媽咪雞蛋仔

营业中

休息中

雖然媽咪雞蛋仔比其他小店的價格比較高，但我很喜歡他的特色味道，特別是金沙醬格仔餅和香蕉朱古力味的雞蛋仔，味道非常特別。不過如果可以當然是堂食比較好，因為一定會比較香脆和熱辣辣香噴噴。但是因為我們買給哥哥的關係，一定要外賣回家所以當我們回家打開包裝的時候，總會和本身的外賣有點落差，但是味道仍然相當好。我們今次也是選擇了金莎醬原味的格仔餅，因為金沙醬有咬口，朱古力味又香濃。總括而言，媽咪雞蛋仔的店舖感覺都是比較生，和服務比較好，但當然價錢會比較貴。但是普通元朗小店的雞蛋仔可能只需要$10便有交易，但是感覺上衛生不太理想。

咩而家買雞蛋仔都要做個調查，先買得？叫左朱古雞蛋仔事因之前只係叫過原味，佢地用紙袋裝原味。咁我咪覺得都係用紙袋裝返扲嘅時候見到佢比左紙盒，問佢可唔可以轉紙袋因為我想即刻食。店員一野就問點解我唔係落單嘅時候講，不停係到話搞到佢浪費左個紙盒，態度好似我錯囇咁？？？？😅下，而家點知你用紙盒裝姐。 我都係換個紙袋姐，我又唔係換過隻味？下次真心你覺得換袋呢啲係Extra，你咪統一返外賣包裝囉⋯⋯唔該唔好搵客黎出氣。

自從元朗天水圍有「媽咪雞蛋仔」！新界西人終於有口福啦😀今次經過，同女女一齊買咗一份雞蛋仔食以前年代，買一底雞蛋仔都要等好耐，因為舖頭太出名，太多客人落單！現在有了手機落單，有晒時間預算！真心方便好多🥹🥹🥹今次我哋揀了「媽咪朱古力粒粒雞蛋仔」😀裏面好多朱古力粒粒，毫不吝嗇🥰雞蛋仔剛出爐，熱辣辣，朱古力處於半溶狀態實在太滋味啦！！🤤🤤🤤🤤不過我女女話，雖然朱古力味好好味！但係都係鍾意最經典嘅原味😍

去咗元朗最大嘅商場YOHO MALL行街同做嘢，見到新商場開咗媽咪雞蛋仔梗係要即時去試一試啦見到有新口味，抹茶黑糖麻糬雞蛋仔唔使諗就你啦！$53係有少少貴但我相信媽咪嘅品質應該就有保證嘅門面好光猛裝修都好靚地方大咗好多，但睇落好似唔多實用同埋有少少隱蔽行過唔留心就會Miss咗望吓嘢睇吓嘢大概6到7分鐘到就拎到我哋雞蛋仔啦果然好味道依然都係外脆內軟好大抵有重量幾乎每一粒入邊都有麻糬響度煙煙韌韌咁幾好食值得一讚嘅係店員好好禮貌，店員出餐俾我哋每一個客人都會同我哋講多謝感覺好窩心☺️食吓食吓唔覺唔覺就食晒啦，見到佢哋有部咖啡機響度等下次都買返杯試吓先

屋企人住元朗咁梗係要行下加點呢個新商場啦商場入面好多餐廳美食等緊大家去試下，最注目嘅就係媽咪雞蛋仔，係由元點往加點嘅天橋嘅時間右手邊方向，一見到就即刻買番兩底嚟食先！抹茶雞蛋仔賣相好靚，睇到就知店員唔馬虎，佢哋落左好多抹茶醬去整，整體茶味濃郁，唔會太甜，仲有回甘味，抹茶控嘅你係必定要叫嚟試下！香蕉朱古力雞蛋仔媽咪雞蛋仔真係一啲都唔孤寒，香蕉份量十足，每一粒雞蛋仔都有香蕉蓉，食落去有口感同朱古力醬真係絕配，難怪現場其他客人都叫嚟食，真係好用心嘅製作。值得一試！

呢個朱古力雞蛋仔真係一絕!首先,雞蛋仔皮脆內軟,煙韌有嚼勁。配上濃濃的朱古力醬,巧克力香氣四溢,令人垂涎欲滴。最吸引嘅係,朱古力醬流心嫩滑,一口咬落就會有濃醇朱古力流出,極之誘人。配襯雞蛋仔嘅鬆軟口感,簡直係完美組合。對於愛吃甜品嘅香港人黎講,呢個朱古力雞蛋仔絕對係一個唔能錯過嘅美食。性價比超高,好味又爽口,堪稱經典!

我一向都係媽咪雞蛋仔嘅fans超愛佢哋嘅朱古力香蕉口味同原味以前喺灣仔英皇附近返工成日都同同事落去買每一次買都好掙扎㗎因為喺街邊鋪等有時真係等好鬼耐灣仔嗰間又成日得一個姨姨喺度做嘢今日路過元朗見到新商場嗰邊開咗媽咪雞蛋仔簡直係超開心終於唔使喺街邊等等吓可以涼住冷氣等食雞蛋仔啦！舖頭用咗好鮮色嘅黃色同藍色幾搶眼入邊好細冇位坐嘅所以主打都係外賣今次我就試咗佢哋嘅檸檬芝士味支持下新店所以食得豪華啲咁樣一底雞蛋仔都$41都咪話唔貴呀等咗好似大概都7至8分鐘出到嚟的確熱辣辣嘅但唔知到底係商場冷氣太大定還是我今次揀嘅口味嘅問題行到去地鐵站成個雞蛋仔已經黐埋一餅入邊變得好硬啲芝士真係變咗泥膠咁搞到成件事好唔enjoy唯一比較好就係個packing 靚咗