妖之燒物 (已結業)

食物水平：🌟🌟🌟🌟🌟串燒水準高，招牌菜燒黑鱈魚醬汁甜而不膩，魚皮香脆；燒雞泡魚干夠乾身；燒海鮮試過鮑魚同帶子，香濃可口🤤🤤。燒蔬菜都吸引好食，本人😂不太鍾意食茄子🍆，但係有朋友叫咗，姑且試一下。茄子唔會太軟身，夠味得黎唔會搶茄子原身嘅味，結果我食咗3分1，好食！！雖然食物款式唔算多，但食物質素同水準高。期待下次試食明太子薯條同燒鵪鶉蛋服務水平：🌟🌟🌟🌟🌟服務態度和藹有禮，店員會介紹新的菜式，會主動了解客人對食物嘅評價及需要餐廳環境：🌟🌟🌟🌟🌟環境舒服整潔，同餐廳主題吻合，適合放工人士放鬆心情😌😌，或者一班朋友飲酒傾計🍻整體感覺：🌟🌟🌟🌟🌟今次第3次係呢餐廳食飯，有個人、有同朋友一齊，3次都無特別嘅問題出現，食物的質素都係同樣水平。

今日同朋友through OpenRice訂咗枱食串燒，搵咗勁來先搵到個唐樓入口，原來係要上樓嘅仲要行樓梯，上到去門口勁古怪，好大快鏡照住個樓梯口好恐怖成個鬼片咁。入到去冷氣又唔夠，企咗喺門口好耐先有人過嚟招呼，明明都無客，唔知點解可以冇人黎招呼，嘢食選擇勁少，價錢亦極昂貴，講真如果我比咁嘅價錢我絕對唔需要上唐樓食囉，上面仲有日本清酒嗰啲買但係成九百幾蚊一支。串燒未燒熟，入面凍既，啲雞又勁un，咬都咬唔開但成幾十蚊一串串燒。服務員態度極為惡劣一啲笑容都冇。 個晚食完就肚痛，我個朋友柯足全日，我朋友咁啱做工程嘅佢同我講我先知道原來呢啲唐樓食肆係冇任何牌照，點解可以照開，如果食死人咁點算？真係好過份呀！

居酒屋位置較為隱蔽 位於銅鑼灣sogo隔離嘅唐樓上面 餐廳空間唔算好大 但就好有傳統居酒屋嘅feel 啱曬啲想同朋友仔靜靜地傾吓計嘅都市人 燒物水準唔錯 睇得出每份都即叫即燒用心製作 果晚試左大部份燒物 食得出所有食材都好新鮮 當中燒銀雪魚真係冇得彈 為必試之選雞泡魚干咸咸甜甜啱曬送燒酒 個燒鮑魚就口感啱啱好唔會太韌 燒帶子同燒茄子嘅蒜容味非常突出 啱曬啲鐘意食蒜嘅朋友仔果度嘅餐廳侍應亦好親切 果晚佢地仲free左我地飲梅酒值得一提嘅係居酒屋仲有個超靚嘅露台😍 配上精心設計嘅霓虹燈好啱打卡同拍拖傾計👫🏻 所有野都非常滿意 值得再試!

同女朋友過生日🎂找到一間比較舒適的串燒店有驚喜～黑鱈魚好好食翠玉瓜炸雞口感好好炒雜菌味道適中餐廳環境好舒服服務員好sweet 知道我女朋友過生日一齊唱生日歌！仲有即影即有相機！值得再嚟

同男朋友想食下日本野，就揾到呢間串燒店，食物款式唔算多，味道亦不特別，等既時間比起其他串燒相當奈，其中有啲串燒中間仲要係凍既，但又廢事再等，就價錢都可以接受，唔算太貴。但感覺間舖既廚師冇咩熱誠，服務就中規中矩啦，可以更好銅鑼灣會有比佢更好既串燒店，佢既位置係一棟唐樓入面，成條樓梯都有垃圾，有好多煙頭等等，感覺唔太好，而且好似唔會有牌照既食市…勝在入面既設計幾特別，可以影下相咁樣啦。但下次應該不會再來…

野食幾好食，有不同既燒物小食： 一開席，免費送左碟「帶子邊」。店主以酒醃製烹調，愈食愈上癮。串燒牛肩肉， 雞皮，羊肉幾野味其他燒飯團必食最後重叫左個炸雞，d肉幾嫩滑最緊要係個環境，值得去睇下。

水準很高的串燒！當中以燒黑鱈魚最為出色鱈魚腩的油脂和燒味噌汁超夾，回味無窮。燒鮑魚好香酒味，很嫩口。燒帶子很香蒜蓉味～正啊超yummy的烤雞泡魚干另外燒雞全翼也超juicy及好味。明太子薯條及唐揚炸雞份量多又好食。其他燒物也很出色。餐廳裝修得很特別，好古色古香！餐廳環境超舒服，超chill。整晚超relax的。店內的員工很親切，很耐心地介紹店內的特色美食。服務很好，是一間值得再encore的餐廳。