如火如茶 (已結業)

最近見到屋企附近開了間新開的飲品店，就趁星期六吃過午飯後去飲一飲特色飲品！餐廳的名字都頗特別，初初看以為是「如火如荼」，原來是「如火如茶」🤣🤣🤣店內好企理，飲品選擇都多，店員亦好好服務同有禮貌。鮮奶朱古力盆栽賣相特別，可以打卡之餘幾好飲。上面是oreo粒粒，配上下面好香滑的鮮奶，還可以自己選甜度和冰量，幾好飲☺️另外杯特濃榛子咖啡麥芽奶昔就好夠凍，咖啡味香，好解暑！下次要再來飲其他款色飲品～

話說屋企附近開咗間新嘅茶飲店叫如火如茶（唔係如火如荼🤪🤣）呢日經過就試試佢，呢度用日式茶飲嘅概念crossover台式茶飲，有大路嘅純茶、奶茶、黑糖鮮奶之外仲有日式鮮奶抹茶系列、麥芽奶昔同靚靚嘅盆栽系列。茉莉綠研+桂花桂圓凍（無糖）叫咗呢款超天然清新嘅茶加自家製茶凍，呢個系列建議叫微糖或者無糖突出茶凍味道，我叫咗無糖真係好pure好true🤣飲落淡淡綠茶香，仲啜到粒粒茶凍。底下夾雜咗好多桂花同桂圓，真材實料，夏天飲爽得嚟又養生😍人均消費：$30推介指數（10分為滿分）：8分

夏日炎炎，要飲返兩杯....茶🥤外賣咗兩杯今次介紹你哋飲新開嘅本地茶飲品牌【如火如茶】位於北角&炮台山中間，係和富中心對面，嚟開呢邊朋友要試返杯😋我飲咗自家手工芋泥鮮奶&茉莉綠妍蜂蜜碟豆花凍🔸 自家手工芋泥鮮奶$40每日限量發售，手工芋泥好新鮮，入口即溶，但又有芋頭嘅咬口，而且勁香勁濃嘅芋頭味，加上用鮮奶去調配，好creamy🔸 茉莉綠妍蜂蜜碟豆花凍$35佢係純茶花凍系列，茶飲再配合啲啫喱果凍，好豐富的口感！我呢個係碟豆花凍，淡淡地唔係好甜，我喜歡！

北角新開咗間手調飲品舖「如火如茶」，白底黑字簡約裝修，感覺好有打卡Cafe feel😍 見到工作空間都幾乾淨企理。員工態度親切友善😙台南黑芝麻鮮奶抹茶 小杯$32 我叫咗呢杯，鮮奶加咗芋圓好似好飲啲😄 頂頂有層cream，入口滿滿黑芝麻香味，加上鮮奶豐厚口感，同濃郁抹茶，味道幾夾，幾好飲😍 芋圓量都幾多，煙煙韌韌口感幾正😍 古早味黑糖仙草鮮奶茶 大杯 $35大杯大好多，只係加$3😄 可以選擇紅茶或者綠茶。呢杯賣相靚啲，可以用黎打卡😃 店員好細心提我地搖勻先飲。黑糖味濃郁，加上仙草滑脫脫嘅口感真係冇得彈🤣

放假去左北角和富中心行街，行到攰想買杯野飲，見到附近新開左間飲品店，叫「如火如茶」，都唔少街坊幫襯。飲品選擇種類頗多，有齊鮮奶抹茶、麥芽奶昔、沙冰、梳打、養生系列等，最特別係有盆栽系列同埋純花X花凍。最後揀左店長推介飲品，分別係自家手工芋泥鮮奶(加小芋圓)、台南黑芝麻鮮奶抹茶。自家手工芋泥鮮奶(加小芋圓)日日新鮮手工煮製既芋泥，口感特別綿密唔會有顆粒感，飲落香甜滑順，搭配濃醇鮮奶、加埋煙韌有嚼勁小芋圓，口感層次豐富，難怪為招牌之一。台南黑芝麻鮮奶抹茶醇香抹茶配濃郁台南黑芝麻，兩者完美融合，效果出奇地夾，再配以溫順鮮奶，口感相當綿滑，獨特清新配搭相當有驚喜!值得一讚係店員親切有禮又友善，而且會細心推介飲品比客人，期待下次試試純花X花凍系列!

作為東區之友 喺港島東瘋狂覓食已成習慣！今日喺和富中心附近行街 先發現原來和富到開左間台灣飲品店👏🏻店舖裝修行純白木系小清新風格 亦有一啲泰式梳打水玻璃樽裝飾👍🏻哩間新店最特別嘅地方就係選擇極多 有十大系列 搞到肥Glor都忍唔住要試試新野！·自家手工紫薯鮮奶（限量-大杯）$40杯嘅內壁黏附住大量紫薯 形成自然花紋 充滿少女心💜飲落非常足料 淡淡都有紫薯粒 配合軟滑香甜嘅牛奶 再加上紫薯有抗氧化作用 強烈推薦比咁多位靚女sss！·台南黑芝麻鮮奶抹茶（大杯）$35哩杯抹茶牛奶非常有驚喜 抹茶味濃郁清新 陣味唔會好假 配以滑溜鮮奶同大量香濃嘅芝麻粒 搞到肥Glor飲到停唔到口啊👍🏻#𝙛𝙚𝙞𝙜𝙡𝙤𝙧_𝙚𝙖𝙩📍 如火如茶 (北角)北角和富道20-36號明暉大廈地下1號舖

公司附近開了一間新小清新茶飲店, 純茶款選擇多, 亦有奶茶、梳打、沙冰等系列供選擇。《純茶 x 花凍系列》茶底選擇了阿里山烏龍, 再配蜂蜜蝶豆花凍。花凍本身有固定甜度, 所以可以選擇微糖。茶味清香, 甘醇與順口, 喝起來很舒服。花凍有蜂蜜的甜味, 口感爽滑。茉莉綠妍配桂花桂圓凍茶葉與茉莉花結合, 保留了綠茶的清香, 同時又有茉莉花的花香。茶味甘香, 幾滋味, 味道令人心曠神怡。桂花桂圓凍質地有點像蒟蒻, 夾著清淡的桂花香, 不太甜, 又清新。

“茉莉綠妍x洛神花凍(大杯)”($35)細個學如火如荼呢個成語嘅時候成日都會寫錯個荼字做茶字🤣估唔到今時今日真係可以名正言順寫如火如茶啦🤣講緊係呢間喺北角嘅茶飲小店😆小店主打日式同台式嘅茶飲概念比較特別嘅有鮮奶抹茶,麥芽奶昔,盆栽系列當然唔少得鮮奶,鮮奶茶想飲清啲仲有個純茶x花凍系列呢個系列可以自選茶底同花凍我就揀咗茉莉綠妍+洛神花凍☺因為花凍本身帶點甜味,所以舖頭建議微糖/無糖但身為甜王嘅我當然要返正常甜度啦😝綠茶飲落帶好香茉莉味,好清新☺特登配洛神花凍就係為咗個粉紅色💕花凍口感都十分滑溜😋天氣熱熱地飲呢杯真係好清爽😆下次嚟要試埋其他系列先🥰