媽咪雞蛋仔

营业中

休息中

唔明點解，香港又熱又焗、明明係落完雨，都要熱到呼吸困難總係有一層熱氣圍住你。經過九龍灣淘大，見到媽咪雞蛋仔就梗係幫襯吓，因為我係正牌粉絲，哈哈。最後試咗個益力多沙冰，正呀喂，推介大家要試，尤其係咁嘅天氣，隊杯沙冰成個人爽晒。話時話、呢間媽咪幾好喎，冇乜人又唔使等，下次經過可以試第二樣。今日就太焗，個人冇乜胃口，就唔食嘢住了。不過見到Menu有個腐乳雞蛋仔😂見到個名都想笑，我一向沙膽，下次經過一定要試 。

每次路過都會買底食吓，雙重芝士、媽咪朱古力、新鮮香蕉（啱哂阿仔食）、黑糖麻糬都係必食（口感豐富）、原味唔太甜，外脆內軟，呢幾味仲未食厭，仲有其他口味想試，太吸引，無冰凍檸茶酸甜可口（無冰呢吓真貼心❤️，18+22飲有冰飲品係會飲完唔舒服），益力多沙冰（爸爸最愛）睇戲前仲可以online落定Order😋😋，喺佐敦谷泳池玩完水，又可以食一底，有時餓餓哋又可以整件格仔餅🤭🤭，照顧哂我哋為食嘅一家三口

以星期日來講，排隊不算太久，大概10分鐘就可以拿到雞蛋仔，但成品結果令我大失所望。。。。。。點了一個原味雞蛋仔，這可算是我吃過最難吃的雞蛋仔，完全沒有雞蛋味，放了很久還是很脆。脆得像吃餅乾一樣，這不是雞蛋仔，而是餅乾。吃過其他分店的雞蛋仔，沒有這個那麼難吃。九龍灣這間分店之前剛開舖的頭幾個月也很多人排隊，現在看到越來越少人排隊，可見他的品質已經大不如前。如果是店員失手，也不應該拿失敗了的成品給顧客吃，影響店舖招牌！

上次食咗朱古力雞蛋仔，今次因為已經食咗午餐，個肚已經飽飽地，所以就order原味雞蛋仔，light啲 冇咁滯原味雞蛋仔同以前一樣咁好味，蛋漿好有蛋香，而且好滑口；烹煮時間都拿捏得好好，令到雞蛋仔一邊鬆軟一邊脆口，係好正宗嘅雞蛋仔其實呢度雞蛋仔，仲有好多唔同嘅味道，咸台甜甜嘅都有、有機會試完再同大家匯報一下食後感

媽咪雞蛋仔又有新分店，呢次「媽咪」選擇落戶 #淘大商場🏬 雖然自從開幕之後，呢到任何時間都人頭湧湧，但身為 #雞蛋仔 粉絲嘅Zaza，當然要去惠顧一下啦😎同其他分店一樣，雞蛋仔質素有保證，一面脆口，另一面就呈現蛋糕嘅柔軟口感👍🏻今次我哋order咗朱古力雞蛋仔，朱古力粒粒遍布整個雞蛋仔，每一啖都可以品嚐到雞蛋仔嘅蛋香同埋朱古力甜味#媽咪雞蛋仔 （淘大分店）⏰營業時間：星期一至日 1200-2200📍地址：九龍灣牛頭角道77號淘大商場第三期G284號舖 (港鐵九龍灣站B出口)

好吾掂… 點解同一個品牌 都可以甘差我係一個雞蛋仔fans 會周圍食雞蛋仔媽咪一直都係榜首位置有信心嘅商店所以一開始開果陣食第一次諗住係新開張失手姐跟住隔一排再食第二次都係吾得😞我總共比左3 次機會！☹️☹️😭但3 次都係吾脆架😭😭😭之前一直周圍同朋友講「而家既北角雞蛋仔都冇媽咪咁好食」最重要既point 係媽咪keep住整得好脆又吾甜但呢間係…… ！失望到極點！一開始唔信所以我先至俾咗三次機會跟住今日食左間好食既先至忍吾住要嚟打評論 希望呢間媽咪你有睇到會研究下發生咩事先會咁…但係原諒我真係冇影到相😞

九龍灣終於開雞蛋仔，仲要係媽咪雞蛋仔！講真食過咁多次，佢都係味道唔錯！🍴抹茶格仔餅 $33 (7.5/10)格仔餅好大件，起碼成一吋厚，咬落去香脆帶少少煙靭感，有微微嘅抹茶香，入邊有花生醬煉奶糖牛油，成件事非常之邪惡！推薦指數: 7.5/10叫咗格仔餅，大概等10分鐘就有得食，一定要趁熱食，九龍灣嘅街坊有福了。

等候需10分鐘，reasonable , 取餐時3個店員都躲到後場，就算其中一個店員看到我，我亦有示意攞餐，佢也視而不見，我喺counter 大聲叫左2次先有人出嚟俾餐我。買了一個麻辣肉鬆口味雞蛋，一拎上手係凍既，但我更驚訝係整個都是冧的，沒有脆感，連邊邊角角都唔脆，成個雞蛋仔也沒有蛋香，更沒有肉鬆味道，除了辣味什麼都沒有，我曾經試過其他分店不一樣，起碼雞蛋仔是脆，我由落單到取餐到手上不超過15分鐘，唔應該係呢個口感，絕不建議光顧 😤

淘大廣場最近新開咗大名鼎鼎嘅媽咪雞蛋仔地點就腳 原味雞蛋仔價錢亦只係$20做緊新店優惠免費升級朱古力味客人非常之多俾錢之後閒閒哋都要等10分鐘舖嘅右手邊係透明玻璃位印象中有4部雞蛋仔爐店員相當熟手倒滿蛋漿 冚蓋後即時翻面將旁邊多餘嘅邊邊剷走然後用鐵籤將熟咗嘅雞蛋仔放上拱型嘅膠片上即時放喺風機前面吹涼客如輪轉嘅同時 整雞蛋仔嘅速度亦好快 好流暢我好欣賞店舖嘅衛生意識好足夠（成個流程都唔係用手去直接接觸塊雞蛋仔）有時買街邊嘅雞蛋仔食都幾驚姨姨隻手掂完嘅錢嘅手再掂個雞蛋仔俾我好怕病 haha 本人有少少潔癖最滿意嘅地方係 佢哋嘅雞蛋仔做到粒粒飽滿 靚靚仔仔 又有口感 脆軟兼備可見蛋漿、硬件同埋職員嘅技術非常高超裡面嘅朱古力粒粒 甜度適中 大力推介 $20性價比相當高以後路過就想買一包食