姚姚酸菜魚 (港威商場)

营业中

休息中

久唔久都再去幫襯一次姚姚酸菜魚，自從上次試過佢個香鍋之後返唔到轉頭，所以今次帶埋老友去試下，希望可以令到佢入坑！之前去咗順德，所以頭盤揀咗炸牛奶，外層好脆好鬆化，口感好特別，初頭睇賣相以為會好油好漏，但入口一啲都唔覺得漏，當咬完之後就就好似溶化左咁，值得一試。香鍋配料揀左豬頸肉、魚片頭、豬腩肉、蝦等等，呢個鍋辣味適中，食材都夠香，其中最正最驚喜係蝦，超級香口，蝦殼都脆卜卜，超級邪惡。臨走嗰陣見到Menu上邊原來有多人套餐，下次都可以帶埋屋企人嚟食，就咁睇落都好抵，值得下次再黎食！@yaoyaohongkong

姚姚酸菜魚🐠📍香港尖沙咀廣東道3-27號海港城港威商場2樓2307號舖（港鐵尖沙咀/尖東站A1 出口，步行約7分鐘）♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎最近，相信好多人都會去尖沙咀睇多拉a夢😂，去到唔知食咩好？不如去呢間位於海港城既人氣粉藍色調既酸菜魚店試下啦🤩，順便可以配合返多拉a夢藍色既主題🤭，影相都靚d。🌟姚姚酸菜魚（2人份）$288好大盆既酸菜魚呀😯，個盆係粉藍色，襯返間餐廳個主題。另外，魚肉亦都好嫩滑。🌟酸辣土豆絲 $58呢個菜式梗係用嚟送飯啦🙈，岩晒鐘意食飯人仕。🌟藤椒無骨鳳爪 $68無骨既鳳爪係特別吸引既🤤，懶人岩晒。🌟姚姚脆奶 $58呢個必試，外脆內軟，好好味😋。🌟特級米飯 （1碗） $18整體推介指數：❤️❤️❤️❤️❤️♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎

我和朋友最近造訪了位於尖沙咀港威商場的姚姚酸菜魚。整體來說,這家餐廳在菜品質量和口味方面表現出色。首先,他們的招牌菜式——酸菜魚十分出色湯底酸香適中,不會過於刺激,反而帶有一種醇厚的回甘味。魚肉本身鮮嫩多汁,口感讓人難忘。搭配上飽滿爽脆的酸菜,口感層次感豐富。這道菜展現了廚師的功夫。此外,我也嘗試了他們的麻辣乾鍋。這道菜的麻辣程度恰到好處,不會讓人感到過於刺激。鍋中的食材新鮮可口,與濃郁的湯汁相得益彰。值得一提的是,他們採用了美極®️鮮辣汁作為調料,為這道菜增添了獨特的風味。分量也十分豐富。總的來說,姚姚酸菜魚在菜品質量和口味方面都表現出色。無論是招牌酸菜魚還是麻辣乾鍋,都讓人難忘。

🍊 餐廳名稱：姚姚酸菜魚 (尖沙咀)🐝 味道：8/10環境：8/10整體分數：8/10💰人均：$300+———————————————————呢間可以話係人氣長期都高企嘅酸菜魚店，每次去都係爆場咁濟！不過最特別係除左一般嘅川菜之外，竟然仲有北京填鴨食！一直心念念左好耐今日終於可以滿足我所有願望。麻辣香鍋💰269呢款由「美極」x姚姚麻辣香鍋，$48鍋底自選5食材以上！我今次就揀左午餐肉，鮮蝦，花菜，土豆&魔芋絲。賣相已經令人垂涎三尺，美極嘅香氣真係食指大動。每份食材都好入味，食得好過癮！春夏滋味套餐 💰338呢款套餐係佢地嘅皇牌，我入到去基本上人手一份！有招牌嘅酸菜魚，份量雖然係精裝版，但2-3人食絕對唔成問題！魚肉質嫩滑，大大片，酸菜正正常常，唔會太酸，一般人都會喜歡嘅味道。另外就會有半隻北京烤鴨，雖然呢間餐廳唔係主打烤鴨，但唔係馬虎了事。鴨皮透亮油光，食落脆口油香滿瀉，皮薄，合格有餘！最後有埋孜然椒鹽鴨架，中規中矩，喜歡lun骨嘅朋友仔可以試吓！🗺️ 尖沙咀廣東道3-27號海港城港威商場2樓2307號舖 🔍#FlavorforToday尖沙咀🚆 尖沙咀站A出口，步行約8分鐘

最近去咗尖沙咀依間「姚姚酸菜魚」食晚飯，因為見到佢居然係同「美極®鮮辣汁」聯乘合作，本來我就好鍾意「美極®鮮醬油」，所以對佢哋嘅出品味道好好奇。*此餐廳收取加一服務費。麻辣香鍋麻辣鍋底加配鮮蝦、魷魚鬚、巴掌肥牛、四季豆、豬頸肉（單點$314），內有大量青椒、芫荽、花生、芝麻、辣椒，巴掌肥牛肉質肥瘦適中，略嫌肉質食落比較乾身，牛味濃厚；鮮蝦經過油炸之後，蝦殼口感香脆，可以直接食用，蝦肉肉質爽口，味道鮮甜；魷魚鬚肉質厚身，口感彈牙，食落有鮮味；豬頸肉食落有咬口，略嫌比較細碎；四季豆味道香辣。藤椒無骨鳳爪（單點$68），表面鋪有藤椒、指天椒、青花椒、芫荽，醬汁採用陳醋、花椒油製作，味道酸辣，無骨鳳爪食落啖啖肉，略嫌食落未夠入味，蓮藕口感爽脆。麻醬雞絲粉皮（單點$68），醬汁另上，麻醬表面鋪有芝麻，口感稠身，略嫌味道偏鹹，粉皮口感爽滑，建議逐少逐少蘸點麻醬會比較好，配以雞絲、青瓜食用，味道清爽。紅豆烏龍冰粉（單點$38），表面鋪有紅豆、花生、青葡萄乾、小丸子，略嫌小丸子口感比較硬實，冰粉口感滑溜，食落烏龍茶茶味清香。手打檸檬茶（單點$38），少甜少冰，採用四季檸檬製作，味道酸溜。凍低糖紫米豆漿

有時，北上舟車勞頓真的覺得很累。香港吃酸菜魚治癮。這家店算頗有名氣，但平日晚飯時間看來不用等位。早前，平日晚到海港城分店不用排隊，相當方便。吃得酸菜魚，酸菜魚就是主要食物，但喜歡新意，於是點了雙拼，指的是酸菜魚拼避風塘大蝦。先講起家的酸菜魚，湯底都算清甜帶酸，魚片滑亂，沾上酸味，味道鮮甜。另外，配搭對比強烈的避風塘大蝦，蒜香、辣味充足。抵食嗎？我數過蝦份量大約有12、3隻，都有半隻手掌大，都可以接受。由於太耐沒有吃，所以還點了麻辣香鍋，配料自己選擇。我便選擇了比較難烹調的田雞、重慶酥肉、土豆。田雞肉爽滑，蘇玉帶油香，而土豆呢，盡吸調味，好惹味。每一啖配料都充滿美極鮮辣汁的香味、辣椒的辣和香，配飯吃一流，但實在好熱氣，始終是辛辣炸物。所以吃完火辣、熱辣辣的美食，當然要清一清。因此我選擇了彩虹烏龍冰粉。一啖有多種層次和口感，因為有脆口的芝麻、煙靭的丸子、有着勁的青提子乾等等，配合帶有茶香的冰粉，清新又滿足。全晚除了酸菜魚以外，最喜歡的就是冰粉。

來到姚姚，除了食酸菜魚，還有很多選擇✿ 今次yo叫咗風味小菜、惹味涼拌、麻辣香鍋都不錯٩(◕‿◕｡)۶✩大盆花菜 $98菜爽脆之餘還炒得又香又美味帶少少辣讓人更開胃(✯◡✯)✩藤椒無骨鳳爪 $68無骨鳳爪鮮嫩香Q有嚼勁♡︎酸甜帶麻，好好食！✩美極鮮辣汁麻辣香鍋 $296美極鮮辣底汁更惹味少辣已經火辣辣（yo廢(^‿^✿)價錢可任選5餸，午餐肉厚切煎香、雞軟骨脆口、蓮藕片香辣爽脆，均是本yo必食☻︎嫩牛肉、豬頸肉是yo的肉肉之選，肉質算軟腍…✩茉莉香橙 $38橙香清甜是水果的甜味，不錯♥︎✩鮮奶紅茶凍 $38紅茶凍Q滑好食撞上鮮奶不太甜，喜歡❣︎

今日去咗位於港威商場嘅姚姚酸菜魚，入咗港威商場大概3分鐘就到！行完街過嚟食飯都好方便～一講起呢間餐廳就諗起招牌酸菜魚同埋美極麻辣香鍋午市套餐超值選有七款，我梗係揀佢哋嘅招牌姚姚酸菜魚配白飯啦，是日小食係酸辣土豆絲，仲有頭抽時蔬同埋手打檸檬茶～首先上咗薯仔絲同埋手打檸檬茶，薯仔絲麻麻辣辣，非常開胃，個面加咗少少芝麻，作為前菜真係一流～手打檸檬茶好fresh,特別叫咗少甜招牌酸菜魚嘅魚肉非常滑溜，配以鮮辣椒同埋辣椒乾、花椒、蒜頭🧄湯底「麻、辣、香、酸」魚片份量好多，已經去除晒所有魚骨～食晒條魚之後魚湯撈白飯就最正👍👍美極麻辣香鍋有超多款配料選擇～豐儉由人，我哋揀咗五個配料，有我最鍾意嘅寬薯粉條、田雞、巴掌肥牛、牛柏葉同埋魷魚鬚辣度選咗中辣～加咗美極鮮辣汁，食落好有風味，層次豐富，辣得好爽！麻辣爆炒牛肉同埋豬頸肉令人回味無窮，麻辣方面都平衡到田雞嘅肉非常滑，外皮好似走過油，保留肉質嘅滑嫩，另外值得一讚牛柏葉，炒得非常爽口最後以嘅甜品作結冰粉嘅面有酒糟、青提子乾、花生、黑芝麻、西米、椰奶，冰凍嘅冰粉可以解一解麻辣香鍋嘅辣味，份量偏多，所以兩個人食一碗就啱啱好

好多時食酸菜魚都會返大陸先食，一來價錢平，要來味道突出，感覺好地道，今晚來到海港城食晚飯，心血來潮試下在香港食國內連鎖店的酸菜魚，睇下個分別！餐廳食飯其中一個重要點就係環境，呢間餐廳嘅座位都好寬敞，都坐得非常之舒服，用咗tiffany blue嘅顏色嚟去做 branding，令人覺得舒服嘅感覺！ 一般中餐都好少用呢隻顏色，只能夠話佢哋集團咁大膽！由於我哋實在太肚餓，亦都擔心酸菜魚嘅份量好細，所以除咗點了酸菜魚之外，仲點多個麻辣香鍋！酸菜魚上枱後真係嚇親我哋，份量超級大！香鍋未來之前都好擔心會唔會食唔曬！佢哋嘅酸菜魚同其他國內大集團嘅有啲唔同，味道唔算太濃，酸菜比較酸，大大片好惹味好開胃，而辣味我哋點了小辣，剛剛好唔會太難而搶走本來嘅味道！魚嘅方面係用鱸魚，所以唔會有太大嘅腥味，而且又白又滑，仲好大片，啖啖肉！麻辣香鍋也超級大份，麻辣香鍋最為明顯，裏面嘅肉同菜食極都唔完，而佢最吸引我點佢嘅地方係因為喺menu上原來佢同美極crossover，所以真係想試下唔同風味嘅麻辣香鍋！食落口真係有美極麻辣汁個香味！我哋點了五樣菜式在麻辣香鍋上，包括有蓮藕，香酥肉，花菜，牛柏葉，同雞軟骨。呢啲菜式完

朋友介紹，去試一試~朋友介紹呢一間，佢話酸菜魚同埋水煮牛肉都唔錯，於是身為酸菜魚既Fans，我就去左海港城試試佢！週末下午大概2點半Walk in，唔需要等位，入到嚟環境系可以既，座位都算寬鬆~ 但枱同枱之間就有啲貼，會聽得好清楚隔離枱傾計~2個人叫左一份酸菜魚2人份HK$288， 如果想試埋水煮牛肉，可以好似我朋友錦，擇酸菜魚拼水煮牛肉，都系貴HK$20，2人份HK$308~ 2人份魚唔算太多，但都系預料之內，因為我地有加米飯，所以又未至於唔飽，而味道方面，可能因為我之前有食過幾間好食既酸菜魚，對比之下，唔覺得佢好去到要推介既程度，個人評分3.8分，唔算太差，但又未到會有下次~姚姚酸菜魚2人份HK$288 *另收加一服務費

味道：⭐️⭐️⭐️❶麻辣香鍋 $48（嫩牛肉 +$55；雞翼 +$40 ；四季豆 +$38 ；寬薯粉條 +$40；雞軟骨 +$50）上枱既時候比面頭嘅辣椒 嚇左一嚇😂好彩食落都算handle到😆配料方面最少要揀5️⃣款所以我哋就揀左嫩牛肉 ＋雞翼 ＋四季豆 ＋寬薯粉條 ＋ 雞軟骨🐣個人最like就係寬薯粉條同四季豆🥵寬薯粉條 煙煙韌韌 超鎖汁 食落香辣又惹味😋四季豆保持住脆嫩既口感 為呢個菜色增添左口感同層次👄呢個麻辣香鍋同平時食到嘅有啲唔同😺醬料方面係用左美極鮮辣汁👻美極鮮辣汁用左小米辣椒同花椒提練而成🌸 風味獨特醇厚同時又唔嗆口⏳❷紫蘇牛蛙 $198牛蛙係預先炸過再炆嘅🐸食落多左一層炸皮 同平時既唔同🈶而紫蘇葉片質地較軟 味道清新😵❸茉莉香橙 $38茉莉花茶茉莉花香氣幽雅 清新怡人🍵再配合香橙 令整體多左一份甘甜🍊❹手打檸檬茶 $38同平時茶記既檸檬茶唔同🍋係用左香水檸檬💚香水檸檬比黃檸檬 酸度更搶更鮮明👍🏻檸檬同茶底互相配合 味道甘甜清新🏌🏻‍♀️

難得星期日去海港城行街，夜晚同朋友直接係附近搵食。姚姚酸菜魚就係附近，見浸味好香，一於就試下佢個招牌酸菜魚！成間餐廳都係用Tiffany Blue既顏色為主，同一般市面見到既酸菜魚既中餐廳大紅色好唔同。由於我同朋友都唔係好食得辣，所以叫定兩大杯鮮水果烏龍茶，用黎解辣用。一杯成$48都唔平架。要左個雙拼，姚姚酸菜魚拼水煮牛肉。落Order既時候可以按自己口味同需要揀辣度、酸度、連麻度都可以揀。我地就要左個小辣其他正常。相比之下水煮牛肉比酸菜魚辣，但兩個都好好食，係可以接受既辣度。我同朋友一大兜全部清哂，飽住咁走

今日嚟到尖沙咀食姚姚酸菜魚，見到佢有個美極麻辣香鍋都好吸引！！咁今次就唔食酸菜魚住啦麻辣香鍋$48 之後再自選配菜(五款起)配菜大約三十幾至五十幾蚊左右最欣賞就係可以全部材料自己揀，一定岩食🤩🤩我就揀左土豆，嫩牛肉、豬頸肉、雞軟骨同埋午餐肉Total: $296嚟到份量都好多，大約係三至四人份左右味道都好入味，冇加辣嘅我哋覺得唔辣，食得辣嘅朋友可以選擇加辣😛麻麻辣辣口水雞 $98熟到岩岩好，肉質都好嫩，味道唔錯，不過都係可以再辣啲😛🤣麻辣豬手 $98一嚟到見到成碟都係辣椒好興奮，煮得好淋，岩哂我 夠入味！讚🤩見到隔籬嗰台嗌咗雙拼酸菜魚同蕃茄魚，好大盆好吸引，下次一定要試吓先！

▫️其實bookmark咗呢間餐廳好耐，有時見朋友食酸菜魚好似好正，今次終於有朋友約我嚟呢度食飯，但係竟然唔係食酸菜魚，而係食佢哋新推廣嘅麻辣香鍋同埋片皮鴨😍其實呢兩樣嘢我都好鍾意食！✰麻辣香鍋（自選5款配菜起） $284▫️麻辣香鍋做緊promote，用「美極®鮮辣汁」製作，可以選麻度及辣度～ 我自己唔係好鍾意麻辣，就揀咗走麻。▫️自選5款配菜起，我哋揀咗嫩牛肉、雞軟骨、田雞、土豆、四季豆。▫️好惹味，我最鍾意係雞軟骨同四季豆。▫️食完呢個香鍋，有少少想去買支「美極®鮮辣汁」返屋企煮嘢食😍 味道唔錯！✰北京烤鴨（半隻） $188▫️竟然有片皮鴨食，仲可以嗌半隻！兩個人哋食飯都可以食片皮鴨😍 呢個價錢已經係二食，會有埋炒鴨殼。▫️佢哋嘅鴨皮脆而且有一層薄油脂，唔會太瘦，仲有一隻鴨髀一齊上😆▫️醬料除咗甜醬仲有砂糖🤤我食片皮鴨最鍾意有砂糖！✰椒麻皮蛋 $68▫️必食推薦小吃～ 皮蛋晶瑩剔透，蛋黃流心，勁好食！▫️醬汁甜甜地辣辣地，辣度唔高，屬於BB辣。✰新鮮水果烏龍茶 $48▫️唔會好甜嘅水果茶，茶味都幾香，有新鮮嘅西瓜粒菠蘿粒等等，清新豐富。💵2人食👩🏻‍🤝‍👨🏼人均$323.5。

好耐之前有試過一次酸菜魚，其實味道都唔錯，但係嗰陣時仲未有午餐，所以要成二百幾蚊一個人午餐食酸菜魚就覺得有啲太貴，今次經過見到佢出咗麻辣燙午餐，加埋一 100蚊包咗三個葷菜，三個素菜，有麵食嘅麻辣湯，而且仲有一杯手打檸檬茶同埋冰粉，覺得幾ok，所以就入去試下一上碟面盆咁大嘅碗，料嘅份量其實都幾足嘅，葷菜我叫咗嫩牛肉，牛柏葉同埋魚片，嫩牛肉係真係好嫰嘅，牛柏葉亦都淥得啱啱好，係爽脆嘅，而且魚片一啲草味同埋腥味都冇，仲好滑，湯底只有兩款，一係藤椒，一係麻辣，我要咗藤椒，其實藤椒都係有輕微嘅辣味，我覺得比較清爽整體嚟講味道唔錯，海港城入面食到100蚊嘅午餐而且仲係好食嘅，係幾難得，可以返兜