影片
经过俾佢招牌豆花吸引咗叫咗一碗热豆花，豆腐花正常的，算唔错，但系放喺枱上面嘅姜汁糖水就略嫌一点姜味都冇。再叫咗一碟肠粉，同佢讲要多酱，佢用一个好愕然嘅态度，然后话 : 多酱？？要加一蚊咁都冇办法啦，肠粉唔多酱汁边会好食，所以照加。碟肠粉到咗，见到全部酱都系水汪汪，甜酱水汪汪、麻酱又系水汪汪，芝麻得几粒，豉油死咸，真系好失望，仲要俾佢加咗一蚊。虽然系平民小食，十蚊三条，但绝对唔需要沟水 🥲 而且店员态度亦都唔系好友善。
继续阅读
✨芝麻糊豆腐花（冷）就系冷豆腐花加上冷芝麻糊喺表面🖤其实我钟意芝麻糊系冻的（虽然会出现凝固嘅情况），芝麻糊好有芝麻香，配豆花食几特别.✨无糖豆浆（$10）呢间真好，有无糖、少糖、标准糖，我就钟意无糖豆浆。第一 冇咁罪恶感，第二 更加突出豆味🤍🤍
继续阅读
葵涌原来有间戏院，年初三赤口想睇戏，好奇下决定过来探索一下⋯⋯那间戏院，由于网上看不到售票情况，于是预早过去买票，买完戏票还有时间，决定四周行吓⋯⋯附近有间妈子豆花，决定小食一下。家庭式作业，相信是一家人，店名妈子豆花，相信是妈妈与儿子，以上只是笔者单方面想，未经证实⋯⋯喜欢看著挂上的餐单，以供选择。反观枱上的餐牌细细只字，较为失色⋯⋯开放式厨房看著妈子行来行去，这边厢煲海带绿豆沙，那边厢又在斟豆浆放入雪柜，忙个不停，言谈之间，无论豆腐、豆花、海带绿豆沙甚至腐乳都是自家制⋯⋯笔者一听到自家制腐乳，即时叮一声，决定买番屋企试。由于豆浆可以热无糖，正，天气冻冻哋，暖在心头。肠粉未见吸引，可能唔够热，质地韧韧，热啲可能更佳。自家制腐乳~细$25, 中$34, 大$60，笔者买了细的回家试。整体来说进食期间，有很多外卖都是豆腐花，相信必定是招牌项目，老板娘很有礼，看著她做海带绿豆沙很吸引，可惜今次吃饱饱，下次再过嚟试。
继续阅读
屋企樽腐乳刚好食晒，重游旧地，店铺依旧照常业😳，我马上叹碗豆花，望著阿姨接待客人如屋企人，这里依然系我认识既妈子豆花～🥢腐乳：入口软绵绵，豆味浓郁而咸味唔过份，有时谂唔到点调味就用佢👍🏻味道：🔅🔅🔅🔅新鲜：🔅🔅🔅🔅分量：🔅🔅🔅🔅卫生：🔅🔅🔅速度：🔅🔅🔅（5🔅为满分）
继续阅读
呢间真系葵涌石篱街坊糖水舖主打豆腐花、豆浆，有6款口味包括原味豆腐花、芝麻糊豆腐花、栗子红豆豆腐花、海带绿豆豆腐花、花奶豆腐花、胚芽豆腐花款式新颖，价钱合理原味豆腐花 $9 – $10 比较稳阵，夏天一定系拣冰冻豆腐花，冰感可以接受豆香几浓，疑似自己磨制但片得比较厚，质地有啲偏向厚实，尚算滑溜糖浆同姜糖就偏淡价钱就几平，属于街坊价芝麻糊豆腐花 $11 – $12 表面系黑芝麻粉芝麻粉溶咗变浆糊状，芝麻香唔够浓未算中伏程度，但味道奇怪无晒冻黑芝麻豆腐花，热食拎到返去需要放入冰箱先得，雪完变室温除咗豆腐花，亦有少量小食牛肉球 $5 – $9 质感黏口，适合配搭辣油或喼汁基本同茶楼牛肉球差唔多，但价钱平一半有多饮品有原味豆浆、黑芝麻豆浆、胚芽豆浆3款胚芽豆浆 $12 就于原味豆浆中加入胚芽不过胚芽沉晒底，饮之前最好先摇匀豆浆本身有豆香味，觉得原味比加入胚芽更清甜
继续阅读