸菜魚做得非常出色 ，魚片勁多和份量十足， 酸菜味道啱啱好。 北京烤鴨嘅鴨皮真係好香口呀 ，一咬卜卜聲 ，而且仲有好多肉片呀 ，性價比十足。還有半隻配酸味鴨架， 真係吃到飽飽了👍

作為川菜界的一匠心之作，姚姚酸菜魚在香港的各大分店均深受好評～ 最近就試咗屯門的分店，體驗了這道經典菜品的魅力，店鋪環境雅致清新，裝潢都係用木質元素，配以簡約的現代風格。今次嚟點了他們的新品 麻辣牛香鍋，上菜已經覺得好香，令人食指大動，牛肉辣得過癮，多油多辣的關係建議要配白飯。到2人份姚姚酸菜魚鍋，肉質地彈牙，冇一絲腥味，酸菜的酸爽恰到好處，與辣椒、蒜泥等調味料完美融合，口感層次豐富都唔錯嘅。相信同朋友還是家庭聚會，都是不錯的選擇，重口味/喜愛川菜的朋友會喜歡！

同朋友好耐無見，今晚約出來試下呢間飯店，見到有海陸空套餐，就決定試下。海陸空套餐：姚姚酸菜魚＋水煮牛肉北京烤鴨小食：川味鴨架星期三堂食滿$300，送口水雞添。姚姚酸菜魚🐟＋水煮牛肉🥩一上枱見到紅卜卜，已經有d擔心，會唔會好辣，好彩酸菜魚嘅魚爽口彈牙，反而水煮牛肉，我覺得辣咗少少，最啱鍾意食辣嘅朋友。北京烤鴨🦆熱辣辣嘅薄皮包住烤鴨，再加上 醬汁同配料，我真係忍唔住，食完一嚿又一嚿，呢個份量兩個人食啱啱好。口水雞🐔因為呢個套餐已經好豐富，再加埋呢個口水雞，根本食唔曬。口水雞好嫩滑，辣度適中。如果三個人嚟食，應該可以食清晒。